- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
დიდი ერის დასასრული: შააფი გაუშვეს!
<p><span style="line-height: 1.3em;" />თომასმა ვერდერში 14 წელი იმუშავა... <br> </span>რაკი "ვერდერმა" შაბათს, ბუნდესლიგის 33-ე ტურში, ელიტაში დარჩენა გაინაღდა, ბრემენული კლუბის მთავარ მწვრთნელ <strong>თომას შააფს </strong>გათავისუფლების საფრთხე თითქოს აღარ ემუქრებოდა, მაგრამ როგორც აღმოჩნდა, "ვერდერის" ხელმძღვანელები სწორედ ამას ელოდებოდნენ:</p><p>როგორც კი გაირკვა, რომ ბრემენელებს მეორე ბუნდესლიგაში დაქვეითების საფრთხე აღარ ემუქრებოდათ, ოფიციალურად დადასტურდა, რომ 14-წლიანი (!) თანამშრომლობის შემდეგ "ვერდერისა" და შააფის გზები გაიყო. 52 წლის სპეციალისტთან გამოთხოვება ბრემენში ოფიციალურად დილასვე დაადასტურეს - მანამდე თომასი შეგირდებს და თანამშრომლებს გამოემშვიდობა, რაც იმას ნიშნავს, რომ ბუნდესლიგის ბოლო ტურის შეხვედრაში (ნიურნბერგთან) გუნდს აღარ უხელმძღვანელებს.</p><p><em>"როგორც იცით, ამ დღეებში ჩვენს გუნდში შექმნილი ვითარების დეტალურად გაანალიზებას ვაპირებდით. ეს უკვე მოხდა და კლუბის ხელმძღვანელები იმ დასკვნამდე მივედით, რომ "ვერდერში" ბევრი რამის თავიდან დაწყება გვინდა. თომას შააფს უღრმეს მადლობას ვუხდით ყველაფრისთვის, რაც 40 წლის განმავლობაში "ვერდერისთვის" ფეხბურთელისა და მწვრთნელის რანგში გააკეთა. ბრემენულმა კლუბმა მასთან ერთად ბევრ რამეს მიაღწია, თომასმა "ვერდერში" თავისი ერა შექმნა და კლუბის ისტორიაში შევიდა,"</em> - ამბობს გუნდის მენეჯერი <strong>თომას აიხინი</strong> ოფიციალურ განცხადებაში და დასძენს: <em>"პირველ ბუნდესლიგაში ადგილის ოფიციალურად შენარჩუნების შემდეგ მიგვაჩნია, რომ გაყრა ორივე მხარისთვის საუკეთესო გამოსავალია და რომ "ვერდერში" ახალი ხანა უნდა დაიწყოს."</em></p><p>"ვერდერს" შააფის შემცვლელი ჯერჯერობით არ ჰყავს. ის კი ცნობილია, რომ სეზონის ბოლო ორ კვირაში გუნდს თომასის თანაშემწეები,<strong> ვოლფგანგ როლფი </strong>და <strong>მათიას ჰიონერბახი</strong> უხელმძღვანელებენ.</p><p>აიხინმა პრესკონფერენციაც გამართა, რომელზეც ოფიციალურად დაადასტურა, რომ შააფი თავისი ნებით არ გადამდგარა, რაც იმას ნიშნავს, რომ თომასი კლუბმა გაათავისუფლა. გარდა ამისა, ნაშუადღევს გამართულ პრესკონფერენციაზე "ვერდერის" მენეჯერმა ისიც თქვა, რომ შააფის შემცვლელს მშვიდად მოძებნის: <em>"სპეკულაციები უკვე დაიწყო, მაგრამ კონკრეტული გვარების შესახებ არაფერს ვიტყვი. რა თქმა უნდა, გარკვეული მოსაზრებები უკვე მაქვს, მაგრამ ეს მხოლოდ მოსაზრებებია. ფაქტია, რომ დრო საკმაოდ გვაქვს და "ვერდერს" ღირსეულ მწვრთნელს შევურჩევთ,"</em> - აღნიშნა აიხინმა.</p><p>პირველი სპეკულაციების თანახმად, შააფის შემცვლელებად "ვერდერში" <strong>მეჰმეთ შოლი </strong>და <strong>ჰოლგერ სტანისლავსკი</strong> მოიაზრებიან.</p><p><strong><span style="color: #ff0000;">შააფი მხოლოდ რეჰალეგს და ფინკეს ჩამორჩა</p><p></span></strong><em>"თითქმის მთელი ცხოვრება ამ გუნდს მივუძღვენი. მადლობა ყველას, ვინც ამ ხნის მანძილზე მომყვებოდა და მხარს მიჭერდა. ბრემენის "ვერდერს" წარმატებულ მომავალს ვუსურვებ,"</em> - ეს თავად შააფის სიტყვებია, წარმოშობით მანჰაიმელი კაცისა, რომელმაც ბრემენულ კლუბში ზუსტად 5 119 დღე იმუშავა. აღსანიშნავია, რომ ამ მხრივ მასზე ხანგრძლივი ერა ბუნდესლიგაში მხოლოდ ორ მწვრთნელს აქვს შექმნილი: <strong>ოტო რეჰაგელს</strong> (5 202 დღე ბრემენში) და <strong>ფოლკერ ფინკეს</strong> (5 843 დღე ფრაიბურგში). შედარებისთვის: იმ ხნის განმავლობაში, როცა შააფი "ვერდერში" მუშაობდა, "ვოლფსბურგმა" 12 მწვრთნელი გამოიცვალა.</p><p>აღსანიშნავია, რომ ფეხბურთელისა და მწვრთნელის რანგში კლუბის ერთგულებით შააფი პირველ ადგილზეა: დღეს უკვე 52 წლის თომასი, საერთო ჯამში, "ვერდერს" ბუნდესლიგის 741 მატჩში ემსახურა. ამ კრიტერიუმში მას კონკურენციას ვერც თვით ფრანკფურტის "აინტრახტის" ლეგენდა <strong>კარლ-ჰაინც კიორბელი</strong> (641 მატჩი) უწევს.</p><p><em>"ამას ნამდვილად არ ველოდით. უფრო სწორად, აღარ ველოდით. შააფის წასვლა ყველას გაგვიკვირდა. დამშვიდობების მომენტი ყველამ ემოციურად განვიცადეთ. შააფისა და "ვერდერის" გზების გაყრა იმდენად წარმოუდგენელი ჩანდა, რომ ახლაც არ მჯერა. თომასმა "ვერდერისთვის" ძალიან ბევრი გააკეთა. მას დიდი მადლობა ეკუთვნის,"</em> - ეს "ვერდერის" კაპიტან <strong>კლემენს ფრიტცის</strong> სიტყვებია.</p><p><strong><span style="color: #ff0000;">"ვერდერი" ყველაფერს თავიდან იწყებს</p><p></span></strong>მოდი, კიდევ ერთხელ გადავავლოთ თვალი თომას შააფის სამწვრთნელო კარიერას "ვერდერში": ბრემენული კლუბი მან 1988/99 წლების სეზონის 32-ე ტურში ჩაიბარა და ამ თანამდებობაზე ფელიქს მაგათი შეცვალა. მას მერე შააფმა "ვერდერს" ბუნდესლიგის 479 მატჩში უხელმძღვანელა (223 მოგება, 106 ფრე, 150 მარცხი). საერთო ჯამში, თომასი "ვერდერის" მწვრთნელი 645 ოფიციალურ შეხვედრაში გახლდათ.</p><p>"ვერდერში" მისთვის საუკეთესო 2003/04 წლების სეზონი გახლდათ - იმ სეზონში შააფის "ვერდერმა" გერმანიაში დუბლი შეასრულა: მოიგო ბუნდესლიგაც და გერმანიის თასიც. გარდა ამისა, შააფმა "ვერდერს" გერმანიის თასი 1999 და 2009 წლებშიც მოაგებინა.</p><p>ზემოთაც ვთქვით, რომ თომას შააფს აქტიური სპორტული კარიერაც "ვერდერში" აქვს გატარებული - ბრემენულ კლუბში 1973 წელს ჩაირიცხა და მას მერე ყველა თაობის გუნდში ითამაშა. თომასი საკმაოდ დიდხანს იყო "ვერდერის" ძირითადი შემადგენლობის ფეხბურთელი, კარიერის დასრულების შემდეგ კი ჯერ მეორე გუნდი ჩააბარეს, მერე კი მთავარი გუნდის დამრიგებელი გახდა.</p><p>შააფის ერას "ვერდერში" <strong>კლაუს ალოფსის</strong> სახელიც უკავშირდება - კაცისა, რომელიც სპორტული დირექტორი გახლდათ და კლუბს მასთან ერთად მართავდა. ალოფსისა და შააფის ხელმძღვანელობით "ვერდერი" ერთი ხანობა "ბაიერნის" სერიოზული კონკურენტი გახლდათ და ექვსჯერ ითამაშა ჩემპიონთა ლიგაში.</p><p>ბოლო წლებში "ვერდერს" კრიზისი დაეწყო და საშუალო დონის გერმანულ კლუბად იქცა. ამ სეზონში კი მეორე ბუნდესლიგაში დაქვეითების საფრთხე ემუქრებოდა, რასაც მხოლოდ ახლახან, 33-ე ტურში "აინტრახტთან" მიღწეული ფრით (1:1) გადაურჩა. ალოფსმა "ვერდერი" ნოემბერში დატოვა და "ვოლფსბურგში" გადავიდა. ახლა კი "მუსიკოსებს" შააფიც დაემშვიდობა, რაც იმას ნიშნავს, რომ ბრემენულ კლუბში მართლაც ყველაფერი თავიდან დაიწყება.</p><p>აღსანიშნავია, რომ სპორტულ წარუმატებლობებთან ერთად, "ვერდერს" ფინანსური პრობლემებიც აქვს. 2011/12 ფინანსური წელიწადი კლუბმა სარეკორდო მინუსით შეაჯამა...</p><p><strong>ყოველდღიური სპორტული გაზეთი "ლელო"</strong></p><p><strong><span style="color: #ff0000;">ასევე იხილეთ:</span></strong></p><p><a href="/fexburti/uckhouri-fekhburthi/germania/49575-qverdermaq-thomas-shaafi-gaagdo.html" target="_blank">"ვერდერმა" თომას შააფი გააგდო</a></p>
კარლი სრულწლოვანი გახდება და "ბაიერნი" ახალ კონტრაქტს გაუფორმებს
საუდის არაბეთი თუ "ბაიერნში" დარჩენა - მიუნხენელები კეინის კონტრაქტზე გადამწყვეტი ნაბიჯისთვის ემზადებიან
"ჩემს მკერდამდე აღწევდა" - OnlyFans-ის მოდელი ახალგაზრდა ამომავალ ვარსკვლავთან ურთიერთობაზე
მერაბ რატიშვილი მონტენეგრო-საბერძნეთის მატჩს უკომისრებს
კალანდაძე თბილისის "დინამოში" დაბრუნდა
საქართველოს 15-ქალა ნაკრების წინსვლა რეიტინგში
გრიზმანი MLS-ში - მოლაპარაკებები დასკვნით სტადიაშია
ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია
"ხვიჩა ძალიან მომწონს, სალაჰის შეცვლის კარგი ვარიანტია" - "ლივერპულის" ყოფილმა ფეხბურთელმა კლუბს კვარაცხელიას ყიდვა შესთავაზა
კიდევ დიდი ხნით პსჟ-ში - ჟოაო ნევეში კონტრაქტს გაახანგრძლივებს
პარიზელთა შეტევა დემბელეს არყოფნაში - ყველაფერი ლიგის განმეორებით მატჩებზე
ქალთა ნაკრები საბერძნეთთან მატჩისთვის მზადებას განაგრძობს
ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს
15-ქალა | ხორვატებთან ახალი რეკორდით
20 წ. | კარგი ტაიმით მსოფლიოს ჩემპიონთან
კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?
"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო
"სერია A-ში თამაში ყველაზე რთულია" - ალეგრი "პარმასთან" მარცხის შემდეგ
L'Équipe: პსჟ-ში შევალიეს ბედი საფონოვზეა დამოკიდებული
ლებრონ ჯეიმსმა მორიგი რეკორდი დაამყარა
თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა
"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა
[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა