<p>საქართველოს 20-წლამდელთა ნაკრების მთავარმა მწვრთნელმა გასული ტურნირი შეაფასა და მომავალზე ისაუბრა <br> საქართველოს 20-წლამდელთა ნაკრები 28 ივნისს იტალიის კურორტ დომეჯი დიკადორეს საერთაშორისო ტურნირში ჩაებმება.</p><p>დავით უსტიაშვილის გუნდი ძალებს უკრაინის, იტალიის და ბულგარეთის ნაკრებებთან მოსინჯავს.</p><p>ქართველებმა პირველი ტურნირი მოსკიანოში ითამაშეს, რის შემდეგაც დიკადორში 26 ივნისს ჩავიდნენ და აღნიშნული ტურნირისთვის იდეალურ პირობებში ემზადებიან.</p><p>იტალიაში დავუკავშირდით ჩვენი ნაკრების მთავარ მწვრთნელ დავით უსტიაშვილს, რომელმაც გასული ტურნირი შეაფასა და მომავალზე ისაუბრა...</p><p><strong>- მოსკია</strong><strong>ნოს ტურნირს როგორ შეაფასებდით?</strong></p><p>- მიუხედავად იმისა, რომ სამივე შეხვედრა წავაგეთ, ეს ტურნირი დიდი გამოცდილება იყო ჩვენი გუნდისთვის. კარგი იყო, მოგვეგო, მაგრამ რუსებთან ასაკის სხვაობაში დავიჩაგრეთ, ხოლო გერმანიასთან გარკვეული შეცდომების გამო წავაგეთ.</p><p><strong></p><p>- კონკრეტულად რა შ</strong><strong>ეცდომებს გულისხმობთ?</strong></p><p>- ბოლო მეოთხედში, როცა მატჩის ბედი წყდებოდა, შეცდომები დავუშვით. რამდენიმე ჩასაგდები ბურთი ვერ ჩავაგდეთ, ამას დაემატა ისიც, რომ 2 ცენტრის - შოთა გელაზონიას და გიორგი ცირეკიძის გარეშე დავრჩით, რომლებიც მოედნიდან 5 პერსონალურის გამო გავარდნენ.</p><p>შეიძლება ითქვას, რომ იტალიას ბრძოლა გავუმართეთ, მეორე მეოთხედის შუაში ვიგებდით კიდეც, მაგრამ მეორე ტაიმში მასპინძლებმა გვაჯობეს.</p><p><strong>- რუსეთთან დიდი ანგარიშით დამარცხების მიზეზი რა იყო?</strong></p><p>- ჩვენი ნაკრების 9 წევრი 1994 წელსაა დაბადებული, რუსები კი ტურნირზე 1990-91-წლიანებით იყვნენ ჩამოსულები. ერთადერთი სერგეი კარასიოვი იყო 93-იანი, რომელიც დღეს ამერიკაში გამართულ ნბა-ს დრაფტზე "კლივლენდმა" მე-19 ნომრად აირჩია.</p><p>რუსები ტურნირზე ჩამოსულები იყვნენ საუნივერსიადო ნაკრებით და ამ შემადგენლობით მსოფლიო უნივერსიადის მოგებას აპირებენ, რომელიც რუსეთის ქალაქ ყაზანში უნდა გაიმართოს.</p><p>ამ ნაკრებმა რუსეთის 20-წლამდელები 30 თუ 35 ქულით დაამარცხა. ერთი სიტყვით, 3-4 წლით დიდებთან მოგვიწია თამაში და სამწუხაროდ, დიდი ანგარიშით დავმარცხდით.</p><p>რუსებს ისეთი ჯანიანი მეფარეები ჰყავდათ, რომ მათ ჩვენი ბიჭები კონკურენციას ვერ უწევდნენ.</p><p><strong>- მოსკიანოს ტურნირის შემდეგ დიკადორეში გადაინაცვლეთ და დღეს მეორე ტურნირში ჩაებმებით...</p><p></strong>- მოსკიანოდან, რომელიც ზღვის ნაპირზეა, ტურნირის დასრულების მეორე დღეს წამოვედით მთაში მდებარე დომეჯი დიკადორეში.</p><p>აქ შესანიშნავი პირობებია და უკვე მესამე დღეა, ვემზადებით. დღეს პირველი მატჩი გველის უკრაინასთან. ხვალ იტალიას ვეთამაშებით, ხოლო ზეგ - ბულგარეთს.</p><p>გვაქვს მოსკიანოს ტურნირის თამაშების ვიდეო, რომელსაც არაერთხელ ვუყურეთ და მომავალ მატჩებს უფრო მომზადებულები ვხვდებით. თბილისში დაბრუნების შემდეგ ვიმუშავებთ იმ შეცდომების გამოსწორებაზე, რომლებიც იტალიაში დავუშვით.</p><p><strong></p><p>- გუნდში ტრავმები ხომ არ გაქვთ?</strong></p><p>- ნოდარ გოგოძეს აწუხებს მცირე ტრავმა და მატჩის წინ გაირკვევა, ითამაშებს თუ არა. რაც შეეხება ლერი კვანტალიანს, რომელმაც მოსკიანოს ტურნირი ფეხის ტრავმის გამო გამოტოვა, გუშინ პირველად ივარჯიშა. გვინდა, რომ 1-2 მატჩი მაინც ითამაშოს ლერიმ და ვნახოთ, შეძლებს თუ არა.</p><p><strong></p><p>gbf.ge</strong></p><p><span style="color: #ff0000;"><strong>ასევე იხილეთ:</p><p></strong></span> <a href="/kalatburti/qarthuli-kalathburthi/asakobrivi-nakrebebi/51370-beqa-burjanadze-sant-anjelos-turniris-mvp-gakhda.html" target="_blank">ბექა ბურჯანაძე სანტ-ანჯელოს ტურნირის MVP გახდა</a><a href="/kalatburti/qarthuli-kalathburthi/asakobrivi-nakrebebi/51267-saqarthvelos-20-tslamdeltha-nakrebma-germaniasthan-da-ruseththan-tsaago.html" target="_blank"></p><p>საქართველოს 20-წლამდელთა ნაკრებმა გერმანიასთან და რუსეთთან წააგო</a><a href="/kalatburti/qarthuli-kalathburthi/asakobrivi-nakrebebi/51200-saqarthvelos-20-tslamde-kalathburtheltha-nakrebi-italiasthan-damarckhda.html" target="_blank"></p><p>საქართველოს 20-წლამდე კალათბურთელთა ნაკრები იტალიასთან დამარცხდა</a></p>
ასაკობრივ B ლიგებში მოსახვედრად საკვალიფიკაციო ტურნირები ჩატარდება
დონჩიჩის 39 ქულა საკმარისი არ აღმოჩნდა - სლოვენია საფრანგეთთანაც დამარცხდა
საქართველომ ეს შეძლო | 16-წლამდელთა ნაკრებმა ელიტაში ადგილი შეინარჩუნა
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა
[ინტერვიუ აკაკი დვალიშვილთან] ქართული სამზარეულო - ენერგიის წყარო
საქართველოს კალათბურთელთა "ბ" ნაკრები ჩინურ კლუბ "ლიონინგთან" დამარცხდა
საქართველოს "ბ" ნაკრები ჩინეთის საერთაშორისო ტურნირში გამოვა
საქართველოს "ბ" ნაკრებმა ჩინელი არმიელები მეორედაც დაამარცხა
ქართული კალათბურთის გზა ევრობასკეტ 2021-მდე (VI ნაწილი)
სუპერლიგა 2016/17. დარჩენისთვის: ელიტა "ბათუმმა" დატოვა