<p><span style="line-height: 1.3em;" />ვაჯამებთ კონფედერაციათა თასს და 20-წლამდელთა მუნდიალს <br> </span>შერცხვენილი ინგლისი, ბრაზილიის მიერ დამარცხებული ესპანეთი, მორიგი საოცარი კალიფორნიული დერბი და ნეიმარ-ინიესტას უცნაური რეკორდი - ყველაფერი ეს ჩვენს დღევანდელ სტატისტიკურ მიმოხილვაში.</p><p>30 - საჯარიმო დარტყმა მოუპოვა უკვე დასრულებულ კონფედერაციათა თასზე ბრაზილიის ნაკრებს ნეიმარმა, რამაც ლუიშ ფელიპე სკოლარის გუნდს დადებითი სამსახური გაუწია. იტალიასთან გამართულ შეხვედრაში ერთ-ერთ ასეთ საჯარიმოს 21 წლის ფორვარდის ჩაწოდება და დანტეს გოლი მოჰყვა, ხოლო მეორე შემთხვევაში ბურთი თავად ნეიმარმა გაიტანა, როდესაც სტანდარტულიდან ბუფონს შანსი არ დაუტოვა.</p><p>ფინალში ნეიმარმა ჟერარდ პიკე მოატყუა, რომელმაც თავისი მომავალი თანაგუნდელი მოცელა და წითელი ბარათი მიიღო. პიკეს ამ გაძევების შემდეგ საბოლოოდ გასაგები გახდა, რომ ესპანეთი სამბურთიანი ჩამორჩენის აღმომფხვრელი არ იყო.</p><p>იტალიელი მარიო ბალოტელი ამ ნომინაციაში მეორე ადგილზე გავიდა - მის წინააღმდეგ წესები 17-ჯერ დაარღვიეს. ფინალში ანდრეს ინიესტას წინააღმდეგ 8-ჯერ დაჯარიმდნენ, რაც ვისენტე დელ ბოსკეს ეპოქაში ესპანეთის ნაკრების რეკორდია.</p><p>საინტერესოა, რომ ტურნირის ყველაზე უხეში ფეხბურთელის "ტიტულიც" ნეიმარმა მოიპოვა, რომელმაც თამაშის წესები 17-ჯერ დაარღვია.</p><p>29 - ოფიციალური მატჩი წაგების გარეშე - ეს არის რეკორდი, რომელიც ესპანეთის ნაკრებმა დაამყარა. სერია კვირას, კონფედერაციათა თასის ფინალურ შეხვედრაში შეწყდა. წინა რეკორდის მფლობელი საფრანგეთის ნაკრები იყო, რომელმაც 1994-99 წლებში 27 წაუგებელი ოფიციალური მატჩი ჩაატარა.</p><p>ბრაზილიასთან დაპირისპირებამდე, ოფიციალურ შეხვედრაში, უკანასკნელი მარცხი ესპანეთის ნაკრებმა 2010 წლის მუნდიალზე, ჯგუფური ეტაპის პირველ ტურში, შვეიცარიის ნაკრებთან (0:1) განიცადა და იქიდან მოყოლებული, "ფურია როხამ" 24 მატჩი მოიგო, 5 კი ფრედ დაასრულა.</p><p>შეგახსენებთ, რომ ესპანეთმა ბრაზილიასთან 0:3 წააგო და ამით კიდევ ერთი ხანგრძლივი სერია დაასრულა - ოფიციალურ შეხვედრაში, ორზე მეტბურთიანი სხვაობით პირინეელებს ბოლოს 1985 წელს, უელსთან ჰქონდათ წაგებული. მსოფლიოს ჩემპიონატის შესარჩევი ეტაპის იმ შეხვედრაში, იან რაშის დუბლის და მარკ ჰიუზის ერთი გოლის წყალობით, ბრიტანელებმა იბერიელებს 3:0 მოუგეს.</p><p>17 - მატჩიანი მოუგებელი სერია მსოფლიოს 20-წლამდელთა ჩემპიონატებზე - ასეთი საზარელი შედეგი არა რომელიმე აუტსაიდერს, არამედ ინგლისის ნაკრებს აქვს. ახალგაზრდულ მუნდიალზე უკანასკნელი გამარჯვება ბრიტანელებმა 1997 წელს, ჯგუფური ეტაპის ფინალურ შეხვედრაში, მაიკლ ოუენის ერთადერთი გოლის წყალობით მექსიკასთან მოიპოვეს. ამ მოგებით ინგლისი ჯგუფიდან მაქსიმალური შედეგით 1/8-ფინალში გავიდა, სადაც მომავალ ჩემპიონ არგენტინასთან 1:2 წააგო.</p><p>სამხრეთამერიკელთა მხრიდან გოლები ხუან რომან რიკელმემ და პაბლო აიმარმა გაიტანეს.</p><p>1999 წელს გუნდმა, რომელშიც ეშლი კოული და პიტერ კრაუჩი თამაშობდნენ, ჯგუფში სამივე მატჩი წააგო, ხოლო 2003 და 2009 წლებში ინგლისმა მხოლოდ ერთი ქულა მოიპოვა. ორი წლის წინ, კოლუმბიაში გამართულ მუნდიალზე ბრიტანელებმა ჯგუფური ეტაპის სამივე მატჩი ფრედ, თანაც სამივე 0:0 დაასრულეს, მაგრამ მომდევნო ეტაპზე გასვლა მაინც შეძლეს, სადაც უკვე ნიგერიის ახალგაზრდულ ნაკრებთან დამარცხდნენ (0:1).</p><p>წლევანდელი ჩემპიონატის პირველ შეხვედრაში ინგლისი, მატჩის დამთავრებამდე 15 წუთით ადრე, ერაყს 2:0-ს უგებდა, მაგრამ ეს უპირატესობა ვერ შეინარჩუნა და საბოლოოდ, მხოლოდ ქულას დასჯერდა. ამის შემდეგ პიტერ ტეილორის გუნდმა ჩილესთან ქულა აიღო, ეგვიპტესთან კი 0:2 წააგო. 17 მოუგებელი მატჩიდან ინგლისმა 10 წააგო და რაც კიდევ უფრო საოცარია, ამ პერიოდში მხოლოდ 5 (!) გოლი გაიტანა.</p><p>2 - გოლი გაიტანა მსაჯის მიერ დამატებულ დროში "სან ხოსე ერთქვეიქსმა" და მიუხედავად იმისა, რომ "ლოს ანჯელეს გელექსისთან" შეხვედრაში მინდორზე კაცნაკლული იყო, კიდევ ერთი საოცარი "ქამბექი" შემოგვთავაზა.</p><p>წინა სეზონში, ამ გუნდების პირველ დაპირისპირებაში, მატჩის დამთავრებამდე 15 წუთით ადრე, "სან ხოსე" ორბურთიანი სხვაობით აგებდა, მაგრამ საბოლოოდ, 3:2 მოიგო. გამარჯვების მომტანი ბურთი კი ალან გორდონმა არბიტრის მიერ დამატებულ მე-4 წუთზე გაიტანა. ერთი თვის შემდეგ "სან ხოსე" კვლავ ორბურთიანი სხვაობით აგებდა, მაგრამ "კალიფორნიული კლასიკო" 4:3 მოიგო.</p><p>წელს, მატჩის დამთავრებამდე 20 წუთით ადრე, "გელექსი" ისევ ორბურთიანი სხვაობით იგებდა და მართალია, მეტოქემ, კერძოდ, გორდონმა ერთი საპასუხო ბურთი გაიტანა, მაგრამ მორიგი სასწაული წარმოუდგენელი იყო, რადგან ვიქტორ ბერნარდესმა მეორე ყვითელი ბარათი მიიღო და "სან ხოსე" 10 კაცით დარჩა. მიუხედავად ამისა, 92-ე წუთზე ში სალინასმა წონასწორობა აღადგინა, 83 წამის შემდეგ კი გორდონის კიდევ ერთმა თავურმა დარტყმამ "სან ხოსეს" მორიგი საოცარი გამარჯვება მოუტანა და "სტენფორდზე" შეკრებილი 50 000 მაყურებელი ჭკუიდან გადაიყვანა.</p><p><strong>ყოველდღიური სპორტული გაზეთი "ლელო"</strong></p><p><strong><span style="color: #ff0000;">ასევე იხილეთ:</span></strong></p><p><a href="/fexburti/uckhouri-fekhburthi/skhvadaskhva/51132-kvira-cifrebshi-sanakrebo-rekordebi-da-pasebis-ostatebi.html" target="_blank">კვირა ციფრებში: სანაკრებო რეკორდები და პასების ოსტატები</a></p>
საგიჟეთი. გატუზომ ფეხბურთელს შეაგინა - იტალიელთა ორი ავტოგოლი და გამარჯვება
უთავმოყვარეო და მშიშარა უწოდეს - სანტუშს აზერბაიჯანის ნაკრების დატოვება მაინც მოუწია
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
შენგელია: გასაკვირია ჯიკიჩი ევროლიგის გუნდს რომ არ წვრთნის
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
[VIDEO] გამარჯვებების დღე - საქართველოს ფეხბურთელთა ნაკრებმა ბულგარეთს დამაჯერებლად მოუგო!
[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ოფიციალურად: ბალოტელი "ჯენოას" ფეხბურთელია
"თუ სერია A-ში დავბრუნდები, იქაურობას დავანგრევ" - ბალოტელის პირობა "ჯენოას" მწვრთნელს
ბალოტელიმ "ჯენოაში" გადასვლიდან ორ თვეში შეიძლება გუნდი გამოიცვალოს
"ყველაფერი კარგად იყო, მაგრამ შემდეგ მბაპე და ნეიმარი მოვიდნენ" - დრაქსლერმა პსჟ-ში გატარებული პერიოდი გაიხსენა
[VIDEO] მსგავსს ხშირად ვერ ნახავთ - ნეიმარი კურიოზულ სიტუაციაში აღმოჩნდა
ახალი კონტრაქტი - ნეიმარი კვლავ "სანტოსში" ითამაშებს
"გაგიკვირდებათ, მაგრამ საუკეთესოა ვისთანაც მითამაშია" - ბალოტელიმ ყოფილი თანაგუნდელი გამოარჩია
ყველაზე საოცარი აცილება მსოფლიოში [VIDEO]
"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა
ჯგუფური ეტაპი დასრულდა: ერაყის სიურპრიზი, ინგლისელთა ფიასკო
16 წლის ასაკში ამ გადარეულმა ისეთი რამ გააკეთა, არ დაიჯერებთ" - მაიკონმა ბალოტელიზე ისტორია გაიხსენა
[PHOTO] დააღწევს თავს გაჭირვებას - უცნობმა ადამიანმა ნეიმარს მილიარდი დოლარი უანდერძა
"ბოლო 20 წლის განმავლობაში საუკეთესო იტალიელი მე-9 ნომერია" - "ჯენოას" პრეზიდენტი ბალოტელიზე