<p>საქართველოს ჩემპიონატი. უმაღლესი ლიგა. I-VI ადგილები <br> ...საფინალო სასტვენი გაისმა თუ არა, "დინამოს" ფეხბურთელებმა და სამწვრთნელო შტაბის წევრებმა საჩემპიონო ზეიმი მოაწყვეს და პირველი, რაც გააკეთეს, თავიანთი ერთგული ფანებისკენ გაემართნენ.</p><p>თუმცა დინამოელებს მადლობის გადახდა ვინ დააცადა - ფანებიც მოედანზე გადმოვიდნენ და აი, ასე, ყველამ ერთად იზეიმა მონატრებული საქართველოს ჩემპიონობა.</p><p>ჰო, ხუთი წელი ცოტა დრო ნამდვილად არ არის: 2008 წლიდან მოყოლებული, "დინამო" ვერაფრით ახერხებდა ოქროს მედლების მოპოვებას და აი, ნანატრი ჩემპიონობის დროც მოვიდა!</p><p><p><div style="text-align: center;"><span style="font-size: x-small;"><span style="color: #ff0000;"><strong>იხილეთ ვიდეო</strong></span></span></div></p> <a href="/mtavari/video.html?view=video&video=2442" target="_blank"><img src="pictures/artimages/image16/50d086b8bec09cff630869fbd94362fb.jpg" border="0" alt="Sportall.Ge" title="დინამო თბ-ტორპედო 4:0 - ჩემპიონს რომ ეკადრება... [VIDEO]" style="border: 0px none; margin-left: 150px; margin-right: 150px;" /></a></p><p>ისიც სიმბოლური იყო; ჩემპიონობის მომტანი 3 ქულა "დინამომ" თავის პრინციპულ მეტოქესთან, ქუთაისის "ტორპედოსთან" რომ მოიპოვა; თანაც, უნდა ვაღიაროთ, რომ მოგებაც არის და მოგებაც: ასეთი შთამბეჭდავი მატჩი ამ სეზონში "დინამოს", ალბათ, ერთი-ორი თუ ექნებოდა.</p><p>ყოველ შემთხვევაში, მეორე ეტაპზე ჩატარებული შეხვედრებიდან ყველაზე ლაღად დინამოელები სწორედ საჩემპიონო მატჩში გამოიყურებოდნენ: ფეხბურთელებს ყველანაირი წნეხი მოხსნილი ჰქონდათ და ვინც იმ საღამოს "დინამო-არენაზე" მივიდა, ნამდვილად არ ინანებდა.</p><p><img src="pictures/artimages/image16/a9cc02e627ec4207338a412a0f40bcae.jpg" border="0" alt="Sportall.Ge" title="დინამო თბ-ტორპედო 4:0 - ჩემპიონს რომ ეკადრება... [VIDEO]" width="180" style="border: 0px none; float: left; margin: 5px;" />...მატჩის ბედი პირველ ტაიმშივე გადაწყდა; თანაც, ვიდრე "დინამო" პირველ გოლს გაიტანდა, მანამდეც არაერთხელ შეიძლებოდა ანგარიშის გახსნა, თუმცა <strong>გიორგი გველესიანის, გიორგი მერებაშვილის, ჯაბა დვალისა</strong> და <strong>მიკელ ალვაროს</strong> დარტყმებს ხან სიზუსტე აკლდა, ხან კი სტუმართა მეკარე <strong>ომარ მიგინეიშვილი</strong> ყოჩაღობდა.</p><p>თუმცა "ტორპედოს" მართლაც ჩინებული მეკარეც უძლური გახლდათ იმ ეპიზოდში, როდესაც ჯაბა დვალმა გოლი-შედევრი გვაჩუქა: დინამოელთა ცენტრფორვარდმა მეტოქის საჯარიმოში ეფექტური ფინტებით სამი მეურვე ჩამოიცილა და ბურთი კარში შეაგორა!</p><p>"დინამოს" ამის შემდეგაც შეეძლო ანგარიშის გაზრდა, მაგრამ მიგინეიშვილმა მაინც შეძლო და მერებაშვილის მიერ დარტყმული რთული ბურთი მოიგერია.</p><p>პირველი ტაიმი იწურებოდა, თუმცა "დინამოს" შეტევებს ბოლო არ უჩანდა და აი, მეორე გოლიც ვიხილეთ, რის შემდეგაც, ფაქტობრივად, მატჩის ბედი გადაწყდა. და არა მხოლოდ მატჩის - <strong>მიკელ ალვაროს</strong> მორიგმა დიდოსტატურმა გოლმა (ამჯერად, ცაციათი) ხომ საქართველოს 2012-13 წლების სეზონის გამარჯვებული გამოავლინა!</p><p>...მეორე ტაიმის უდიდესი ნაწილი მოედანზე საინტერესო არაფერი მომხდარა: "დინამო" თამაშს აკონტროლებდა, "ტორპედო" კი ძალიან ინერტულად გამოიყურებოდა. თავად განსაჯეთ: სტუმრებმა "დინამოს" კართან პირველი სახიფათო იერიში 62-ე წუთზე მიიტანეს, როცა შეცვლაზე შემოსულმა <strong>თემურ მარკოზაშვილმა</strong> იაქტიურა.</p><p>უფრო რეალური მომენტი სტუმართა კიდევ ერთ ახალგაზრდა ფეხბურთელს, <strong>გიორგი ფანცულაიას</strong> შეექმნა, მაგრამ საქართველოს ნაკრებისა და "დინამოს" მეკარემ <strong>გიორგი ლორიამ</strong> იყოჩაღა და ზედიზედ მეხუთე "მშრალი" ჩაატარა. ეს ეპიზოდი 85-ე წუთზე მოხდა.</p><p>თუმცა მანამდე "დინამოს" უკვე სამბურთიანი უპირატესობა ჰქონდა: <strong>გრაიციარი</strong> - <strong>ხმალაძე</strong> - დვალის კომბინაცია ამ უკანასკნელის ზუსტი დარტყმით დამთავრდა; თანაც, ეს იყო ჯაბა დვალის მეასე გოლი საქართველოს ჩემპიონატში!</p><p>მატჩის საბოლოო შედეგი კი პეტერ გრაიციარმა დააფიქსირა - საჯარიმოს მისადგომებიდან ბურთი დაბალ კუთხეს რომ "დაუმიზნა".</p><p>მერე კი საჩემპიონო ზეიმი და შამპანური იყო...</p><p><img src="pictures/artimages/image16/3da1cba04f206db5bce57d1654f0c65f.jpg" border="0" alt="Sportall.Ge" title="დინამო თბ-ტორპედო 4:0 - ჩემპიონს რომ ეკადრება... [VIDEO]" /></p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
rezo
მე კიდე დინამოს ფანი ვარ და გამოჩნდება ვის რა შანსები ქონდა და აქვს...
Georgi
მე ტორპედოს ფანი ვარ, მაგრამ მაინც ვთვლი რომ ბოლო წლების ზესტაფონი, როდესაც ჩემპიონი ხდებოდა უფრო შეკრული გუნდი იყო, და უფრო მეტი შანსი ქონდა ლიგის ჯგუფურზე მოსახვედრად, ვიდრე ამ დინამოს
მაურიდეს როკე ჯუნიორს ფინეთში წარმატებული ოპერაცია ჩაუტარდა
ჯაბა კანკავა თბილისის "დინამოს" დაემშვიდობა
VIDEO | ეროვნული ლიგა | იბერია 1999 1-0 გაგრა. გეგმა ძაგანიამ ჩაშალა!
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!
უნგრეთთან მატჩში საქართველოს ნაკრების შემადგენლობა ცნობილია
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს
46 წლის ასაკში ლეგენდარული რონალდინიო მოედანს უბრუნდება და ხვალ ძირითად შემადგენლობაში იქნება
მესამე მწვრთნელი სეზონში - "ლანსი" დიდიე დიგარს ჩააბარეს
საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"