<p><span style="line-height: 1.3em;" />ძიუდო. სამსუნის ტურნირი <br> </span>შაბათს სამსუნში "დიდი პრიზის" მორიგი ტურნირი იწყება, რომელსაც თურქეთი პირველად მასპინძლობს. მასში ჩვენი ვაჟთა ნაკრები გადახალისებული შემადგენლობით გამოვა, ქალებში კი ერთი მონაწილე გვეყოლება - მძიმეწონოსანი <strong>ირინე ლეონიძე</strong>. პარასკევ საღამოს გაირკვნენ მათი მეტოქეები.</p><p>60 კილოგრამში <strong>გიორგი ბროლაშვილი</strong> პირველივე წრეში საკმაოდ უხერხულ მეტოქეს, მონღოლ <strong>ამარტუვშინ დაშდაავას </strong>ხვდება, <strong>პაატა მერებაშვილი</strong> - უკრაინელ <strong>დენის ბილიჩენკოს</strong>. დაშდაავა ჯერჯერობით უტიტულოა, მაგრამ არაა ურიგო მოჭიდავე. თან ბროლაშვილიც გამოუცდელია, მერებაშვილი კი ძლიერ ჯგუფშია - უკრაინელთან წარმატების შემთხვევაში, შესაძლოა, მეორე წრეში ძლიერი ებრაელი <strong>არტიომ არშანსკი</strong> შეხვდეს. მის სიახლოვესაა ჩვენი ტურნირის წლევანდელი ვიცე-ჩემპიონი, ყაზახი <strong>იელდოშ სმეტოვი</strong>, ვინც კარიერაში მხოლოდ სამ ქართველს შეხვედრია - თავად მერებაშვილს, <strong>ვაჟა მარგველაშვილს, ამირან პაპინაშვილს</strong> და და ყველასთან მოუგია. რუსეთის სახელით მოჭიდავე <strong>რობერტ მშვიდობაძე</strong> ბროლაშვილის ბადეშია.</p><p>66-ში შალვა ქარდავა ებრაელ <strong>გოლან პოლაცკისთან</strong> დაწყვილდა, მეოთხედფინალის გზაზე კი ტიტულოვანთაგან ქვედა წონიდან ამონაცვლებული იტალიელი მსოფლიოს პრიზიორი <strong>ელიო ვერდე </strong>და ახალგაზრდებში სახელდაგდებული რუსი <strong>კამალ ხან-მაგომედოვი </strong>ელოდებიან. <strong>თორნიკე თათარაშვილი </strong>კიდევ უფრო მძიმე ბადეშია - თავიდან სომეხი ევროპის ჩემპიონი <strong>არმენ ნაზარიანი</strong>, მას თუ გასცდება და აზერნბაიჯანელი მსოფლიოს პრიზიორი <strong>ნიჯატ შიხალიზადე</strong>!</p><p><strong>ზებედა რეხვიაშვილს</strong> (73) წილისყრამ პირველივე ეტაპზე მეტოქედ უნგრელი <strong>ატილა უნგვარი </strong>არგუნა,<strong> არსენ მაჭარაშვილს</strong> - სლოვენიელი იგორ პოტპარაცი. 81 კილოგრამში ორი მონაწილე გვყავს და პირველ წრეში ორივე თავისუფალია, მეორეში კი <strong>ლაშა ზურაბიანი</strong> თურქ <strong>აჰმეტ სარის</strong> ხვდება,<strong> იოსებ ჩილინდრიშვილი</strong> - იტალიელ <strong>მასიმილიანო კაროლოს</strong>. 90-ში გუნდის მთავარმა მწვრთნელმა <strong>ირაკლი უზნაძემ </strong>მხოლოდ <strong>ზვიად გოგოჭური</strong> წაიყვანა და ისიც მეორე წრიდან ჩაებმება შეჯიბრებაში, ოღონდ მისი მეტოქე ჯერ არაა ცნობილი, ჰოლანდიელ მსოფლიოს ჩემპიონ <strong>ხილიიომ ელმონტისა</strong> და ეგვიპტელი <strong>ჰატემ აბდ ელ აკერის </strong>პაექრობაში გაირკვევა. ბადის ამავე ნაწილშია თბილისის ტურნირის წლევანდელი აზერბაიჯანელი გამარჯვებული <strong>შეხმან მაგომედოვიც</strong>.</p><p>ჩვენს ნაკრებში ყველაზე პრობლემური 100 კილოგრამია, სადაც ლიდერიც კი არაა გამოვლენილი. ამიტომ უზნაძე იქ ორივე კანდიდატს ცდის - <strong>დავით ლორიაშვილი</strong> თავიდან ძლიერ უკრაინელ <strong>არტემ ბლოშენკოს </strong>ხვდება, <strong>ლომერ ჟორჟოლიანი</strong> კი პირველ წრეში თავისუფალია. მის პირველ მოწინააღმდეგეს თურქი <strong>ერდალ ბაგაჩისა </strong>და უკრაინელ <strong>დმიტრო ლუჩინის </strong>პაექრობა გამოავლენს.</p><p>ჟორჟოლიანის მხარეს ეგვიპტელი მსოფლიოს პრიზიორი <strong>რამადან დარვიში</strong>, ვისთანაც 2011 წელს მსოფლიოს პირველობაზე წააგო, მაგრამ ლორიაშვილი ბევრად ცუდ ბადეშია - ჩეხი მსოფლიოს პრიზიორი <strong>ლუკაშ კრპალეკი</strong> (ამას მეორე წრეში შეხვდება, უკრაინელს თუ მოუგებს), აზერბაიჯანელი ევროპის პრიზიორი <strong>ელმარ გასიმოვი</strong>, ჰოლანდიელი ევროპის ჩემპიონი, ორ-ორგზის მსოფლიოს ვერცხლისა და ოლიმპიური ბრინჯაოს მფლობელი <strong>ხენკ ხროლი</strong>...</p><p>მძიმე წონაშიც ერთი კაცი გვყავს - <strong>ონისე ბუღაძე</strong>, რომელიც საწყის ეტაპზე უზბეკ <strong>ელიორ მაშარიპოვს </strong>ხვდება, მასთან წარმატების შემთხვევაში კი ბელარუსი ოლიმპიური ჩემპიონი <strong>იჰარ მაკარაუ</strong> ელოდება.</p><p>ირინა ლეონიძე პირველ წრეში თავისუფალია, პირველ ორთაბრძოლას კი თურქ <strong>კუბრა კარას</strong> და რუს <strong>ანაიდ მხითარიანს</strong> შორის გამარჯვებულთან გამართავს.</p><p>შეგახსენებთ, რომ ამ ტურნირის შედეგებით საბოლოოდ დაკომპლექტდება აპრილის ბოლოს ბუდაპეშტში, ევროპის პირველობაზე წამსვლელი გუნდი. შეჯიბრების დასრულების შემდეგ ამ ფალავანთა ნაწილი გერმანიაში გადავა ერთობლივ შეკრებაზე, სადაც მათ თბილისიდანაც შეუერთდებიან ლიდერები.</p><p><strong>ყოველდღიური სპორტული გაზეთი "ლელო"</strong></p>
ისტორიაში პირველად - საქართველოს პარაძიუდოისტთა ნაკრები ევროპის ჩემპიონია
ფულადი ჯილდო და ეროვნული ორდენები - პრემიერმა ძიუდოისტთა ნაკრები დააჯილდოვა
"ქართველები და საუკეთესოები ვართ!" - ბექაურის კომენტარი და ოლიმპიადის საიტი საქართველოს ნაკრების მსოფლიო ჩემპიონობაზე
ევროპალიგაზე "მიდტიულანდთან" სენსაციური მარცხი შემდეგ "ნოტინგემის" ფანები პოსტეკოღლუს გათავისუფლებას ითხოვენ
ვსა-მ დუდუ დადიანის თასი ზედიზედ მეორედ მოიგო
20 წლამდელთა ნაკრებს ვიტო კოლელიშვილი ჩაიბარებს
[VIDEO] კიტეიშვილი დაბრუნდა და "რეინჯერსს" გაუტანა
The Athletic: ალისონის ტრავმა ნავარაუდევზე სერიოზული აღმოჩნდა - მამარდაშვილს შანსი და გამოცდა ელის
კვერნაძე ერთმატჩიანი დისკვალიფიკაციით დასაჯეს
"დე ბრუინი ლეგენდაა, ყოველთვის ვიცი, რომ თუ გავიხსნები, მიპოვის" - ჰოილუნი
"ისინი უპატივცემულოდ მომექცნენ" - ანტონიმ "მანჩესტერ იუნაიტედი" გააკრიტიკა
"ეს ერთადერთი რამაა, რისიც მეშინია" - ერლინ ჰოლანის გულახდილი ინტერვიუ
"ჯერ კიდევ ვერ ვიჯერებ, რომ ჩვენთან თამაშობს" - როგორ ეხმაურებიან მიქაუტაძის თამაშს სოციალურ ქსელში?
ქოჩორაშვილი არ ათამაშეს - "სპორტინგი" "ნაპოლისთან" დამარცხდა
[VIDEO] მიქაუტაძემ "იუვენტუსს" გაუტანა - "ვილიარეალმა" და "იუვემ" ქულები გაიყვეს
[VIDEO] აი, გუნდი - პსჟ-მ ლიდერების გარეშეც კი მოუგო სტუმრად "ბარსელონას"!
[VIDEO] თბილისის "დინამოს" ახალგაზრდული გუნდი ჩემპიონთა ლიგის მეორე ეტაპზე გავიდა
[VIDEO] სადებიუტო გოლი ჩემპიონთა ლიგაზე - მიქაუტაძემ "იუვენტუსს" გაუტანა!
ეს მოხდა ბაქოში - "ყარაბაღმა" ისევ გაიმარჯვა და ჩემპიონთა ლიგის ლიდერებშია
ჩემპიონთა ლიგა: მიქაუტაძე სასტარტოშია - ქოჩორაშვილი სათადარიგოა
This Is Anfield: საბედნიეროდ "ლივერპულს" მამარდაშვილის სახით ალისონის მემკვიდრე ჰყავს - რამდენ ხანს იუქმებს ბრაზილიელი?
"რეალთან" 0:5-ის შემდეგ "კაირატის" მეკარე ავტომობილით დააჯილდოეს
ბაჩუკი ჭუმბაძე - ინგლისური გამოცდილებით ნოემბრის ტესტებისთვის