- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
გიორგი შერმადინი - ევროლიგის მწვერვალიდან ევრობასკეტისკენ
<p>საქართველოს ნაკრებისა და "ოლიმპიაკოსის" ცენტრი განვლილ პერიოდსა და სამომავლო გეგმებზე საუბრობს <br> როცა საგამომცემლო სახლის ეზოს ტოვებდა, გიორგი შერმადინს ვერცხლისფერი თასი იღლიაში ჰქონდა ამოდებული.</p><p>"კვირის პალიტრის" ჟურნალისტმა გადმომილაპარაკა - ეს თასი მისთვის ძალიან პატარააო.</p><p>მას ნებისმიერი თვითმხილველი დაეთანხმებოდა, რადგან 216 სმ სიმაღლის ადამიანისთვის ნებისმიერი თასი "სათითედ" გამოჩნდებოდა.</p><p>თუმცა ზომა-წონაზე მნიშვნელოვანი ფასია - ევროლიგის ჩემპიონობა "ოლიმპიაკოსის" ქართველ ცენტრ გიორგი შერმადინს მრავალწლიანი შრომის და დიდი ოფლის ფასად დაუჯდა.</p><p>როგორც გიორგის ქართველმა მწვრთნელმა ჯამლეტ ხუხაშვილმა თქვა, საკალათბურთო წიწილების დათვლის დრო გაზაფხულზე დადგა. გიორგის მოვუსმინოთ.</p><p>- როცა მთელი სეზონის განმავლობაში შრომობ და ბოლოს დაგიფასდება, ამაზე სასიამოვნო არაფერია. ამა თუ იმ ჯილდოს მოგება ნებისმიერი სპორტსმენისთვის დიდი სტიმულია. მით უმეტეს, როცა საქმე ეხება ევროლიგას.</p><p>ამ ტურნირში ჩემპიონი 2009 წელსაც გავხდი, მაგრამ მაშინ ფინალური ოთხეულის მატჩებში მონაწილეობა არ მიმიღია,</p><p>ახლა კი წარმატებაში ჩემი წვლილი შევიტანე. ფინალში "რეალის" ძლევით ყველა გახარებული იყო, ისეთი შეგრძნება დამეუფლა, თითქოს, ევროპაში მარტო ჩვენ ვიყავით.</p><p>თემა ჯამლეტ ხუხაშვილმა განაგრძო.</p><p>- NBA-ში ჩემპიონებს ბეჭდებს აძლევენ. კარლ მელოუნი ბევრს ეცადა, მაგრამ კარიერა ბეჭდის გარეშე დაასრულა. ევროპაში ყველაზე მთავარი საკლუბო ტიტული ევროლიგის ჩემპიონობაა.</p><p>საამაყოა, რომ ქართველებს გვყავს ეროლიგის ორგზის მფლობელი გიორგი შერმადინი. სხვათა შორის, იგი კარიერას რომ იწყებდა, იმედი გამოვთქვი, სოფელ ნატახტარს მთელი მსოფლიო გაიცნობდა. შერმადინის დამსახურებით ასეც მოხდა.</p><p>მწვრთნელმა გაიხსენა, რომ ორ ძმა შერმადინს (თბილისის "მაქაბიში" გამოდიოდნენ) თავისი ვაჟის, მიშას ბინის გასაღები მისცა, მაგრამ ძმები მაინც ნატახტარიდან დადიოდნენ.</p><p>ევროლიგას დავუბრუნდეთ და გავარკვიოთ, რა იყო მთავარი მიზეზი, რამაც "ოლიმპიაკოსს" ევროლიგა მოაგებინა. ამ საქმეში გიორგი შერმადინი დაგვეხმარება:</p><p>- ლონდონში ფინალური ოთხეულის მატჩებზე წასვლამდე ჩვენმა მწვრთნელმა გიორგიოს ბარძოკასმა პრესკონფერენცია გამართა, რის შემდეგაც კალათბურთელები შეგვკრიბა და გვითხრა: ნახევარფინალში მოსკოვის ცსკა-ს ვხვდებით, გუნდს რომელიც შარშან ევროლიგის ფინალში დავამარცხეთ.</p><p>ამჯერად უპირატესობა მეტოქის მხარესაა - ბიუჯეტის სიდიდეს თავი რომ დავანებოთ, ცსკა-ს შარშანდელის გამო რევანში აქვს ასაღებიო.</p><p>პარალელურად, რუსეთში არმიელთა მწვრთნელმა ეტორე მესინამ თქვა - "ოლიმპიაკოსს" მოვუგებთო.</p><p>ჰოდა, ამ ფაქტორების გათვალისწინებით მწვრთნელმა მოგვიწოდა ნახევარფინალს მაქსიმალურად მომზადებულნი და მობილიზებულნი შევხვედროდით.</p><p>სწორედ სათანადო კონცენტრაციის გამო, თითქმის ყველა ტყორცნა გამოვიყენეთ, ხოლო რუსებმა ბევრი ააცილეს.</p><p>საბოლოოდ დიდი სხვაობითაც ვიმარჯვეთ. მობილიზება არც ფინალში დაგვკლებია და ვფიქრობ, "ოლიმპიაკოსმა" სეზონში საუკეთესო დაცვა სწორედ ევროლიგის ნახევარფინალსა და ფინალში ("რეალის" წინაღმდეგ) ითამაშა.</p><p>ნახევარფინალური ეტაპის საუკეთესო მომენტად ევროლიგის საიტმა გიორგი შერმადინის მოქმედება აღიარა - ქართველმა ერთ ეპიზოდში მეტოქის კალათიდან ბურთი სამჯერ მოხსნა და საბოლოოდ ორქულიანი რომ ჩააგდო, არმიელებს ჯარიმა დასტყუა.</p><p>- უკეთესი იქნებოდა, ბურთი თავიდანვე ჩავარდნილიყო, - თქვა გიორგიმ. მწვრთნელი არ დაეთანხმა:</p><p>- იმ მომენტში შერმადინის წინააღმდეგ ცსკა-სა და ევროპის საუკეთესო მეფარეები იბრძოდნენ.</p><p>სწორედ ბურთის სამჯერ მოხსნით გამოჩნდა გიორგის უპირატესობა, აგრესია, ფიზიკური ძალა, მოხერხება. არაერთი შემთხვევა ყოფილა, კალათბურთელი დიდ გუნდში მსგავსი ეპიზოდის ხილვის შემდეგ რომ აუყვანიათ.</p><p><span style="color: #ff0000;"><strong>სკამების წვიმა, პეტარდების ქუხილი</strong></span></p><p>ევროლიგური წარმატება "ოლიმპიაკოსმა" საბერძნეთის ჩემპიონატში ვერ გაიმეორა - "პანათინაიკოსთან" ფინალურ სერიაში 0:3 დამარცხდა.</p><p>- თუ ევროლიგის ფინალური ოთხეულისას საუკეთესო დაცვა ვუჩვენეთ, საბერძნეთის ჩემპიონატის ფინიშზე ყველაზე ცუდად გავისარჯეთ დაცვაში.</p><p>სერია 0:3 წავაგეთ. ეს დიდი სირცხვილი იყო. მწვრთნელმაც გვითხრა, რომ ევროლიგის მოგების მერე "დავნაყრდით, მშივრები არ ვიყავით" და "პანათინაიკოსთან" ამიტომაც წავაგეთ.</p><p>მკითხველს შევახსენებთ, რომ საბერძნეთში ფინალური სერიის ბოლოს სკამების მტვრევა და მოედანზე გადმოყრა ჩვეულებრივ ამბად იქცა.</p><p>შერმადინმა ელინთა ჩემპიონატის გადამწყვეტ სერიაში რამდენჯერაც ითამაშა, იმდენჯერ მოუწია მოედნიდან ნაადრევად გასვლამ.</p><p>- სამი წლის წინათ "პანათინაიკოსში" ვთამაშობდი. სირენამდე წუთით ადრე "ოლიმპიაკოსთან" სტუმრად 7 ქულის სხვაობით ვიგებდით და წამოვიდა სკამების წვიმა. ძლივს გავასწარით.</p><p>ზუსტად იგივე განმეორდა წლეულს. ოღონდ ამჯერად მეორე მხარეს ვიყავი. "ოლიმპიაკოსის" ქომაგებს მესამე შეხვედრის ბოლოსთვის სკამები უკვე დამტვრეული და დამარაგებული ჰქონდათ.</p><p>წუთნახევრით ადრე კი მოედანზე გადმოყარეს, რასაც პეტარდების ცეცხლი და ბოლი დაერთო.</p><p>სხვათა შორის, ფინალური სერიის პირველ შეხვედრას სპორტის მინისტრი ლევან ყიფიანიც დაესწრო. კიდევ კარგი, ბოლო შეხვედრაზე არ მოუწია მოსვლამ...</p><p><span style="color: #ff0000;"><strong></p><p>მანუს გვერდით? სიამოვნებით</strong></span></p><p>სეზონის დასრულებასთან ერთად გიორგი შერმადინსაც ამოეწურა საკონტრაქტო ვადა "ოლიმპიაკოსთან". საინტერესოა, სად გააგრძელებს კარიერას.</p><p>- გასულ სეზონში იმდენი სათამაშო დრო არ ჰქონდა, რამდენსაც იმსახურებდა, - გვითხრა ჯამლეტ ხუხაშვილმა, - გიორგის ევროპაში თავისი სიტყვა ჯერ არ უთქვამს, გაცილებით მეტი შეუძლია, ვიდრე უჩვენებს.</p><p>ამიტომ, მომავალი სეზონისთვის კარგი იქნება ისეთ გუნდში გადასვლა, სადაც ბოლომდე ენდობიან და სათამაშო დროც საკმარისად ექნება.</p><p>გაჟღერდა ევროლიგაზე მოასპარეზე "ბუდიველნიკის" ვარიანტი, მაგრამ ეს ჯერ მხოლოდ ჭორის დონეზეა.</p><p>მოგახსენებთ, რომ საქართველოდან ევროპულ კალათბურთში შერმადინი სწორედ "ბუდიველნიკთან" თამაშით გავაცილეთ.</p><p>ეს გუნდი 2008 წელს თბილისში ჩამოვიდა და "მაქაბისთან" ამხანაგურად ითამაშა. გიორგიმ 31 ქულა ჩააგდო და... "პანათინაიკოსში" წავიდა.</p><p>ორიოდე დღეა, რაც შერმადინის გადაბირების მსურველთა შორის თურქული "გალათასარაიც" დასახელდა.</p><p>- "გალაში" სიამოვნებით ვითამაშებდი, - როგორც მიხვდით, ეს კალათბურთელის სიტყვებია, - ძალიან ახლოსაა საქართველოსთან და მანუჩარ მარკოიშვილიც იქ თამაშობს. როგორც ვიცი, "გალათასარაი" მომდევნო სეზონის ევროლიგაში მაღალი მიზნებისთვის აპირებს ბრძოლას.</p><p>- მანუჩართან ერთად გიორგი იტალიურ "კანტუში" 2011-12 წლებში გამოდიოდა. ორივეს ნაყოფიერი სეზონი ჰქონდა. სანაკრებო შეკრებებისას, როცა შერმადინი მარკოიშვილთან ერთ ოთახში ცხოვრობს, ყოველთვის მშვიდად ვარ - ვიცი, რომ რეჟიმში იქნება.</p><p>მანუჩარი ანგარიშსაც მაბარებდა - დღეს შერმადინმა კარგად ჭამაო... მანუს მსგავსი პროფესიონალი ჯერ არ დაბადებულა, - დასძინა ჯამლეტ ხუხაშვილმა.</p><p>საუბარი სხვა მიმართულებით გაგრძელდა. გიორგი შერმადინმა სხვადასხვა ქვეყნის სამზარეულოზე გაამახვილა ყურადღება.</p><p>ისრაელშიც გემრიელი კერძები აქვთ და იტალიაშიცო, თუმცა უცხოელები აქ რომ ჩამოიყვანო, ხაჭაპური და ხინკალი გაასინჯო, აქედან აღარ წავლენო.</p><p><span style="color: #ff0000;"><strong>თავებს მოგაჭრითო</strong></span></p><p>დავწერეთ "ბუდიველნიკთან" 2008 წელს გამართულ შეხვედრაზე. სწორედ მას მერე თამაშობს გიორგი უცხოეთში. მანამდე?</p><p>- პატარაობაში თანატოლებთან შედარებით მაღალი ვიყავი, კალათბურთელობაც მინდოდა, მაგრამ მაშინ "ტრანსპორტი ჭირდა", თბილისში სიარული რთული იყო. თუმცა ცოტა ხნით ალეკო ჯაფარიძესთან ვვარჯიშობდი. შემდეგ "თელავში" ვირიცხებოდი...</p><p>ჯამლეტ ხუხაშვილმა განაგრძო:</p><p>- კახეთის გუნდში გიორგი ფაქტობრივად არც თამაშობდა. ეს არცაა გასაკვირი, რადგან საამისოდ მზად არ იყო. 2005 წელს ძმასთან, სოსოსთან ერთად "მაქაბიში" გადმოვიყვანე. დღეში 7 საათს ვავარჯიშებდი...</p><p>სწორედ მაშინ დაიწერა ქართულ პრესაში, უმჯობესია შერმადინი უცხეთში წავიდეს, რომ მაღალი დონის კალათბურთელად გაიზარდოსო.</p><p>- მახსოვს, გამოცდილმა ჟურნალისტმა დავით ჭელიძემ ისიც დაწერა, ჯამლეტმა შეგირდებს უთხრა, თუ შერმადინს პასს არ მისცემთ, თავებს მოგაჭრითო.</p><p>ჟურნალისტი ფიქრობდა, რომ ევროპაში წასვლის შემდეგ გიორგი იმის ნახევარ პასს არ მიიღებდა, რამდენსაც "მაქაბიში".</p><p>იმასაც ამბობდნენ, ჯამლეტ ხუხაშვილი შერმადინს ძალიან ტვირთავსო. თუმცა გვქონდა გეგმა, რომლის მიხედვითაც წინ მივიწევდით, ვვარჯიშობდით, ვზრუნავდით დასვენებაზე, სამედიცინო შემოწმებაზე.</p><p>რამდენადაც უნდა მოინდომო, ამ საქმეში თუ ფინანსური მხარდაჭერა არ გაქვს, მიზნის მიღწევა გაგიჭირდება.</p><p>მხარში დაგვიდგა შვეიცარიაში მოღვაწე პიროვნება მიხეილ სოროკო, რისთვისაც მას დიდი მადლობა უნდა ვუთხრათ.</p><p>ასევე საქმეში ჩართული იყო არაერთი მწვრთნელი, ნოდარ ქორქია, ალექსანდრე ფერიაშვილი, ზურაბ ტომარაძე, ნიკოლოზ დერიუგინი, თამაზ ოქრუაშილი, მიხეილ ხუხაშვილი... ყველა თავისი პროგრამით ავარჯიშებდა.</p><p>მწვრთნელმა გიორგი და სოსო შერმადინების სელექციურ თვისებებსაც გაუსვა ხაზი:</p><p>- ერთ საღამოს დამირეკეს და მითხრეს, მცხეთაში ვნახეთ ორი ახმახი ბიჭი. კალათბურთს თამაშობდნენო.</p><p>ვუთხარი, აუცილებლად მომიყვანეთ-მეთქი და... ჯერ უფროსი ძმა, გიორგი რევაზაშვილი გახდა ახალგაზრდული ჩემპიონატის ბომბარდირი (36.1 ქულა, 13.6 მოხსნა), შემდეგ - ლევან რევაზაშვილი (34 ქულა, 12.4 მოხსნა), ხოლო წლეულს მათი მესამე ძმა მაიზერი 18-წლამდელთა ჩემპიონატში გამოირჩა - 36.5 ქულა, 16.8 მოხსნა).</p><p>თითქოს, სნაიპერობა შერმადინისგან გადაედოთო - გიორგი ევროპაში გამგზავრებამდე ბოლო სეზონში სუპერლიგაში საშუალოდ 34 ქულასა და 14 მოხსნას აგროვებდა.</p><p><span style="color: #ff0000;"><strong></p><p>ნაკრები</strong></span></p><p>შერმადინი ცოტას დაისვენებს და სანაკრებო ვარჯიშებს შეუდგება.</p><p>მოგეხსენებათ, წლეულს ეროვნულ გუნდში ვერ ითამაშებს ცენტრი ზაზა ფაჩულია, რომლის შეცვლაც სწორედ გიორგის მოუწევს.</p><p>- ნაკრებში სათამაშოდ ყოველთვის განსაკუთრებულად ვემზადები. ამჯერადაც ჩვეულად ვივარჯიშებ, ვიმედოვნებ, რომ ევრობასკეტის მატჩებს ოპტიმალურ ფორმაში შევხვდები.</p><p>დანარჩენს უშუალოდ შეხვედრები გვიჩვენებს, - გვითხრა შერმადინმა და ახალწვეულებზეც ილაპარაკა:</p><p>- ტანმაღალ ლუკ ზელერს არ ვიცნობ, უკანახაზელ რიკი ჰიკმანთან ერთად კი "მაქაბიში" ვთამაშობდი. მისი ჩამოყვანის ამბავი რომ გავიგე, ცოტა გამიკვირდა, მის შესახებ არ მკითხეს. ჰიკმანი ნამდვილად კარგი კალათბურთელია.</p><p>შერმადინთან ერთად ევროპის ჩემპიონატზე ჩვენი მეტოქეების წინახაზელებზე ვიმსჯელეთ.</p><p>- ესპანეთის ნაკრებში პაუ გასოლი არ იქნება, თუმცა ეს მათ შესაძლოა არც დაეტყოთ. სამაგიეროდ, მარკ გასოლი ითამაშებს.</p><p>სლოვენიელებსაც აქვთ დანაკლისი - ერაზემ ლორბეკის გარეშე იასპარეზებენ. თუმცა მადრიდის "რეალის" ცენტრ მირზა ბეგიჩს დაიხმარებენ და საპრიზო ადგილებისთვის იბრძოლებენ.</p><p>ლორბეკის არყოფნა დიდი დანაკლისია და მიმაჩნია, რომ მათ ჩვენზე ძლიერი შემადგენლობა სულაც არ ჰყავთ.</p><p>ხორვატიის ნაკრებში კარგი ტანმაღალი კალათბურთელები არიან თავმოყრილნი. ამასწინათ დამირ მარკოტას ველაპარაკე, რომელთანაც სლოვენიის "ოლიმპიაში" ვთამაშობდი.</p><p>"უნიკახას" მეფარე ლუკა ზორიჩი ასევე "ოლიმპიადან" მანუჩარ მარკოიშვილის მეგობარია. მაღალი დონის მეფარეა ბარსელონელი ხორვატი ანტე ტომიჩი. მეფარეებით გამოირჩევა პოლონეთიც.</p><p>"ფინიქსელი" მარცინ გორტატის შესახებ ყველას კარგად მოეხსენება, "კახა ლაბორალში" ეფექტური სეზონი ჰქონდა მაცეი ლამპეს.</p><p>სხვათა შორის, "კახასთან" საშინაო მატჩში "ოლიმპიაკოსს" 8 ქულის სხვაობით მოგება სჭირდებოდა.</p><p>15 ქულითაც ვიგებდით, მაგრამ ბოლოს 8-ით ვიმარჯვეთ. გასახდელში გაცეცხლებული შემოვიდა ვასილის სპანულისი, იქაურობა სულ მიურ-მოურია.</p><p>საბოლოოდ, ევროლიგაზეც ყველაფერი კარგად დასრულდა. ვიმედოვნებ, ქართველებს ნაკრებშიც ისეთივე წარმატებული სეზონი გამოგვივა, როგორც კლუბებში.</p><p><strong>ყოველდღიური სპორტული გაზეთი "ლელო"</strong></p>
შედეგმაც არ დააყოვნა - საქართველოს ნაკრები უკვე ფიბას ოცეულშია
[VIDEO] ზღაპრული თავგადასავალი დასრულდა - საქართველოს ნაკრები ფინეთთან დამარცხდა და ევრობასკეტს გამოეთიშა
პირველი ტაიმის შემდეგ საქართველოს ნაკრები ფინეთთან 17 ქულით მარცხდება
"გაგრას" ლიუბენოვიჩი ჩაუდგა სათავეში
შენგელიას 18 ქულა და გამარჯვება, ბურჯანაძის 7 ქულა და ბრძოლაში მარცხი
ქალთა ნაკრები ორ ამხანაგურ მატჩს გამართავს
"ინტერის" სპორტულმა დირექტორმა ნეიმარის შესაძლო ტრანსფერზე ისაუბრა
ბენზემა ევროპაში დაბრუნდება? - ფრანგი ფორვარდის დამატება თურქულ გრანდს უნდა
"მანჩესტერ იუნაიტედთან" მატჩში "ლივერპულის" შემადგენლობა ცნობილია
ლოჩოშვილის მორიგი კარგი მატჩი - "ნიურნბერგმა" გამარჯვება ხელიდან გაუშვა
"შოთა არველაძის სამშობლოში ვართ და სამწუხაროა, რომ ის ვერ ითამაშებს" - ფრანკ დე ბური ლეგენდების მატჩის წინ
"ესპანური სწრაფად ვისწავლე, რადგან ეს პატივისცემის ნიშანია" - კილიან მბაპე მადრიდულ ცხოვრებაზე
"წლის საუკეთესო მებრძოლად მერაბ დვალიშვილი უნდა დასახელდეს" - უმარ ნურმაგომედოვი
"როცა გულის შეტევით საავადმყოფოში ვიწექი, მესის ქმედებით გაოგნებული დავრჩი" - კასილასმა აქამდე უცნობი ისტორია გაიხსენა
"საფონოვი მოთმინებას კარგავს" - რას წერს ფრანგული გამოცემა რუს მეკარეზე?
[VIDEO] შერმადინის და უერტასის დუეტი კვლავ ბრწყინავს - "ტენერიფემ" "მურსია" დაამარცხა
[VIDEO] აქ სიტყვები ზედმეტია - მესის ჰეთ-თრიქი და საგოლე პასი "ნეშვილთან"
[VIDEO] 40 წლის კრიშტიანო რონალდოს ფანტასტიკური გოლი საუდის არაბეთში
ფრე დინამოების დაპირისპირებაში; წყალტუბოელთა მოგება ფოთში
ქოჩორაშვილი სათადარიგოთა შორის დატოვეს - "სპორტინგი" 1/16-ფინალში ძლივს გავიდა
დავითაშვილის "სენტ-ეტიენმა" შინ მარცხი განიცადა
[VIDEO] ვენდეტა არგენტინულად - სიმეონემ "ტორინოს" "ნაპოლისთან" გამარჯვება მოუპოვა
გვარდიოლამ გაამხილა, როდის იფიქრებს მწვრთნელის კარიერის დასრულებაზე
გიორგი შერმადინის 25-ე MVP და ესპანეთის ჩემპიონატის რეკორდი!
მატიე ვალბუენა 40 წლის ასაკში ყოფილ გუნდში დაბრუნდა
ევროპას საქართველოს საკალათბურთო ნაკრები აუტსაიდერი ჰგონია
[VIDEO] შერმადინის ზედიზედ 30-ე საშინაო გამარჯვება ჩემპიონთა ლიგაში | "ტენერიფემ" "ჰერცლია" დაამარცხა
გარიგებული მატჩების საქმეზე ბრალდებულ მწვრთნელებსა და მსაჯს სპორტის სფეროს წარმომადგენლები თავდებში უდგებიან
[VIDEO] ლივერპულმა" კომპენსირებულ დროში გატანილი გოლით გაიმარჯვა - "ბაიერნმა" და "ინტერმაც" მოგებებით დაიწყეს
ქოჩორაშვილი არ ათამაშეს - "სპორტინგი" "ნაპოლისთან" დამარცხდა
"ახლა მაქვს შანსი, რაღაც განსაკუთრებული გავაკეთო ჩემი ქვეყნისთვის"
ჯამლეტ ხუხაშვილი: შეიძლება მსოფლიო ჩემპიონატის შემდეგ ეტაპზე ვერ მოვხვდეთ, მაგრამ...
იარემჩუკმა იტალიურ გუნდში გადასვლა არ ისურვა
[VIDEO] "ტენერიფე" ჩემპიონთა ლიგას გამარჯვებით იწყებს - შერმადინმა მოედანზე 23 წუთი გაატარა
საქართველოს ნაკრების გზა 2021 წლის ევრობასკეტამდე - ნაწილი III
ძიუდოს აკადემიამ სკოლის მოსწავლეთა შორის კარატეში საერთაშორისო შეჯიბრებას უმასპინძლა [PHOTO]
ევრობასკეტ 2015-ზე საქართველოს ნაკრების მატჩების ჩატარების საათები ცნობილია
ევროპა ლიგა. V ტური: ოდიშარიას და სილაგაძის "რიგასი" "პაოკთან" დამარცხდა
თორნიკე შენგელია: ჯორდანის გუნდში თამაშზე ბავშვობიდან ვოცნებობდი
3×3 კალათბურთის ფედერაციის პრეზენტაცია სპორტისა და კულტურის სამინისტროში
შერმადინი "ტენერიფეს" უკაპიტნებს | ესპანეთის უმაღლეს ლიგაში 4 ქართველი ითამაშებს
"უნდა მიგვეცა საშუალება, გამოესწორებინათ შეცდომა, თავისუფლებაზე და არა ციხეში ყოფნის დროს"
ქართველი თავდამსხმელით ბერძნული გრანდი დაინტერესდა
[VIDEO] შერმადინის და უერტასის დუეტი კვლავ ბრწყინავს - "ტენერიფემ" "მურსია" დაამარცხა
[VIDEO] შერმადინი მაგრად იწყებს - ქართველის 28 ქულა, MVP-ის ტიტული და გამარჯვება "მანრესასთან" პირველ ტურში
იგორ კოკოშკოვი საქართველოს ნაკრებში: ჰო თუ არა?
საქართველო-სერბეთისა და საქართველო-ავსტრიის მატჩებზე ბილეთების გაყიდვა დაიწყო