<p>საქართველოს სამბისტთა ნაკრები 17-21 მაისს იტალიის ქალაქ კრემაში ევროპის ჩემპიონატში იასპარეზებს <br> საქართველოს სამბისტთა ნაკრები 17-21 მაისს იტალიის ქალაქ კრემაში ევროპის ჩემპიონატში იასპარეზებს.</p><p>გუნდმა, ახალი სამწვრთნელო შტაბის ხელმძღვანელობით, ამ შეჯიბრებისთვის სამზადისში სამი შეკრება გაიარა, გამოვიდა საქართველოს ჩემპიონატში და ხარლამპიევის თასზე მოსკოვში. ბოლო შეკრებას გუნდი გორის ჭიდაობის კომპლექსური სკოლის დარბაზში გადის.</p><p>გთავაზობთ ინტერვიუს ნაკრების მთავარ მწვრთნელ ჯონდო მუზაშვილთან.</p><p>- მე და მეორე მწვრთნელმა ვანო არაბულმა (გვეხმარებოდა ახალგაზრდული ნაკრების თავკაცი ავთანდილ ცინცაძეც) შეკრება სამ ეტაპად დავყავით: ფიზიკური - ბაკურიანში, ნახევრად ფიზიკური (შერეული) - დუშეთში გავიარეთ, ახლა გორში, ხალიჩაზე ვემზადებით.</p><p>ასეთმა მიდგომამ სპორტსმენი შეჯიბრებაზე ფორმის პიკში უნდა მიიყვანოს. სამივე ეტაპი ძალიან ნაყოფიერი გამოდგა, განსაკუთრებით, მიმდინარე შეკრებას აღვნიშნავ.</p><p>წონებში პირველ-მეორე ნომრები ჩამოვიყვანეთ გორში სპარინგპარტნიორებად. აქ ბევრი სხვადასხვა სტილის ძლიერი მოჭიდავეა. საერთოდაც, გორი ხომ ჭიდაობის უძლიერესი ცენტრია! ამდენი შეკრება ევროპის ჩემპიონატის წინ ადრე იშვიათობა იყო.</p><p><strong>- სატურნირო გამოცდილების თვალსაზრისით, ალბათ, ასე ვერ ვიტყვით...</p><p></strong>- რასაკვირველია, მეტ შეჯიბრებაში მონაწილეობა გვსურს, მაგრამ ბიუჯეტი როგორც გაგვწვდება, ისე ვიყენებთ, თუმცა იმასაც ვერ ვიტყვი, რომ ევროპის ჩემპიონატამდე სადმე სასურველი შეჯიბრება იყო და გამოვტოვეთ.</p><p><strong>- რა კრიტერიუმით დააკომპლექტეთ საევროპოდ საქართველოს ნაკრების შემადგენლობა?</p><p></strong>- ცალკეულ შეჯიბრებას არ დავყრდნობივართ. შესაძლებელია, ვინმემ ტურნირზე ვერ აჩვენოს მაქსიმალური შედეგი, მაგრამ უშუალოდ ჩემპიონატის წინ შეკრებაზე მწვრთნელს კონკურენტთან შედარებით თავისი უპირატესობა დაუმტკიცოს.</p><p>რაც შეეხება უშუალოდ შემადგენლობას, 52 და 57 კგ-ში ახალგაზრდა და პერსპექტიული სამბისტები გივი ნადარეიშვილი და ვახტანგ ჩიდრაშვილი იასპარეზებენ. მათ ყველაფერი გააკეთეს წონებში ლიდერობის მოსაპოვებლად.</p><p>62 კგ-ში ტიტულოვანი უშანგი კუზანაშვილი იჭიდავებს. 68 და 82 კგ-ში გამოკვეთილი ლიდერები არიან ლევან ნახუცრიშვილი და ნიკო კუცია. 74 კგ-ში კახა მამულაშვილი გამოვა, 90 კგ-ში პაატა ღვინიაშვილი.</p><p>100 კგ-ში კი ლაშა გურული ლიდერობს. იოლი არ იყო არჩევანის გაკეთება +100 კგ-ში, სადაც საქართველოს ჩემპიონი ონისე ბუღაძეა, თუმცა აქ გვყავს ევროპის მოქმედი ჩემპიონი სამბოში ნოდარ მეტრეველი, რომელსაც ტრავმის გამო ბოლოს არც საქართველოს ჩემპიონატზე და არც ხარლამპიევის თასზე უჭიდავია.</p><p>მე ვესაუბრე მის პირად მწვრთნელს და გადავწყვიტეთ, ამ ეტაპზე პირდაპირ ნოდარ მეტრეველზე გაგვეკეთებინა არჩევანი. დარწმუნებული ვარ, რომ გუნდის დაკომპლექტების მერე არც ერთი კითხვის ნიშანი არა აქვთ სპორტსმენებს, რადგან შევეცადე, მაქსიმალურად ობიექტური ვყოფილიყავი.</p><p>აქვე დავამატებ, რომ ევროპის ჩემპიონატზე ორი მონაწილე ქალებშიც გვეყოლება. მათმა მთავარმა მწვრთნელმა ვალერი პარუნაშვილმა შორენა შარაძე (64 კგ) და ირინა ლეონიძე (80) შეარჩია საამისოდ, რომლებიც შეკრებაზეც არიან ჩვენთან.</p><p><strong>- თავისუფალი და ძიუდოს ნაკრებების ახალ სამწვრთნელო შტაბებსაც დებიუტი ევროპის ჩემპიონატებზე ჰქონდათ და ორივე სახეობაში ბრწყინვალე შედეგები მივიღეთ. თავად რას ელით ამ შეჯიბრებისგან?</p><p></strong>- პროგნოზის გაკეთება ძნელია, თუმცა იმედი მაქვს, რომ ყველა ხარისხის მედალი გვექნება. შევეცდებით, სხვა საჭიდაო სახეობების ნაკრებების დარად, წარმატებულად ვიასპარეზოთ.</p><p><strong>ყოველდღიური სპორტული გაზეთი "ლელო"</strong></p>
ისტორიული შედეგი - ქართველმა სამბისტებმა ევროპირველობაზე 13 მედალი მოიპოვეს
ლერი აბულაძე მსოფლიოს ჩემპიონი გახდა [VIDEO]
"ნუ გადავიტანთ ამ ყველაფერს პოლიტიკურ ჭრილში" - სამბოს ფედერაცია განცხადებას ავრცელებს
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
უკრაინასთან მატჩში საქართველოს ნაკრების შემადგენლობა ცნობილია
საქართველოს ნაკრებმა პირველი ვარჯიში თბილისი არენაზე გამართა
საბა ლაზიშვილი: უმართან ბრძოლა ჩემთვის პირადულია, რადგან კულისებს მიღმა ისეთი რაღაცები მოხდა...
ერლინგ ჰოლანმა შესაძლოა, ზაფხულში "სიტი" დატოვოს
დვალიშვილის თხოვნის შემდეგ, უსმან ნურმაგომედოვი და მისი თანაგუნდელები აბუ-დაბის ციხიდან გაათავისუფლეს
[VIDEO] "ილიასთან მთელი ცხოვრების გატარება მინდოდა... ურთიერთობის გაგრძელება ამას ნიშნავდა" - თოფურიას ყოფილმა მეუღლემ საჯაროდ განქორწინებაზე პირველად ისაუბრა
რომელუ ლუკაკუმ 33 წლის ასაკში სანაკრებო კარიერა დაასრულა
მილევსკიმ უკრაინა ანდორას დონეზე დააყენა და ჩვენ უფრო ცუდ დღეში მოგვიხსენია - მაშინ სადაა საქართველოს ნაკრები?!
რამოსი კვლავ ლა ლიგაში? - ლეგენდარულ ესპანელს ახალი ვარიანტი აქვს
მესი კვლავ არგენტინის ნაკრებში და უკვე სხვა როლით? - ლეოს ახალი წინადადება აქვს
წლის რჩეული მამაკაცი - საფრანგეთში ამ პრიზის მფლობელი კვარაცხელია გახდა
ოფიციალურად: "კრისტალ პალასს" ახალი მთავარი მწვრთნელი ჰყავს
"ყველაზე სამწუხარო, შენი სასოწარკვეთის ეს დონეა" - ბასილაშვილის პასუხი იმ ადამიანს, რომელმაც გარიგებულ მატჩებში დაადანაშაულა
[VIDEO] 5:0 - კლოპის გერმანიამ ჩავის ნიდერლანდები გაანადგურა და ჯგუფის გამარჯვებული გახდა
უკრაინელთა მწვრთნელი: ფეხბურთელებს საქართველოსთან გამარჯვების უზარმაზარი სურვილი აქვთ - ამას იმსახურებენ
შევჩენკომ უკრაინის ნაკრების მწვრთნელს მხარდაჭერა გამოუცხადა
მატჩის დღე! რა შეუძლია საქართველოს ნაკრებს?