იუნაიტედი ყოველთვის სიტიზე მაღლა უნდა იყოს?

მანჩესტერული დერბი - მთავარი თემა ინგლისში მანჩესტერული დერბი - აი, რა არის ინგლისში ბოლო დღეების მთავარი თემა და ამიტომაცაა, მასმედიაში ყველა გზას ისტლენდისკენ რომ მივყავართ. რას აღარ წერენ. წერენ, მაგალითად, რომ თავის დროზე „იუნაიტედიდან“ „სიტიში“ გადასული არგენტინელი ფორვარდი კარლოს ტევესი ნანობს, მის ყოფილ გუნდს უეინ რუნი რომ ვერ აართვეს. რუნი, რასაკვირველია დღევანდელი მატჩისთვის მაინც გამოუსადეგარი იქნებოდა, მაგრემ ასეთი განცხადებებით დიდი შეხვედრის წინ მოწინააღმდეგეზე ხომ შეიძლება იმოქმედო? ჰოდა, რატომ უნდა გაუშვა შანსი ხელიდან?ტევესს უთქვამს: „მე ძალიან მინდოდა ის ჩვენთან რომ გადმოსულიყო. სიამოვნებით ვნახავდი უეინს „სიტის“ ფორმაში, მაგრამ მესმის, რომ ამ ნაბიჯის გადადგმა თავად მისთვის იყო ძალიან ძნელი. ის ძალიან ძლიერი ფეხბურთელია. მე და რუნი თანაგუნდელები ვიყავით. გარდა ამისა იგი ჩემი მეგობარია, და ზუსტად ვიცი, რომ მისნაირი ხალხის წინააღმდეგ თამაშს სჯობს ის შენი თანაგუნდელი იყოს. მე თუ მკითხავთ, ბოლო წლებში ინგლისელი ფორვარდებიდან მას ვერავინ შეედრება. რაც შემეხება მე, წამითაც არ ვნანობ „იუნაიტედიდან“ „სიტიში“ რომ გადავედი“.მანჩესტერული დერბის წინ გუნდებს შორის სხვაობა სამად სამი ქულაა, რაც იმას ნიშნავს, რომ ბოლოდროინდელი წარუმატებლობებისა და კრიტიკის მიუხედავად, გამარჯვების შემთხვევაში, ისტლენდელები ტიტულისთვის ბრძოლაში უკვე სერიოზულად ჩაერთვებიან.ტევესმა დასძინა: „ჩვენ ტოპ-სამეულში ვართ და ვფიქრობ, გასულ სეზონთან შედარებით გაცილებით უკეთაც ვთამაშობთ, თუმცა, რასაკვირველია, ეს საკმარისი არ არის. ბრძოლა სეზონის ბოლომდე უნდა გავაგრძელოთ და მხოლოდ გაზაფხულზე გამოჩნდება, ვართ თუ არა პრემიერლიგის ჩემპიონობის ღირსი. დღეს, ვფიქრობ, რომ ჩემპიონობის ღირსი დიახაც, ვართ, მაგრამ ამისათვის საჭიროა მოვიგოთ და მოვიგოთ. ცუდი შედეგები არც აქამდე გვქონია, მაგრამ ტიტულის მოსაპოვებლად ეს საკმარისი, რასაკვირველია, არ არის. იმისათვის რომ ჩემპიონი გახდე ფრეები უნდა შეამცირო, შინ დამარცხება კი გამორიცხო. საბედნიეროდ, მდგომარეობის გამოსასწორებლად დრო საკმარისად გვაქვს, ჩემპიონატის დამთავრება ჯერ ადრეა“.ისტლენდელთა მეკარემ ჯო ჰარტმა კი თქვა, რომ დერბიში ბევრი რამ სწორედ ტევესზე იქნება დამოკიდებული:„კარლოსს შეუძლია დანარჩენ 10 ფეხბურთელს ბრძოლაში გაუძღვეს და გაამხნევოს. თუ ჩვენ უკან არ დავიხევთ, კარლოსი კი კარგად ითამაშებს, გამარჯვების რეალური შანსი გვექნება. ის ფენომენალური ფეხბურთელია. მე ვიტყოდი, მისნაირთან არც კი მითამაშია. ის სამაგალითოა“.„მანჩესტერ იუნაიტედში“ კი იმედოვნებენ, რომ „სიტისთან“ თამაშში პორტუგალიელი ნანი შეძლებს. ეს გარემარბი ჩემპიონთა ლიგიგს ბოლო თამაშში დაშავდა, საზარდული იტკინა და ამბობდნენ, რომ დერბისთვის შესაძლოა ვერ გამოჯანმრთელებულიყო.„იუნაიტედის“ ფანების გასახარად, ბოლო ინფორმაციით 23 წლის ვარსკვლავის საკმე კარგად მიდის. ექიმებს უთქვამსთ, ალექს ფერგიუსონის სასტარტო შემადგენლობაში მოხვედრის შანსი აქვსო. ფერგიუსონი აგრეთვე იმედოვნებს, რომ ენტეროვირუსისგან დროულად განიკეყნება ბულგარელი ფორვარდი დიმიტარ ბერბატოვი. მან „სიტი ოფ მანჩესტერ სთედიუმზე“ შესაძლოა მართლაც დიდი როლი ითამაშოს, მით უფრო, რომ მისი თანაგუნდელი, ფრანგი პატრის ევრა ამ დერბის საგანგებო მნიშვნელობას ანიჭებს. ის ამბობს, რომ მართალია, ისტლენდელები აღმავლობის გზაზე არიან და ჰგონიათ, რომ პრემიერლიგის ერთ-ერთ მთავარ ძალას წარმოადგენენ, დროა ქალაქ მანჩესტერში ყველაფერი თავის ადგილზე დაბრუნდეს.„ისინი სულ იმუქრებიან, რომ დაგვამარცხებენ, მაგრამ ვერასდროს ახერხებენ ამას – თქვა ფრანგმა – ჩვენს წინაშე კი ცოტა სხვა ამოცანა. ჩვენ ჩემპიონის ტიტულისთვის ვიბრძვით და მარტო „სიტის“ დამარცხებას კი არ ვისახავთ მიზნად, ყველა შეხვედრაში მოგება გვინდა. რასაკვირველია, თუ ისტლენდზე გავომარჯვებთ, ეს „იუნაიტედისთვის“ ძალიან კარგი იქნება, მაგრამ განსაკუთრებულს ამას ვერ დავარქმევ. ეს ნორმალურ, ჩვეულებრივ ამბად უნდა მივიჩნიოთ“.ევრას ამ ნათქვამში გასაკვირი არაფერი გახლავთ, რადგან, ბოლო წლებში ძალთა აშკარა უთანასწორობის გამო მანჩესტერულ დერბის მარილი ჰქონდა დაკარგული - „იუნაიტედისგან“ „სიტის“ ძლევაში საგანგებო არაფერი იყო. მანჩესტერული გუნდების დაპირისპირებას სიმძაფრე მხოლოდდამხოლოდ მას მერე შეემატა, რაც ისტლენდზე არაბი მეპატრონე შეიხი მანსური მივიდა – ეს ორი წლის წინანდელი ამბავია. შემდეგ, მდგომარეობა ზემოხსენებული ტევესის ერთი გუნდიდან მეორეში გადასვლამაც გაართულა, სულ ახლახან კი ისტლენდელები „იუნაიტედის“ ფანების გასაცეცხლებლად, მათ კერპს უეინ რუნის შეუჩდნენ და კინაღამ გადაიბირეს კიდეც.თუმცა, მანჩესტერული დერბის მნიშვნელობას „იუნაიტედის“ ვეტერან ნახევარმცველზე პოლ სქოულზზე უკეთ ჩვენ ვერ განვარტავთ. გეხსომებათ, რა თქვა სქოულზმა – იმედი მაქვს „სიტი“ ინგლისის ჩემპიონის ტიტულს ვერასდროს მოიგებსო. ფეხბურთელი, რომელსაც 21 მანჩესტერულ დერბიში აქვს მონაწილეობა მიღებული ბრძანებს:„ჩვენ ვერ დავუშვებთ, რომ „სიტიმ“ რამე მოიგოს. ცხრილში „იუნაიტედი“ ყოველთვის ამ გუნდზე მაღლა უნდა იყოს“.ყოველდღიური სპორტული გაზეთი"ლელო"

ყოფილი ინგლისელი ფეხბურთელი ძაღლმა დაკბინა და 50-ზე მეტი ნაკერი დაადეს

"ეს სრულ ქაოსს შექმნის" - ნევილი "სიტის" ფინანსურ სკანდალსა და შესაძლო ჩემპიონობაზე

[VIDEO] "ოლდ ტრაფორდზე" კერიკის დღეები დათვლილია - "მანჩესტერ იუნაიტედი" შინ "ბორნმუთთან" 0:3 დამარცხდა

სეოკ-ის პრეზიდენტი ლერი ხაბელოვი სუმოს საერთაშორისო ფედერაციის პრეზიდენტს, ლეგენდარულ იოკუძუნა ჰაკუჰო შოს შეხვდა

ალექს მერკვილაძის შედეგიანი თამაში BNXT ლიგაში — გრონინგენი სტუმრად დამარცხდა

[VIDEO] დამაჯერებლად - "ლივერპულმა" "ბრაიტონი" დაამარცხა

კვერნაძის 65 წუთი - "ფროზინონემ" "ატალანტასთან" უხვგოლიან მატჩში ქულა აიღო

მეტელკინა-ბერულავას წყვილმა საფრანგეთის გრან-პრიზე ოქროს მედალი მოიპოვა

საზონოვი შეცვლაზე შევიდა - "ხეტაფე" "ატლეტიკთან" განადგურდა

"ჰოლშტაინის" პირველ გამარჯვებას სადებიუტო გოლით საფუძველი ქვილითაიამ ჩაუყარა

ცნობილი გახდა სად გაუკეთებენ კვარაცხელიას ოპერაციას

იეგოიანის "ექსელსიორმა" მორიგი მარცხი განიცადა

ნიკოლოზ ბასილაშვილი ალმათის ტურნირის ფინალში დამარცხდა

ინგლისური გრანდები "ბაიერნის" ვუნდერკინდისთვის იბრძოლებენ

კსუ კავკასიამ ბათუმში იმარჯვა, თელავმა თბილისში ბლექ ფორტრესი დაამარცხა

"საუკეთესო ხუთეულში აუცილებლად უნდა მოხვდეს. მისი თამაშის ყურება ძალიან მიყვარს" - "ბარსელონას" ნახევარმცველმა ხვიჩა კვარაცხელიაზე ისაუბრა

"მერაბ, გიჟი ხარ?" - UFC-ის პრეზიდენტი დვალიშვილისა და იანის ბრძოლას გამოეხმაურა

17-წლამდე გოგონათა ნაკრები საკვალიფიკაციო ეტაპის მატჩებისთვის ემზადება

გუბანოვას და დევისი - სმოლკინის წყვილის ვერცხლი საფრანგეთის გრან-პრიზე - მეტელკინასა და ბერულავას წყვილი მოკლე პროგრამის შემდეგ პირველ ადგილზეა

"ერთადერთი რამაც გამაკვირვა, ეს ჩემი თავი იყო" - დვალიშვილის პირველი კომენტარი იანთან მარცხის შემდეგ

"ეს ნამდვილი ცირკია, გააუქმეთ მსგავსი ინდივიდუალური ნომინაციები" - ბაბელი "ოქროს ბურთზე"