დისციპლინა ნაკრებში - ჯერ საქმე და მერე ღლაბუცი

თემურ ქეცბაიამ ფეხბურთელები გუშინ ეროვნულ სტადიონზე შეკრიბა და იქვე ავარჯიშა თემურ ქეცბაიამ ფეხბურთელები გუშინ ეროვნულ სტადიონზე შეკრიბა და იქვე ავარჯიშა. სლოვენიასთან მატჩისთვის გამოძახებული 30 ფეხბურთელიდან, გუშინდელ ვარჯიშზე მხოლოდ 20 ვიხილეთ.მეკარეები: გიორგი ლორია (დინამო), როინ კვასხვაძე ("ზესტაფონი"), გიორგი ძაძამია ("ვიტ ჯორჯია");მცველები: გიორგი ხიდეშელი, გიორგი ონიანი, ზაალ ელიავა (სამივე "ზესტაფონი"), ლევან კაკუბავა ("დინამო"), გიორგი რეხვიაშვილი ("ოლიმპი"), თენგიზ ჩიკვილაძე ("ტორპედო"), ნიკა კვეკვესკირი ("ბაია");ნახევარმცველები: კახაბერ ალადაშვილი, ბუბა დაუშვილი (ორივე "ზესტაფონი"), ირაკლი კლიმიაშვილი, გურამ გურეშიძე (ორივე "ვიტ ჯორჯია"), ალეკო კოშკაძე ("დინამო");თავდამსხმელები: ოთარ მარცვალაძე ("ვოლგა", რუსეთი), ირაკლი მოდებაძე ("ოლიმპი"), მათე ვაწაძე ("დინამო"), ნიკოლოზ გელაშვილი ("ზესტაფონი"), ჯაბა ლიპარტია ("ვიტ ჯორჯია").ნაკრებს სლოვენიაში შეუერთდებიან კახა კალაძე ("ჯენოა", იტალია) და ზურაბ ხიზანიშვილი ("რიდინგი", ინგლისი), ყველა დანარჩენი კი თბილისში ივარჯიშებს: დათო კვირკველია ("რუბინი", რუსეთი) უკვე თბილისშია და ხვალ საერთო ჯგუფში ივარჯიშებს. გოჩა ხოჯავა ("ვოლგა", რუსეთი) თბილისში 11 ნოემბერს, გამთენიისას ჩამოფრინდა, დილით სავიზო პრობლემებს აგვარებდა, ისედაც დაღლილი, კიდევ უფრო დაიღალა და ვარჯიშზე ვერ გამოცხადდა.ქეცბაიამ დილის პრესკონფერენციაზე ბრძანა, რომ შესაძლოა, ხოჯავამ სლოვენიაში ვერ ითამაშოსო. ეს სავიზო პრობლემის მოუგვარებლობიდან გამომდინარეობდა. თუმცა, ეს პრობლემა გუშინ გვარდებოდა.სავიზო პრობლემა ვახსენეთ და აქვე გეტყვით, რომ ეროვნულ ნაკრების ინტერესის სფეროში მოქცეულ იმ ფეხბურთელებს, რომლებიც რუსეთის მოქალაქეები არიან, საქართველოს პასპორტის აღებაში პრეზიდენტის ადმინისტრაცია ეხმარება. ამის გამო, ეს რთული პროცედურა სწრაფად და ოპერატიულად გვარდება. სწორედ აქედან გამომდინარე გვითხრეს, რომ გოჩა ნაკრებს დღეს უნდა შეუერთდეს.უჩა ლობჟანიძე ("დნიპრო", უკრაინა), აკაკი ხუბუტია ("გაზ მეთანი", რუმინეთი), ჯაბა კანკავა ("დნიპრო", უკრაინა), სანდრო გურული ("კარპატი", უკრაინა) და ჯანო ანანიძე ("სპარტაკი", რუსეთი) კი თბილისში 15 ნოემბერს ჩამოდიან.აეროპორტიდან პირდაპირ ეროვნულ სტადიონზე გამოცხადდა თორნიკე ოქრიაშვილი, მაგრამ ამ დროისთვის ვარჯიში უკვე დაწყებული იყო და დონეცკის "შახტარის" 18 წლის ნახევარმცველმა ტრიბუნაზე გადაინაცვლა.ნაკრების სიაში დასახელებული ფეხბურთელებიდან, სლოვენიასთან მხოლოდ "ოლიმპის" თავდამსხმელი რევაზ ბარაბაძე არ მოემზადება. ნაკრების მწვრთნელებს 22 წლის ფორვარდის გასინჯვა სურდათ, მაგრამ რეზო ჯერ ფორმაში არაა და როდესაც უშუალოდ დაილაპარაკეს, მისი მოგვიანებით მიწვევა ამჯობინეს.ეროვნულზე ვარჯიში კი მოთელვებით დაიწყო. როდესაც ფეხბურთელებმა სხვადასხვა სახის ვარჯიშები დაასრულეს და კარგად გახურდნენ, ორკარაც გაჩაღდა."ა" გუნდი: კვასხვაძე – კვეკვესკირი, კაკუბავა, რეხვიაშვილი – გურეშიძე, ელიავა - გელაშვილი, მოდებაძე."ბ" გუნდი: ძაძამია – ალადაშვილი, ონიანი, ჩიკვილაძე – კლიმიაშვილი, ლიპარტია, კოშკაძე – მარცვალაძე, ვაწაძე.როგორც ხედავთ, გუნდებმა არათანაბარი რაოდენობით ითამაშეს, რადგან ქეცბაიას განკარგულებაში საკმარისი რაოდენობით ფეხბურთელი არ აღმოჩნდა: მეკარე გიორგი ლორიას ცალკე ავარჯიშებდნენ, მაგრამ ცხადია მეკარეს წინა ხაზში ვერ დააყენებ.ვარჯიშზე "ზესტაფონის" ფეხბურთელები გიორგი ხიდეშელი და ბუბა დაუშვილი გამოცხადნენ, მაგრამ თამაში ვერც ერთმა მოახერხა. საქმე ისაა, რომ ბათუმის "დინამოსთან" სათაშო შეხვედრა მძიმე გრუნტიან მოედანზე გაიმართა და "ზესტაფონის" ფეხბურთელები შეკრებაზე დამძიმებული კუნთებით გამოცხადდნენ. თუმცა, ვარჯიში მხოლოდ დაუშვილმა და ხიდეშელმა ვერ გააგრძელეს - "ორკარას" დაწყებამდე მოედანი ორივე მათგანმა დატოვა.როგორც გავარკვიეთ, ორივე ტკივილმა შეაწუხა. ხიდეშელმა საზარდული გაიჭიმა, მაგრამ სერიოზული არაფერია და წესით, დღეს კვლავ ივარჯიშებს. დაუშვილის ამბავი უფრო რთულადაა – ბუბას კუნთის ყრუ ტკივილები ჩემპიონატის მსვლელობის დროსაც აწუხებდა, მაგრამ არ დაისვენა. გუშინდელ ვარჯიშზე ტკივილი გაუძლიერდა და იძულებული გახდა, დაესვენა. დაუშვილი დანაღვლიანებული იყო, რადგან წინასწარი ვარაუდით, ორი კვირა დაისვენებს. თუმცა, ეს მაინც ვარაუდია, ექიმის დაზუსტებული პასუხი კი დღეს გვეცოდინება.დაკიდევ: ეროვნული ნაკრების ვარჯიში ყოველთვის მხიარულად და ხმაურიანად ტარდებოდა, მაგრამ თამაშების შემდეგ დგებოდა სევდა და ვაი-უშველებელი. გუშინ კი, ეროვნულ სტადიონზე, სადაც რეპლიკის ექოც კარგად ისმის, მოედნიდან ხმა არ ისმოდა.ჟურნალისტები შევთანხმდით, რომ ასეთი წყნარი, უსიტყვო და საქმიანი ვარჯიშის გახსენება შეუძლებელი იყო. ქეცბაია დისციპლინას დიდი ყურადღებას აქცევს და ნელნელა ფეხბურთელებიც ითვისებენ - ვარჯიში და ღლაბუცი სხვადასხვა რამაა.ყოველდღიური სპორტული გაზეთი"ლელო"

აკრძალული ნივთიერება მუდრიკის ორგანიზმი საქართველოსთან მატჩის წინ მოხვდა - უკრაინელი ჟურნალისტი ფეხბურთელის დისკვალიფიკაციაზე ინფორმაციას ავრცელებს

ისტორიული რეკორდი დამყარებულია - ქართველი ფეხბურთელების ფასი სულ უფრო იზრდება

"გუნდში "ოქროს ბურთის" კანდიდატი ჰყავს და მის ნათქვამს ვერ ვიგებ" - ბიძინა ბარათაშვილი ოლისეს შესახებ სანიოლის განცხადებაზე

18-წლამდელები სამხრეთ აფრიკაში ჩავიდნენ

ტყვიის სროლა. დიდი წარმატება ვროცლავში

კვლავ აფრიკაში - ერვე რენარი ნაცნობ ადგილას დასაქმდა

კონტრაქტს ჯერ არ გაუგრძელებენ, მაგრამ რჩება - "ინტერმა" ჩალღანოღლუსთან დაკავშირებით გადაწყვეტილება მიიღო

ხანგლძრივი მოლაპარაკებების შემდეგ, "არსენალმა" ბრუნო გიმარაეში შეიძინა

"ჩემი ოცნება "მილანთან" ერთად რაიმეს მოგება იყო" - მოდრიჩმა "როსონერიში" თავის მისიაზე ისაუბრა

Hisense წარმოგიდგენთ გზავნილს „ინოვაციები უკეთესი ცხოვრებისათვის“ FIFA-ს 2026 წლის მსოფლიო ჩემპიონატზე

20 წ. | საიმონ კიბლი: საქართველომ გამორჩეულად წარმატებული ტურნირი ჩაატარა

ქართველი მსაჯები ევროპა ლიგის მატჩს განსჯიან

[VIDEO] მძიმე მატჩი, შედეგი სასურველი - "იბერია 1999"-ს მომდევნო რაუნდში გასვლის კარგი შანსი აქვს

"ლარნესთან" მატჩში "იბერია 1999"-ის შემადგენლობა ცნობილია

ნორვეგიის ნაკრების მეკარე "ლაიფციგში" დაბრუნდა

ოფიციალურად: საბა საზონოვი “ხეტაფეს” ფეხბურთელია

ჩატარდება თუ არა დღეს "ლარნესა" და "იბერიას" მატჩი - ქართულმა გუნდმა ინფორმაცია გაავრცელა

ალისონმა მუნდიალის შემდეგ 5 კვირა დაისვენა და "ლივერპულს" დაუბრუნდა

ნიკა ამაშუკელი სამხრეთ აფრიკაში - ხუთი მატჩი "ოლ ბლექსის" ისტორიულ ტურნეზე

გადადის თუ არა ფერან ტორესი პსჟ-ში?

მამისა და შვილის სხვა განცხადება - ნეიმარი ბრაზილიის ნაკრებში კიდევ ითამაშებს?

"რეალმა" ვინისიუსს წლიურ გასამრჯელოდ 22 მილიონი შესთავაზა - ბრაზილიელი მეტს ითხოვს

"ბარსელონამ" ტერ შტეგენი "აიაქსში" გაუშვა