<p>საქართველოს ჩემპიონატი. უმაღლესი ლიგა. XXV ტური. 1-6 ადგილები <br> რა სატურნირო მდგომარეობასა და როგორ სპორტულ ფორმაშიც უნდა იყოს, ჩემპიონი მაინც ჩემპიონია. ამიტომაც მასთან თამაშს ყველა დიდი მონდომებით და სიფრთხილით ეკიდება, მით უმეტეს, როცა მოწინააღმდეგეზე მეტი აქვს დასაკარგი.</p><p>ამან განაპირობა "ჩიხურას" თავდაცვითი ტაქტიკა, რაც, ამ მიზეზებს გარდა, ტრავმირებული <strong>კირკიტაძისა</strong> და <strong>დიღმელაშვილის</strong> დანაკლისითაც იყო განპირობებული.</p><p>უნდა ითქვას, რომ, თუმცა მასპინძელთა გუნდმა მთელი შეხვედრა, გარდა, პირველი სამი წუთისა, ბეწვის ხიდზე გაიარა, მაინც გაამართლა <strong>ფრუიძის</strong> ტაქტიკამ: მატჩის მესამე წუთზე ერთადერთი გატანილი გოლი გადამწყვეტი აღმოჩნდა.</p><p>ეს კი ასე მოხდა: პირველივე წუთზე საჩხერელების ნაკუთხურალი მცველებმა გამოიტანეს, მაგრამ საჯარიმო მოედნის გარეთ დაჯარიმდნენ.</p><p><strong>კვასხვაძის</strong> დარტყმა "კედელმა" აისხლიტა და რთულ მდგომარეობაში მყოფ <strong>ოდიკაძეს</strong> მიუგორდა ბურთი.</p><p>"ჩიხურას" დაცვის (და არამარტო დაცვის) ბურჯი შესანიშნავად გაერკვა სიტუაციაში და "ცხრიანში" ჩაუხვია ოდნავ წინ გამოსულ ზესტაფონელთა გოლკიპერს.</p><p><p><div id="2252" class="ws_video" style="width: 150px; text-align: center; font-weight: bold; border: 1px solid; margin: 0px auto;"><span style="padding: 2px; display: block; color: #990000; font-size: 14px;">Video</span><img src="/media/images/videomanager/videoimages/http:/video.ambebi.ge/files/2013/03-31/chikhura-zestafoni-0-1qtp.jpg" border="0" alt="Sportall.Ge" title="ჩიხურა-ზესტაფონი 1:0 - ბეწვის ხიდზე [VIDEO]" /></p><p><span style="padding: 2px; display: block;">30.03.13. ჩიხურა - ზესტაფონი 1:0</span></div></p></p><p><img src="pictures/artimages/image16/4f2fb1b0b325735ea1674e82c9d04975.jpg" border="0" alt="Sportall.Ge" title="ჩიხურა-ზესტაფონი 1:0 - ბეწვის ხიდზე [VIDEO]" width="200" style="border: 0px none; float: left; margin: 5px;" />ამის შემდეგ ტაიმის ბოლომდე სტუმრების კონტროლითა და კარნახით მიმდინარეობდა შეხვედრა, თუმცა ოდიკაძე, <strong>საჯაია, რეხვიაშვილი </strong>და, განსაკუთრებით, <strong>ჩიკვაიძე</strong>, რომელმაც გასაქანი არ მისცა <strong>აფციაურს</strong> და ყველა სხვასაც, იმდენად შეთანხმებულად და ზუსტად მოქმედებდნენ, რომ <strong>სომხიშვილს</strong> თითქმის არ დასჭირვებია საქმეში ჩარევა.</p><p>მეორე ტაიმის დასაწყისი კინაღამ პირველის ანალოგიური გამოდგა: ისევ ნაკუთხურალს იმდენად ძლიერად დაარტყა თავი კვასხვაძემ, რომ მცველებმა ძმას ძმის დაჩაგვრა უდიდესი თავგანწირვის ხარჯზე არ დაანებეს.</p><p>თამაშის უთავბოლო კონტროლს და ბურთის დიდოსტატურად გორებას კი ახერხებდნენ, მაგრამ ამის იქით სტუმრები ვერ მიდიოდნენ.</p><p>პირიქით, სახიფათო მომენტები მასპინძლებმა შექმნეს, თანაც ოთხჯერ (ოდიკაძე, <strong>გოცირიძე, ბოლქვაძე, დეკანოიძე</strong>).</p><p>და მაინც, გადაუარა გმინვის ტალღამ საჩხერელ მაყურებელს, როცა 84-ე წუთზე ზესტაფონელებმა სომხიშვილი აიძულეს, გამოსვლაზე შემცდარიყო და მცველებმა მოწინააღმდეგეს ცარიელ კარში ბურთის გადაგზავნის საშუალება არ მისცეს.</p><p>მსაჯის მიერ სამართლიანად მიცემული ოთხი გაფრთხილება (ოთხივე - მასპინძლებს) სულაც არ მიანიშნებს, რომ თამაში უხეში იყო.</p><p>ოთხივე "ყვითელი" მოედნის ცენტრთან ახლომახლო, ვაჟკაცურ ორთაბრძოლაშია ნაჩვენები, ოღონდ ეგ იყო, საჩხერელებმა ამ მომენტებში ოდნავ ზედმეტად იაქტიურეს.</p><p>ბოლოს ერთ სიახლეზეც: თამაშს სჯიდა ფიფას არბიტრი, სირიელი <strong>ბასლეჰლო</strong>, რომელმაც იმდენად კარგად გაართვა თავი მოვალეობას, რომ ერთი უბრალო კითხვაც არავისთვის დაუტოვებია და არც მაყურებლისგან ისმოდა საქართველოს სპორტულ მოედნებზე მავნე ტრადიციად დამკვიდრებული, ქართული მენტალიტეტისათვის შეუფერებელი ბილწსიტყვაობა.</p><p><img src="pictures/artimages/image17/855613e2fd5f42cc52c3d61d8223d249.jpg" border="0" alt="Sportall.Ge" title="ჩიხურა-ზესტაფონი 1:0 - ბეწვის ხიდზე [VIDEO]" /></p><p><span style="color: #ff0000;"><strong>მატჩის შემდეგ</strong></span></p><p><strong>კახა კაჭარავა:</strong></p><p>"თამაშს კი ვაკონტროლებთ, მაგრამ რად გინდა, პირველ სამ წუთში წავაგეთ შეხვედრა. იყო უიღბლობაც, თუმცა საჩხერელებმა დამსახურებულად მოიგეს".</p><p><strong>სოსო ფრუიძე:</strong></p><p>"ვიცოდით, რომ უძნელესი შეხვედრა გვექნებოდა. ამიტომაც უარი ვთქვით ლამაზ თამაშზე და ძირითადად, ყურადღება შედეგზე გადავიტანეთ. მადლობა ბიჭებს თავდადებისა და დავალებების შესრულებისათვის".</p><p><strong>ყოველდღიური სპორტული გაზეთი "ლელო"</strong></p>
მაურიდეს როკე ჯუნიორს ფინეთში წარმატებული ოპერაცია ჩაუტარდა
ჯაბა კანკავა თბილისის "დინამოს" დაემშვიდობა
VIDEO | ეროვნული ლიგა | იბერია 1999 1-0 გაგრა. გეგმა ძაგანიამ ჩაშალა!
შერმადინის "ტენერიფემ" ანდრონიკაშვილის "ანდორას" სტუმრად მოუგო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
სობოსლაი: ახლოს ვიყავი იმასთან, რომ საქართველოსთან არ მეთამაშა
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
ჩრდილოეთ ირლანდიამ უკრაინას მოუგო და გოლგაუშვებლად მიიწევს წინ
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა