<p>ჩემპიონთა ლიგა. 1/4-ფინალი. სამშაბათის მატჩის წინ: "რეალი" ნახევარფინალის საგზურს ოფიციალურად გაიფორმებს</p><p><span style="line-height: 1.3em;" /> <br> </span>მადრიდში ისეთი ანგარიში დაფიქსირდა, რომ "გალათასარაის" ნახევარფინალში გასვლისთვის სასწაული სჭირდება. <strong>ფათიჰ თერიმის </strong>გუნდმა "სანტიაგო ბერნაბეუზე" კარგად იბრძოლა, მაგრამ მაინც 0:3 განადგურდა.</p><p>მიუხედავად იმისა, რომ ასეთი სასწაულები ძალიან იშვიათად ხდება, თურქებს მაინც არ ეტყობათ ყურების ჩამოყრა და "სამეფო გუნდს" უბრძოლველად არ დანებდებიან.</p><p><span style="line-height: 1.3em;">შესავალი შეიძლებოდა, მოკლედ ასე დაგვეწერა: "რეალი" ცალი ფეხით ნახევარფინალშია, მაგრამ მადრიდული გრანდის მდგომარეობა "სანტიაგო ბერნაბეუზე" დაფიქსირებული 3:0-ის შემდეგ იმაზე უკეთესია, ვიდრე ცალი ფეხით ნახევარ</span>ფ<span style="line-height: 1.3em;">ინალში ყოფნა.</p><p>"გალათასარაის" ამ ბარიერის გადალახვის შანსი მხოლოდ იმ შემთხვევაში გაუჩნდება, თუ <strong>ჟოზე მოურინიოს </strong>შეგირდები ძალიან ბევრ შეცდომას დაუშვებენ და ამავდროულად, თურქებიც იმაზე მეტს მოახერხებენ, ვიდრე შეუძლიათ.</p><p>ერთი სიტყვით, "გალათასარაის" წარმატება ფანტასტიკის სფეროა.</span></p><p><strong><span style="color: #ff0000;">თერიმის პრობლემები: არც ბურაქი, არც ნუნკეუ</p><p></span></strong>"გალას" მდგომარეობას ის ფაქტებიც ამძიმებს, რომ თურქეთის ჩემპიონს დღევანდელ მატჩში ორი წამყვანი ფეხბურთელი დააკლდება. ცენტრალურმა მცველმა<strong> დანი ნუნკეუმ </strong>და "გალათასარაის" გოლეადორმა <strong>ბურაქ ილმაზმა</strong> მადრიდში მესამე გაფრთხილებები მიიღეს, რის გამოც დღეს დისკვალიფიკაცია აქვთ.</p><p>თურქები განსაკუთრებით ბურაქს მისტირიან, რომელსაც ჩემპიონთა ლიგის მიმდინარე გათამაშებაში 8 გოლი აქვს გატანილი და თანაც, "სანტიაგო ბერნაბეუზე" ყვითელი ბარათი მეტად საეჭვო ვითარებაში მიიღო - თერიმის აზრით, ილმაზის მხრიდან სიმულაციას ადგილი არ ჰქონია.</p><p>სამაგიეროდ, "მერშინთან" კალენდარულ მატჩში <strong>დიდიე დროგბამ</strong> დუბლი შეასრულა (3:1), რაც იმას ნიშნავს, რომ ივუარელი კარგ ფორმაშია. ბურაქ ილმაზს კი, სავარაუდოდ, <strong>უმუთ ბულუთი </strong>შეცვლის, რომელიც ნამდვილად არაა ცუდი თავდამსხმელი, მაგრამ ბურაქის დარი შედეგიანობით არ გამოირჩევა.</p><p>სხვა ფეხბურთელები კი თერიმს მწყობრში ჰყავს, მათ შორის - <strong>ვესლი სნეიდერიც</strong>, რომელიც "გალას" ხელმძღვანელებისა და გულშემატკივრების იმედებს ჯერ ვერ ამართლებს.</p><p><strong><span style="color: #ff0000;">რეალი სრულ მზადყოფნაშია</p><p></span></strong>მოურინიო დღევანდელ შეხვედრას მაინც სიფრთხილით მოეკიდა და "ლევანტესთან" 5:1-ზე მოგებულ შეხვედრაში წამყვანი ფეხბურთელები დაასვენა.</p><p>"რეალს" <strong>სერხიო რამოსი</strong> და<strong> ჩაბი ალონსო </strong>ჰყავს დისკვალიფიცირებული, მაგრამ "სამეფო გუნდისთვის" მათი არყოფნა პრობლემას არ წარმოადგენს. უფრო მეტიც: გაჩნდა ეჭვი, რომ რამოსმა და ალონსომ მადრიდულ შეხვედრაში გაფრთხილებები განგებ მიიღეს, რადგან უნდოდათ, რომ ნახევარფინალს აბსოლუტურად სუფთად შეხვედროდნენ.</p><p>არ იქნება <strong>პეპე </strong>(კუნთი), რის გამოც სასტარტოში <strong>რაულ ალბიოლს</strong> უნდა ველოდოთ.</p><p>"თურქ ტელეკომ არენაზე" "რეალს" ჯოჯოხეთური ატმოსფერო ელის. სამბურთიანი უპირატესობა იმდენად დიდია, რომ თურქებისთვის მათი ფანების ფაქტორიც ბევრს არაფერს ნიშნავს. 2001 წელს "გალათასარაიმ" "რეალს" შინ 3:2 მოუგო (0:2-ს აგებდა) და ფაქტობრივად, გამორიცხულია, რომ თერიმის გუნდმა ამჯერად უკეთესი შედეგის დაფიქსირება შეძლოს.</p><p>"რეალს" ოფიციალურ მატჩებში ხომ 12-მატჩიანი წაუგებელი სერია აქვს...</p><p><span style="color: #ff0000;"><strong>ჩემპიონთა ლიგა. 1/4-ფინალი. საპასუხო მატჩი</strong></span></p><p><strong>გალათასარაი-რეალი 22:45</p><p></strong>პირველი მატჩი: 0:3</p><p><span style="text-decoration: underline;">სავარაუდო შემადგენლობები</p><p></span>გალათასარაი (4-1-2-1-2): მუსლერა - ებუე, სემი კაია, გიოქჰან ზანი, რიერა - ფელიპე მელო - ჰამით ალთინთოფი, სელჩუკ ინანი - სნეიდერი - უმუთ ბულუთი, დროგბა.</p><p>რეალი (4-2-3-1): დიეგო ლოპესი - არბელოა, ალბიოლი, ვარანი, ფაბიო კოენტრაო - ხედირა, მოდრიჩი - დი მარია, იოზილი, კ. რონალდო - ბენზემა.</p><p>არბიტრი: სტეფან ლანუა (საფრანგეთი)</p><p><strong><span style="color: #ff0000;">ურთიერთშეხვედრები</p><p></span></strong>03.04.2013</p><p><em><strong>რეალი-გალათასარაი 3:0</strong></em></p><p>გოლები: 1:0 კ. რონალდო (9), 2:0 ბენზემა (29), 3:0 იგუაინი (73)</p><p>18.04.2001</p><p><em><strong>რეალი-გალათასარაი 3:0</strong></em></p><p>გოლები: 1:0 რაული (15), 2:0 ივან ელგერა (28), 3:0 რაული (37)</p><p>03.04.2001</p><p><em><strong>გალათასარაი-რეალი 3:2</strong></em></p><p>გოლები: 0:1 ივან ელგერა (33), 0:2 მაკელელე (42), 1:2 უმით დავალა (47-პენ), 2:2 ჰასან შაში (65), 3:2 ჟარდელი (75)</p><p><strong>ყოველდღიური სპორტული გაზეთი "ლელო"</strong></p><p><strong><span style="color: #ff0000;">ასევე იხილეთ:</span></strong></p><p><a href="/fexburti/evroturnirebi/chempiontha-liga/47918-chempiontha-liga-14-finali-othkhshabathis-matchis-mimokhilva-qrealmaq-arc-acia-arc-ackhela.html" target="_blank">ჩემპიონთა ლიგა. 1/4-ფინალი. ოთხშაბათის მატჩის მიმოხილვა: "რეალმა" არც აცია, არც აცხელა...</a></p><p><a href="/fexburti/evroturnirebi/chempiontha-liga/47877-reali-galathasarai-30-qsamefo-klubmaq-qlomebiq-moathviniera-video.html" target="_blank">რეალი-გალათასარაი 3:0 - "სამეფო კლუბმა" "ლომები" მოათვინიერა [VIDEO]</a></p>
რამუში იამალის მისიასა და პედრის შურისძიებაზე: ამის დამტკიცება მოედანზეა საჭირო
"სიმართლე ისაა, რომ პსჟ დიდებული გუნდია" - ფლიკი მოულოდნელი მარცხის შემდეგ
[VIDEO] მიქაუტაძემ "იუვენტუსს" გაუტანა - "ვილიარეალმა" და "იუვემ" ქულები გაიყვეს
PFL-ის ვარსკვლავური ბრძოლა - ნურმაგომედოვმა ჰიუზი მეორედ დაამარცხა
ახალი ეტაპი "იბერიაში" - გუნდს გუგა ნერგაძე უხელმძღვანელებს
ალექსანდრე იაშვილი: დარწმუნებული ვარ, ჩაკვეტაძე ისევ ისეთი ძლიერი დაგვიბრუნდება
"მამარდას" დებიუტი "ჩელსისთან", "ჟორჟი" "რეალის" წინააღმდეგ და ხვიჩა გოლების ასათვლელად
ევროპალიგაზე "მიდტიულანდთან" სენსაციური მარცხი შემდეგ "ნოტინგემის" ფანები პოსტეკოღლუს გათავისუფლებას ითხოვენ
"მინდა გვარდიოლამ ესპანეთის ნაკრები ჩაიბაროს" - დავიდ სილვა
ვსა-მ დუდუ დადიანის თასი ზედიზედ მეორედ მოიგო
20 წლამდელთა ნაკრებს ვიტო კოლელიშვილი ჩაიბარებს
კონფერენს ლიგა: სიგუას ლამაზი სოლო-რეიდი და საგოლე პასი
[VIDEO] კიტეიშვილი გოლით დაბრუნდა - "შტურმმა" "რეინჯერსს" მოუგო
[VIDEO] კიტეიშვილი დაბრუნდა და "რეინჯერსს" გაუტანა
The Athletic: ალისონის ტრავმა ნავარაუდევზე სერიოზული აღმოჩნდა - მამარდაშვილს შანსი და გამოცდა ელის
კვერნაძე ერთმატჩიანი დისკვალიფიკაციით დასაჯეს
რამუში იამალის მისიასა და პედრის შურისძიებაზე: ამის დამტკიცება მოედანზეა საჭირო
19-წლამდელები ბოსნია და ჰერცეგოვინას დაუპირისპირდებიან - შემადგენლობა
21-წლამდელთა შემადგენლობა ოქტომბრის მატჩებისთვის
კიტეიშვილი და დვალი დაბრუნდნენ - ოქტომბრის მატჩებისთვის საქართველოს ნაკრების შემადგენლობა ცნობილია
"დე ბრუინი ლეგენდაა, ყოველთვის ვიცი, რომ თუ გავიხსნები, მიპოვის" - ჰოილუნი
"კარგი პერიოდი გქონდა, მაგრამ ახლა ჩემი დროა" - სენდჰეგენმა დვალიშვილს მიმართა
"ისინი უპატივცემულოდ მომექცნენ" - ანტონიმ "მანჩესტერ იუნაიტედი" გააკრიტიკა