გარონე: კასანო უკვე წარსულია

თამამად შეგვიძლია დავწეროთ, რომ ანტონიო "სამპდორიას" ფეხბურთელი აღარაა ანტონიო კასანოსა და "სამპდორიას" პრეზიდენტს შორის მომხდარ გაუგებრობაზე ძალიან ბევრი ითქვა. უმეტესობამ გაამართლა ფეხბურთელის საქციელი, თუმცა გამოჩნდნენ ისეთებიც, რომლებმაც პრეზიდენტ რიკარდო გარონეს მხარე დაიჭირეს. ვინც ჯერ კიდევ არ იცის რაშია საქმე, ორი სიტყვით გეტყვით, რომ დაახლოებით ერთი თვის წინ კასანო გუნდიდან მოკვეთეს. მიზეზი? - "სამპას" პრეზიდენტმა წვეულებაზე გუნდის მთელი შემადგენლობა დაპატიჟა, თუმცა კასანომ სახლში დარჩენა ამჯობინა და ამით, გარონე მეტისმეტად გაანაწყენა.ანტონიოს თქმით, მისი მოვალეობა წვეულებებზე სიარული არაა და შესაბამისად, სახლში ფეხმძიმე მეუღლესთან დარჩენა არჩია. ბევრისთვის ეს მიზეზი სრულიად საპატიო იქნებოდა, მაგრამ არა გარონესთვის, რომელმაც გულში ჩაიდო წყენა და მას შემდეგ, კასანოს "სამპდორიას" შემადგენლობაში აღარც უთამაშია. შესაბამისად, უნიჭიერესი ფეხბურთელის საქმეები უკან წავიდა - ჩეზარე პრანდელიმ ეროვნულ გუნდს მიღმა დატოვა და პრინციპში ეს არცაა გასაკვირი, რადგან ანტონიოს ხეირიანად ვარჯიშის საშუალებაც კი არ ეძლევა. ბუნებრივია, ასე გაგრძელება არ შეიძლება და ჟურნალისტები არსებული ვითარებით კიდევ ერთხელ დაინტერესდნენ. პრეზიდენტ რიკარდო გარონეს შეეხმიანენ და ვრცელი კომენტარი ჩამოართვეს:"თამამად შეგიძლიათ დაწეროთ, რომ ანტონიო კასანო "სამპდორიას" ფეხბურთელი აღარ არის. მასთან ხელშეკრულება გაწყდება და ამაში თავადვეა დამნაშავე. ყველაზე მეტად დაუნახავ ადამიანებს ვერ ვეგუები და სამწუხაროდ, ანტონიო სწორედ ასეთი აღმოჩნდა. არაერთხელ შევაქე პრესასთან საუბარში, მუდმივად მის მხარეს ვიჭერდი, თუმცა მწარედ შევცდი. პრესაში არასწორი ინფორმაცია ვრცელდება, მუდმივად იმაზეა საუბარი თითქოს ოჯახში ფეხმძიმე მეუღლესთან დარჩენა არ ვაპატიე. ასე ნამდვილად არ არის და აუცილებლად აგიხსნით ყველაფერს. ანტონიო წვეულებაზე არ მოვიდა და როდესაც მიზეზით დავინტერესდი, არც კი ამიხსნა. მითხრა, რომ მისი მოვალეობა მხოლოდ ფეხბურთის თამაში იყო. ადამიანურად რომ აეხსნა არსებული ვითარება და მის ხმაში სინანულის გრძნობა შემენიშნა, არავითარი გაუგებრობა არ მოხდებოდა. კასანო კი ისე მელაპარაკა, რომ ტელეფონით საუბრისთანავე "ავფეთქდი" და საკმაოდ სერიოზული შელაპარაკება მოგვივიდა. უზრდელია და დაუნახავი, ასე რომ, მისი ადგილი "სამპდორიაში" არ არის".ბოლო დროს, არაერთი ინფორმაცია გავრცელდა იმის შესახებ, თუ სად შეიძლება გააგრძელოს კარიერა თანამედროვეობის ერთ-ერთმა ყველაზე ნიჭიერმა იტალიელმა ფეხბურთელმა. საუბარია "იუვენტუსზე", "ინტერზე", "ლაციოზე" და "პალერმოზეც" კი, თუმცა ყველაზე საინტერესოდ მაინც გუშინ გავრცელებული ცნობა გვეჩვენება. თურმე, ანტონიოს დამატებით თვით ჟოზე მოურინიოა დაინტერესებული, რომელსაც ჭირვეულ ფეხბურთელებთან მუშაობის დიდი გამოცდილება აქვს. შეგვიძლია მისი "ინტერში" მოღვაწეობა და ჯერ ადრიანოსთან, შემდეგ კი მარიო ბალოტელისთან რთული ურთიერთობები გავიხსენოთ. აი რა კომენტარს აკეთებს გარონე კასანოს "რეალში" შესაძლო დაბრუნებაზე:"ვერაფერს გეტყვით, თუ "რეალის" პრეზოდენტი ისეთივე მორალური მრწამსის მატარებელია, როგორიც კასანო, შეუძლია წაიყვანოს. ჩვენთვის ჯერ არავის მოუმართავს, მათ შორის არც მადრიდული კლუბის მესვეურებს. არც მიკვირს, რადგან რაც არ უნდა ნიჭიერი იყოს ფეხბურთელი, თუ ელემენტარული კულტურა არ აქვს, გუნდს არ უნდა გააკარო. ძალიან აღშფოთებული ვარ, რადგან ბოლოს ისე ილაპარაკა ერთ-ერთ ტელეშოუში, პირადად რომ ეთქვა, აუცილებლად მივბეგვავდი. მით უმეტეს, ფიზიკურ მომზადებას არ ვუჩივი".მოკლედ, კასანო თავის სტიქიაშია - იმდენად გამოიყვანა "სამპდორიას" პრეზიდენტი წყობიდან, რომ ეს უკანასკნელი მუშტებზეც კი იყურება. ეს ყველაფერი მაურიციო ძამპარინის თავს რომ ხდებოდეს, არ გაგვიკვირდებოდა, მაგრამ გარონეზე გვაქვს საუბარი და რადგან ჭკუიდან არის გადასული, ალბათ აქვს კიდეც ამის მიზეზი."სამპდორიას" პრეზიდენტის ამ განცხადების შემდეგ ნათელი გახდა, რომ იანვარში კასანო ახალ კლუბში გადაბარგდება. მართლაც ძალიან საინტერესოა სად გააგრძელებს კარიერას ანტონიო, იტალიაში დარჩება თუ უცხოეთს მიაშურებს? - ჯერჯერობით ამაზე საუბარი ძალიან რთულია, მით უმეტეს, პრესასთან ურთიერთობას თავად ფეხბურთელი ერიდება. დაველოდოთ მოვლენათა განვითარებას.ყოველდღიური სპორტული გაზეთი"ლელო"

დაბრუნდება ინძაგი იტალიაში? - "იუვენტუსს" მთავარი მწვრთნელის პოსტზე ახალი კანდიდატი ჰყავს

მხოლოდ მესამე მწვრთნელი ისტორიაში - ამორიმი "მილანთან" ერთად წაუგებელია

ლაუტარო მარტინესი "ინტერს" ერთ თვეზე მეტხანს ვერ დაეხმარება

იეგოიანის "ექსელსიორმა" მორიგი მარცხი განიცადა

ინგლისური გრანდები "ბაიერნის" ვუნდერკინდისთვის იბრძოლებენ

კსუ კავკასიამ ბათუმში იმარჯვა, თელავმა თბილისში ბლექ ფორტრესი დაამარცხა

"საუკეთესო ხუთეულში აუცილებლად უნდა მოხვდეს. მისი თამაშის ყურება ძალიან მიყვარს" - "ბარსელონას" ნახევარმცველმა ხვიჩა კვარაცხელიაზე ისაუბრა

17-წლამდე გოგონათა ნაკრები საკვალიფიკაციო ეტაპის მატჩებისთვის ემზადება

გუბანოვას და დევისი - სმოლკინის წყვილის ვერცხლი საფრანგეთის გრან-პრიზე - მეტელკინასა და ბერულავას წყვილი მოკლე პროგრამის შემდეგ პირველ ადგილზეა

დავითაშვილის "სენტ-ეტიენმა" დაძაბულ მატჩში "ნანტს" სძლია

[VIDEO] კლასია, კლასი - მიქაუტაძემ "ვილიარეალს" "ვალენსიასთან" გამარჯვება მოუპოვა!

VIDEO | ეროვნული ლიგა | დინამო (ბთ) 3-0 სამგურალი. მაურიდესის საოცრება და არამარტო...

გულიაშვილი არ ათამაშეს - "რასინგმა" "ესპანიოლს" მოუგო

ლუის ენრიკე: კვარაცხელია პსჟ-სთვის წარმოუდგენლად საკვანძო მოთამაშეა - უფრო ძლიერი დაბრუნდება, ამაში ეჭვი არ მეპარება

ლოჩოშვილი მაღალი შეფასებები და მცირე ტრავმა - "კიოლნი" "შალკეს" ფრედ ეთამაშა

VIDEO | ეროვნული ლიგა | მეშახტე 2-1 დილა. გარდამტეხი მეორე ტაიმი

წიტაიშვილი შეცვლაზე შევიდა - "რაიო ვალეკანო" "ელჩესთან" განადგურდა

ზივზივაძის "ჰაიდენჰაიმმა" "კოტბუსთან" ქულები გაიყო

ციციპასი დამარცხებულია - ნიკოლოზ ბასილაშვილი ალმათის ტურნირის ფინალშია!

"ჩემი ნება რომ იყოს, "რეალს" ამ ორ ფეხბურთელს ჩამოვაშორებდი" - ფერმინ ლოპესი "ელ კლასიკოს" წინ

"ვიმეგობებთ თუ არა მე და დვალიშვილი?" - იანმა შეკითხვას უპასუხა

ახალციხემ სუპერლიგაში პირველი გამარჯვება გორის ივერიონთან მოიპოვა

[VIDEO] მამუკელაშვილის 23 წუთი - "ლეიკერსმა" "კლიპერსი" დაამარცხა