კადეტებმა ხმლით დაიწყეს, რაპირით ამთავრებენ

ხორვატიის ქალაქ პორეკში გრძელდება კადეტ და ახალგაზრდა მოფარიკავეთა მსოფლიოს პირველობა, რომელშიც საქართველოს წარმომადგენლებიც სცდიან ძალებს ხორვატიის ქალაქ პორეკში გრძელდება კადეტ და ახალგაზრდა მოფარიკავეთა მსოფლიოს პირველობა, რომელშიც საქართველოს წარმომადგენლებიც სცდიან ძალებს.ასპარეზობის პირველ დღეს კადეტ მოხმალავეთა პაექრობაში ჩაება საბა სულამანიძე. ჯგუფში მან ხუთივე მეტოქე დაამარცხა: ტუნისელი ფარის ფერჯანი (5:2), დიდიბრიტანელი ვილიამინ დირი (5:2), სერბი ლუკა ტიკვიჩკი (5:4), ვენესუელელი ხოზე ქუინტერო (5:1) და ესპანელი პაბლო როსერი (5:2).პლეი ოფში ზედიზედ ორ მეტოქეს სძლია - კანადელ ფილიპ პიტურას (15:11) და უნგრელ ვიქტორ ჰაბონის (15:14), რვა საუკეთესოში შესასვლელი პაექრობა უკრაინელ ოლექსანდ კარაკაისთან დათმო 11:15 და საბოლოოდ მე-9 ადგილით დაკმაყოფილდა.ჩემპიონობა კონსტანტინ ვორონოვმა (უკრაინა) მოიპოვა, რომელმაც ფინალში არტიომ ნოვიკაუს (ბელორუსი) აჯობა. მესამე ადგილებზე ედუარდ გერტი (გერმანია) და მარკო ლესი (იტალია) გავიდნენ.რაპირაში გოგონებს შორის თეონა გოგლიძე ასპარეზობდა. ჯგუფში მან მხოლოდ ერთი მეტოქე დაამარცხა - სამხრეთაფრიკელი ანელინ კოტსი (5:2). დანარჩენი ოთხი ორთაბრძოლა დათმო, თან რუს დარია ავეჩკინასთან და ბელგიელ ვიოლეტა ლებრუნთან - თითო ქულით (4:5).ჩვენებური პლეი ოფში მომავალ ვერცხლისპრიზიორთან - ამერიკელ საბრინა მასიალასთან დამარცხდა - 8:15 და შეჯიბრებას გამოეთიშა. იმ ორი მოგებით, 73 მონაწილეს შორის 58-ე ადგილი ერგო. კვარცხლბეკი კი ასე განაწილდა: 1. ვიქტორია შმელ-მესტერი (უნგრეთი), 2. საბრინა მასიალასი (აშშ), 3. გაბრიელა კეკჩინი (ბრაზილია) და ერიკა კიპრესა (იტალია).8 აპრილს საპრიზო ადგილებისთვის დაშნით მოფარიკავენი იბრძოდნენ. ბიჭებში ორი წარმომადგენელი გვყავდა: კადეტებში საქართველოს ჩემპიონმა მიქაელ მიქაელიანმა ოთხ მეტოქეს მოუგო - ბულგარელ სავა სვეტოსლავოვს (5:3), სინგაპურელ ჰელიქსმან პუას (5:4), დიდბრიტანელ ემილ სინგლერს (5:2) და სომეხ არტურ კოჩარიანს (5:1), პორტუგალიელ ფრანჩისკო კარვალიოსთან კი დათმო პაექრობა - 3:5.ჯგუფში კარგად იასპარეზა ახალგაზრდებში საქართველოს ვიცე-ჩემპიონმა ირაკლი ფანცხავამაც - ედუარდ ნოვიკიანს (სომხეთი, 5:1) , ანტონ კინფორს (შვედეთი, 5:4), მარკ ალმანს ანდრეუს (ესპანეთი, 5:3) აჯობა, ხოლო რუს ივან ლიმარევს (3:5) და უნგრელ გერგელი ტოჩს (4:5) დანებდა.ირაკლიმ პლეი ოფში მატიკლ დოკლი (სლოვენია) ჩამოიშორა გზიდან - 15:9, მაგრამ გერმანელი ნოე ვალტერის წინააღმდეგობა ვერ გადალახა - 9:15.სამაგიეროდ, მიქაელიანმა იყოჩაღა: ზედიზედ დაამარცხა იაევონ იოგი (კორეა, 15:9) და იაკობ სტიმნე (შვედეთი, 15:7), ხოლო ლატვიელ ანდრის იაჰიმოვიჩთან დამარცხდა - 6:15. ეს უკანასკნელი ვერცხლისპრიზიორი გახდა.მიქაელიანს მე-12, ფანცხავას კი 52-ე ადგილი ერგო. საპრიზო ადგილები ასე განაწილდა: 1. არიელ სიმონსი (აშშ), 2. ანდრის იაჰიმოვიჩი (ლატვია), 3. ხესუს ლიმარდო (ვენესუელა), ჯეკ ლეინისი (აშშ).ამ სახეობაში გოგონათა შორის მარია ზაკირჩენკო გამოდიოდა. ჯგუფში 6 შეხვედრიდან 3 მოიგო (დაამარცხა რუმინელი ალექსანდრა პრედესკუ - 5:4, ესტონელი ლიზა მანაჯენკოვა - 5:4 და ბრაზილიელი კამილა სანტანა - 5:2) და ამდენივე პაექრობა დათმო (თურქ ბეგუნ ატაკერთან - 3:5, ესპანელ სოფია კისნეროსთან - 4:5 და ეგვიპტელ აია მენდისთან - 3:5).პლეი ოფში ზაკირჩენკომ ზედიზედ სძლია მერილინ პლენტის (კანადა, 15:10), მედილინ კელს (აშშ, 15:14), უედა კაოს (იაპონია, 15:11), ოჰ დაეს (კორეა, 15:9) და მედლამდე ერთი ნაბიჯი დააკლდა: რუსული ბარიერი ვერ დაძლია - მარია ობრაზცოვასთან 7:15 წააგო. საბოლოოდ კი მე-8 ადგილი ხვდა.შეჯიბრებაში სხვადასხვა ქვეყნის 106 წარმომადგენელი მონაწილეობდა. კვარცხლბეკზე ავიდნენ: 1. ალიონა კომაროვი (ისრაელი), 2. აზა ლინდე (შვედეთი), 3. მარია ობრაზცოვა (რუსეთი), მადინა სტაჰლბერგი (გერმანია).8 აპრილს კადეტთა მსოფლიოს პირველობაში ჩაება რაპირისტი ლუკა ღაღანიძე. ჯგუფში მან სამ მეტოქეს აჯობა: დაძაბულ ბრძოლაში სძლია ბრაზილიელ ედუარდო გასტელს (5:4), იან ვანს (ტაივანი, 5:4) და ერიკ დინკოვიჩს (ხორვატია, 5:1), არადა, ამ უკანასკნელმა მხოლოდ ლუკასთან წააგო, დანარჩენი 5 მეტოქე კი დაამარცხა.პლეი ოფში ღაღანიძემ ორი კონკურენტი ჩამოიშორა გზიდან: დანიელ კისი (დიდი ბრიტანეთი, 15:11) და ედვარდ ფიტჯერალდი (ავსტრალია, 15:7). 9 აპრილს ქართველი მოფარიკავე მერვედფინალში შესასვლელად ამერიკელ აქსელ კაიფერს დაუპირისპირდება.(იბეჭდება მცირე ცვლილებით)ყოველდღიური სპორტული გაზეთი "ლელო"

[PHOTOS] "როდესაც, თითქმის შიშველი ხარ" - უკრაინელი სპორტსმენის თამამმა ფოტოებმა საზოგადოება აღაფრთოვანა

გიორგი ურუშაძე სოფიაში მიმდინარე კადეტთა ციკლის ტურნირის ჩემპიონია

"საქართველოში ტაქსის მძღოლები მეუბნებოდნენ, ეს ყოველივე სამარცხვინოაო!" - უკრაინელი მოფარიკავე თბილისში გატარებულ პერიოდს იხსენებს

ეკვადორში ზეიმია - პრეზიდენტმა დასვენების დღე გამოაცხადა

"ბარსელონაში" ტრანსფერი დაუბლოკეს - ალვარესს პრემიერ ლიგაში დაბრუნების ვარიანტი შერჩა

"მილანმა" პსჟ-ს თავდამსხმელის ტრანსფერზე მიმართა

20 წ. | გამარჯვებული შემადგენლობით უელსთან

ჯიქია დეპოშია. "ის არაფერს წარმოადგენს" - ყოფილი რუსი ფეხბურთელი მას აკრიტიკებს

ესპანური ვერცხლი შენგელიას | საქართველოს ნაკრების კაპიტანმა საკლუბო სეზონი დაასრულა

20 წ. | ლუკა ნარსია: ჩვენი მიზანი ისტორიის დაწერაა

პსჟ-ს ნახევარმცველი ატლეტიკოში გადასვლაზე დათანხმდა

ოიარსაბალი: ფეხბურთი ცირკითაა გარემოცული

აფრიკელებიდან ყველა დროის რეკორდი მოხსნა - "ბაიერნის" ახალწვეულის მიღწევა მსოფლიო ჩემპიონატზე

მეკარეთა გადაადგილება "ტოტენჰემში" - ვიკარიო მიდის, კინსკის დუბლიორი დუბრავკა იქნება

"მოურინიომ პირადად დამირეკა, ამაყი ვიყავი" - კუკურელია "რეალში" გადასვლაზე

მამარდაშვილის "ლივერპული" არ ნებდება - 100 მილიონზე მეტის შეთავაზებას გააკეთებენ

პირველად 2022 წლის შემდეგ - FIFA-მ რუსეთის ახალგაზრდული ნაკრები საერთაშორისო ტურნირზე დაუშვა

[VIDEO] სენსაცია. სამხრეთ აფრიკა პლეი-ოფშია, ჩეხეთი ჯგუფში ჩარჩა

[VIDEO] სულ სხვა ბრაზილია ვინისიუსის წინამძღოლობით და ნეიმარის დაბრუნება - შემდეგ ეტაპზე სელესაოსთან ერთად მაროკო გავიდა

საქართველოს ნაკრები აფრიკის ჩემპიონთან დამარცხდა

[VIDEO] B ჯგუფი: შვეიცარია და კანადა პლეი-ოფში გავიდნენ

20 წ. | ვინ მოდის საქართველოში - სამხრეთ აფრიკა

"ჩელსიმ" "ინტერს" ფეხბურთელი წაართვა - პალესტრა პრემიერლიგაში ითამაშებს