<p>არ გვინდა, მომავალი შავბნელ ფერებში წარმოგიდგინოთ, მაგრამ ასე თუ გაგრძელდა, საქართველოში თამაშს მალე აღარავინ მოინდომებს <br> <span style="color: #888888;"><span style="font-size: x-small;"><em><strong> ფოტოზე: მურთაზ ჩანგელია (მარცხნივ)</strong></em></span></span></p><p>ლიტვაში ქართველების მორიგი "ბუდე" აღმოვაჩინეთ. ეს არის ლიტვის პირველი ლიგის "პალანგა", სადაც ოთხი ჩვენებური თამაშობს. ამბავი კი საკურორტო ქალაქ პალანგაში ზამთრის ტურნირის შედეგების გაცნობის დროს შევიტყვეთ.</p><p>"პალანგის ზამთრის თასს" ლიტვის ფეხბურთის ფედერაცია ყოველწლიურად ატარებს. მისი მიზანია, მომზადებაში ხელი შეეწყოთ გუნდებსა და ლიტვის 18 და 19-წლამდელთა ნაკრებებს.</p><p>ტურნირზე შედეგიანად ითამაშა "ზუგდიდის" ყოფილმა ფეხბურთელმა, 20 წლის <strong>მურთაზ ჩანგელიამ</strong>. საქართველოს 17 და 19-წლამდელთა ნაკრების ყოფილი თავდამსხმელი "პალანგაში" უკვე ჩაირიცხა.</p><p>"ერთი თვეა, რაც ლიტვაში ჩამოვედი. ჯერ "ბანგაში" ვემზადებოდი, მაგრამ შემდეგ "პალანგაში" გადავედი და კონტრაქტი ოფციონით (1+1) გავაფორმე.</p><p>გუნდმა ახალი ფეხბურთელები დაიმატა და მიზნად უმაღლეს ლიგაში გადასვლა დაგვისახეს.</p><p>რომ ვთქვა, მაღალი დონის კლუბში ჩავირიცხეო, ტყუილი იქნება, მაგრამ საქმეც ისაა, რომ ლიტვაში გაცილებით მეტი პერსპექტივა დავინახე, ვიდრე საქართველოში - ევროპელები აქაურ თამაშებზე ხშირად ჩამოდიან და ფეხბურთელებს აკვირდებიან. თანაც, პალანგელები საკმაოდ პერსპექტიულ გუნდს აყალიბებენ.</p><p>აქაური ფეხბურთი ძალისმიერ თამაშზეა აწყობილი და ფიზიკურად კარგად გვამზადებენ. მე კი ეს ძალიან მჭირდებოდა. პირველი ლიგის გუნდის კვალობაზე საკმაოდ კარგი მოსამზადებელი პირობებია და მიმაჩნია, რომ ტრამპლინად გამომადგება.</p><p>სამი კვირაა, რაც გუნდში ვარ და მითხრეს კიდეც, თუ ასე გააგრძელებ, უმაღლესი ლიგის ამბიციურ კლუბში გადაგიყვანენო. არ ვტრაბახობ, თავად თქვეს, ლიტვაში თავდამსხმელების დეფიციტია და ძლივს გვეღირსა ნორმალური ფორვარდიო.</p><p>ვნახოთ, რა იქნება, მე კი იმედიანად ვარ.</p><p>გუნდში კიდევ სამი ქართველია - <strong>ცოტნე ჩანგსელიანი, ლაშა ქებაძე</strong> და <strong>გიორგი გიორგაძე</strong>. ეს სხვა ლაშა ქებაძეა.</p><p>ჩვენ პალანგის თასის ნახევარფინალამდე გავაღწიეთ და მიმაჩნია, რომ ურიგოდ არ მითამაშია, გოლებიც გავიტანე და საგოლე გადაცემებიც ჩავიწერე. ამ ტურნირით მოსამზადებელი ეტაპი დავასრულეთ და მალე ჩემპიონატიც დაიწყება", - ამბობს ჩანგელია.</p><p>ვფიქრობთ, ამ ახალგაზრდა მოთამაშის მონათხრობი დასაფიქრებელი უნდა იყოს. რა აიძულებს ქართველ ფეხბურთელებს, წავიდნენ იმ ქვეყნის გუნდებში, სადაც საკმაოდ დაბალ ხელფასებს იღებენ და მაღალი დონეც არ არის? მხოლოდ ლიტვაში (თუ სხვა ქვეყნებში) არსებული უკეთესი მოსამზადებელი პირობები თუ ისიც, რომ საქართველოში საკლუბო ფეხბურთის პერსპექტივას ვერ ხედავენ?</p><p>არ გვინდა, მომავალი შავბნელ ფერებში წარმოგიდგინოთ, მაგრამ ასე თუ გაგრძელდა, საქართველოში თამაშს მალე აღარავინ მოინდომებს.</p><p><em>ოთხი ქართველი პალანგაში (იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
nati86
ჩანქსელიანი და არა ჩანგსელიანი :))ცოტნე.
მედეა სურგულაძე
ამ ოთხიდან ერთი ცოტნე ჩანქსელიანი ჩემი დიშვილია,ფეხბურთზე უზომოდ შეყვარებული...ფეხბურთი მისი ცხოვრებაა...მაგრამ საქართველოში რომ აღმოგაჩინონ რომელიმე უცხოურ კლუბში უნდა თამაშობდე...ეს მწარე რეალობაა!
dudu
დახატოთ - არ დახატოთ რა შუაშია? რაც არი, ის თქვით. კერძოდ, 17-19 წლის ნიჭიერ ფეხბურთელებს აქ პერსპექტივა არა აქვთ! 2-3 კლუბია მხოლოდ, სადაც გაზონი, ბურთთი და შხაფი არაა სანატრელი. ექიმზე, ხელფასზე და ა. შ. აღარ ვლაპარაკობ. და რამდენ ახალგაზრდას აიყვანენ ეს კლუბები ყოველწლიურად? და დანარჩენებმა რა ქნან? ან თავი უნდა დაანებონ, ან ლიტვის ქვედა ლიგაში უნდა წავიდნენ. ეგაა და ეგ. ეხლა გინდა ჩაამუქეთ, გინდა ჩააბნელეთ.
"კვარა" ისევ როტაციაში და ორი მნიშვნელოვანი მატჩი პარალელურად
კონფერენს ლიგა: მექვაბიშვილმა სომხურ "ნოასთან" საგოლე გადაცემა გააკეთა
კიტეიშვილის "შტურმი" ოთხი გამარჯვების შემდეგ "სელტიკთან" დამარცხდა
შენგელიას 13 ქულა და "ბარსელონას" საშინაო მარცხი "ჟალგირისთან"
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"თოფურია ყალბია. ის ქართველიც კი არ არის, გერმანიაში დაიბადა და გერმანელია" - პიმბლეტმა Marca-ს ეთერიდან თოფურია გამოიწვია
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს