- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ხარები ალონსოს მიუახლოვდნენ
<p><p />ფორმულა 1. ბრაზილიის გრან-პრი <br> სენსაციურად დაწყებული ბრაზილიის გრან-პრი სავსებით ლოგიკური შედეგით დასრულდა - "რედ ბულმა" დაამტკიცა, რომ ჩემპიონატში ყველაზე სწრაფი მანქანა ჰყავს, ამას სტაბილურობაც დაუმატა და დუბლი შეასრულა, რამაც კიდევ უფრო დაძაბა სიტუაცია საერთო ჩათვლაში. სენსაცია კი შაბათს კვალიფიკაციაში "უილიამსის" პილოტის - ნიკო ჰიულკენბერგის გამარჯვება იყო.</p><p>მაგრამ გერმანელმა სტარტზე უპირატესობის შენარჩუნება ვერ შეძლო - პილოტები პირველ მოსახვევამდე არ იყვნენ მისულნი, როცა სებასტიან ფეტელმა ("რედ ბული") შიდა რადიუსით გაუსწრო ნიკოს. იყოჩაღა მარკ უებერმაც ("რედ ბული"), რომელმაც ნიკო არასასურველი ტრაექტორიით შეუშვა მოსახვევში. ასე დაწინაურდა რბოლაში ავსტრიული საჯინიბოს დუეტი.</p><p>რაც შეეხება ჩემპიონობის კიდევ ერთი პრეტენდენტ ლუის ჰემილტონს ("მაკლარენი"), ის თავიდანვე ვერ გაუსწორდა ჰიულკენბერგს და ცოტა ხანში თავად დამარცხდა საერთო ჩათვლის ლიდერთან, ფერნანდო ალონსოსთან ("ფერარი") ბრძოლაში: ესპანელმა დამაჯერებელი მანევრით ჩამოიცილა კონკურენტი, ცოტა ხანში კი თამამი სვლით "უილიამსის" პილოტსაც გაუსწრო. ჰემილტონი დაელოდა იმ მომენტს, როცა ნიკო ნაადრევ პიტ-სტოპზე ბოქსებში გაემართა და მხოლოდ ამის შემდეგ გაუსწრო შაბათის გმირს.</p><p>პიტ-სტოპების პირველი სერია ადრეულად დაიწყო: უკვე მე-12 წრეზე სხვებს მაგალითი მისცა ჯენსონ ბატონმა ("მაკლარენი"). ბრიტანელის ტაქტიკამ გაამართლა: მოქმედმა ჩემპიონმა ერთი ხელის მოსმით გაუსწრო პილოტთა მთელს ჯგუფს და საბოლოოდ მეხუთე პოზიციაზე აღმოჩნდა. არ გაუმართლა ჰიულკენბერგს - ბოქსებში ვიზიტის შემდეგ ის ბატონისა და "მერსედესის" დუეტის უკან აღმოჩნდა.</p><p>ლიდერთა შორის სრული სიმშვიდე შეინიშნებოდა: "რედ ბულის" პილოტებს შორის სტაბილურად ორი-სამი წამი იყო განსხვევება. მათ პაექრობაში მცირე დაძაბულობა შეინიშნებოდა, მაგრამ კონტაქტურ ბრძოლამდე საქმე არ მისულა. ფეტელი და უებერი კონკურეტებზე ოდნავ სწრაფები იყვნენ, ამიტომაც ალონსოს სავსებით აკმაყოფილებდა მესამე პოზიცია (მით უმეტეს, რომ მისი მთავარი კონკურენტი - უებერი მხოლოდ მეორე იყო), ჰემილტონი კი უბრალოდ ვერ ეწეოდა "ფერარის" პილოტს.</p><p>მოსაწყენი რბოლა ტრასაზე უსაფრთხოების მანქანის გამოსვლამ გაახალისა. ამის მიზეზი კი ვიტანტონიო ლიუცი ("ფორს ინდია") იყო, რომელმაც პირველ მოსახვევთან დაამტვრია თავისი ბოლიდი.</p><p>სიტუაციით ისარგებლეს "მაკლარენის" პილოტებმა - ისინი ნიკო როსბერგთან ("მერსედესი") და კიდევ რამდენიმე ავტომრბოლთან ერთად ბოქსებში შევიდნენ. წესით, უსაფრთხოების მანქანის გასვლის შემდეგ რბოლას საინტერესო დასასრული უნდა ჰქონოდა: ორივე "მაკლარენს" ახალი საბურავებით იერიში უნდა მიეტანათ "რედ ბულებზე" და ალონსოზე. მაგრამ ჰემილტონმა და ბატონმა ბევრი დრო დაკარგეს წრეზე ჩამორჩენილების გასასწრებად და დაწინაურებული სამეულის შევიწროება შეუძლებელი აღმოჩნდა. თავად ლიდერებს შორისაც საინტერესო არაფერი მომხდარა.</p><p>საერთო ჯამში, სანახაობრივი თვალსაზრისით რბოლამ არ გაამართლა, მაგრამ მთავარი ამოცანა შეასრულა - ტიტულს ბედი ერთი კვირის შემდეგ აბუ დაბიში გაირკვევა. კონსტრუქტორთა თასს კი უკვე ჰყავს მფლობელი - "რედ ბულმა" თავისი არსებობის ისტორიაში პირველად მოიგო გუნდური პირველობა.</p><p>სებსატიან ფეტელი: "შესანიშნავი დღეა! რბოლა რთული აღმოჩნდა. სტარტზე არც ისე მომგებიან სიტუაციაში ვიყავით, მაგრამ ყველაფერი წარმატებით განვითარდა. ჰიულკენბერგი წამით შეყოვნდა, რითაც კარგად ვისარგებლე. ნიკოს გასასწრებად დიდი ადგილი არ დაუტოვებია, მაგრამ ესეც სავსებით საკმარისი აღმოჩნდა. ეს იყო გადამწყვეტი მომენტი, რის შემდეგაც გაქცევაზე ზრუნვა დავიწყე.</p><p>ახლა უკვე მნიშვნელობა არ აქვს კორეაში განცდილ ფიასკოს. ამ დუბლით კონსტრუქტორთა თასი მოვიგეთ - ეს შესანიშნავია! რა თქმა უნდა, ტიტულისთვის ბრძოლას ვაგრძელებთ და ძალიან გვინდა ფერნანდო ალონსოს დამარცხება, მაგრამ ნებისმიერ შემთხვევაში ვამაყობ ჩვენი გუნდით - მან უდიდეს შედეგს მიაღწია.</p><p>კვლავინდებურად მჯერა, რომ შემიძლია მსოფლიოს ჩემპიონობის მოპოვება. 26 ქულით რომ ვიყო ჩამორჩენილი - ეს შეუძლებელი იქნებოდა, მაგრამ 16 ქულის გაბათილება სავსებით რეალურია".</p><p>ფერნანდო ალონსომ შეინარჩუნა ლიდერობა და ახლა ორი რეალური კონკურენტი ჰყავს "რედ ბულის" პილოტების სახით. ბატონი ოფიციალურად ჩამოშორდა საჩემპიონო რბოლას, ჰემილტონს კი რჩება შანსი, მაგრამ მინიმალური - ის 24 ქულით ჩამორჩება ესპანელს.</p><p>"აბუ დაბიში მეორე ადგილიც მომიტანს ჩემპიონობას, თუნდაც უებერი პირველი მივიდეს ფინიშთან. ხოლო ფეტელის გამარჯვების შემთხვევაში მეხუთე ადგილიც დამაკმაყოფილებს, - განაცხადა ალონსომ ფინიშის შემდეგ. - დღეს კარგად დავინახეთ, რა მარტივად იცვლება რბოლის დროს ყველაფერი. ამიტომაც წინ ურთულესი უქმეები გველის. აბუ დაბიში ყველაფერი შეიძლება მოხდეს. ვნახოთ, ამ შვიდი დღის განმავლობაში ვინ უკეთ შეასრულებს თავის სამუშაოს".</p><p>რბოლის შემდეგ ჟურნალისტებმა მარკ უებერს ჰკითხეს - ელოდა თუ არა ავსტრალიელი თანაგუნდელისგან დახმარებას: ხომ შეეძლო ფეტელს პირველი პოზიცია დაეთმო მარკისთვის, რაც ერთი ორად გაზრდიდა "რედ ბულის" შანსებს პირად ჩათვლაში. ასეთ შემთხვევაში, ალონსოსა და უებერს შორის სხვაობა არა ექვსი, არამედ ერთი ქულა იქნებოდა.</p><p>"გუნდი სულ სხვა ფილოსოფიით ცხოვრობს. სებასტიანმა ბრწყინვალე რბოლა ჩაატარა და დაიმსახურა ეს გამარჯვება. "რედ ბული" სპორტულ პრინციპს ირჩევს და ასე იქნება მომავალში.</p><p>ჩვენი საჯინიბოს გამო ძალიან გახარებული ვარ. "მაკლარენთან" და "ფერარისთან" კონკურენციაში კონსტრუქტორთა თასის მოგება - უდიდესი მიღწევაა", - განაცხადა უებერმა.</p><p><strong>ბრაზილიის გრან-პრი. XVIII ეტაპი</p><p></strong>ინტერლაგუში (71 წრე, 305.909 კმ)</p><p>1(2). სებასტიან ფეტელი (რედ ბული, გერმანია) 1:33.11,803</p><p>2(3). მარკ უებერი (რედ ბული, ავსტრალია) +4,243</p><p>3(5). ფერნანდო ალონსო (ფერარი, იტალია) +6,807</p><p>4(4). ლუის ჰემილტონი (მაკლარენი, ბრიტანეთი) +14,634</p><p>5(11). ჯენსონ ბატონი (მაკლარენი, ბრიტანეთი) +15,593</p><p>6(13). ნიკო როსბერგი (მერსედესი, გერმანია) +35,320</p><p>7(8). მიხაელ შუმახერი (მერსედესი, გერმანია) +43,456</p><p>8(1). ნიკო ჰიულკენბერგი (უილიამსი, გერმანია) 1 წრე</p><p>9(7). რობერტ კუბიცა (რენო, პოლონეთი) 1 წრე</p><p>10(12). კამუი კობაიაში (BMW-ზაუბერი, იაპონია) 1 წრე</p><p>11(14). ხაიმე ალგერსუარი (ტორო როსო, ესპანეთი) 1 წრე</p><p>12(18). ადრიან სუტილი (ფორს ინდია, გერმანია) 1 წრე</p><p>13(15). სებასტიან ბუემი (ტორო როსო, შვეიცარია) 1 წრე</p><p>14(6). რუბენს ბარიკელო (უილიამსი, ბრაზილია) 1 წრე</p><p>15(9). ფელიპე მასა (ფერარი, ბრაზილია) 1 წრე</p><p>16(10). ვიტალი პეტროვი (რენო, რუსეთი) 1 წრე</p><p>17(16). ნიკ ჰაიდფელდი (BMW-ზაუბერი, გერმანის) 1 წრე</p><p>18(21). ჰეიკი კოვალაინენი (ლოტუსი, ფინეთი) 2 წრე</p><p>19(20). იარნო ტრული (ლოტუსი, იტალია) 2 წრე</p><p>20(19). ტიმო გლოკი (ვირჯინი, გერმანია) 2 წრე</p><p>21(14). ბრუნო სენა (HRT F1, ბრაზილია) 2 წრე</p><p>22(23). კრისტიან კლინი (HRT F1, ავსტრია) 2 წრე</p><p>23(22). ლუკას დე გრასი (ვირჯინი, ესპანეთი) 2 წრე</p><p>24(17). ვიტანტონიო ლიუცი (ფორს ინდია, იტალია) 20 წრე</p><p><strong>კონსტრუქტორთა თასი</p><p></strong>1. რედ ბული - 469 ქულა; 2. მაკლარენი - 421; 3. ფერარი - 389; 4. მერსედესი - 202; 5. რენო - 145; 5. უილიამსი - 69; 7. ფორს ინდია - 68; 8. BMW-ზაუბერი - 44; 7. ტორო როსო - 11.</p> <p><strong>ყოველდღიური სპორტული გაზეთი</p><p>"ლელო"</strong></p></p>
თბილისში მატჩზე ან სპორტულ ღონისძიებაზე დასასწრებად მოგზაურობა: სად ვიქირაოთ ბინა და როგორ დავზოგოთ საცხოვრებელზე
ერექციული დისფუნქცია მამაკაცებში - რა უნდა ვიცოდეთ?
დასრულდა რეგიონული ეტაპები, წინ საქართველოს ჩემპიონატია!
ფერგიუსონი ისტორიაში პრემიერ ლიგის საუკეთესო მწვრთნელად დაასახელეს
პრემიერ ლიგის მორიგ კლუბში - "ჩელსიმ" ლიამ დელაპი გაასხვისა
კვლავ ლა ლიგაში - ადამა ტრაორე ესპანეთის ჩემპიონატს დაუბრუნდა
პსჟ ნახევარმცველთან კონტრაქტის გასაწყვეტად მზადაა
დაბრუნება ნაცნობ ადგილას - ნკუნკუ კვლავ "ლაიფციგისთვის" შეუტევს
ხარობს სრულიად აზერბაიჯანი - "საბაჰი" ჩემპიონთა ლიგაზე გავიდა
"იუვენტუსმა" პოლონელი მეკარე დაიმატა
ოფიციალურად: სავინიო "ტოტენჰემის" ფეხბურთელია
კიევის "დინამოს" თავდამსხმელი შეიძლება "გალათასარაიში" გადავიდეს
"პსჟ-ში ხელშეუხებელი ფეხბურთელი აღარ არსებობს, ენრიკემ მეთოდები გაამკაცრა" - რას წერს ფრანგული პრესა კვარაცხელიასა და დემბელეს შეცვლის შემდეგ
"ბორნმუთმა" "იუვენტუსის" მეკარე ინათხოვრა
[VIDEO] მეტოქეს შესანიშნავად დაუტრიალდა და ძალიან ლამაზი გოლი გაიტანა - სალიამ ახალგაზრდული პრემიერ ლიგა ბრწყინვალედ დაიწყო
"საბოლოოდ გაგაჩუმებს" - დვალიშვილმა ოქტაგონზე რუსეთის დროშის გამოჩენაზე უკმაყოფილება გამოხატა და მას პასუხი მახაჩევმა გასცა
[VIDEO] მამარდაშვილის უნიკალური შემთხვევა ვარჯიშზე - რა გააკეთა და რა პირობებში იყო "ლივერპულის" ქართველი მეკარე
კვლავ პრემიერ ლიგაში - ნიკო გონსალესმა "სიტი" დატოვა
არ დაადგა საშველი - ლეაომ არაბებს უარი შეუთვალა და ევროპიდან ახალი მსურველი ჰყავს
მუდრიკი სავარაუდოდ, კარიერას საფრანგეთის ჩემპიონატში განაგრძობს
15-წლამდე გოგონათა ნაკრები უეფას განვითარების თასზე იასპარეზებს
საქართველო - უკრაინა | ინფორმაცია ბილეთების შესახებ
ბუნდესლიგის დაწყების წინ ლოჩოშვილმა თასის მატჩში ტრავმა მიიღო