<p><span style="line-height: 1.3em;" />ჰოკეის ეროვნულ ლიგაში დასრულდა პლეი ოფის პირველი რაუნდი <br> </span>ჰოკეის ეროვნულ ლიგაში დასრულდა პლეი ოფის პირველი რაუნდი, რომლის მშვენება და აპოგეა აღმოჩნდა სერიის მეშვიდე მატჩი "ბოსტონსა" და "ტორონტოს" შორის. ჩრდილო-აღმოსავლეთი დივიზიონის ორივე გუნდი იმსახურებდა შემდეგ ეტაპზე გასვლას, მაგრამ მათგან მხოლოდ ერთს ეწერა გადარჩენა.</p><p>პირველი პერიოდი ძალიან საინტერესოდ დაიწყო. "ბრუინზმა" პირველ 43 წამში სამი სახიფათო დარტყმა შეასრულა <strong>ჯეიმს რაიმერის</strong> კარის მიმართულებით და ასევე ორი ერთზე გასვლა ჰქონდა<strong> კოდი ფრენსონის</strong> შეცდომის შემდეგ, მაგრამ სტუმრების მეკარემ გაუძლო სასტარტო შემოტევას.</p><p>ფრენსონის მეორე შეცდომა უკვე სავალალო აღმოჩნდა: პასის დროს მცველმა შაიბა <strong>მეტ ბარტკოვსკის </strong>ჩააბარა და მანაც იოლი გოლი შეაგდო - 1:0.</p><p>ამ გოლამდე ინიციატივა კანადელებს ჰქონდათ და ისინი კიდევ უფრო აქტიურად წავიდნენ წინ. მეკარესთან პირისპირ გავიდა <strong>ჯოფრი ლუპული</strong>, მაგრამ მას მოუგო დუელი <strong>ტუუკა რასკმა</strong>. ამ მომენტში მსაჯებმა სახიფათო თამაში დააფიქსირეს ბოსტონელი<strong> ზდენო ხარას</strong> მხრიდან, რითაც "ტორონტომ" რიცხობრივი უპირატესობა მოიპოვა და გამოიყენა კიდეც: <strong>ფანოფის </strong>ძლიერი დარტყმა გაჭირვებით მოიგერია რასკმა, მაგრამ დამატებაზე ყველას დაასწრო ფრენსონმა და დაცვაში თავისი შეცდომა გოლით გამოასწორა - 1:1.</p><p>მეორე პერიოდი ორმხრივი უხეშობით აღინიშნა. ასე მაგალითად, წაიჩხუბეს ფანოფმა და <strong>ლუჩიჩმა, ვან რიმსდიკმა</strong> იდაყვი მიიღო ცხვირში <strong>კრის კელისგან</strong>, რასკმა კი ერთ-ერთ მომენტში ჩაფხუტი დაკარგა, როცა მის კარში ლუპული შევარდა. თუმცა გუნდები არც შეტევას ივიწყებდნენ. "ბოსტონის" მხრიდან კარგი შანსი ჰქონდა <strong>რიჩ პევერლის</strong>, "ტორონტომ" კი შორიდან დარტყმების ტაქტიკა აირჩია, მაგრამ რასკი ბრწყინვალედ თამაშობდა. თუმცა ფინელს არ გაუმართლა, როცა<strong> ფრენსონის</strong> დარტყმა ზდენო ხარას მოხვდა და ისე შევარდა ცხრიანში - 2:1. სხვათა შორის, ეს დუბლი პირველია კოდის კარიერაში.</p><p>მესამე პერიოდი კი ნამდვილ საგიჟეთს დაემგვანა. საწყის ხუთ წუთში "ტორონტომ" ორჯერ აიღო "ბოსტონის" კარი <strong>ფილ კესელისა</strong> და <strong>ნაზემ კადრის</strong> გოლებით, მაგრამ მასპინძლებს ფანტასტიკური "ქამბექი" გამოუვიდათ. საფინალო სირენამდე ბოლო 10 წუთში "ბოსტონმა" სამშაიბიანი ჩამორჩენა გააბათილა, ამასთან, ბოლო ორი გოლი მათ ბოლო წუთნახევარში გაიტანეს. და ეს გიჟური მატჩი ოვერტაიმში გადავიდა.</p><p>დამატებითი დრო დიდი ხანი არ გაგრძელებულა. "ტორონტო" რისკზე აღარ მიდიოდა, თუმცა სტუმრებს მომენტები ჰქონდათ: ლუპულმა კარის უკნიდან შეუტია, მაგრამ რასკმა კარგად დაკეტა ახლო კუთხე. კიდევ ერთ ეპიზოდში ფინელმა იმავე ლუპულის დარტყმა დაიჭირა. ყველაფერი კი მომდევნო შეტევაში დასრულდა. "ტორონტოს" კართან შექმნილი არეულობისას შაიბა ბერჟერონს მიუვიდა, რომელმაც დაასრულა კიდეც თამაში - 5:4.</p><p><strong><em>ბოსტონი-ტორონტო 5:4 (ო)</em></strong></p><p>1:1, 0:1, 3:2, 1:0</p><p>გოლები: 1:0 ბარტკოვსკი-1, 1:1 ფრენსონი-2 (ვან რიმსდიკი-4, ფანოფი-2), 1:2 ფრენსონი-3 (მაკრატური-1, გრაბოვსკი-2), 1:3 კესელი-4 (კადრი-3, ვან რიმსდიკი-5), 1:4 კადრი-1 (კესელი-2, გარდინერი-4), 2:4 ჰორტონი-4 (ლუჩიჩი-7, კრეიჩი-7), 3:4 ლუჩიჩი-2 (ხარა-7, პ. ბეჟდერონი-1), 4:4 პ. ბეჟდერონი-2 (კრეიჩი-8, იაგრი-4), 5:4 პ. ბეჟდერონი-3 (სეგუინი-1, მარჩანდი-3).</p><p>სერია: 4-3</p><p>* * *</p><p>კიდევ ერთ სერიაში ყველაფერი მეშვიდე მატჩს უნდა გადაეწყვიტა. "რეინჯერსი" ორჯერ რთული სიტუაციიდან გამოძვრა "ვაშინგტონთან" დაპირისპირებაში, როცა 0:2-სა და 2:3-ს აგებდა სერიას. და ამ პატარა გმირობას ის თავის მეკარეს <strong>ჰენრიკ ლუნდკვისტს</strong> უნდა უმადლოდეს, რომელმაც მეექვსე და მეშვიდე მატჩებში ზედიზედ ორი "შათაუტი" შეასრულა.</p><p>მატჩში შვედმა გოლკიპერმა 35 დარტყმა მოიგერია და მის პარტნიორებს ისღა დარჩენოდათ, წინ ეყოჩაღათ და საქმეც გაკეთებული იქნებოდა.</p><p>გასაკვირია, რომ სერიის მეშვიდე მატჩი, რომელიც, წესით, ყველაზე დაძაბული უნდა ყოფილიყო, ყველაზე არაკონკურენტული გამოდგა. უკვე მეორე მეოთხედის ბოლოს<strong> ჯონ ტორტორელას</strong> შეგირდები 3:0-ს იგებდნენ, თანაც "რეინჯერსის" რიგებში გოლებს იტანდნენ აქამდე უკანა პლანზე მყოფი ჰოკეისტები - <strong>აარონ ეშემი, ტეილორი პიატი</strong> და <strong>მაიკლ დელ ზოტო</strong>.</p><p>მესამე მეოთხედში ჰოლტბის კარში კიდევ ორი შაიბა შევარდა <strong>რაიან კელეჰანისგან</strong> და <strong>მატს ცუკარელოსგან</strong>.</p><p>სხვათა შორის, ეს იყო პირველი შემთხვევა ამ სერიაში, როცა სტუმარმა გუნდმა გაიმარჯვა.</p><p><strong><em>ვაშინგტონი-რეინჯერსი 0:5</p><p></em></strong>0:1, 0:2, 0:2</p><p>გოლები: 0:1 ეშემი-2 (კრაიდერი-1), 0:2 პიატი-1 (დორსეტი-1, ემინგერი-1), 0:3 დელ ზოტო-1 (ბრასარი-6, რიკ ნეში-2), 0:3 კელეჰანი-1, 0:5 ცუკარელო-1 (ბრასარი-7, ემინგერი-2).</p><p>სერია: 3-4</p><p><strong>1/4 ფინალის კალენდარი</p><p>აღმოსავლეთი</strong></p><p><strong>პიტსბურგი-ოტავა</p><p></strong>14 მაისი. პიტსბურგი-ოტავა</p><p>17 მაისი. პიტსბურგი-ოტავა</p><p>19 მაისი. ოტავა-პიტსბურგი</p><p>22 მაისი. ოტავა-პიტსბურგი</p><p>24 მაისი. პიტსბურგი-ოტავა</p><p>26 მაისი. ოტავა-პიტსბურგი</p><p>28 მაისი. პიტსბურგი-ოტავა</p><p><strong>ბოსტონი-რეინჯერსი</p><p></strong>16 მაისი. ბოსტონი-რეინჯერსი</p><p>19 მაისი. ბოსტონი-რეინჯერსი</p><p>21 მაისი. რეინჯერსი-ბოსტონი</p><p>23 მაისი. რეინჯერსი-ბოსტონი</p><p>25 მაისი. ბოსტონი-რეინჯერსი</p><p>27 მაისი. რეინჯერსი-ბოსტონი</p><p>29 მაისი. ბოსტონი-რეინჯერსი</p><p><strong>დასავლეთი</strong></p><p>ჩიკაგო-დეტროიტი</p><p>15 მაისი. ჩიკაგო-დეტროიტი</p><p>18 მაისი. ჩიკაგო-დეტროიტი</p><p>20 მაისი. დეტროიტი-ჩიკაგო</p><p>23 მაისი. დეტროიტი-ჩიკაგო</p><p>25 მაისი. ჩიკაგო-დეტროიტი</p><p>27 მაისი. დეტროიტი-ჩიკაგო</p><p>29 მაისი. ჩიკაგო-დეტროიტი</p><p><strong>ლოს ანჯელესი-სან ხოსე</p><p></strong>14 მაისი. ლოს ანჯელესი-სან ხოსე</p><p>16 მაისი. ლოს ანჯელესი-სან ხოსე</p><p>18 მაისი. სან ხოსე-ლოს ანჯელესი</p><p>21 მაისი. სან ხოსე-ლოს ანჯელესი</p><p>23 მაისი. ლოს ანჯელესი-სან ხოსე</p><p>26 მაისი. სან ხოსე-ლოს ანჯელესი</p><p>28 მაისი. ლოს ანჯელესი-სან ხოსე</p><p><strong>ყოველდღიური სპორტული გაზეთი "ლელო"</strong></p><p><strong><span style="color: #ff0000;">ასევე იხილეთ:</span></strong></p><p><a href="/sport/zamthris-sakheobebi/yinulis-hokei/49495-nhl-plei-ofi-dasavlethshi-pirveli-raundi-daamthavres.html" target="_blank">NHL. პლეი ოფი: დასავლეთში პირველი რაუნდი დაამთავრეს</a></p>
VIDEO | დავით ყიფიანის სახელობის საქართველოს თასი | დინამო (ბთ) 3-1 დილა. მეექვსედ ფინალში - თასს ახალი მფლობელი ეყოლება
VIDEO | დავით ყიფიანის სახელობის საქართველოს თასი | გაგრა 2-1 რუსთავი. ჩაგდებული ტაიმის ფასი - "გაგრა" მეოთხედ გავიდა ფინალში!
VIDEO | საქართველოს დავით ყიფიანის სახელობის თასი | ორი პენალტი, გაძევება, პროტესტი მსაჯობის გამო...
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!
უნგრეთთან მატჩში საქართველოს ნაკრების შემადგენლობა ცნობილია
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს
46 წლის ასაკში ლეგენდარული რონალდინიო მოედანს უბრუნდება და ხვალ ძირითად შემადგენლობაში იქნება
მესამე მწვრთნელი სეზონში - "ლანსი" დიდიე დიგარს ჩააბარეს
საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"