<p>"აკადემია" 1983 წელს სამხატვრო აკადემიის ბაზაზე დაფუძნდა და უკვე 30 წელიწადია, ქართული სარაგბო თემის განუყოფელ ნაწილად იქცა <br> "აკადემია" 1983 წელს სამხატვრო აკადემიის ბაზაზე დაფუძნდა და უკვე 30 წელიწადია, ქართული სარაგბო თემის განუყოფელ ნაწილად იქცა.</p><p>ამ დროის განმავლობაში კლუბს არაერთგზის ჰქონია აღმასვლაც და ჩავარდნაც. 2003 და 2004 წლებში გუნდი ძალიან ახლოს გახლდათ ოქროს მედლებთან, თუმცა ორივე შემთხვევაში ფინალში ხელი მოეცარა და მხოლოდ ვერცხლს დასჯერდა.</p><p><span style="color: #ff0000;"><strong>აკადემია</p><p></strong></span>"აკადემიამ" გასულ სეზონში რეგულარული გათამაშება მეცხრე ადგილზე დაასრულა და უმაღლეს ლიგაში ადგილის შესანარჩუნებლად ორრაუნდიანი დაპირისპირების გადატანა მოუწია პირველლიგელ ქუთაისის "ბაგრატთან".</p><p>ეს ბარიერი კლუბმა იოლად დაძლია და უძლიერესთა შორის შეინარჩუნა ადგილი.</p><p>XXIV ეროვნული ჩემპიონატის წინ მოსამზადებელი შეკრება პაატა ნარიმანაშვილის გაწვრთნილმა გუნდმა "შევარდენის სანაკრებო ბაზაზე" გაიარა, რომლის მიმდინარეობისას ერთი საწვრთნელი მატჩიც გამართა და "ლელოსთან" ფრეს დასჯერდა.</p><p>ზაფხულის სატრანსფერო ციებ-ცხელებისას კლუბი რამდენიმე წამყვანმა მორაგბემ დატოვა, თუმცა შევსებაც არანაკლები მივიდა.</p><p><strong>შერკინება</p><p></strong>გუნდის რიგები დატოვა და საფრანგეთში განაგრძობს კარიერას პირველხაზელი მერაბ მაჩიტიძე, თუმცა ახალგაზრდული ნაკრების წევრ რამაზ მაზმიშვილს და ქუთაისის "აიადან" გადმოსულ პერსპექტიულ ამირან წაქაძეს ნამდვილად შეუძლიათ ამ დანაკლისის აღმოფხვრა.</p><p>შერკინების კვაჭის პოზიციაზე კვლავინდებურად გამოცდილი გიორგი ღამბაშიძე იასპარეზებს. პრობლემატურია მეორე და მესამე ხაზი. ბოლნისის "ყოჩებში" გადავიდა ახალგაზრდული ნაკრების მესამეხაზელი ნიკა ჩხიკვაძე. თუმცა, "ბათუმიდან" დავით ნიბლაძის დაბრუნება მეტ-ნაკლებად მოაგვარებს ამ პრობლემას.</p><p><strong>უკანა ხაზი</p><p></strong>ესპანეთის ჩემპიონატისაკენ აიღო გეზი შალვა მახარაშვილმა, ხოლო მისმა ძმამ, ივანემ გლოსტერის სარაგბო კოლეჯს მიაშურა. შესაბამისად, 9 და 10 ნომრის პოზიციებს, სავარაუდოდ, ჯიმი ღამბაშიძე და გიორგი ქოპილაშვილი შეავსებენ.</p><p>აქვეა უნივერსალი გიორგი ჩაბრაძეც. "აკადემიას" შუამარბებად მთელ ჩემპიონატში ერთ-ერთი ძლიერი დუეტი ეყოლება - ბესიკ წასიძე და გიორგი მარგიანი. ფულბეკის პოზიციაზე დავით მაკაროვი იასპარეზებს.</p><p>აკადემიელთა უმთავრესი საზრუნავი სათადარიგოთა მოკლე სკამია, რომელიც, ძირითადად, სრულიად გამოუცდელი მოთამაშეებით არის დაკომპლექტებული. თუ გუნდმა შეძლო და სეზონის მიმდინარეობისას წამყვანი მოთამაშეების ტრავმებს თავი აარიდა, მაშინ, წესით, არ უნდა გაუჭირდეს მთავარი მიზნის მიღწევა - უმაღლეს ლიგაში ადგილის შენარჩუნება.</p><p><strong>სამწვრთნელო შტაბი</p><p></strong>მშვენივრად დაკომპლექტებული სამწვრთნელო შტაბი სწორი ტაქტიკური მონახაზისა და მიზანმიმართული სელექციის ხარჯზე ტრადიციულად ახერხებს გუნდის მძიმე მდგომარეობიდან გამოყვანას.</p><p>მთავარი მწვრთნელი პაატა ნარიმანაშვილია, რომელიც დიდი ხნის განმავლობაში წარმატებით მუშაობდა ჯერ ახალგაზრდულ ნაკრებში, ხოლო შემდეგ უკვე ეროვნულ ნაკრებში. მას ტრადიციულად უდიდეს დახმარებას გაუწევს "ბორჯღალოსანთა" ყოფილი კაპიტანი და ვეტერანი მორაგბე დიმა ობოლაძე, რომელიც ძირითადად შერკინების მომზადებაზე იქნება ორიენტირებული.</p><p><strong></p><p>შემადგენლობა</strong></p><p>პირველი ხაზი: ლევან ბაღდავაძე, ლაშა გეგია, ლევან კაპანაძე, რამაზ მაზმიშვილი, გიორგი ოზბეთელაშვილი, თამაზ ფეიქრიშვილი, გიორგი ღამბაშიძე, ამირან წაქაძე, გიორგი წვერავა</p><p>მეორე ხაზი: გიორგი ხაჯიშვილი, ლევან ობოლაძე, ლევან მოსეშვილი, გიორგი ნებულიშვილი, ვანო ბერიკაშვილი</p><p>მესამე ხაზი: დიმიტრი გოგოლაძე, ირაკლი ლუარსაბიშვილი, ალექსანდრე მაღლაკელიძე, დავით ნიბლაძე, საბა შუბითიძე, გიორგი ჩაჩუა</p><p>#9: ლუკა ცირეკიძე, ჯიმი ღამბაშიძე</p><p>#10: გიორგი ქოპილაშვილი, გიორგი ჩაბრაძე</p><p>#12-#13: ბესო წასიძე, ზურაბ ცაგარეიშვილი, ილია მელაძე, გიორგი მარგიანი</p><p>#11-14: მიხეილ ჯოგლიძე, თორნიკე ადეიშვილი, ნიკა ადეიშვილი, ლევან კალანდარიშვილი, იოსებ მათიაშვილი, ზაურ სურამელი, გოგა უდესიანი, ირაკლი ჭელიძე, გიორგი ჭუაძე</p><p>#15: ნიკა ვახვახიშვილი, დავით მაკაროვი, გურამ სუთიძე.</p><p><em></p><p>გიორგი ბარბაქაძე</em></p><p><strong>ყოველდღიური სპორტული გაზეთი "ლელო"</strong></p>
crocobet დიდი 10 | ყაზბეგი 17:36 ბათუმი
დიდი 10 | ბათუმი 32:20 გორი
Crocobet დიდი 10-ის ახალი სეზონის დაწყებამდე დარჩა 4 დღე!
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ