<p>ზე რაგბის გათამაშების მე-15 ტური უცნაური გამოდგა <br> ზე რაგბის გათამაშების მე-15 ტური უცნაური გამოდგა. ავსტრალიის კონფერენციის ორივე ლიდერმა წააგო. ახალი ზელანდიისა და სამხრეთი აფრიკის კონფერენციებში კი გამარჯვებას მიაღწიეს და პოზიციები გაიმყარეს.</p><p><span style="color: #ff0000;"><strong>ავსტრალია</strong></span></p><p>ავსტრალიის კონფერენციაში პირველ ადგილზე მყოფმა კანბერას "ბრამბიზმა" სტუმრად ითამაშა სიდნეის "ვორათაზთან" და 22:28 წააგო.</p><p>კანბერელები 43-ე წუთამდე ანგარიშში წინ იყვნენ და სწორედ ამ დროისთვის შეძლეს მასპინძლებმა ანგარიშის გათანაბრება - 13:13. გადამწყვეტი უპირატესობა "ვორათაზმა" მატჩის ბოლო ათ წუთში მოიპოვა.</p><p>ამავე კონფერენციაში ბოლოადგილოსანმა პერთის "ფორსმა" სამხრეთ აფრიკის კონფერენციის მესამეადგილოსან დურბანის "ნატალ შარქსს" უმასპინძლა და 13:23 წააგო.</p><p>აღსანიშნავია, რომ პერთელებმა პირველი ტაიმი მცირედი უპირატესობით მოიგეს - 10:7. სტუმრებმა გარდატეხას დასკვნით 20 წუთში მიაღწიეს. მათ ერთი გარდასახული ლელოსა და ორი საჯარიმოს გატანა შეძლეს.</p><p>მეორე წყვილში, სადაც ასევე ავსტრალიური და სამხრეთაფრიკული გუნდები დაუპირისპირდნენ ერთმანეთს, გამარჯვება მასპინძლებს დარჩათ. "მელბურნ რებლზმა" დაძაბულ მატჩში კეიპთაუნის "სტორმერზს" მოუგო - 30:21.</p><p><strong>XIV ტური </strong></p><p>მელბურნ რებლზი-სტორმერზი 30:21, ფორსი-ნატალ შარქსი 13:23.</p><p><span style="text-decoration: underline;">სატურნირო მდგომარეობა </span></p><p>1. ბრამბიზი - 46 ქულა, 2. რედსი - 44, 3. ვორათაზი - 38, 4. მელბურნ რებლზი - 28, 5. ფორსი - 19.</p><p><strong>XV ტური</strong></p><p>მელბურნ რებლზი-ვორათაზი, ფორსი-ჰაილენდერზი</p><p><span style="color: #ff0000;"><strong>ახალი ზელანდია </strong></span></p><p>ახალი ზელანდიის კონფერენციაში ლიდერმა, ჰემილთონის "ჩიფსმა" სტუმრად ითამაშა ველინგტონის "ჰარიკენზთან" და 17:12 მოუგო.</p><p>დედაქალაქელებმა ჰემილთონელებს სერიოზული წინააღმდეგობა პირველ ტაიმში გაუწიეს, თუმცა სამი ქულის სხვაობით მაინც წააგეს - 9:12. შესვენების შემდეგ სტუმრები მეტი ყურადღებით გაისარჯნენ და მეტად მნიშვნელოვანი გამარჯვების მოპოვება შეძლეს.</p><p>განსაკუთრებულ ინტერესს კი ამავე კონფერენციის მესამეადგილოსნის, ზე რაგბის ყველაზე ტიტულოვანი გუნდის, ქრაისთჩერჩის "კრუსეიდერზის" და მეორე ადგილზე მყოფი ოქლენდის "ბლუზის" დაპირისპირება იწვევდა.</p><p>"ჯვაროსნებმა" შინ შესანიშნავად ითამაშეს და მეტოქეს 20 ქულის სხვაობით მოუგეს - 23:3. შედეგად, ქრაისთჩერჩელები სატურნირო ცხრილში მეორე საფეხურზე გადაბარგდნენ.</p><p>თამაშში მონაწილეობა არ მიუღია გამოჯანმრთელებულ რიჩი მაქოას. სამაგიეროდ, მწყობრში იყო მგეზავი დენ კარტერი, თუმცა კარში დარტყმის ფუნქცია ფულბეკმა ტომ ტეილორმა ითავა. მან სამი საჯარიმო და ორი გარდასახვა გაიტანა (13 ქულა).</p><p><strong>XIV ტური </strong></p><p>ჰარიკენზი-ჩიფსი 12:17, კრუსეიდერზი-ბლუზი 23:3</p><p><span style="text-decoration: underline;">სატურნირო მდგომარეობა</span></p><p>1. ჩიფსი - 48 ქულა, 2. კრუსეიდერზი - 42, 3. ბლუზი - 41, 4. ჰარიკენზი - 34, 5. ჰაილენდერზი - 16.</p><p><strong>XV ტური</strong></p><p>ჩიფსი-კრუსეიდერზი, ბლუზი-ბრამბიზი</p><p><span style="color: #ff0000;"><strong>სამხრეთი აფრიკა</strong></span></p><p>სამხრეთ აფრიკის კონფერენციაში, როგორც უკვე ვთქვით, ორივე ლიდერმა გაიმარჯვა. ამ ქვეყნის რაგბის ფლაგმანმა, პრეტორიის "ბლუ ბულზმა" შინ მიიღო ახალი ზელანდიის კონფერენციის აუტსაიდერი, დანიდინის "ჰაილენდერზი" და 35:18 დაამარცხა.</p><p>მასპინძლები 72-ე წუთამდე 24 ქულის სხვაობით იგებდნენ. დანიდინელები დასკვნით რვა წუთში გააქტიურდნენ, თუმცა ანგარიშის მხოლოდ 17 ქულამდე შემცირება შეძლეს. "ლურჯი ხარების" მგეზავმა მორნი სტეინმა სამი საჯარიმო და ამდენივე გარდასახვა გაიტანა (15 ქულა).</p><p>პრეტორიელებს კვალში უდგას ბლუმფონტეინის "ჩიტაზი", რომელმაც შინ დაამარცხა ავსტრალიის კონფერენციის მეორეადგილოსანი, ბრისბენის "რედსი" - 27:13.</p><p>"წითლებს" ორი ლელო მასპინძელთა ცხრა ნომერმა პეტრუს ერასმუს ფან ზილმა გაუტანა. მასპინძლების უპირატესობა მთელი თამაშის განმავლობაში საგრძნობი იყო. ისინი მეტოქეს 77-ე წუთამდე 21 ქულის სხვაობით უგებდნენ. ბრისბენელებმა ერთი საპასუხო ლელოს გატანა თამაშის დასრულებამდე სამი წუთით ადრე მოახერხეს.</p><p><strong>XIV ტური </strong></p><p>ბლუ ბულზი-ჰაილენდერზი 35:18, ჩიტაზი-რედსი 27:13</p><p><span style="text-decoration: underline;">სატურნირო მდგომარეობა </span></p><p>1. ბლუ ბულზი - 46, 2. ჩიტაზი - 40, 3. ნატალ შარქსი - 33, 4. სტორმერზი - 30, 5. საუთერნ კინგზი - 24.</p><p><strong>XV ტური </strong></p><p>საუთერნ კინგზი-ჩიტაზი, სტორმერზი-რედსი, ნატალ შარქსი-ბლუ ბულზი.</p><p><strong>ყოველდღიური სპორტული გაზეთი "ლელო"</strong></p>
რაგბის კავშირმა და მაისაშვილმა თანამშრომლობა დაასრულეს
15-ქალას ელიტური მეტოქე
ნიკა ამაშუკელი - ტოკიო, ლონდონი და გენუა
უკრაინასთან მატჩში საქართველოს ნაკრების შემადგენლობა ცნობილია
საქართველოს ნაკრებმა პირველი ვარჯიში თბილისი არენაზე გამართა
ერლინგ ჰოლანმა შესაძლოა, ზაფხულში "სიტი" დატოვოს
რომელუ ლუკაკუმ 33 წლის ასაკში სანაკრებო კარიერა დაასრულა
რამოსი კვლავ ლა ლიგაში? - ლეგენდარულ ესპანელს ახალი ვარიანტი აქვს
ოფიციალურად: "კრისტალ პალასს" ახალი მთავარი მწვრთნელი ჰყავს
[VIDEO] 5:0 - კლოპის გერმანიამ ჩავის ნიდერლანდები გაანადგურა და ჯგუფის გამარჯვებული გახდა
უკრაინელთა მწვრთნელი: ფეხბურთელებს საქართველოსთან გამარჯვების უზარმაზარი სურვილი აქვთ - ამას იმსახურებენ
"აზაროვმა მითხრა, რომ ხვალ გაგვაბახებენ" - გაუმხილა უკრაინელმა ფეხბურთელმა ჟურნალისტს
კაკაბაძე: გამარჯვებას მონატრებული ვართ და გვინდა, გულშემატკივარი გავახაროთ
სვანაძე: გოლი და გამარჯვება გუნდის ფსიქოლოგიურ სიტუაციას შეცვლის
მერკვილაძის კარიერის მატჩი: პირადსარეკორდო 30 ქულა და გამარჯვება როტერდამში
ბათუმის "დინამოს" წარმომადგენლები ლისაბონში გამართულ მასშტაბურ საფეხბურთო სამიტს - TransferRoom LIVE Global-ს დაესწრნენ
შერმადინის "ტენერიფემ" ანდრონიკაშვილის "ანდორას" სტუმრად მოუგო
"ბორჯღალოსნები" | ჩემპიონების ჯახი "მიხეილ მესხზე" - მომავალი მეტოქე აშშ
კორსანტიას 12 მოხსნა და 6 ქულა 15 წუთში | ქართველის "ალიკანტე" დაუმარცხებელია
შევჩენკომ უკრაინის ნაკრების მწვრთნელს მხარდაჭერა გამოუცხადა
მატჩის დღე! რა შეუძლია საქართველოს ნაკრებს?
შეცვლის თუ არა პოჩეტინოს? - გვარდიოლამ საკუთარ მომავალზე გადაწყვეტილება მიიღო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა