დიდი მატჩის გამოხმაურება

”ლაციოს” მთავარმა მწვრთნელმა ედუარდო რეიამ თავი შეირცხვინა რომაული დერბი იტალიურ სპორტულ პრესაში ჯერ კიდევ აქტიურად განიხილება. სამწუხაროდ, წინა პლანზე სამსაჯო თემატიკაა წამოწეული, თუმცა რას ვიზამთ - ესეც ფეხბურთის შემადგენელი ნაწილია. როგორც მოსალოდნელი იყო, "რომას" წარმომადგენლები კიმაყოფილები არიან მსაჯობით, "ლაციოს" ბანაკიდან კი სრულიად საპირისპირო შინაარსის კომენტარები ვრცელდება. მაგალითად, "ბიანკოჩელესტეს" მთავარი მწვრთნელი, ედუარდო რეია მიიჩნევს, რომ შეხვედრის რეზულტატი სწორედ არბიტრის შეცდომებმა განაპირობნა:"სათადარიგოთა სკამიდანაც კი ძალიან კარგად ჩანდა, რომ სტეფანო მაუროზე მცველებმა თამაშის წესები დარღვიეს. აშკარად ჩამოქაჩეს საჯარიმო მოედანში და მსაჯს თერთმეტმეტრიანი უნდა დაენიშნა. თუმცა, ასე არ მოხდა და ვაღიარებ, რომ ამან წყობილებიდან გამომიყვანა. ამასთან, ჩვენს კარში დანიშნული მეორე პენალტი სრულიად აბსურდული იყო - ჟულიო ბაპტიშტამ თერთმეტმეტრიანზე ითამაშა და თავისი ინიციატივით წამოედო ფეხზე მცველს. თანაც, იქამდეც დაარღვია თამაშის წესები, როდესაც ბურთი მოიპოვა და ჩვენი საჯარიმოსკენ დაიძრა. მსაჯები წვრილ შეცდომებს ხშირად უშვებენ, მაგრამ ამ შემთხვევაში, შეხვედრის შედეგი სწორედ ამ მცდარმა გადაწყვეტიოლ;ებებმა განაპირობა".რეიას ჟურნალისტებმა ასეთი კითხვა დაუსვეს: "იქნებ გუნდის ცუდ თამაშშიც ეძებოთ მარცხის მიზეზები... თუ მხოლოდ მსაჯია დამნაშავე?" - აქვე პასუხი: "პირველ ტაიმში სპორტული აგრესია გვაკლდა, ამას ვაღიარებ, მაგრამ მეორე ნახევარში მდგომარეობა საგრძნობლად გამოვასწორეთ და მეტოქეს აშკარად ვაჯობეთ. მთლიანობაში, გუნდმა საკმაოდ მაღალ დონეზე ითამაშა და ვფიქრობ, რომ მინიმუმ ქულას ვიმსახურებდით. გასახდელში ფეხბურთელებმა მითხრეს, რომ დაიღალნენ უთანასწორო ბრძოლით - როდესაც თერთმეტს თორმეტი კაცის წინააღმდეგობის დაძლევა უწევს, რა თქმა უნდა ძალიან ძნელია მუდმივად გამაერჯვებული იყო".რეიას ამ განცხადებებს იტალიურ საფეხბურთო სამყაროში დიდი გამოხმაურება მოჰყვა. უმეტესად, აკრიტიკებენ "ლაციოს" თავკაცს, დაახლოებით ისე, როგორც მაგალითად 'რომას" სპორტული დირექტორი ბრუნო კონტი: "ბოლო პერიოდში, ძალიან ბევრჯერ შევაქე "ლაციო" და მისი მთავარი მწვღთნელი ედუარდო რეია. მართალია, ჩვენ კონკურენტები ვართ, მაგრამ როდესაც მეტოქე გუნდი კარგად თამაშობს, ამის არდანახვა ჩემთვის მიუღებელია. თუმცა, ის, რაც დერბის შემდეგ მესმის - ვერავითარ კრიტიკას ვერ უძლებს. გამარჯვებები ძალიან კარგია, მაგრამ მარცხიც უნდა შეგეძლოს და მინდა ეს ედი რეიას შევახსენო. მისი კომენტარები იმაზე მეტყველებს, რომ მარცხის ღირსეულად მიღება უჭირს, რაც პროფესიონალს ნამდვილად არ შვენის. "რომამ" აშკარად უკეთ ითამაშა და სრულიად დამსახურებულად ჩაიწერა სამი ქულა აქტივში, "ლაციო" კი კვლავაც ლიდერია და ამდენ ლაპარაკს, უმჯობესია მომდევნო პაექრობაზე გადაიტანონ ყურადღება".რეიამ მართლაც შეილახა იმიჯი ასეთი განცხადებებით - უპირველეს ყოვლისა იმის გამო, რომ აშკარად არაადეკვატური კომენტარები გააკეთა. "რომამ" უკეთესი შთაბეჭდილება დატოვება და თუ ვინმე იმსახურებდა სამ ქულას, ეს სწორედ კლაუდიო რანიერის სამწყსო იყო. შესაბამისად, როდესაც რეია მისი გუნდის მიერ მინიმუმ ქულის დამსახურებაზე საუბრობს, აშკარად სუბიექტურია. გაზვიადებულია საუბრები იმაზეც, რომ "ლაციოს" მუდმივად თორმეტ კაცთან უწევს დაპირისპირება - ყოველ შემთხვევაში, "ბიანკოჩელესტეს" აშკარა ჩაგვრის მაგალითები იტალიელმა ჟურნალისტებმა ვერაფრით გაიხსენეს. შედარებით მოზომილი კომენტარი გააკეთა კლუბის პრეზიდენტმა, კლაუდიო ლოტიტომ:"მსაჯმა მართლაც დაუშვა შეცდომები, მაგრამ დღეს ამაზე საუბარი დროის ფუჭად კარგვად მიმაჩნია. სატურნიორო ცხრილში კვლავაც პირველი ადგილი გვიკავია და უმჯობესია, მომდევნო პაექრობაზე გადავიტანოთ ყურადღება. დერბიში მარცხი ძალიან მტკივნეულია, მაგრამ ამდენი ლაპარაკით ამ ტკივილს კიდევ უფრო ვამძაფრებთ. ჯობია, დავივიწყოთ ის, რაც მოხდა და შემდეგ პაექრობაში სრული რეაბილიტაცია მოვახდინოთ. მთლიანობაში, "ლაციომ" საკმაოდ კარგად ითამაშა და კიდევ ერთხელ დავრწმუნდი, რომ შემთხვევით არ ვართ პირველ პოზიციაზე. მთავარია, რომ დერბიში მარცხმა არ დაგვასვას დაღი და რეგრესის გზას არ დავადგეთ. ძალიან მნიშვნელოვანია თუ როგორ მოიქცევა ედუარდო რეია, მან ხელში უნდა აიყვანოს საკუთარი თავიც და მთლიანად გუნდიც. მხოლოდ ასე შევძლებთ, რომ მალე დავივიწყოთ მომხდარი და წარმატებით გავაგრძელოთ ასპარეზობა".ყოველდღიური სპორტული გაზეთი"ლელო"

"რეალმა" სათამაშო პრაქტიკის მისაღებად მასტანტუონო იტალიაში გაანათხოვრა

კონტრაქტს ჯერ არ გაუგრძელებენ, მაგრამ რჩება - "ინტერმა" ჩალღანოღლუსთან დაკავშირებით გადაწყვეტილება მიიღო

"ჩემი ოცნება "მილანთან" ერთად რაიმეს მოგება იყო" - მოდრიჩმა "როსონერიში" თავის მისიაზე ისაუბრა

ქორწილის წინ რონალდოს საცოლეს სქელი უწოდეს - ის კრიშტიანომ დაამშვიდა და მორგანიც გამოექომაგა

"რეალმა" სათამაშო პრაქტიკის მისაღებად მასტანტუონო იტალიაში გაანათხოვრა

კვლავ აფრიკაში - ერვე რენარი ნაცნობ ადგილას დასაქმდა

Hisense წარმოგიდგენთ გზავნილს „ინოვაციები უკეთესი ცხოვრებისათვის“ FIFA-ს 2026 წლის მსოფლიო ჩემპიონატზე

20 წ. | საიმონ კიბლი: საქართველომ გამორჩეულად წარმატებული ტურნირი ჩაატარა

ქართველი მსაჯები ევროპა ლიგის მატჩს განსჯიან

"ლარნესთან" მატჩში "იბერია 1999"-ის შემადგენლობა ცნობილია

ნორვეგიის ნაკრების მეკარე "ლაიფციგში" დაბრუნდა

ოფიციალურად: საბა საზონოვი “ხეტაფეს” ფეხბურთელია

ჩატარდება თუ არა დღეს "ლარნესა" და "იბერიას" მატჩი - ქართულმა გუნდმა ინფორმაცია გაავრცელა

ალისონმა მუნდიალის შემდეგ 5 კვირა დაისვენა და "ლივერპულს" დაუბრუნდა

ნიკა ამაშუკელი სამხრეთ აფრიკაში - ხუთი მატჩი "ოლ ბლექსის" ისტორიულ ტურნეზე

მამისა და შვილის სხვა განცხადება - ნეიმარი ბრაზილიის ნაკრებში კიდევ ითამაშებს?

ერექციული დისფუნქცია მამაკაცებში - რა უნდა ვიცოდეთ?

"ლივერპულს" ასე გაუჭირდება - რა წინადადებით მიმართა ბარკოლას თაობაზე ინგლისურმა გრანდმა პსჟ-ის

"რეალმა" ვინისიუსს წლიურ გასამრჯელოდ 22 მილიონი შესთავაზა - ბრაზილიელი მეტს ითხოვს

"ბარსელონამ" ტერ შტეგენი "აიაქსში" გაუშვა

"ამ ასპექტებში მომატება სჭირდება" - "ლიდსთან" მატჩის შემდეგ, ირაოლამ მამარდაშვილზე ისაუბრა

ამ ზაფხულს მიქაუტაძის "ბარსელონაში" გადასვლა შესაძლებელია? - ვინ უჭერს მხარს ქართველის ტრანსფერს კატალონიურ გრანდში