უკომენტარო გადაწყვეტილება

კახი კაჭარავა: ”ჩემი ამბიცია, ”დინამოს” და ქართული ფეხბურთის რეპუტაციაა” "ლელოს" გუშინდელ ნომერში ვრცელი სტატია გამოვაქვეყნეთ, სადაც თბილისის "დინამოს" მთავარი მწვრთნელის პოსტიდან კახა კაჭარავას გადადგომის (გნებავთ, გათავისუფლების) მიზეზებზე ვსაუბრობდით. სტატიის სათაურიც (”არის კი მოხსნა ხსნა?”) შემთხვევით არ შეგვირჩევია, დღესაც უცნაურად გვეჩვენება ჩვენში ყველაზე ტიტულოვან და მართლაც არაჩვეულებრივ გუნდში მომხდარი საკადრო ცვლილება: ზედიზედ ნათამაშები ორი ფრის გამო ”დინამომ” პირველ ადგილზე გადასვლის მშვენიერი შანსი გაუშვა და ჩემპიონატის დასრულებამდე ლამის შვიდი თვით ადრე, მთავარი მწვრთნელი გუნდიდან წავიდა (ვიმეორებ, გნებავთ, გაათავისუფლეს). თუმცა, შემდგომ მოვლენები სხვაგვარად განვითარდა და როგორც საფეხბურთო კლუბ ”დინამო თბილისის” ოფიციალურ ვებგვერდზე გამოქვეყნებული განცხადებიდან შევიტყვეთ, კახა კაჭარავამ ”დინამოს” მთავარი მწვრთნელის პოსტი კი დატოვა, მაგრამ იგი ისევ კლუბში რჩება და სპორტული კოორდინატორის თანამდებობაზე იმუშავებს. ამასთან, იგი მონიტორინგს გაუწევს ყველა იმ გუნდს, რომელიც ”დინამოს” სახელით იასპარეზებს.ახლა კი ”დინამოს” ოფიციალურ ვებგვერდზე გამოქვეყნებულ კახა კაჭარავას მოსაზრებასაც გავეცნოთ, რომელსაც, შეუცვლელად შემოგთავაზებთ (სტილიც დაცულია) და უკომენტაროდაც დავტოვებთ.კახი კაჭარავა - ვიცი, რომ ჩემმა გადაწყვეტილებამ კითხვები გააჩინა. ”დინამომ” ღირსეულად დაიცვა ჩვენი კლუბის და ქართული ფეხბურთის სახელი ევროსარბიელზე. გუნდი ლიდერთა შორის იმყოფება და აგრძელებს ბრძოლას ჩემპიონობისთვის და თასისითვის. შესაძლოა ეს შედეგი ამ ეტაპისთვის დამაკმაყოფილებელიც იყოს, როგორც, ვთქვათ, დამაკმაყოფილებელი იყო ის შედეგი, რომელიც გუნდმა გასულ სეზონში აჩვენა. მაგრამ მაშინ სხვა რეალობა იყო. აქ ალბათ უადგილოა იმ გარეშე ფაქტორებზე საუბარი, რამაც განაპირობა ბოლო ორი წლის მანძილზე ”დინამოს” მეორე ადგილზე გასვლა.დღევანდელ მდგომარეობაზე მე სხვაგვარად ვფიქრობ. ჩვენ შეგვეძლო სატურნირო ცხრილის სათავეში ერთპიროვნული ლიდერები ვყოფილიყავით. მე დინამოელი ვარ, ესე იგი მაქსიმალისტი ვარ. მე ყოველთვის მაქსიმუმს ვთხოვ საკუთარ თავს და ასევე ვარ სხვების მიმართაც. ჩემთვის მიუღებელია, როცა გუნდში ხარ და ყველაფერს არ აკეთებ მისი ინტერესებისთვის. ეს ”დინამოა”. ჩვენი გუნდის მაისურით თამაში ყოველთვის ყველა ქართველი ფეხბურთელისთვის ოცნება იყო. და აქ თუ შენ რამე დააკელი, მოედანზე გახვედი და თავს გაუფრთხილდი, თავი დაზოგე და ბოლომდე არ დაიხარჯე, ჩემთვის მიუღებელია. ჩემთვის მთავარი ”დინამოს” და ქართული ფეხბურთის სამსახურია. მე ”დინამოში” ვთამაშობდი. ”დინამოს” აკადემიის, მეორე გუნდის მწვრთნელად, მთავარი მწვრთნელის ასისტენტადაც მიმუშავია და სპორტულ კოორდინატორადაც სიამოვნებით ვიმუშავებ. ჩემთვის მთავარია სარგებლობა მოვუტანო ”დინამოს” და ქართულ ფეხბურთს. ჩემი ამბიცია, ”დინამოს” და ქართული ფეხბურთის რეპუტაციაა.

მაურიდეს როკე ჯუნიორს ფინეთში წარმატებული ოპერაცია ჩაუტარდა

ჯაბა კანკავა თბილისის "დინამოს" დაემშვიდობა

VIDEO | ეროვნული ლიგა | იბერია 1999 1-0 გაგრა. გეგმა ძაგანიამ ჩაშალა!

"ბორჯღალოსნები" | შემადგენლობა მე-300 მატჩისთვის

RAF-ის დაფასება დვალიშვილსა და ლაზიშვილს - ცნობილია ქართველების ჯარიმის ოდენობა, რომელსაც მთლიანად ამერიკული ორგანიზაცია დაფარავს

მერაბ დვალიშვილზე თავდასხმის გამო უსმან ნურმაგომედოვსა და მისი ჯგუფის წევრებს 6-თვიანი პატიმრობა შეეფარდათ

დამწვარი დარბაზიდან - ტანვარჯიშის კლუბამდე

"ახლა ყველანი ციხეში არიან" - UFC-ის პრეზიდენტმა აბუ-დაბიში მომხდარ დაპირისპირებაზე ისაუბრა

[VIDEO] დონარუმას შეცდომის და გამოუყენებელი პენალტის მიუხედავად, იტალიამ საფრანგეთს თამაში შემოუტრიალა და გალიდერდა

მერკვილაძის ბრწყინვალე ორმაგი დუბლი და "გრონინგენის" დრამატული გამარჯვება ENBL-ში

ბითაძის დაცვითი სამუშაო და "ორლანდოს" ზედიზედ მეორე მოგება იუტაში

"მთავარია, ქართველ ხალხს გამარჯვების გემო გავახსენოთ" - საქართველო - უნგრეთი | 13 ნოემბრის განრიგი

სავარაუდო შემადგენლობა უნგრეთთან - სად გვაქვს პრობლემები...

შერმადინის 13 ქულა და "ტენერიფეს" გამარჯვება შიაულიაიში

დე ბრუინი "ნაპოლის" დატოვებას აპირებს

მარკის რიდის "ბაჰჩეშეჰირის" უძლიერესი თამაში და იოლი გამარჯვება ევროთასზე

მაურიდეს როკე ჯუნიორს ფინეთში წარმატებული ოპერაცია ჩაუტარდა

"მანჩესტერ იუნაიტედმა" მაიკლ კერიკი გაათავისუფლა - "წითელ ეშმაკებს" პოჩეტინო ჩაიბარებს

"ეს წინასწარ დაგეგმილი თავდასხმა იყო" - ნინა დრამამ მერაბ დვალიშვილს მხარდაჭერა გამოუცხადა

"ამაზე ძალიან ვღელავთ" - სტეფ კარი ტრავმირებულია

"ნეტა მანდ ვყოფილიყავი" - ლაშა ბექაური მერაბ დვალიშვილზე თავდასხმას გამოეხმაურა

"რატომ დუმდით მაშინ, როცა მერაბმა დაღესტნელ მოჭიდავეს უმიზეზოდ დაარტყა?" - ისლამ მახაჩევმა უსმან ნურმაგომედოვი დაიცვა

[VIDEO] მამუკელაშვილის მაგარი მატჩი ყოფილი გუნდის წინააღმდეგ - "ლეიკერსმა" ზედიზედ მეშვიდე მატჩი მოიგო