<p><span style="line-height: 1.3em;" />იტალიის ნაკრები კოვერჩიანოს საწვრთნელ ბაზაზე ემზადება <br> </span>ერთ-ერთ წინა ნომერში იტალიის ეროვნული ნაკრების გაფართოებული შემადგენლობა გაგაცანით, საიდანაც <strong>ჩეზარე პრანდელის</strong> კონფედერაციათა თასისთვის 23 ფეხბურთელი უნდა შეერჩია.</p><p>"სკუადრა აძურას" თავკაცმა გააკეთა არჩევანი და სანამ განაცხადს გაგაცნობდეთ, დავძინოთ, რომ ბრაზილიაში გამგზავრებამდე იტალიის ნაკრები ამავე შემადგენლობით ჩეხეთის ეროვნულ გუნდს გაეჯიბრება. პრაღაში "აძურა" მსოფლიო ჩემპიონატის შესარჩევი ეტაპის ეგიდით ითამაშებს...</p><p><strong>მეკარეები</strong>: <em>ჯანლუიჯი ბუფონი (იუვენტუსი), ფედერიკო მარკეტი (ლაციო), სალვატორე სირიგუ (პსჟ, საფრანგეთი).</p><p></em></p><p><strong>მცველები: </strong><em>ინაციო აბატე (მილანი), დავიდე ასტორი (კალიარი), ანდრეა ბარცალი (იუვენტუსი), ჯორჯო კიელინი (იუვენტუსი), კრისტიან მაჯო (ნაპოლი), ლეონარდო ბონუჩი (იუვენტუსი), მატია დე შილიო (მილანი).</em></p><p><strong>ნახევარმცველები: </strong><em>ალბერტო აკვილანი (ფიორენტინა), ანტონიო კანდრევა (ლაციო), ალესიო ჩერჩი (ტორინო), დანიელე დე როსი (რომა), ალესანდრო დიამანტი (ბოლონია), ემანუელე ჯაკერინი (იუვენტუსი), ანდრეა პირლო (იუვენტუსი), კლაუდიო მარკიზიო (იუვენტუსი), რიკარდო მონტოლივო (მილანი).</em></p><p><strong>თავდამსხმელები:</strong> <em>სტეფან ელ შაარავი (მილანი), მარიო ბალოტელი (მილანი), ალბერტო ჯილარდინო (ბოლონია), სებასტიან ჯოვინკო (იუვენტუსი). </em></p><p><strong><span style="color: #ff0000;">მეკარეები</p><p></span></strong>გაფართოებულ შემადგენლობაში ოთხი მეკარე იყო, რომელთაგან ზედმეტი <strong>ანდრეა აგაცი </strong>გამოდგა. "კალიარის" კარის დარაჯმა სეზონი მაღალ დონეზე ჩაატარა, მაგრამ ეს არ აღმოჩნდა საკმარისი, ეროვნულ გუნდში თუნდაც სამეულში მოხვედრილიყო.<strong> ჯანლუიჯი ბუფონი</strong> ულაპარაკოდ პირველია, მეორის სტატუსზე კი<strong> ფედერიკო მარკეტის </strong>და<strong> სალვატორე სირიგუს</strong> თანაბარი შანსები აქვთ.</p><p>სან მარინოსთან შეხვედრის 71-ე წუთზე ბუფონი სირიგუმ შეცვალა და ამ ლოგიკით, შეგვიძლია სალვატორეს მცირე უპირატესობა მივანიჭოთ. ერთი ცხადია, ამ რგოლში იტალიას ნამდვილად არ უჭირს...</p><p><strong><span style="color: #ff0000;">მცველები</span></strong></p><p><strong>ლუკა ანტონელიმ </strong>სან მარინოსთან შეხვედრაში ტრავმა მიიღო და მისი კონფედერაციათა თასზე ასპარეზობა გამოირიცხა. მოკლედ, ანტონელი თვითონვე გაიცხრილა, პრანდელიმ კი ოფსაიდში კიდევ ორი მცველი დატოვა: <strong>ანჯელო ოგბონა </strong>და <strong>ანდრეა რანოკია</strong>. როგორც ჩანს, მათი მომზადების დონით ჩეზარე უკმაყოფილო დარჩა.</p><p>იტალიელი ჟურნალისტები ხაზგასმით აღნიშნავენ, რომ პრანდელის შერჩეულ სიაში მხოლოდ ერთი ნომინალური მარცხენა მცველია;<strong> მატია დე შილიოს</strong> კონკურენტი სწორედ ანტონელი უნდა ყოფილიყო. ჩეზარემ ლუკას შემცვლელის გამოძახება არ ისურვა და დე შილიო, ფაქტობრივად, უკონკურენტოდ დატოვა... არადა, "სკუადრა აძურას" დამრიგებელს არაერთი ვარიანტი ჰქონდა: <strong>ფედერიკო ბალცარეტი, დომენიკო კრიშიტო, დავიდე სანტონი, მანუელ პასკუალი </strong>და კიდევ შეიძლება რამდენიმე გვარის ჩამოთვლა.</p><p>მარჯვნივ <strong>კრისტიან მაჯოს </strong>და<strong> ინაციო აბატეს</strong> კონკურენციას ვიხილავთ - ამ შემთხვევაში, პრანდელის არჩევანი სრულიად გასაგები და ლოგიკურია. სიურპრიზები არც ცენტრში გვხვდება<strong>: ანდრეა ბარცალის, ლეონარდო ბონუჩის</strong> და <strong>ჯორჯო კიელინის დავიდე ასტორი </strong>დაემატა. აქვე ვთქვათ, რომ კიელინის მარცხნივაც შეუძლია თამაში და საჭიროების შემთხვევაში, დე შილიოს ალტერნატივად გამოდგება.</p><p><strong><span style="color: #ff0000;">ნახევარმცველები</span></strong></p><p><strong>ჯაკომო ბონავენტურას</strong> და <strong>ანდრეა პოლის</strong> ეროვნულ ნაკრებში თავის გამოჩენის შანსი კიდევ მიეცემათ, ამ ეტაპზე კი ადგილი უფრო გამოცდილებს უნდა დაუთმონ.</p><p>ჩეზარე პრანდელიმ ექსპერიმენტებისგან თავი შეიკავა და იმ ფეხბურთელებს დაეყრდნო, რომლებსაც "აძურას" სტაჟიანი წევრები შეგვიძლია ვუწოდოთ. ძირითადი ოთხეული ასე მოიაზრება:<strong> ანდრეა პირლო, დანიელე დე როსი, კლაუდიო მარკიზიო, რიკარდო მონტოლივო.</strong> ყოველთვის მზად არიან თამაშში ჩასართავად<strong> ანტონიო კანდრევა, ალესანდრო დიამანტი, ალესიო ჩერჩი </strong>და <strong>ემანუელე ჯაკერინი,</strong> რომელსაც პრანდელი ყოველთვის ენდობა.</p><p>ამ სიას აქამდე ოფსაიდში მყოფი <strong>ალბერტო აკვილანი</strong> დაემატა და სხვაგვარად არც შეიძლებოდა ყოფილიყო – ფლორენციელს საოცრად კარგი სეზონი ჰქონდა. სამომავლოდ, სადღაც აქ უნდა მოვიაზროთ<strong> მარკო ვერატი</strong>, რომელიც ამჟამად იტალიის ახალგაზრდულ ნაკრებთან ერთად ევროპის ჩემპიონატზე ასპარეზობს.</p><p><strong><span style="color: #ff0000;">თავდამსხმელები</span></strong></p><p>"კალიარიში" წარმატებული ასპარეზობა<strong> მარკო საუს</strong> ეროვნულ ნაკრებში დებიუტით დაუფასდა, მაგრამ კონფედერაციათა თასზე გამგზავრებას ვეღარ შესწვდა... ჩეზარე პრანდელიმ განაცხადში ოთხი ფორვარდი დატოვა - მილანელები: <strong>მარიო ბალოტელი </strong>და <strong>სტეფან ელ შაარავი</strong>, მეორე ტაიმის ფეხბურთელი<strong> სებასტიან ჯოვინკო</strong> და ჩეზარეს "ძველი სიყვარული" <strong>ალბერტო ჯილარდინ</strong><strong>ო</strong>.</p><p>ელ შაარავი და ბალოტელი ძირითად შემადგენლობაში მოიაზრებიან და განურჩევლად იმისა, რა ტაქტიკას დაეყრდნობა პრანდელი. 4-4-2-ის შემთხვევაში, ყველაფერი ნათელია, სამი შემტევის პირობებში კი სუპერმარიო ცენტრფორვარდად დადგება, პატარა ფარაონი კი მისთვის ჩვეულ მარცხენა ფრთაზე გადაიწევს... ასეთ შემთხვევაში, მარჯვენა გარემარბიც მოსაძებნი იქნება და ამ როლის შესრულება არაერთ "აძურელს" შეუძლია – თუნდაც ანტონიო კანდრევას, ალესიო ჩერჩის ან სულაც სება ჯოვინკოს.</p><p>ერთი სიტყვით, პრანდელიმ ოთხი ნომინალური თავდამსხმელი შეარჩია და რამდენი დატოვა განაცხადს მიღმა? – <strong>ანტონიო კასანო, პაბლო დანიელ ოსვალდო, ალესანდრო მატრი, ჯამპაოლო პაცინი, ფაბიო კვალიარელა </strong>და თუნდაც <strong>ანტონიო დი ნატალე</strong>, რომელიც მუნდიალზე გამგზავრებას ეშურება...</p><p><strong>ყოველდღიური სპორტული გაზეთი "ლელო"</strong></p><p><strong><span style="color: #ff0000;">ასევე იხილეთ:</span></strong></p><p><a href="/fexburti/uckhouri-fekhburthi/italia/50348-qskuadra-adzuramq-san-marinosthan-tsaivarjisha.html" target="_blank">"სკუადრა აძურამ" სან მარინოსთან წაივარჯიშა</a></p>
ყველა დროის ანტი-რეკორდი - იტალიაში 20-მა გუნდმა მხოლოდ 11 გოლი გაიტანა
ლუჩიანო სპალეტი შესაძლოა, სერია A-ში სამწვრთნელო საქმიანობას დაუბრუნდეს
პირველი შეხვედრა უკვე შედგა - "იუვენტუსმა" შესაძლოა, მთავარი მწვრთნელი შეიცვალოს
შენგელიას 13 ქულა და "ბარსელონას" საშინაო მარცხი "ჟალგირისთან"
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"თოფურია ყალბია. ის ქართველიც კი არ არის, გერმანიაში დაიბადა და გერმანელია" - პიმბლეტმა Marca-ს ეთერიდან თოფურია გამოიწვია
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
ოფიციალურად: ბალოტელი "ჯენოას" ფეხბურთელია
პოლონეთის ნაკრების თავკაცი შესაძლოა ცნობილი იტალიელი სპეციალისტი გახდეს
ბალოტელიმ "ჯენოაში" გადასვლიდან ორ თვეში შეიძლება გუნდი გამოიცვალოს
"თუ სერია A-ში დავბრუნდები, იქაურობას დავანგრევ" - ბალოტელის პირობა "ჯენოას" მწვრთნელს
"გაგიკვირდებათ, მაგრამ საუკეთესოა ვისთანაც მითამაშია" - ბალოტელიმ ყოფილი თანაგუნდელი გამოარჩია
"ნაპოლისთვის" კარგია, რომ ტრავმა მიიღო და ვერ ითამაშებს" - პრანდელი კვარაცხელიაზე
პაბლო ოსვალდო: გასახდელში სიგარეტს ჯანლუიჯი ბუფონთან ერთად ვეწეოდი
"იამალი თუ გიულერი?" - კასანომ არჩევანი გააკეთა
კასანოს კრიტიკით დაიღალა - ლეაომ იტალიელს პასუხი გასცა
პრანდელის ჯერია - "ჯენოამ" მიმდინარე სეზონში უკვე მე-3 მწვრთნელი დანიშნა
"ღამურების" ბუდეში - რატომ წავიდა პრანდელი სინამდვილეში "ვალენსიიდან"
"არავითარი რაშფორდი, "ნაპოლიმ" "კვარას" შემცვლელად ეს შემტევი უნდა დაიმატოს" - კასანოს რჩევა "პარტენოპეის"
16 წლის ასაკში ამ გადარეულმა ისეთი რამ გააკეთა, არ დაიჯერებთ" - მაიკონმა ბალოტელიზე ისტორია გაიხსენა
"ბოლო 20 წლის განმავლობაში საუკეთესო იტალიელი მე-9 ნომერია" - "ჯენოას" პრეზიდენტი ბალოტელიზე
"ჰგონია რომ ფენომენია, მაგრამ ფეხბურთი საერთოდ არ ესმის" - კასანომ ლეაო კვლავ გააკრიტიკა
"ჯენოა" თასიდან მესამე ლიგის გუნდმა გამოაგდო და მისი მწვრთნელი იურიჩი მოხსნეს
"ნაპოლიში" კვარაცხელიას ეს ფენომენი შეცვლის" - ანტონიო კასანო
კასანომ "ნაპოლის" კვარაცხელიას შემცვლელი ურჩია