<p><span style="line-height: 1.3em;" />"ატლეტიკო მინეირო" ფინალში რონალდინიოს პენალტმა გაიყვანა <br> </span>ლიბერტადორესის თასის მეორე ნახევარფინალი, რომელსაც ბევრი ნაადრევ ფინალსაც უწოდებდა, ძალიან დაძაბული და დრამატული გამოდგა.</p><p>პირველი შეხვედრის ორბურთიანი სხვაობით მოგების შემდეგ, "ნიუელს ოლდ ბოისი" წყვილის ფავორიტად იქცა, მაგრამ ყველამ იცოდა, რომ ბრაზილიაში არგენტინელებს ურთულესი მატჩი ელოდათ.</p><p>პროგნოზები საწყის წუთებზე გამართლდა და უკვე მატჩის დებიუტში, მესამე წუთზე, "ატლეტიკომ" ანგარიში გახსნა. საკმაოდ ლამაზი და დინამიკური კომბინაცია რონალდინიოს საგოლე გადაცემით და ბერნარდის უზადო დარტყმით დასრულდა - 1:0.</p><p>ამ გაშვებული გოლის გამო არგენტინელები თავიდანვე წნეხში მოექცნენ. ზოგადად, ხერარდო მარტინო ძალიან კარგი და ჭკვიანი სპეციალისტია, რომელმაც შედეგზე თამაში იცის. ნაადრევად გაშვებული ბურთი, რა თქმა უნდა, მის გეგმებში არ შედიოდა, მაგრამ მიუხედავად ამ "ცივი შხაპისა", "ნიუელსი" არ დაბნეულა. უპირატესობას მასპინძლები ფლობდნენ, მაგრამ "მამლებს" მომენტების შექმნა უჭირდათ.</p><p>შეხვედრის ბოლოსკენ, ერთ-ერთ ტრიბუნაზე განათების სისტემა გამოვიდა მწყობრიდან, რის გამოც მატჩი დაახლოებით 10 წუთით შეწყდა. ამ პაუზას, თითქოს, მასპინძლებზე ცუდად უნდა ემოქმედა, მაგრამ ყველაფერი პირიქით მოხდა.</p><p>განათების ჩართვის შემდეგ "ატლეტიკომ" კიდევ უფრო აქტიურად შეუტია, კუკა კი ვა-ბანკზე წავიდა და მოედანზე ჯერ ლუანი, შემდეგ კი გილერმე შეიყვანა. სწორედ ეს უკანასკნელი გახდა მეორე და გადამწყვეტი გოლის ავტორი, როდესაც საჯარიმოს გარედან გუსმანს ახლო კუთხეში გაუტანა.</p><p>აქვე აუცილებლად უნდა აღვნიშნოთ დიეგო მატეოს ძალიან ცუდი თამაში - არგენტინელთა გამოცდილმა საყრდენმა ბურთი ძალიან ცუდად, პირდაპირ გილერმესკენ მოიგერია, შემდეგ კი გუსმანს დარტყმის მომენტში გადაეფარა და მეკარესაც ხელი შეუშალა. არადა, იმ სიტუაციაში ბურთის მოგერიება აუცილებელი სულაც არ იყო და მატეოს ბურთის მშვიდად გატარება შეეძლო. სტუმართა მეხუთე ნომრის ეს ერთი შეცდომა "ნიუელსს" ძვირად დაუჯდა.</p><p>ორი მატჩის ჯამში ანგარიში გათანაბრდა და გამარჯვებულის გამოსავლენად საჭირო პენალტების სერია გახდა (ლიბერტადორესის თასზე დამატებითი დრო არ ინიშნება).</p><p>პირველი ოთხი პენალტი გუნდებმა ზუსტად დაარტყეს, რის შემდეგაც ბურთთან ჟო მივიდა და ბრაზილიის ნაკრების წევრმა კარს ააცილა. არგენტინელებმა ეს გაფუჭებული 11-მეტრიანი ისე აღნიშნეს, თითქოს უკვე მოეგოთ, არადა, წინ კიდევ 5 დარტყმა იყო.</p><p>როგორც საბოლოოდ გაირკვა, სტუმრებმა დარჩენილი სამი დარტყმიდან ერთიც ვერ გაიტანეს. ჟოს შემდეგ მილტონ კასკოს ჯერი დადგა, რომელმაც ხარიხას გაარტყა, თუმცა "ნიუელსს" კიდევ ერთი შანსი რიჩარლისონმა მისცა - ძმისგან განსხვავებით (რიჩარლისონი ალეკსანდროს ძმა გახლავთ), გამოცდილმა ფეხბურთელმა პენალტი საშინლად შეასრულა და კარს დიდი მანძილით ააცილა.</p><p>ხერარდო მარტინოს შეგირდებმა ამჯერად მეტოქის უზუსტობა შედარებით მოკრძალებულად აღნიშნეს, მაგრამ ხეირი მაინც ვერ ნახეს.</p><p>გამეორდა "ბოკა ხუნიორსთან" 1/4-ფინალში, პენალტების სერიისას შექმნილი სიტუაცია, როდესაც "ნიუელსს" გამარჯვების მოსაპოვებლად ერთი პენალტის გატანა სჭირდებოდა, მაგრამ "ძველმა ბიჭებმა" "ბოკას" მიერ ორჯერ ბოძებული შანსი ხელიდან გაუშვეს.</p><p>ამჯერად უზუსტოდ რინალდო კრუსადომ დაარტყა და რიჩარლისონის მსგავსად, კარს დიდი მანძილით ააცილა. ამის მერე ორი ყველაზე გამოცდილი ფეხბურთელის, რონალდინიოს და მაქსი როდრიგესის ჯერი დადგა. გაუჩომ პენალტი უზადოდ შეასრულა, მაქსის კი ვიქტორმა აუღო და საკუთარ გუნდს ფინალის საგზური მოუტანა, სადაც "ატლეტიკო" პარაგვაის "ოლიმპიას" დაუპირისპირდება. პირველი შეხვედრა 17 ივლისს, ასუნსიონში გაიმართება, საპასუხო კი 24 ივლისს ბელუ ორიზონტეში.</p><p>აქვე გეტყვით, რომ "ატლეტიკო" ლიბერტადორესის თასის ფინალში პირველად გავიდა, "ოლიმპიასთვის" კი ეს მეშვიდე ფინალი (3 მოგება და 3 წაგება) იქნება.</p><p><strong><span style="color: #ff0000;">ლიბერტადორესის თასი. 1/2-ფინალი. საპასუხო მატჩი</p><p></span></strong></p><p><strong><em>ატლ. მინეირო-ნიუელსი 2:0 პენ. 3:2 (0:2)</em></strong></p><p>გოლები: 1:0 ბერნარდი (3), 2:0 გილერმე (84)</p><p>პენალტების სერია: 1:0 ალეკსანდრო, 1:1 სკოკო, 2:1 გილერმე, 2:2 ვერხინი, 2:2 ჟო (ააცილა), 2:2 კასკო (ხარიხა), 2:2 რიჩარლისონი (ააცილა), 2:2 კრუსადო (ააცილა), 3:2 რონალდინიო, 3:2 მაქსი როდრიგესი (მეკარე)</p><p>ატლ. მინეირო (4-2-3-1): ვიქტორი - მარკოს როჩა, ლეონარდო სილვა, ჟილბერტო სილვა, რიჩარლისონი - პიერი (77. ლუანი), ჟოსუე - დიეგო ტარდელი (90. ალეკსანდრო), რონალდინიო, ბერნარდი (82. გილერმე) - ჟო</p><p>ნიუელსი (4-3-2-1): გუსმანი - მ. კასერესი (89. ორსანი), ვერხინი, ჰაინცე (26. ვ. ლოპესი), კასკო - ლუკას ბერნარდი, მატეო, კრუსადო - ვ. ფიგეროა (73. ტონსო), მაქსი როდრიგესი - სკოკო</p><p>გაფრთხილება: პიერი, ბერნარდი - მ. კასერესი, კასკო, ტონსო</p><p>მაყურებელი: 23 000</p><p><strong>ბომბარდირები</strong>: 6 - იგნასიო სკოკო (ნიუელს ოლდ ბოისი), დიეგო ტარდელი (ატლეტიკო მინეირო), ჟო (ატლეტიკო მინეირო); 5 - ფრედი ბარეირო (ოლიმპია), ლუიშ ფაბიანო (სან პაულო), ბრაიან როდრიგესი (უაჩიპატო), ხუან მანუელ სალგეირო (ოლიმპია).</p><p><strong>ყოველდღიური სპორტული გაზეთი "ლელო"</strong></p><p><strong><span style="color: #ff0000;">ასევე იხილეთ:</span></strong></p><p><a href="/fexburti/uckhouri-fekhburthi/samkhreth-amerika/52050-libertadoresis-thasi-12-finali-qolimpiaq-meothkhe-titulisthvis.html" target="_blank">ლიბერტადორესის თასი. 1/2-ფინალი: "ოლიმპია" მეოთხე ტიტულისთვის</a></p>
"მანჩესტერ იუნაიტედმა" მაიკლ კერიკი გაათავისუფლა - "წითელ ეშმაკებს" პოჩეტინო ჩაიბარებს
ფუტსალი | საქართველო 2:1 ლიბანი
აი, გემოვნებაც ასეთი უნდა - სქოულზმა "მანჩესტერს" კრიზისის დასაძლევად ამ ფეხბურთელების შეძენა ურჩია
"ბარსელონამ" ესპარტს ხელშეკრულება გაუხანგრძლივა
"რეალმა" კურტუას კონტრაქტი გაუგრძელა
პოჩეტინომ "მანჩესტერ იუნაიტედის" მთავარ მიზანზე ისაუბრა და ბავშვობის კერპი დაასახელა
კონტემ განმარტა, რატომ დატოვა "ინტერი" საჩემპიონო სეზონის შემდეგ
"ბარსელონა" გერმანიის ნაკრების მცველის შეძენას შეეცდება
ანგისას "ნაპოლიდან" წასვლა უნდა
"როგორც იქნა, გვირაბის ბოლოს სინათლე გამოჩნდა" - ჯორჯო კიელინიმ იტალიის ნაკრებზე ისაუბრა
"არსენალი" ზამთრის სატრანსფერო ფანჯარაზე 2 შემტევის დამატებას გეგმავს
მესიმ არგენტინის ფეხბურთის ასოციაციის ხელმძღვანელობასთან კავშირი გაწყვიტა
"ყველაზე მეტი ამ მწვრთნელისგან ვისწავლე, ის ჩემთვის მისაბაძი მაგალითი იყო" - ლუის ენრიკე
უარი უდიდეს ხელფასზე - გვარდიოლამ სარფიანი წინადადება დაბლოკა
[VIDEO] ბითაძის 20 წუთი - "ორლანდოს" 4-მატჩიანი მოგებათა სერია "ფილადელფიასთან" შეწყდა
ბასილაშვილი მეცის ჩელენჯერს ტრავმის გამო ჩაეხსნა
ისტორიული ზღვარი და დრამატული გამარჯვება - 4000 ქულა თორნიკე შენგელიას ევროლიგაში
მარკის რიდი მატჩის საუკეთესო მოთამაშეა - "ბაჰჩეშეჰირმა" იტალიაში "რომა" გაანადგურა
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
საბო: დავითაშვილს უნდა ვუმადლოდეთ - კითხვა მაქვს ქართველთა მეკარესთან
ლევან კობიაშვილი: მჯერა, რომ ამ გუნდს აქვს რესურსი, დაძლიოს არსებული სირთულეები და კიდევ ერთხელ აჩუქოს ჩვენს ქვეყანას ის ემოციები, რომლებიც ასე ძალიან დაგვაკლდა
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
"მესის ტრანსფერზე ვმუშაობთ" - ლეომ შესაძლოა, კარიერა სამშობლოში დაასრულოს
არსენ ვენგერი სხვაგვარად აჭიკჭიკდა
"ფეხბურთს ჰყავს ოსტატი და მისი სახელია ლეო მესი" - მაქსი როდრიგესი
"რონალდინიოც ასეთი იყო" - პსჟ-ს ყოფილმა ფეხბურთელმა "კვარაზე" ისაუბრა
"ატლეტიკო მინეირო" სამხრეთ ამერიკის ჩემპიონია
ლიბერტადორესის თასი. 1/2-ფინალი. I მატჩი: "ოლიმპია" თითქმის ფინალშია
46 წლის ასაკში ლეგენდარული რონალდინიო მოედანს უბრუნდება და ხვალ ძირითად შემადგენლობაში იქნება
ᓛᓣᓜᓓᓘᓐᓚᓘ 2014. ᓐᓠᓒᓔᓜᓢᓘᓜᓘᓡ ᓜᓐᓙᓠᓔᓑᓘ: ᓚᓔᓝ ᓛᓔᓡᓘ ᓒᓐᓛᓝᓪᓝᓪᓮᓚᓓᓐ [VIDEO]
"ამ გუნდში თამაშზე ჯერ კიდევ ვვოცნებობ" - ლიონელ მესი
რონალდინიო ამერიკის საუკეთესო ფეხბურთელია
"მან ჩემზე უფრო დიდი შთაბეჭდილება მოახდინა, ვიდრე მესიმ და რონალდომ" - ვენსან კომპანი
ტარხანოვი - უცხოელების რუსეთის ნაკრებში თამაშზე: საფრანგეთში თეთრს ვერ ნახავ, გერმანიაში კი თურქები არიან
[VIDEO] 46 წლის რონალდინიომ 11-წლიანი პაუზის შემდეგ ითამაშა
არგენტინა. პრიმეირა დივიზიონი. XVI ტური: "რივერის" კრიზისი?
არგენტინა. პრიმეირა დივიზიონი. ბოლო ტური: ტკბილი ლუკმა ბოლოსთვის
ლიბერტადორესის თასი. ფინალი. I მატჩი: "ოლიმპია" - ცალი ფეხით ოლიმპოზე
ლუიშ ფელიპე სკოლარი: მუნდიალზე თამაში ნებისმიერ ბრაზილიელ ფეხბურთელს შეუძლია
ბერნარდი: რუსეთმა დონეცკი წაგვართვა და გაგვინადგურა
ბრაზილიამ ავსტრალიასთან გაილაღა [VIDEO]
ბრაზილია-პორტუგალია 3:1- ნეიმარის სოლო-გასროლა [VIDEO]
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
არგენტინა. პრიმეირა ლიგა. XVIII ტური: ვინ გახდება ჩემპიონი?
"იქამდე დაველოდებით, სანამ საჭირო იქნება" - მესის მშობლიურ გუნდში უხმობენ
"ის ჩემთვის მსოფლიოში საუკეთესოა" - რონალდინიო
ბრაზილიური გასეირნება მაიამიში [VIDEO]
როგორ ესროლა თოფიდან დიეგო მარადონამ ჟურნალისტებს
ლეგენდა მშობლიურ გუნდს უბრუნდება? - მესიმ შესაძლოა, კლუბი შეიცვალოს