- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ლოკომოტივი-სპარტაკი 10:17 - როგორც ოდესღაც, "ლოკომოტივი" "სპარტაკის" წინააღმდეგ
<p>საქართველოში საწვრთნელი მატჩების გასამართავად რუსეთის ჩემპიონატში მოასპარეზე მოსკოვის "სპარტაკი" ჩამოვიდა <br> საქართველოში საწვრთნელი მატჩების გასამართავად რუსეთის ჩემპიონატში მოასპარეზე მოსკოვის "სპარტაკი" ჩამოვიდა, რომლის მწვრთნელთა შტაბი, კლუბის ხელმძღვანელები და მორაგბეთა უმრავლესობა ქართველია.</p><p>მოსკოველთა პირველი მეტოქე საქართველოს მრავალგზის ჩემპიონი თბილისის "ლოკომოტივი" იყო. "ვისოლის" სარაგბო სტადიონზე გამართული მატჩი სტუმრების გამარჯვებით დასრულდა - 17:10. მიუხედავად იმისა, რომ ქართული გუნდი რუსულს ეთამაშებოდა, მოედანზე მხოლოდ ქართული ლაპარაკი ისმოდა.</p><p>მოსკოვის "სპარტაკმა" ახლახან რუსეთის თასის გათამაშებაში იასპარეზა და ახლა ჩემპიონატისთვის ემზადება, რომელიც სტარტს ორ კვირაში აიღებს.</p><p>"ლოკომოტივმა" კი საქართველოს ჩემპიონატში ბოლოს თითქმის ერთი თვის წინათ ითამაშა და მეექვსე ადგილი დაიკავა. მას შემდეგ გუნდი შვებულებაშია და სახელდახელოდ შეკრებილებმა სტუმრებთან გამკლავება სცადეს. არ გამოუვიდათ.</p><p>თამაში მოსკოველთა შეტევებით დაიწყო და პირველივე იერიში, რომლის ორგანიზებას სტუმრებმა ოთხი წუთი მოანდომეს, ლელოთი დასრულდა.</p><p>სპარტაკელებმა იერიშის მიმართულება ორჯერ შეცვალეს და უპირატესობას მარჯვენა ფრთაზე მიაღწიეს. მორკინალებმა რამდენიმე მოკლე დარტყმით მეტოქის 22-მეტრიან ზონაში შეაღწიეს, რაკში რკინიგზელები უხვად ჩაითრიეს და მარცხენა ფრთაზე რიცხობრივი უპირატესობა შექმნეს.</p><p>ეს დროულად შენიშნა სტუმართა ცხრა ნომერმა ზურაბ თუთბერიძემ და ბურთი ხაზზე გაიტანა.</p><p>მოსკოველებმა ის ბოლომდე ჩაათამაშეს და ჩათვლის მოედანში უკნიდან ჩართულმა ფულბეკმა ალექსანდრე დიმიტრიუკმა შეაღწია. გარდასახვა მგეზავმა ანდრეი ლიზოგუბმა ვერ გამოიყენა - 5:0.</p><p>"ლოკომოტივმა" ანგარიშის გათანაბრება პირველივე მცდელობაზე მოახერხა. მატჩის მე-9 წუთზე "სპარტაკის" ლელოს მისადგომებთან რკინიგზელთა სასარგებლოდ საჯარიმო დაინიშნა. მასპინძლებმა შერკინება მოითხოვეს.</p><p>მძლავრი მიწოლის შემდეგ სტუმართა მორკინალები აირივნენ. ამით კარგად ისარგებლა ცხრა ნომერმა საბა ჭურღულიამ, რომელმაც მარცხენა, მოკლე ფრთაზე თავისი გუნდის რიცხობრივი უპირატესობა შენიშნა. მან ბურთი მგეზავ დავით კიკნაძეს გაატანა, რომელმაც მეტოქე ცრუ მანევრით ჩამოიცილა და ლელო მიითვალა. გარდასახვა მანვე დაარტყა, მაგრამ არაზუსტად - 5:5.</p><p>ამის შემდეგ თამაში თანაბარ ბრძოლაში მიმდინარეობდა. უპირატესობის მოპოვებას ორივე გუნდი მორკინალების დარტყმებით ცდილობდა, თუმცა სპარტაკელები თამაშის ხაზზე გაშლასაც ახერხებდნენ.</p><p>მორიგი იერიშისას, 26-ე წუთზე სტუმრებმა ისევ მარცხენა ფრთაზე შექმნეს რიცხობრივი უპირატესობა. კიდესთან ახლოს, გარემარბის პოზიციაზე მესამეხაზელი, ყოფილი ლოკომოტიველი ლაშა თავბერიძე აღმოჩნდა, რომელმაც ლელომდე 30 მეტრი ისე ირბინა, ხელი ვერავინ შეუშალა. ლიზოგუბმა გარდასახვა ამჯერად გამოიყენა - 12:5.</p><p>ანგარიშის გათანაბრების საშუალება "ლოკომოტივს" პირველი ტაიმის დასრულებამდე ერთი წუთით ადრე მიეცა. იერიში მოედნის ცენტრში კიკნაძემ წამოიწყო, მერე მორკინალებმა ჯაბა კიკვიძემ და დავით გასვიანმა განაგრძეს.</p><p>ამ უკანასკნელის შეჩერება მეტოქემ ჩათვლის მოედნიდან ხუთ მეტრში შეძლო. ჭურღულიამ რაკიდან ბურთი მარცხენა, გრძელ ფრთაზე გაიტანა, თუმცა იქ რკინიგზელებმა "სპარტაკის" დაცვის ხაზის გაჭრა ვერ შეძლეს.</p><p>მერე შეტევის მიმართულება შეცვალეს. ბურთი შუამარბმა ნიკოლოზ ბერძულმა მიიღო, რომელმაც სამ მეტოქეს ოსტატურად აუარა გვერდი და ჩათვლის მოედანში შევიდა. კიკნაძემ გარდასახვა ვერ გაიტანა და მასპინძლებმა ტაიმი ორი ქულის სხვაობით წააგეს - 10:12.</p><p>მატჩის მეორე ნახევრისა და თავსხმა წვიმის დაწყება ერთი იყო. შედეგად, გუნდებს ცარიელი ტრიბუნების წინაშე მოუწიათ თამაში. ამასთან ერთად, ასპარეზობაც სანახაობრივად ნაკლებად მიმზიდველი გამოდგა. მორაგბეებს სველ მინდორზე ფეხი ხშირად უცურავდათ და შეცდომასაც მრავლად უშვებდნენ.</p><p>მიუხედავად ამისა, "სპარტაკმა" ერთი ლელოს გატანა მაინც მოახერხა. შეტევის ტაქტიკური მონახაზი არ შეცვლილა. 54-ე წუთზე მორკინალების დარტყმებს ბურთის მარცხენა, გრძელ ფრთაზე ჩათამაშება მოჰყვა, რომლის შემდეგაც ლელო გარემარბმა იუსტინ პეტრუშკამ გაიტანა. ლიზოგუბმა გარდასახვა ძალზე უხეიროდ დაარტყა, ისე, რომ ბურთი ხარიხას არ გადასცილებია - 17:10.</p><p>მატჩის გადასარჩენად დრო საკმარისად იყო დარჩენილი. "ლოკომოტივმა" სათამაშო უპირატესობის მოპოვება კი შეძლო, მაგრამ დაცვაში თავგანწირვით მოთამაშე ქართველ სპარტაკელებს ვერაფერი მოუხერხა და დამარცხდა.</p><p><em><strong>ლოკომოტივი-სპარტაკი 10:17</p><p></strong></em>ლოკომოტივი (15-9) კობერიძე (ნიკოლავა 41), ქავთარაძე, ბერძული, დ. ჭურღულია, პინაიშვილი, კიკნაძე, ს. ჭურღულია. (1-8) გასვიანი, სოსელია, ბელიაშვილი, გეგია (ნიშნიანიძე 41), ფოფხაძე, ბერიშვილი, ხულუაშვილი, კიკვაძე.</p><p>2ლ: კიკნაძე, ბერძული.</p><p>სინბინი: სოსელია</p><p>სპარტაკი (15-9) დიმიტრიუკი, ფრუიძე, ევსეევი, ლიზოგუბი, პეტრუშკა, კოკორინი, თუთბერიძე (გოგია 41). (1-8) კვანტიძე, ერისთავი, ხეჩიკოვი, მინაძე, კვერნაძე, ცირეკიძე, თავბერიძე, მალიაკინი.</p><p>3ლ: დიმიტრიუკი, თავბერიძე, პეტრუშკა. გ: ლიზოგუბი.</p><p>მსაჯი: სულხან ჩიხლაძე (ქუთაისი)</p><p><strong>ყოველდღიური სპორტული გაზეთი "ლელო"</strong></p>
ნიკა ამაშუკელის "საუკეთესო ბილეთი" ჩემპიონთა თასის ნახევარფინალში
"შავი ლომი" | სამი მატჩი სამხრეთაფრიკულ გუნდებთან
7-ქალა მონაკოს ტურნირზე ითამაშებს
საქართველოს ნაკრებმა ევროპის ჩემპიონატზე რვა მედალი მოიპოვა
ლოჩოშვილის "ნიურნბერგმა" "მაგდებურგს" მოუგო
ლევანდოვსკის MLS-ში ტრანსფერი ჩაიშალა
თსუ კავკასიასთან 2:0 დაწინაურდა, ორბმა მარგვეთს სერია გაუთანაბრა
ლეგიონერები - ირაკლი კბილაშვილი საუკეთესო იყო, წარმატებული კვირა ჰქონდა გიორგი ცხოვრებაძეს
გოჩოლეიშვილი შეცვლაზე შევიდა - "ჰამბურგი" ისევ დამარცხდა
VIDEO | ეროვნული ლიგა | სამგურალი 1-2 დინამო (თბ). ქეცბაიას 3-ქულიანი დებიუტი - "დინამომ" 7-მატჩიანი მოუგებელი სერია შეწყვიტა
"ანჟესთან" მატჩში პსჟ-ს შემადგენლობა ცნობილია
[VIDEO] "ბაიერნის" ქამბექი 0:3-დან და ოლისეს ზღაპრული გოლი - "რეკორდმაისტერი" პსჟ-სთან მატჩს კარგ ხასიათზე ხვდება
კვერნაძის "ფროზინონემ" ისევ გაიმარჯვა და სერია A-ში დაბრუნებასთან ახლოსაა
[VIDEO] ზივზივაძე დაფრინავს - ქართველის ზედიზედ მესამე გოლი ბუნდესლიგაში
"უოტფორდის" ზედიზედ მეოთხე მარცხი - ჩაკვეტაძე და გოგლიჩიძე სათადარიგოთა შორის იყვნენ
ბენზემამ გამორიცხა - კარიმი ფეხბურთელის რანგში მშობლიურ გუნდში არ დაბრუნდება
"მილანი" ძლიერდება - "როსონერი" ორი ტრანსფერის განხორციელებასთან ძალიან ახლოსაა
"არ ვცდილობთ, რომ მსოფლიოში ყველაზე მდიდარი ადამიანები ვიყოთ" - ბრუნომ ახსნა, რატომ არ წავიდა საუდის არაბეთში
"თუ გააბედნიერებს, წავიდეს" - ფაბრეგასს "ჩელსისკენ" გზა ეხსნება
სკანდალის დასასრული - UEFA-მ პრესტიანი 6 მატჩით დასაჯა
მბაპე ტრავმირებულია - "რეალს" მორიგი პრობლემა აქვს
დაბრუნება "რეალში" თუ კვლავ "ბენფიკაში" მუშაობა - მოურინიომ თავის მომავალზე ისაუბრა
"ცოტ-ცოტას ყველაფერს მიირთმევს, მაგრამ... " - რონალდოს ყოფილმა შეფ-მზარეულმა კრიშტიანოს კვებაზე ისაუბრა