<p>ანტონიო კონტეს დავესესხებით და, ორი მატჩის ჯამში გამოჩნდა, რომ გუნდებს შორის სხვაობა აშკარად არის <br> <strong><span style="color: #ff0000;">რეაქციები</p><p></span></strong><em><strong>ანტონიო კონტე</strong> ("იუვენტუსის" მთავარი მწვრთნელი): "წაგება არავის უყვარს, მაგრამ ის ღირსეულად უნდა მიიღო, მით უმეტეს მაშინ, როდესაც აშკარად შენზე ძლიერ გუნდს ხვდები. მათ უკანასკნელი სამი წლის განმავლობაში ფინალში ორჯერ ითამაშეს. ამიტომ წინასწარ ვიცოდით, რომ ჩვენს შორის დიდი სხვაობა იქნებოდა".</p><p><strong>იუპ ჰაინკესი</strong> ("ბაიერნის" მთავარი მწვრთნელი): "პირველი 20 წუთის განმავლობაში ბურთს ხშირად ვკარგავდით და შეტევაშიც ნორმალურად არაფერი გამოგვდიოდა. ნელ-ნელა უპირატესობას დავეუფლეთ და მეორე ტაიმში შეხვედრას უკვე ჩვენ ვაკონტროლებდით. საბოლოო ჯამში, აბსოლუტურად დამსახურებული გამარჯვება მოვიპოვეთ".</p><p><strong>თომას მიულერი</strong> (ბაიერნი): "შესაძლოა, დღეს ისე კარგად ვერ ვითამაშეთ, როგორც ერთი კვირის წინ, მაგრამ როდესაც ტურინში 2:0-ს იგებ, ეს ნიშნავს, რომ არც ისე ცუდად იასპარეზე. ჩვენ საკმაოდ კარგად ვთამაშობთ და კარგი შედეგებიც გვაქვს. ჯერჯერობით ყველაფერი იდეალურად არის".</p><p><strong>მარიო მანჯუკიჩი</strong> (ბაიერნი): "ვიცოდით, რომ რთული შეხვედრა გველოდა. ამიტომ კონცენტრაციის პრობლემა არ გვქონია. მინიმუმ ერთი გოლის გატანა გვსურდა და ეს მოვახერხეთ, რის შემდეგაც უფრო თავისუფლად ავთამაშდით. ყველაფერს მოვიგებთ თუ არა? რატომაც არა. ვფიქრობ, საკმარისად ძლიერები ვართ იმისთვის, რომ ყველა ტურნირზე ვიმარჯვოთ".</p><p></em></p><p><strong><span style="color: #ff0000;">გმირი</span></strong></p><p><strong>მარიო მანჯუკიჩი</strong> (ბაიერნი)</p><p>კარგი მატჩი ჩაატარა <strong>ბასტიან შვაინშტაიგერმა,</strong> ვინც პრაქტიკულად, ორი საგოლე პასი მიითვალა -<strong> პისაროს</strong> მან გაატანინა და პირველი გოლის დროსაც საჯარიმოში სწორედ "შვაინიმ" ჩააწოდა.</p><p>აქტიური იყო <strong>არიენ რობენიც</strong>, რომელიც საკუთარ ფლანგზე ბევრს მოძრაობდა, თუმცა მატჩის საუკეთესო ფეხბურთელად მაინც <strong>მარიო მანჯუკიჩი</strong> უნდა დავასახელოთ - ხორვატმა 64-ე წუთზე გაიტანა გოლი, რომელმაც ორმატჩიანი დუელის ბედი გადაწყვიტა, რადგან გასაგები გახდა, რომ დარჩენილ 25 წუთში "იუვე" 4 გოლის გამტანი არ იყო.</p><p><strong><span style="color: #ff0000;">ანტიგმირი</span></strong></p><p><strong>მირკო ვუჩინიჩი</strong> (იუვენტუსი)</p><p>კონკრეტულად რომელიმე ფეხბურთელის უარყოფითად გამორჩევა რთულია, რადგან "იუვენტუსიდან" ბევრმა ვერ ითამაშა ჩვეულ დონეზე. მათ შორის იყო მირკო ვუჩინიჩიც - ჩერნოგორიელი ხშირად ცდებოდა, ერთ ეპიზოდში კი, როდესაც ანგარიში 0:0 იყო, საჯარიმოში ბურთის უკეთესად გაჩერება მართებდა და მერე ვინ იცის, იქნებ "იუვეს" "ქამბექიც" დაწყებულიყო...</p><p><strong><span style="color: #ff0000;">დასკვნა</span></strong></p><p>ანტონიო კონტეს დავესესხებით და ორი მატჩის ჯამში გამოჩნდა, რომ გუნდებს შორის სხვაობა აშკარად არის. "იუვე" ბოლო წლებში მოძლიერდა და ალბათ, კიდევ მოუმატებს, მაგრამ ამ ეტაპზე "ბაიერნი" მასზე ძლიერი გუნდია.</p><p>საბოლოო შედეგი, შესაძლოა, ძალთა რეალურ თანაფარდობას არ ასახავს, მაგრამ გერმანული კლუბი რომ უფრო ძლიერია, ამას დიდი მტკიცება არ სჭირდება. მიუხედავად ამისა, <strong>ანდრეა პირლოს</strong> 21-ე წუთზე დანიშნული სახიფათო ჯარიმა უკეთ რომ შეესრულებინა, არავინ იცის, რა მოხდებოდა.</p><p>პირველი ტაიმის 20-25 წუთი ტურინელები მეტოქეს სჯობდნენ, მაგრამ 180-წუთიან დაპირისპირებაში 25, თუნდაც 40 წუთის უკეთ ჩატარება საკმარისი რომ არ არის, ამ მატჩშიც დამტკიცდა.</p><p><span style="color: #ff0000;"><strong>ჩემპიონთა ლიგა. 1/4-ფინალი. საპასუხო მატჩი</strong></span></p><p><strong><em>იუვენტუსი-ბაიერნი 0:2</p><p></em></strong>გოლები: 0:1 მანჯუკიჩი (64), 0:2 პისარო (90).</p><p>იუვენტუსი (3-5-2): ბუფონი - ბარძალი, ბონუჩი, კიელინი - პადოინი (69. ისლა), პოგბა, პირლო, მარკიზიო (79. ჯაკერინი), ასამოა - კვალიარელა (66. მატრი), ვუჩინიჩი.</p><p>ბაიერნი (4-2-3-1): ნოიერი - ლამი, ვან ბუიტენი (35. ჟ. ბოატენგი), დანტე, ალაბა - ხავი მარტინესი, შვაინშტაიგერი - რობენი, მიულერი, რიბერი (80. ლუის გუსტავო) - მანჯუკიჩი (83. პისარო).</p><p>გაფრთხილება: ბონუჩი - მანჯუკიჩი.</p><p>მაყურებელი: 40 823</p><p><strong>ყოველდღიური სპორტული გაზეთი "ლელო"</strong></p><p><strong><span style="color: #ff0000;">ასევე იხილეთ:</span></strong></p><p><a href="/fexburti/evroturnirebi/chempiontha-liga/48164-iuventusi-baierni-02-germanuli-marshith-nakhevarfinalshi-video.html" target="_blank">იუვენტუსი-ბაიერნი 0:2 - გერმანული მარშით ნახევარფინალში [VIDEO]</a></p>
რამუში იამალის მისიასა და პედრის შურისძიებაზე: ამის დამტკიცება მოედანზეა საჭირო
"სიმართლე ისაა, რომ პსჟ დიდებული გუნდია" - ფლიკი მოულოდნელი მარცხის შემდეგ
[VIDEO] მიქაუტაძემ "იუვენტუსს" გაუტანა - "ვილიარეალმა" და "იუვემ" ქულები გაიყვეს
PFL-ის ვარსკვლავური ბრძოლა - ნურმაგომედოვმა ჰიუზი მეორედ დაამარცხა
ახალი ეტაპი "იბერიაში" - გუნდს გუგა ნერგაძე უხელმძღვანელებს
ალექსანდრე იაშვილი: დარწმუნებული ვარ, ჩაკვეტაძე ისევ ისეთი ძლიერი დაგვიბრუნდება
"მამარდას" დებიუტი "ჩელსისთან", "ჟორჟი" "რეალის" წინააღმდეგ და ხვიჩა გოლების ასათვლელად
ევროპალიგაზე "მიდტიულანდთან" სენსაციური მარცხი შემდეგ "ნოტინგემის" ფანები პოსტეკოღლუს გათავისუფლებას ითხოვენ
"მინდა გვარდიოლამ ესპანეთის ნაკრები ჩაიბაროს" - დავიდ სილვა
ვსა-მ დუდუ დადიანის თასი ზედიზედ მეორედ მოიგო
20 წლამდელთა ნაკრებს ვიტო კოლელიშვილი ჩაიბარებს
კონფერენს ლიგა: სიგუას ლამაზი სოლო-რეიდი და საგოლე პასი
[VIDEO] კიტეიშვილი გოლით დაბრუნდა - "შტურმმა" "რეინჯერსს" მოუგო
[VIDEO] კიტეიშვილი დაბრუნდა და "რეინჯერსს" გაუტანა
The Athletic: ალისონის ტრავმა ნავარაუდევზე სერიოზული აღმოჩნდა - მამარდაშვილს შანსი და გამოცდა ელის
კვერნაძე ერთმატჩიანი დისკვალიფიკაციით დასაჯეს
რამუში იამალის მისიასა და პედრის შურისძიებაზე: ამის დამტკიცება მოედანზეა საჭირო
19-წლამდელები ბოსნია და ჰერცეგოვინას დაუპირისპირდებიან - შემადგენლობა
21-წლამდელთა შემადგენლობა ოქტომბრის მატჩებისთვის
კიტეიშვილი და დვალი დაბრუნდნენ - ოქტომბრის მატჩებისთვის საქართველოს ნაკრების შემადგენლობა ცნობილია
"დე ბრუინი ლეგენდაა, ყოველთვის ვიცი, რომ თუ გავიხსნები, მიპოვის" - ჰოილუნი
"კარგი პერიოდი გქონდა, მაგრამ ახლა ჩემი დროა" - სენდჰეგენმა დვალიშვილს მიმართა
"ისინი უპატივცემულოდ მომექცნენ" - ანტონიმ "მანჩესტერ იუნაიტედი" გააკრიტიკა