<p>ლიტვაში დაბრუნებულმა 25 წლის ქართველმა თავდამსხმელმა პირველივე მატჩში დუბლი მიითვალა <br> <strong>გიორგი ალავერდაშვილის</strong> ამბავი ცნობილია: 25 წლის თავდამსხმელი კარიერას ისევ ლიტვაში გააგრძელებს.</p><p>ალავერდაშვილი დეკემბერში ლიტვის ჩემპიონატის მეექვსეადგილოსანი "ბანგადან" გაცილებით მაღალი დონის რუმინული ლიგის მესამეადგილოსან ტირგუ-ჟიუს "პანდურიში" გადავიდა. გიორგიმ ყურადღება ლიტვის ჩემპიონატში ჩატარებულ 15 შეხვედრაში 11 გოლით მიიქცია.</p><p>გუნდს თურქულ შეკრებაზეც ახლდა, "პანდურიისთან" საკონტროლო შეხვედრებიც ჩაატარა, მაგრამ შეკრების დროს <strong>პეტრე გრიგორაშის</strong> ნაცვლად, მთავარ მწვრთნელად, <strong>კრისტიან პუსტაი</strong> დანიშნეს და ყველაფერი აირია.</p><p><em>"კონტრაქტი ოფციონის წესით, 0,6+2 წლით გავაფორმე. ზაფხულში ახალ ხელშეკრულებაზე უნდა დაგველაპარაკა. ამასობაში შეკრებაზეც წავედი და გუნდთან ადაპტაციას გავდიოდი.</p><p>სერიოზული კონკურენტები მყავდა, უმრავლესობა თავისი</em><em> ქვეყნის ნაკრების წევრი ან კანდიდატი იყო</em><em>, მაგრამ მათთან კონკურენციის უნარი შემწევდა.</p><p>მერე მწვრთნელმა ერთ-ერთ პირველივე შეხვედრაში ნიჟნი ნოვგოროდის "ვოლგასთან" საყრდენ ნახევარმცველად დამაყენა. გაოგნებული დავრჩი, მეგონა, თარჯიმანს ეშლებოდა - რუსეთის ნაკრების ყოფილი ნახევარმცველის, ანდრეი კარიაკას აყვანა დამავალა.</p><p>მთელი მონდომებით ვითამაშე, შეხვედრაც 1:1 დასრულდა, მაგრამ ეს ჩემთვის იმდენად უჩვეულო პოზიცია იყო, ჯობდა, კარში ჩავეყენებინე.</p><p>ვხვდებოდი, გულზე არ ვეხატებოდი და ცდილობდა, რომ ვერ მეთამაშა, მაგრამ ვერ წარმოვიდგენდი, კონტრაქტს თუ გაწყვეტდნენ.</p><p>გუნდში თვე-ნახევარი ვიყავი. ვიზა სწორედ კონტრაქტის საფუძველზე ავიღე, მაგრამ მითხრეს, კონტრაქტი დარეგისტრირებული არ იყო და თანხა არ გეკუთვნისო. არადა, ხელშეკრულება 1-ელი იანვრიდან ამოქმედდა.</p><p>რომ შეიტყვეს, ფიფაში სარჩელის წარდგენას ვაპირებდი, მითხრეს, ჩამოდი, ძირითად გუნდთან აღარ იქნები, მაგრამ ახალ კლუბს ჩვენვე მოგიძებნითო.</p><p>აი, ასეთი საოცრებები ჩაიდინეს და ამ აფერისტებს რა უნდა შევარჩინო",</em> - ამბობს ალავერდაშვილი.</p><p>გიორგი ლიტვაში დაბრუნდა და "კრუოიაში" ჩაირიცხა, რომელმაც გასულ სეზონში მეოთხე ადგილი დაიკავა. პირველივე ტურში მისმა ახალმა გუნდმა გასვლაზე "ტაურასს" 2:1 მოუგო, გიორგიმ კი დუბლი მიითვალა.</p><p>სხვათა შორის, 2012 წელს "ბანგაში" ჩარიცხულმაც პირველი შეხვედრა "ტაურასის" წინააღმდეგ ჩაატარა და მაშინაც მეტოქის კარი ორჯერ აიღო:</p><p><em></p><p>"რუმინეთში უმაღლესში გადამსვლელ კლუბთან კონტრაქტი დამიდეს, მაგრამ მაგათთან ლაპარაკი აღარ მსურდა და ლიტვაში ფორმის შესანარჩუნებლად, "ბანგაზე" უკეთეს კლუბში დავბრუნდი.</p><p>მსურს, რაც შეიძლება მეტი გოლი გავიტანო და ზაფხულს ოპტიმალურ მდგომარეობაში შევხვდე. იმედია, მერე სადმე წავალ.</p><p>ჩემი მიზანია, რომ სანამ ამ გუნდში ვითამაშებ, ლიტვის ჩემპიონატის ბომბარდირი გავხდე და სელექციონერთა ყურადღება მივიქციო".</em></p><p>აშკარაა, რომ ქართველ ფეხბურთელებს იურიდიული დახმარება ესაჭიროებათ. თუ ამას დროულად არ მოევლება, ხვალ და ზეგ ყველას ეცოდინება, რომ ჩვენიანის დაჩაგვრა შერჩებათ და უფრო უარესად მოგვექცევიან.</p><p><strong>ყოველდღიური სპორტული გაზეთი "ლელო"</strong></p><p><span style="color: #ff0000;"><strong>ასევე იხილეთ:</strong></span></p><p><a href="/fexburti/qarthuli-fekhburthi/legionerebi/43229-giorgi-alaverdashvili-faqtia-evropelebs-qarthvelebis-didi-ndoba-ar-aqvth.html" target="_blank">გიორგი ალავერდაშვილი: ფაქტია, ევროპელებს ქართველების დიდი ნდობა არ აქვთ</a></p><p><a href="/fexburti/qarthuli-fekhburthi/legionerebi/38380-giorgi-alaverdashvilis-goli-litvashi-saukethesod-aghiares.html" target="_blank"> გიორგი ალავერდაშვილის გოლი ლიტვაში საუკეთესოდ აღიარეს</a></p>
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"
კვერნაძე პირველია - სერია A-ში გიორგის ყველაზე მეტი წარმატებული დრიბლინგი ჰქონდა
მოლაპარაკებები დასკვნით ეტაპზეა - პსჟ კვარაცხელიასა და გუნდის სხვა ლიდერებს კონტრაქტებს უხანგრძლივებს
შერმადინის "ტენერიფემ" ანდრონიკაშვილის "ანდორას" სტუმრად მოუგო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
სობოსლაი: ახლოს ვიყავი იმასთან, რომ საქართველოსთან არ მეთამაშა
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
ჩრდილოეთ ირლანდიამ უკრაინას მოუგო და გოლგაუშვებლად მიიწევს წინ
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა