<p>საფრანგეთის სარაგბო ჩემპიონატის რეგულარული გათამაშების დასრულებამდე სამი ტური დარჩა <br> საფრანგეთის სარაგბო ჩემპიონატის რეგულარული გათამაშების დასრულებამდე სამი ტური დარჩა.</p><p>პლეი ოფში უკვე დაიბევეს ადგილი ქართველ მორაგბეთა გუნდებმა, "ტულონმა", "კლერმონმა" და "ტულუზმა". ჩემპიონობისთვის ბრძოლის გაგრძელების შანსი აქვს კიდევ ოთხ გუნდს, ამათგან ორი "ქართულია". ესენია: "კასტრი" და "მონპელიე".</p><p>პლეი ოფში გასვლისთვის ყველაზე მწვავე ბრძოლების გადატანა <strong>მამუკა გორგოძის</strong>, <strong>გიორგი ჟღენტისა</strong> და <strong>მიხეილ ნარიაშვილის</strong> "მონპელიეს" მოუწევს, რომელიც ახლა 63 ქულით მე-6 ადგილზეა.</p><p>ჩვენებურთა ეს გუნდი 24-ე ტურში შინ ეთამაშება <strong>ვასილ კაკოვინისა</strong> და <strong>ჯაბა ბრეგვაძის</strong> "ტულუზს". სტუმართა გუნდს, რომელიც საფრანგეთის მოქმედი ჩემპიონია, როგორც უკვე ვთქვით, პლეი ოფის საგზური მოპოვებული აქვს.</p><p>მონპელიელებს ამ მატჩში ჰაერივით სჭირდებათ გამარჯვება. სამწუხაროდ, გასულ უქმეებზე "ჰაინეკენის თასის" გათამაშების მეოთხედფინალში დაშავდა და სამ კვირას იუქმებს მგეზავი ფრანსუა ტრინ-დუკი. ჯერ კიდევ არ არის ოპტიმალურ ფორმაში შერკინების ქართველი ბურჯი <strong>გიორგი ჟღენტი</strong>, რომელმაც ტრავმა ახლახან მოიშუშა.</p><p>რამდენიმე თამაშის გამოტოვების შემდეგ ისევ ძირითად შემადგენლობაშია საქართველოს ნაკრების პირველხაზელი <strong>მიხეილ ნარიაშვილი</strong>, მესამე ხაზიდან მეორეში გადაინაცვლა <strong>მამუკა გორგოძემ</strong>, ჟღენტი ამჯერად სათადარიგოთა შორისაა. ასევე თადარიგში იქნებიან "ტულუზის" ქართველი მორკინალები კაკოვინი და ბრეგვაძე.</p><p>"მონპელიეს" სამი ქულით უსწრებს და მე-4 ადგილზეა <strong>ანტონ ფეიქრიშვილის</strong> "კასტრი", რომელიც შინ მიიღებს ერთ-ერთ აუტსაიდერ "ბორდოს".</p><p>უნდა ვივარაუდოთ, რომ საკუთარ მოედანზე თითქმის დაუმარცხებელი კასტრელები მეტოქეს გაწბილებულს გაისტუმრებენ, რაც პლეი ოფთან კიდევ უფრო დააახლოებს. ფეიქრიშვილი სათადარიგოთა შორისაა.</p><p>ტურის ცენტრალურ მატჩში მეორე ადგილზე მყოფი <strong>დავით ზირაქაშვილისა</strong> და <strong>ვიქტორ კოლელიშვილის</strong> "კლერმონი" გათამაშების ლიდერს, <strong>დავით ქუბრიაშვილის</strong>, <strong>ლევან ჩილაჩავასა</strong> და <strong>კონსტანტინე მიქაუტაძის</strong> "ტულონს" ეთამაშება.</p><p>ფრანგული და, თამამად შეიძლება ითქვას, ევროპული რაგბის ორი გიგანტის დაპირისპირება მარსელში "ველოდრომზე" გაიმართება.</p><p>ტულონელები მეტოქეს ამჟამად მხოლოდ ორი ქულით უსწრებენ. ორივე ეს გუნდი იმავდროულად "ჰაინეკენის თასის" ნახევარფინალისტებიც არიან.</p><p>გამორიცხული არ არის, "ტულონის" და "კლერმონის" დავა წლეულს ორი ტურნირის ფინალში ვიხილოთ.</p><p>"კლერმონმა" "ჰაინეკენის თასის" მეოთხედფინალში "მონპელიე" დაამარცხა, რაც ძალიან ძვირად დაუჯდა.</p><p>იმ მატჩში დაშავდნენ და "ტულონთან" ვერ ითამაშებენ ჟულიენ ბონერი, ორელიან რუჟერი და ნაპოლიონი ნალაგა. ტრავმირებულია საქართველოს ნაკრების შერკინების ბურჯი <strong>დავით ზირაქაშვილიც</strong>.</p><p>"ტულონს" მეტოქესთან შედარებით ლაზარეთში უკეთესი მდგომარეობა აქვს. მწყობრშია ინგლისელი მგეზავი ჯონი ვილკინსონი. მიმდინარე სეზონში "ტულონის" მიერ მოპოვებული ქულების 45 პროცენტი სწორედ მისი გარჯის შედეგია.</p><p>ჩილაჩავა სათადარიგოთა შორისაა, ქუბრიაშვილი და მიქაუტაძე განაცხადში არ არიან.</p><p>პლეი ოფში გასვლის შანსი დაკარგული აქვს ზურაბ ჟვანიას "სტად ფრანსეს", რომელიც ახლა 46 ქულით მე-10 ადგილზეა.</p><p>პარიზელები 24-ე ტურში სტუმრად ითამაშებენ ერთ-ერთ აუტსაიდერ "აჟენთან", რომლისთვისაც ამ შეხვედრას სასიცოცხლო მნიშვნელობა აქვს. ჟვანია თადარიგშია.</p><p>ელიტური, პირველი დივიზიონის დატოვება მოუწევს <strong>თამაზ მჭედლიძის</strong> "მონ დე მარსანს", რომელმაც მხოლოდ 15 ქულის დაგროვება შეძლო და ბოლო ადგილზეა.</p><p>ჩვენებურის ეს გუნდი შინ მიიღებს "მეტრო რასინგს", რომელიც პლეი ოფში თამაშისთვის იბრძვის. მჭედლიძე განაცხადში არ არის.</p><p><span style="color: #ff0000;"><strong>I დივიზიონი</p><p></strong></span><strong>XXIV ტური</p><p></strong>კასტრი-ბორდო, მონპელიე-ტულუზი, ბაიონი-გრენობლი, აჟენი-სტად ფრანსე, მონ დე მარსანი-მეტრო რასინგი, პერპიანი-ბიარიცი, ტულონი-კლერმონი.</p><p><em>სატურნირო მდგომაროება</p><p></em>1. ტულონი - 82 ქულა, 2. კლერმონი - 80, 3. ტულუზი - 73, 4. კასტრი - 66, 5. მეტრო რასინგი - 63, 6. მონპელიე - 63, 7. პერპინიანი - 57, 8. ბიარიცი - 51, 9. გრენობლი - 49, 10. სტად ფრანსე - 46, 11. ბაიონი - 45, 12. ბორდო - 41, 13. აჟენი - 27, 14. მონ დე მარსანი - 15</p><p><strong>ყოველდღიური სპორტული გაზეთი "ლელო"</strong></p>
გია ხარაიშვილს "ბარბაროსებში" უხმეს
დავით ბოლღაშვილის "მონაკომ" ფედერალ 1-ში დაბრუნება იზეიმა!
ნიკა ამაშუკელი საუკეთესო მსაჯთა ათეულში დაასახელეს
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!
უნგრეთთან მატჩში საქართველოს ნაკრების შემადგენლობა ცნობილია
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს
46 წლის ასაკში ლეგენდარული რონალდინიო მოედანს უბრუნდება და ხვალ ძირითად შემადგენლობაში იქნება
მესამე მწვრთნელი სეზონში - "ლანსი" დიდიე დიგარს ჩააბარეს
საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"