<p>ნიჟნი ნოვგოროდის ”ვოლგაში” ქართველები მეტ სიყვარულსა და ნდობას გრძნობენ</p><p><br> გიორგი ნავალოვსკიმ ნიჟნი ნოვგოროდის "ვოლგაში" პრემიერლიგის საგზური მოიპოვა და იმედოვნებს, რომ ახლა მაინც არ წააწყდება "ანჟის" მსგავს უმადურობას. საქართველოს ნაკრების ყოფილი მცველი თბილისში სეზონის დასრულების შემდეგ ჩამოვიდა და ინტერვიუ ჩამოვართვით.</p><p><strong>- გიორგი, რუსეთის პრემიერლიგაში მეორე გუნდი გადაიყვანეთ, მაგრამ გასული წლის მწარე გამოცდილება გვაშინებს - ქართველები ახალ სეზონშიც თამაშგარე მდგომარეობაში ხომ არ აღმოჩნდებით?</p><p></strong>- ”ვოლგასთან” კონტრაქტი 2012 წლის ზაფხულში მიმთავრდება და იმედია, წლეულსაც ”ბიტლებივით” არ დავიშლებით. თავისთავად ცხადია, ”ვოლგას” გაძლიერება აუცილებელია. სხვაგვარად პრემიერლიგაში ადგილის შენარჩუნება გაგვიჭირდება. მაგრამ არა მგონია, ”ანჟის” ვარიანტი განმეორდეს, რადგან ნიჟნიში მახაჩყალაზე ბევრად მეტ ნდობას და სიყვარულს ვგრძნობთ.</p><p>ჩემს თავზე ვერ ვილაპარაკებ, მაგრამ ბიჭებს ვინ შეელევა? ოთარ მარცვალაძე კი არ თამაშობს, დაფრინავს. ”კრასნოდართან” 0:1 ვაგებდით და ჰეთ-თრიქი ისე შეასრულა, მოწინააღმდეგე გონზე ვერ მოვიდა. ყველამ ვიცოდით ოთარის შესაძლებლობები, გასულ სეზონში ”ანჟიშიც” კარგ ფორმაში იყო, მაგრამ წლეულს სრულად გაიხსნა და კარიერაში საუკეთესო სეზონი ჩაატარა. პირველ ლიგაში 21 გოლის გატანა ძალიან რთულია, სულ ბრძოლა და ომია და მარცვალაძის შედეგიანობით ყველა გაოცებულია.</p><p>არადა, სეზონის დასრულების შემდეგ, ერთ-ერთმა პრესტიჟულმა გამოცემამ წლის ფეხბურთელად ”ხიმკის” თავდამსხმელი ანდრეი ტიხონოვი დაასახელა, ოთარს კი მხოლოდ ბომბარდირის და საუკეთესო თავდამსხმელის პრიზი ერგო. ტიხონოვიც თავდამსხმელია და თორმეტ შედეგიან ფორვარდშიც ვერ მოხვდა, მისი ”ხიმკი” კი ჩემპიონატში მეცამეტეზე გავიდა. მოკლედ, თავი ვერც ტიხონოვმა გამოიჩინა და ვერც მისმა გუნდმა და მაინც მარცვალაძეზე წინ დააყენეს. აი, ასეთი კურიოზული დაჯილდოება ჩატარდა.</p><p>მეეჭვება გაუშვან ედიკ საჯაია, რადგან მთელი სეზონი სტაბილურად და კარგად გამოიყურებოდა. ”ყუბანის” შემდეგ, ყველაზე ცოტა გოლი რომ გავუშვით, მისი დამსახურებაცაა.</p><p>გოჩა ხოჯავამ კი გულშემატკივრებს თავი გადმოსვლისთანავე შეაყვარა. ბურთს ვერავინ ართმევდა და გუნდისთვის სასარგებლო ფეხბურთელი იყო.</p><p>სხვათა შორის, ”ნიჟნი ნოვგოროდთან” ფრედ რომ ვითამაშეთ და პრემიერლიგაში გადავედით, ვიღაც-ვიღაცებს გული გაუსკდათ - თბილისში დაბადებულმა ქურთებმა სტადიონზე საქართველოს დროშა მოიტანეს, რომელიც თამაშის შემდეგ გამოვართვით და ტრიბუნების წინ ვაფრიალეთ.</p><p><strong>- ამ საქციელით რუსები არ გააღიზიანეთ?</p><p></strong>- სხვა ქალაქში გაღიზიანდებოდნენ, მაგრამ არა ნიჟნი ნოვგოროდში. ბევრ ქალაქში ჩვენს გასაგონად ყვირიან ”ვპერიოდ რუსკიე”, ნიჟნიში კი მსგავსი რამ არ მომხდარა. ხომ ამბობენ, რომ ქართველები შავები და წვერებიანები ვართ? ამის გამო, მე და მარცვალაძემ წვერი შეგნებულად მოვუშვით და ამით ჩვენს ქართველობას გავუსვით ხაზი. მერე ვთქვით, წვერი პრემიერლიგაში გადასვლამდე არ გავიპარსოთო და ბოლოსწინა ტურამდე, მთელი ორი თვე მართლა ასე დავდიოდით.</p><p><strong>- რომელი უფრო სოლიდური კლუბია - ”ვოლგა” თუ ”ანჟი”?</p><p></strong>- ერთმანეთს ვერც შევადარებ, რადგან ნიჟნი ნოვგოროდი რუსეთში ერთ-ერთი ყველაზე ლამაზი ქალაქია, ფეხბურთის ცოდნაც მეტია და პროფესიონალიზმიც. მახაჩკალა კი მაინც პროვინციაა. რაც მთავარია, ნიჟნიში თავს ბევრად უფრო კარგად ვგრძნობთ, რადგან იქაური რუსები თბილი ხალხია. მოსკოვში ქუჩაში გამვლელს რაიმე რომ ჰკითხო, შეიძლება, ზედ არ შემოგხედოს, ნიჟნიში კი თან გადაგვყვებიან.</p><p>კლუბიც ისეთია, წასვლა არ მინდა: ათასნაირი გუნდი არსებობს, ბევრგანაა ენის მიმტანი, ზოგან ჩაკეტილი და არამეგობრული კოლექტივია. ”ვოლგა” ამ მხრივაც გამორჩეულია, რადგან ჩვენი პრეზიდენტი ალექსეი გოიხმანი უბრალო და გულიანი ადამიანია და ეს გუნდზე აისახება. პრეზიდენტი ყველგან ”ბატონოსთან” ასოცირდება, ეს კაცი კი ბატონოთი და მამის სახელით მიმართვას გვიკრძალავს, ჩვენთან ერთად ხუმრობს და ერთობა. ”ვოლგაში” მეორე წრიდან მივედი და თავი რუსეთში კი არა, საქართველოში მეგონა. ეგაა, საკმაოდ ცოტა გულშემატკივარი გვყავდა, მხოლოდ სეზონის ბოლოს დაიწყეს ტრიბუნების შევსება. ალბათ, ადრე ჩვენი პრემიერლიგაში გადასვლის ბევრს არ სჯეროდა. ”კრასნოდარს” პირველი წრემდე მთელი 11 ქულით ჩამოვრჩებოდით და ბოლოს 8 ქულით გადავასწარით.</p><p><strong>ყოველდღიური სპორტული გაზეთი</p><p>"ლელო"</strong></p>
ქოჩორაშვილი არ ათამაშეს - "სპორტინგი" "ნაპოლისთან" დამარცხდა
აი, გუნდი - პსჟ-მ ლიდერების გარეშეც კი მოუგო სტუმრად "ბარსელონას"!
ჩემპიონთა ლიგა: მიქაუტაძე სასტარტოშია - ქოჩორაშვილი სათადარიგოა
[VIDEO] სადებიუტო გოლი ჩემპიონთა ლიგაზე - მიქაუტაძემ "იუვენტუსს" გაუტანა!
ჩემპიონთა ლიგა: მიქაუტაძე სასტარტოშია - ქოჩორაშვილი სათადარიგოა
ოსიმენი: "გალათასარაი" მსოფლიოს საუკეთესო გუნდია
"მილანი" რობერტ ლევანდოვსკის დამატების ვარიანტს განიხილავს
"ალ-იტიჰადი" მთავარი მწვრთნელის პოსტზე 3 კანდიდატურას განიხილავს
მამარდაშვილის შანსი. "ითამაშებს თუ არა ალისონი?" - სლოტმა ვითარება განმარტა
U17 | საქართველო 3:0 ლიეტუვა
[VIDEO] ჩემპიონთა ლიგა: "ატლეტიკომ", "ჩელსიმ", "ინტერმა", "მარსელმა" და "ბაიერნმა" გაიმარჯვეს - "ტოტენჰემმა" "ბოდო გლიმტთან" ფრეს მიაღწია
[VIDEO] მამარდაშვილის დებიუტი ჩემპიონთა ლიგაზე - "ლივერპული" "გალათასარაისთან" დამარცხდა
[VIDEO] მბაპეს ჰეთ-თრიკი და ზარია შეცვლაზე - "რეალმა" "კაირატი" გაანადგურა
[VIDEO] შენგელიას წარუმატებელი დებიუტი - "ბარსელონა" "ჰაპოელ თელ ავივთან" დიდი ანგარიშით დამარცხდა
[PHOTO] კლოპი: 25 წელიწადში ორ ქორწილში ვიყავი, ერთი ჩემი იყო
კონტე: "სპორტინგთან" მნიშვნელოვანი მატჩი გველის
პედრი: პსჟ-ზე უკეთესი გუნდი ვართ და შურისძიება გვინდა
"შავი ლომი" - სამხრეთ აფრიკაში "ჩიტასთან" ორი ტესტისთვის
ხავის "მანჩესტერ იუნაიტედის" გაწვრთნა სურს - ესპანელი "წითელი ეშმაკების" ჩაბარებაზე თანახმაა
ბასილაშვილი შანხაის მასტერსის ძირითად ბადეში შევიდა და ასეულში დაბრუნდა
"მილანსა" და "ინტერს" ახალი სტადიონი ექნებათ - 2031 წლიდან კლუბები ლეგენდარულ "სან სიროზე" აღარ ითამაშებენ
დღეს - ენრიკე ხვიჩას გარეშე, მიქაუტაძე "იუვენტუსის" წინააღმდეგ
ისრაელის ნაკრებსა და ქვეყნის კლუბებს საერთაშორისო შეჯიბრებიდან მოკვეთენ? - 48 სპორტსმენმა მოთხოვნას ხელი მოაწერა