<p>ევროთასების გათამაშების მეოთხედფინალური მატჩების შემდეგ ბრძოლას ქართველ მორაგბეთა ხუთი გუნდიდან სამი განაგრძობს <br> ევროთასების გათამაშების მეოთხედფინალური მატჩების შემდეგ ბრძოლას ქართველ მორაგბეთა ხუთი გუნდიდან სამი განაგრძობს.</p><p>ყველაზე პრესტიჟული - "ჰაინეკენის თასის" მოპოვების შანსი ერთბაშად ორ "ქართულ გუნდს" აქვს. ესენია: "კლერმონი" და "ტულონი".</p><p><strong>დავით ზირაქაშვილის</strong> და <strong>ვიქტორ კოლელიშვილის</strong> "კლერმონი" მეოთხედფინალში <strong>მამუკა გორგოძის, გიორგი ჟღენტისა</strong> და <strong>მიხეილ ნარიაშვილის</strong> "მონპელიეს" შინ დაუპირისპირდა და 36:14 დაამარცხა.</p><p>მატჩის გმირი ახალზელანდიელი გარემარბი <strong>სიტივენი სივივატუ</strong> შეიქნა, რომელმაც ორი ინდივიდუალური გარღვევის შემდეგ ერთხელ თვითონ შეაღწია ჩათვლის მოედანში, მეორედ კი შუამარბ <strong>ორელიან რუჟერის</strong> გაატანინა ლელო. ამით "ვულკანებმა" მეტოქე საბოლოოდ გატეხეს.</p><p>"მონპელიეს" ძალიან არ გაუმართლა, რადგან მატჩის დასაწყისშივე დაშავდა გუნდის მგეზავი <strong>ფრანსუა ტრინ-დუკი</strong>.</p><p>თამაშამდე ერთი დღით ადრე გაცხადებულ სასტარტო შემადგენლობაში იყო საქართველოს ნაკრების შერკინების ბურჯი დავით ზირაქაშვილი, თუმცა ის ვარჯიშისას დაშავდა და განაცხადში აღარ შეიყვანეს.</p><p>გორგოძემ სრულად ითამაშა, ჟღენტი, ნარიაშვილი და კოლელიშვილი განაცხადში არ იყვნენ. "კლერმონის" მეტოქე ნახევარფინალში ირლანდიური "მანსტერი" იქნება, რომელმაც სტუმრად შეძლო ინგლისური "ჰარლიქვინზის" დამარცხება - 18:12.</p><p><strong>დავით ქუბრიაშვილის, ლევან ჩილაჩავასა</strong> და <strong>კონსტანტინე მიქაუტაძის</strong> "ტულონმა" შინ დაამარცხა ინგლისური "ლესტერ ტაიგერზი" - 21:15.</p><p>თამაში გუნდების მგეზავებისა და მთავარი დამრტყმელების - <strong>ჯონი ვილკინსონისა</strong> და <strong>ტობი ფლუდის</strong> დუელად გადაიქცა. "ვილკომ" ინგლისის ნაკრებში ყოფილ თანაგუნდელს აჯობა და ორით მეტი საჯარიმო გაიტანა.</p><p>ჩილაჩავა სათადარიგოთა შორის გახლდათ, თუმცა არ უთამაშია, ქუბრიაშვილი და მიქაუტაძე განაცხადში არ იყვნენ.</p><p>ნახევარფინალში "ტულონის" მეტოქე გაცილებით სერიოზული იქნება - ინგლისის ჩემპიონი "სარასენზი", რომელმაც შინ დაამარცხა ირლანდიური "ალსტერი" - 27:16.</p><p><span style="color: #ff0000;"><strong>ჰ</strong></span><span style="color: #ff0000;"><strong>ა</strong></span><span style="color: #ff0000;"><strong>ინ</strong></span><span style="color: #ff0000;"><strong>ე</strong></span><span style="color: #ff0000;"><strong>კენის თასი</strong></span></p><p><span style="text-decoration: underline;">1/4-ფინალი</span></p><p><strong>კლერმონი-მონპელიე 36:14</p><p>ჰარლექვინზი-მანსტერი 12:18</p><p>სარასენზი-ალსტერი 27:16</p><p>ტულონი-ლესტერი 21:15</strong></p><p><span style="text-decoration: underline;">1/2-ფინალი</span></p><p>კლერმონი-მანსტერი</p><p>სარასენზი-ტულონი</p><p><span style="color: #ff0000;"><strong>* * * </strong></span></p><p>"ემლინ ჩელენჯ კაპის" მეოთხედფინალური ეტაპის შემდეგ ქართველ მორაგბეთა ორი გუნდიდან ბრძოლას ერთი - <strong>ზურაბ ჟვანიას</strong> "სტად ფრანსე" განაგრძობს. პარიზელებმა სტუმრად ითამაშეს ინგლისურ "ბასისთან" და 36:20 მოიგეს.</p><p>ჩვენებურის გუნდმა პირველ ტაიმში შესანიშნავად ითამაშა და მატჩის ბედიც, ფაქტობრივად, პირველ ორმოც წუთში გადაწყვიტა.</p><p>პარიზელები შესვენებამდე 17 ქულით დაწინაურდნენ - 20:3 და თამაშის სადავეები ხელიდან არც მეორე ტაიმში გაუშვიათ.</p><p>ჟვანია თადარიგში იყო და მოედანზე 72-ე წუთიდან გამოჩნდა.</p><p>ნახევარფინალში "სტად ფრანსე" სტუმრად დაუპირისპირდება "პერპინიანს", რომელმაც თავის მხრივ, შინ დაამარცხა საფრანგეთის ჩემპიონი - ვასილ კაკოვინისა და ჯაბა ბრეგვაძის "ტულუზი" - 30:19.</p><p>ტულუზელებმა მასპინძლებს მეტ-ნაკლები წინააღმდეგობა მატჩის პირველ ტაიმში გაუწიეს, თუმცა პერპინიანელებმა, რომლებიც ნელ-ნელა იბრუნებენ უწინდელ ფორმას, ფრანგული გრანდი შინ მაინც გაწბილებული გაისტუმრეს.</p><p>მეორე ნახევარფინალურ წყვილში ირლანდიური "ლენსტერი" შინ მიიღებს ბასკურ "ბიარიცს". საგულისხმოა, რომ ორივე თასის ნახევარფინალში ხუთი ფრანგული გუნდი იასპარეზებს, ორი ირლანდიურია და ერთიც ინგლისური.</p><p><span style="color: #ff0000;"><strong>ემლინ ჩელენჯ კაპი</strong></span></p><p><span style="text-decoration: underline;">1/4-ფინალი</span></p><p><strong>პერპინიანი-ტულუზი 30:19</p><p>ბასი-სტად ფრანსე 20:36</p><p>ვოსფსი-ლენსტერი 28:48</p><p>გლოსტერი-ბიარიცი 31:41</strong></p><p><span style="text-decoration: underline;">1/2-ფინალი</span></p><p>პერპინიანი-სტად ფრანსე</p><p>ლენსტერი-ბიარიცი</p><p><strong></strong></p><p><em>რვა მეოთხედფინალი და მხოლოდ ორი ქართველი (იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
ბაჩუკი ჭუმბაძე - ინგლისური გამოცდილებით ნოემბრის ტესტებისთვის
ქართველები ევროტურნირების ფინალში
ბექა საღინაძის ლელოთი ჩელენჯ თასის ფინალში!
"მანჩესტერ იუნაიტედთან" მატჩში "ლივერპულის" შემადგენლობა ცნობილია
ფრე დინამოების დაპირისპირებაში; წყალტუბოელთა მოგება ფოთში
ქოჩორაშვილი სათადარიგოთა შორის დატოვეს - "სპორტინგი" 1/16-ფინალში ძლივს გავიდა
დავითაშვილის "სენტ-ეტიენმა" შინ მარცხი განიცადა
[VIDEO] ვენდეტა არგენტინულად - სიმეონემ "ტორინოს" "ნაპოლისთან" გამარჯვება მოუპოვა
მიქაუტაძის გარეშე - "სიტისთან" მატჩამდე "ვილიარეალმა" "ბეტისთან" გამარჯვება ხელიდან გაუშვა
საქართველო 3:2 ყირგიზეთი
გოჩოლეიშვილს სახეზე 6 ნაკერი დაადეს - "ჰამბურგი" "ლაიფციგთან" დამარცხდა
39 დღე გაძლო - "ნოტინგემმა" პოსტეკოღლუ გაათავისუფლა
ზივზივაძე დაბრუნდა - "ჰაიდენჰაიმი" "ვერდერს" ფრედ ეთამაშა
"აქ ნებისმიერ მწვრთნელს კრიზისამდე ერთი მატჩი აშორებს" - ბრუნო ფერნანდეშმა რუბენ ამორიმი დაიცვა
"ქუთაისმა" რუსთავში იმარჯვა, "ორბმა" ტყიბულში თსუ-ს სძლია
"ალბათ, სეზონის ბოლოს "ბარსელონას" დატოვებს" - ცნობილი გერმანელი ჟურნალისტი ლევანდოვსკის მოამვალზე წერს
რაფაელ ბენიტესი ბერძნულ გუნდს ჩაიბარებს
გვარდიოლამ გაამხილა, როდის იფიქრებს მწვრთნელის კარიერის დასრულებაზე
კვარაცხელია და იამალი თანაგუნდელები გახდებიან? - პირველადი მოლაპარაკებები გაიმართა
[VIDEO] მამუკელაშვილის 17 წუთი - "ტორონტო რაპტორსმა" პრესეზონი "ბრუკლინთან" გამარჯვებით დაასრულა
ლიდერი შეიცვალა... "გარეჯმა", "ტორპედომ" და "იბერია 1999"-მა მოიგეს
საქართველოს ნაკრები - ორი მარცხი და ორი ადგილით უკუსვლა რეიტინგში
კანტე ევროპაში ბრუნდება? - ფრანგს სერიოზული მსურველი ჰყავს