<p>გიორგი დარასელიას "სკა-ენერგია" და დავით სირაძის "სპარტაკი" რუსეთის პრემიერლიგაში გადასასვლელ პლეი ოფში იბრძოლებენ <br> დასრულდა აზერბაიჯანის ჩემპიონატი, სადაც მესამე საპრიზო ადგილი დაიკავა <strong>კახა ცხადაძის</strong> მიერ გაწვრთნილმა "ინტერმა". ბაქოური კლუბი მეორეადგილოსან "ყარაბახს" ორი ქულით ჩამორჩა, ხოლო ჩემპიონ "ნეფთჩის" - ხუთით.</p><p>ბოლო ტურში "ინტერმა" "გაბალას" უმასპინძლა და მოწინააღმდეგე 1:0 დაამარცხა. ბაქოელთა შემადგენლობაში მხოლოდ სამმა ქართველმა ითამაშა - <strong>გიორგი ლომაიამ</strong> და <strong>ილია კანდელაკმა</strong> მატჩი შეუცვლელად ჩაატარეს, სასტარტო შემადგენლობაში გამწესებული <strong>ბაჩანა ცხადაძე</strong> კი 77-ე წუთზე შეცვალეს.</p><p>"აზერისპორტის" ცნობით, ცხადაძე გუნდიდან ოთხ თანამემამულეს უშვებს - "ინტერს" დატოვებენ: ილია კანდელაკი, <strong>ვალერი აბრამიძე</strong>, <strong>გიორგი ადამია</strong> და მეკარე <strong>რევაზ თევდორაძე</strong>. შესაბამისად, ქართველთაგან ბაქოურ კლუბში რჩებიან მხოლოდ გიორგი ლომაია და ბაჩანა ცხადაძე.</p><p>"შემცირებაში" მხოლოდ ქართველები არ მოყვნენ - ცხადაძემ კიდევ რამდენიმე ლეგიონერზე თქვა უარი.</p><p><strong>გიორგი ფოფხაძის</strong> "ბაქი" მეხუთე ადგილზე გავიდა და ევროტურნირებს მიღმა დარჩა. პრემიერლიგის ბოლო ტურში "ბაქი" დედაქალაქურ დერბიში "ნეფთჩის" ეწვია და ჩემპიონს 1:0 სძლია. ქართველმა მცველმა სრულად ითამაშა.</p><p>აზერბაიჯანის ჩემპიონატი მეოთხე საფეხურზე დაასრულა ზაქათალის "სიმურგმა", რომელსაც სათავეში <strong>გიორგი ჩიხრაძე</strong> უდგას. ეს ამ კლუბის ბიუჯეტიდან გამომდინარე, სერიოზული წარმატებაა და სწორედ ამიტომ "სიმურგის" ხელმძღვანელობა ქართველ სპეციალისტს კიდევ ერთი წლით დარჩენას სთხოვს.</p><p><span style="color: #ff0000;"><strong>* * * </strong></span></p><p>რუსეთის პირველ დივიზიონში ხაბაროვსკის "სკა-ენერგია", რომელსაც <strong>გიორგი დარასელია</strong> წვრთნის, საკუთარ მოედანზე "უფას" დაუზავდა - 0:0.</p><p>"სკა-ენერგიას" ძირითად შემადგენლობაში ოთხი ქართველი იყო - <strong>ლაშა სალუქვაძე, გიორგი ნავალოვსკი, შოთა გრიგალაშვილი</strong> და <strong>გოჩა ხოჯავა</strong>. ამათგან პირველი ორი მეორე ტაიმის მსვლელობისას შეცვალეს, ხოლო გრიგალაშვილმა და ხოჯავამ შეხვედრა სრულად ჩაატარეს.</p><p>"სკა-ენერგია" პრემიერლიგაში გადასასვლელ პლეი ოფში ითამაშებს, სადაც მისი მეტოქე "კრილია სოვეტოვი" ან "როსტოვი" იქნება.</p><p>პლეი ოფში ამ ორიდან ერთ-ერთს შეხვდება ნალჩიკის "სპარტაკიც", რომლის ღირსებასაც <strong>დავით სირაძე</strong> იცავს.</p><p>"სპარტაკმა" პირველი დივიზიონის ბოლოსწინა ტურში "ბალტიკას" უმასპინძლა და მეტოქეს 2:0 აჯობა. ნალჩიკელთა ქართველმა თავდამსხმელმა მოედანზე 90 წუთი გაატარა.</p><p><span style="color: #ff0000;"><strong>* * * </strong></span></p><p>უნგრეთის ჩემპიონატში "დიორ ეტო" "ჰონვედს" ესტუმრა და 0:2 დამარცხდა. "დიორის" შემადგენლობაში <strong>გიორგი ქვილითაია</strong> 50-ე წუთზე გამოჩნდა, თუმცა 20 წუთში მოედნიდან გააძევეს.</p><p>ქვილითაია უკვე უნგრეთის ჩემპიონია - "დიორიმ" ეს ტიტული წინა ტურებში გაინაღდა.</p><p>"კეჩკემეტიმ", რომლის შემადგენლობაშიც <strong>გივი იოსელიანი</strong> ასპარეზობს, სტუმრად "დიოშდიორთან" 0:2 წააგო. ქართველმა ნახევარმცველმა შეხვედრას თვალი სათადარიგოთა სკამიდან ადევნა.</p><p><span style="color: #ff0000;"><strong>* * * </strong></span></p><p>ლიტვის თასის მოპოვება შეეძლო "შიაულაის" ქართველ თავდამსხმელ <strong>გიორგი ალავერდაშვილს</strong>, თუმცა ფინალში მისი გუნდი პენალტების სერიით 7:8 დამარცხდა "ჟალგირისთან".</p><p>მატჩის ძირითადი დრო 3:3 დასრულდა, ალავერდაშვილი კი პირველ დამატებით ტაიმში, 101-ე წუთზე შეცვალეს.</p><p><span style="color: #ff0000;"><strong>* * * </strong></span></p><p>შვეიცარიის ჩელენჯლიგაში "ბელინცონამ" სტუმრად 1:0 დაამარცხა "ბილ-ბინი". გამარჯვებულთა შემადგენლობაში მე-80 წუთიდან ითამაშა <strong>გიორგი ივანიშვილმა</strong>.</p><p><span style="color: #ff0000;"><strong>* * * </strong></span></p><p>სამხრეთ აფრიკის ჩემპიონატში "მოროკა სვოლოვსმა" "ბლუმფონტეინი" მიიღო და ფრედ, 1:1 ეთამაშა. მასპინძელთა შემადგენლობაში სრული მატჩი ჩაატარა <strong>გიორგი ნერგაძემ</strong>.</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
Qartveli 28
ლაშა სალუქვაძემ ტრავმა მიიღო და მინიმუმ სამი კვირა ვერ ითAმაშEბს.მარცვალაძე გუნდს უკვე შეუერთDა
კონფერენს ლიგა: მექვაბიშვილმა სომხურ "ნოასთან" საგოლე გადაცემა გააკეთა
კიტეიშვილის "შტურმი" ოთხი გამარჯვების შემდეგ "სელტიკთან" დამარცხდა
ვაკოს გადამწყვეტი ბრძოლა "ოქროს ბუცისთვის" და მისი სატრანსფერო ამბავი - სად ითამაშებს ქართველი მომდევნო სეზონში
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"ბარსელონამ" შეიძლება ტერ შტეგენი სხვა კლუბში გაუშვას
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა
ვარსკვლავური ფინალი 90 კილოგრამ წონით კატეგორიაში - ძიუდოში საქართველოს მასტერსი გაიმართა
[PHOTO] "სიტისთან" მატჩამდე მიქაუტაძე ძველ მეგობარს შეხვდა
კატასტროფულმა ზაბარნიმ უნიკალური ანტირეკორდი გაიმეორა
"მისით არ ვინტერესდებით" - "სპორტინგმა" საფონოვთან დაკავშირებული ჭორები უარყო