ბაქარ მირცხულავა: ბენფიკადან მივდივარ

"აზერბაიჯანთან 0:3 რომ წავაგეთ, პორტუგალიელმა თანაკლუბელებმა დამცინეს" 18 წლის ქართველმა პორტუგალიური გრანდიდან წასვლა გადაწყვიტა. მირცხულავა ჩემპიონთა თასის ორგზის გამარჯვებულ "ბენფიკას" ძირითად შემადგენლობაში კვირაში ორ-სამჯერ მაინც ვარჯიშობს. ამის მიუხედავად, ქართველ მცველს მხოლოდ ლისაბონელთა დუბლშემადგენლობაში სათამაშო პრაქტიკა არ აკმაყოფილებს და სწორედ ეს გახდა მისი ამ გადაწყვეტილების მიზეზი.ბაქარს გუშინ დავუკავშირდით და ამ გადაწყვეტილების მიზეზებზე დავეკითხეთ."ლისაბონის "ბენფიკაში" გატარებული 3 წლით ძალიან კმაყოფილი ვარ. აქ ყველანაირი პირობაა, რომ დიდი ფეხბურთი ითამაშო, ივარჯიშო და ასე შემდეგ. წელს დუბლებში თითქმის ყველა შეხვედრა ძირითადში დამაყენეს და ვიცე-კაპიტნად დამნიშნეს. ეს ქართველი ბიჭისთვის ძალიან ბევრს ნიშნავს. ამის მიუხედავად, აქ დარჩენა აღარ მინდა, რადგან სხვა გამოწვევა მიზიდავს. მინდა, ძალები სხვაგან მოვსინჯო. "ბენფიკაში" თავისებური საკადრო პოლიტიკაა და ფეხბურთს სხვანაირად უდგებიან. პირველ გუნდში დაბალი ასაკიდან და დუბლებიდან გადასვლა რთულია, ძირითადისთვის მოთამაშეებს ყიდულობენ. აქ დუბლების ასაკს მორჩები და შემდეგ სხვა გუნდი უნდა მოძებნო. მესამე წელია "ბენფიკაში" ვარ და ბევრი რამ ვისწავლე, ფეხბურთშიც, ცხოვრებაშიც... "ბენფიკას" სკოლა ძალიან წამადგა. ჯერ კიდევ მოქმედი კონტრაქტი მაქვს, მაგრამ 99%-ით შემიძლია გითხრათ, რომ ამ გუნდიდან მაინც წავალ", - ამბობს მირცხულავა.მცირე ხნის წინ "ლელოსთან" ინტერვიუში ბაქარმა თქვა, რომ "ბენფიკას" საჩემპიონო ლიგის განაცხადში შეიყვანეს, რასაც საქართველოში სკეპტიკური გამოხმაურება მოჰყვა. მირცხულავას ამის თაობაზე კიდევ ერთხელ ვკითხეთ."ბენფიკას" დუბლების მწვრთნელმა მითხრა, რომ ჩემპიონთა ლიგაში თამაშის თეორიული შანსი გამიჩნდა, რადგან უეფას მოთხოვნით, განაცხადში ერთი მცირე ასაკის ფეხბურთელი აუცილებლად უნდა იყოს და "ბენფიკამ" ასეთად შენ შეგარჩიაო. მეტი არაფერი ვიცი და არც არავისთვის მიკითხავს - ვთქვი ის, რაც მითხრეს, ჩემით სიტყვაც არ დამიმატებია".მირცხულავა არ ამხელს, თუ რომელ კლუბში გააგრძელებს კარიერას: "თუ პორტუგალიაში დავრჩები, მხოლოდ "ბენფიკაში", მაგრამ ამ ქვეყანაში დარჩენა აღარ მინდა, სხვა ქვეყნისკენ მიმიწევს გული, თორემ "ბენფიკაზე" უკეთესი გუნდი პორტუგალიაში არ არის. არის რაღაც ვარიანტები, მაგრამ წინასწარ თქმა არ მინდა. ის კი დანამდვილებით ვიცი, რომ "ბენფიკადან" კონტრაქტის ამოწურვამდე ან დამთავრებამდე უეჭველი წავალ. როდის მოხდება ეს - იანვარში ან ზაფხულის სატრანფერო ფანჯრის დროს, დიდი მნიშვნელობა არ აქვს, მთავარია, რომ გადაწყვეტილება უკვე მივიღე".ვლადიმერ გუცაევმა ბაქარი საქართველოს 19-წლამდელთა ნაკრებში გამოიძახა. ამ გუნდმა პორტუგალიაში ევროპის ჩემპიონატის შესარჩევი ციკლის მატჩები გამართა და ტურნირს გამოეთიშა. რა მოუვიდა გუნდს, როცა ორი ტურის შემდეგ ერთ-ერთ ფავორიტად ითვლებოდა და როგორ დამარცხდა აზერბაიჯანთან 0:3?"პირველ შეხვედრაში ბერძნებს ვაჯობეთ და 1:0 მოვუგეთ. წარმატებას იმიტომ მივაღწიეთ, რომ ბიჭებმა მოედანზე სული და გული ჩადეს და ძალიან მოვინდომეთ. მეორე და მესამე ტურში რა მოგვივიდა, ეს ჩვენც არ ვიცით. ფაქტია, რომ პორტუგალიასა და აზერბაიჯანთან ძალიან ცუდად ვითამაშეთ და შედეგიც სახეზეა და ორივე წავაგეთ... ალბათ, პერველი მატჩის მოგებით გვეგონა, აზერბაიჯანის ნაკრებთანაც თავისუფლად გავიმარჯვებდით. მაგრამ ფეხბურთში მოდუნებას კარგი არაფერი მოაქვს. ბიჭებს არც განწყობა გვქონდა, როდესაც მოედანზე გავედით".რატომ არ ჰქონდათ სათამაშო განწყობა, ამ კითხვაზე მირცხულავა კონკრეტულს არაფერს ამბობს, ეგ მე არ უნდა მკითხოთო...ბაქარმა შესარჩევ ტურნირში ბენფიკელი თანაგუნდელების წინააღმდეგ ითამაშა, რომლებიც ქართველთა წარუმატებლობით გაოცებულები დარჩნენ."ლისაბონის "ბენფიკადან" პორტუგალიაში ორი ფეხბურთელი გამოდიოდა და ორივე ძირითადში - ერთი ნაკრების კაპიტანი იყო, რუბენ პინტო. სხვათა შორის, გუნდში დაბრუნების შემდეგ ვილაპარაკეთ და გაუკვირდათ, 0:3 რომ წავაგეთ. მათაც ეგონათ, რომ ბოლო თამაშს აზერბაიჯანელებს მოვუგებდით. წაგების გამო ცოტა კი დამცინეს, მაგრამ ესეც ავიტანე. ისე მართალიც იყო -დასაცინი არ ხარ, როდესაც აზერბაიჯანელებთან 0:3 წააგებ? პასუხიც არ გამიცია, ნათქვამი მივიღე", - ამბობს მირცხულავა.ყოველდღიური სპორტული გაზეთი"ლელო"

ლუჩანო სპალეტი: "კვარა" სულ სხვა საფეხბურთო გარემოდან მოვიდა

სიომინი: ხვიჩა "ოქროს ბურთის" ნომერი პირველი პრეტენდენტია

“მახსოვს ეს ისტორია…” - უკრაინელმა ჟურნალისტმა ახსნა, რატომ არჩია წიტაიშვილმა საქართველოს ნაკრებში თამაში

ქართველი მსაჯები უეფას ერთა ლიგის მატჩს მოემსახურებიან

[VIDEOS] მარცხი მოქმედ მსოფლიო ჩემპიონთან - სარდალაშვილი ბრინჯაოს მედლისთვის იბრძოლებს

[VIDEO] სარდალაშვილი მოქმედი მსოფლიო ჩემპიონის წინააღმდეგ - ქართველი მეოთხედფინალშია

ვიწყებთ იპონით - სარდალაშვილმა მსოფლიო ჩემპიონატზე პირველი გამარჯვება მოიპოვა

"მესი თუ რონალდო?" - მიულერმა არჩევანი გააკეთა

"ეს ნორმალური ნამდვილად არ არის" - დე ლა ფუენტე ხორვატიის გამანადგურებელ მარცხს გამოეხმაურა

ზესტაფონის მარგვეთმა გორში ივერიონს მოუგო

"საქართველოსთან ვდომინირებდით - უკრაინასთან შურისძიება გვმართებს" - უნგრელი ფეხბურთელი

U19 | საქართველო 2:2 ლატვია

ნაკრები ბელფასტში გაემგზავრა - გუნდს ერთი ფეხბურთელი გამოაკლდა

საქართველოს ნაკრების ფეხბურთელები: საკუთარ თავში უნდა ვიპოვოთ ძალები, რომ პირველ რიგში გამოვასწოროთ ჩვენი თამაში

ფუტსალი | 19-წლამდე ნაკრების მეტოქეები ცნობილია

საქართველოს ნაკრები ეიფორიიდან ჩიხში! - რატომ არაა კვარაცხელია სობოსლაი?

"ეს ბევრ რამეზე მეტყველებს" - ბასტონი საფრანგეთთან მატჩის შემდეგ

"ალბათ რამე მეც მერგება" - კუკურელიამ "ოქროს ბურთზე" ისაუბრა

"ლომებმაც კი იციან, ნადირობა როდის მთავრდება" - იბრაჰიმოვიჩმა რონალდო გააკრიტიკა

ბათუმმა სუპერლიგის გასხნით მატჩში ქუთაისი ბოლო წამებზე 80:77 დაამარცხა

რამაზ სვანაძე: ამ ყველაფერს აუცილებლად დავასრულებთ - ამაში დარწმუნებული ვარ მეც და ჩემი გუნდიც

საფრანგეთი და იტალია დაზავდნენ, ბელგიამ თურქეთი დაამარცხა

როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?