მშვიდობა კლუჟამდე: ული და ლუისი შერიგდნენ

მაგრამ ვან გაალმა ჰიონესს მაინც უკბინა! "ბაიერნის" მთავარმა მწვრთნელმა ლუის ვან გაალმა პრეზიდენტ ული ჰიონესს კრიტიკაზე (ორშაბათის ნომერში დაწვრილებით ვწერდით) პასუხი "კლუჟთან" მატჩის წინ გასცა. ჰოლანდიელმა თქვა, რომ ჰიონესის კომენტარების გამო "გაკვირვებული და იმედგაცრუებულია" და რომ "გუნდის პრეზიდენტი მნიშვნელოვანი მატჩის წინ ასეთ განცხადებებს არ უნდა აკეთებდეს." ჩვენი გერმანელი კოლეგების ცნობით, ვან გაალის განცხადების შემდეგ, რუმინეთში რეკორდმაისტერის მწვრთნელსა და ხელმძღვანელებს შორის შეხვედრა შედგა, რომელიც მიზნად ვან გაალისა და ჰიონესის შერიგებას ისახავდა."კიკერის" ინფორმაციით, ლუისმა და ულიმ შეხვედრის დროს ერთმანეთში გულახდილად ისაუბრეს, ხოლო საუბრის ბოლოს კი ერთმანეთს ხელი ჩამოართვეს. შეხვედრის შემდეგ, "ბაიერნის" ვებ-გვერდმა გაავრცელა ოფიციალური განცხადება, სადაც ნათქვამია, რომ ჰიონესსა და ვან გაალს შორის გაუგებრობა ამოწურულია და რომ პრეზიდენტიცა და მწვრთნელიც ძველებურად აგრძელებენ მუშაობას. შეხვედრაზე, რომელიც უშუალოდ "კლუჟთან" მატჩის წინ შედგა, ჰიონესისა და ვან გაალის გარდა, "ბაიერნის" ვიცე-პრეზიდენტი კარლ-ჰაინც რუმენიგე, ფინანსური მენეჯერი კარლ ჰოპფნერი და სპორტული დირექტორი კრისტიან ნერლინგერი იმყოფებოდნენ. ამ უკანასკნელის თქმით, ყველანაირი გაუგებრობა დასრულებულია და ისიც გადაწყდა, რომ "ბაიერნის" შეფები მომავალში უფრო ხშირად შეიკრიბებიან და ყველაფერს დეტალურად განიხილავენ ხოლმე.ახლა კი, რაც შეეხება ვან გაალის პასუხს, რომელიც, ვფიქრობთ, მკითხველს ძალიან აინტერესებს. რუმინეთში ჩაფრენის შემდეგ, ბოსებთან შეხვედრამდე ლუისმა სპეციალურ პრესკონფერენციაზე ჰიონესის კრიტიკის შესახებ შემდეგი განაცხადა: "ახლა ნამდვილად არ მაქვს იმის სურვილი და დრო, რომ ისეთ პიროვნებას გავუმართო ფსიქოლოგიური ომი, როგორიც "ბაიერნის" პრეზიდენტი ული ჰიონესია, მაგრამ არ შემიძლია, არ ვთქვა, რომ ჩემი აზრით, გუნდისთვის ასეთი მნიშვნელოვანი პერსონა ასეთ განცხადებებს არ უნდა აკეთებდეს და ისიც უნდა იცოდეს, რომ პრეზიდენტის მკვახე კრიტიკას ყოველთვის კარგი შედეგი არ მოაქვს. ძალიან გაკვირვებული ვარ იმით, რომ "ბაიერნის" პრეზიდენტმა ჩემზე ასე ილაპარაკა, რადგან მიმაჩნია, რომ ჩვენს შორის ურთიერთობა სხვანაირი უნდა იყოს. მიკვირს ისიც, რომ ჰიონესმა ასეთი განცხადებების გაკეთება გუნდისთვის საკმაოდ რთულ პერიოდში გადაწყვიტა. სხვა თუ არაფერი, "ბაიერნს" ერთბაშად ცხრა ფეხბურთელი ჰყავს ტრავმირებული. მხოლოდ ერთს დავამატებ: ძალიან მიხარია, რომ ჯერ კიდევ "ბაიერნის" მთავარი მწვრთნელი ვარ."ვან გაალი ჰიონესის კრიტიკას უფრო კონკრეტულადაც გამოეხმაურა. მაგალითად, ულის ბრალდებაზე იმის შესახებ, რომ ლუისი მეორეხარისხოვან ფეხბურთელებს ნაკლებ ყურადღებას აქცევს და მათი მოტივირებისთვის არაფერს აკეთებს, ჰოლანდიელმა უპასუხა: "მეორეხარისხოვანი ფეხბურთელები? ეს ჩემი კი არა, ჰიონესის სიტყვებია. მე ჩემს განკარგულებაში მყოფ არცერთ ფეხბურთელს მეორეხარისხოვანს არ ვუწოდებ. მთავარი ის არის, რომ მეც და ჰიონესმაც ერთმანეთზე კი არა, ერთმანეთთან ვისაუბროთ."საუბარი კი, როგორც ზემოთაც აღვნიშნეთ, უკვე შედგა და ყოველ შემთხვევაში, ოფიციალური განცხადებით, პოზიტიური შედეგით დასრულდა.ყოველდღიური სპორტული გაზეთი"ლელო"

40 წლის ნოიერი კარიერას ჯერ არ დაასრულებს

ტრავმირებული ნოიერი ოპტიმისტურადაა განწყობილი

"ლევანდოვსკი გასახდელში შემოვიდა თუ არა, ბარიოსმა მაშინვე სახეში დაარტყა" - "დორტმუნდის" ყოფილმა ნახევარმცველმა თანაგუნდელებს შორის მომხდარი კონფლიქტი გაიხსენა

ორბმა ზედიზედ მე-4 გამარჯვება ახალციხესთან მოიპოვა

U18. საქართველოს ნაკრები ფინალში ესპანეთთან ისევ დამარცხდა

[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!

უნგრეთთან მატჩში საქართველოს ნაკრების შემადგენლობა ცნობილია

დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს

მესამე მწვრთნელი სეზონში - "ლანსი" დიდიე დიგარს ჩააბარეს

საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო

"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა

ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...

"ჩვენი პრობლემა უფრო ღრმაა... დღემდე ვერ ვიტყვი, როგორია საქართველოს ეროვნული ნაკრების საფეხბურთო ფილოსოფია..." - შოთა არველაძის ვრცელი ინტერვიუ უნგრულ გამოცემასთან

"მოულოდნელი იყო... "ოქროს ბურთს" ამ 2 ფეხბურთელიდან ერთ-ერთი უფრო იმსახურებდა" - კუკურეია Ballon d'Or-ის დაჯილდოვებაზე

[VIDEO] გოგა ბითაძის 100%-იანი პერფორმანსი და „ორლანდოს“ მნიშვნელოვანი გამარჯვება „მილუოკისთან“

დვალიშვილი: ჩივილს არ ვაპირებთ და ყველაფერს ვაკეთებთ, რათა ისინი გამოუშვან

ნიდერლანდების 7:0 საბერძნეთთან და გერმანიის მიერ სერბეთის ძლევა

18 წ. | შემადგენლობა ევროპის ჩემპიონატის ფინალისთვის

უნგრელთა მწვრთნელი: კვარაცხელია შეუცვლელია - ნებისმიერი სცენარისთვის მზად ვიქნებით

"მერაბი დიდი ხანია არ არის ქართველი - ჩვენი წინაპრები ამისათვის თავებს მოჰკვეთდნენ" - წერს დაღესტნელი მოჭიდავე

"ბორჯღალოსნები" | კაპიტნის ვარჯიში ტონგამდე

"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"

"ეს ცხოველური საქციელია" - UFC-ს ექს-ჩემპიონმა დვალიშვილზე თავდამსხმელები გააკრიტიკა