<p>ქართველი თავისუფალი სტილით მოჭიდავეები იაკუტსკში ამ უქმეებზე გამართულ დმიტრი კორკინის მემორიალში წარმატებით გამოვიდნენ <br> ქართველი თავისუფალი სტილით მოჭიდავეები წარმატებით გამოვიდნენ იაკუტსკში ამ უქმეებზე გამართულ დმიტრი კორკინის მემორიალში - 7-კაციანი გუნდის ანგარიშზე სამივე სინჯის თითო მედალია.</p><p>ტურნირის ჩემპიონი ოლიმპიადის ვერცხლისმედალოსანი, მსოფლიოს პრიზიორი <strong>დავით მოძმანაშვილი</strong> (120) გახდა, რომელმაც ფინალში თანაგუნდელი <strong>თორნიკე ხიდეშელი</strong> დაამარცხა, მესამეზე კი <strong>ელიზბარ ოდიკაძე</strong> (96) გავიდა.</p><p>მოძმანაშვილის ეს ერთადერთი გამარჯვება არ ყოფილა - 6 ოქტომბერს ის უკვე იაკუტიელთა ეროვნულ ჭიდაობა ჟაპსაგაიში გამოვიდა და იქაც გაიმარჯვა, რისთვისაც დამატებით 2-ათასდოლარიანი ჯილდოც მიიღო (ძირითად ტურნირში საპრიზო ფონდი დაკავებული ადგილების მიხედვით ასე იყო განაწილებული - 3 000, 2 000 და 1 000 დოლარი).</p><p>კორკინის მემორიალი რომ თანდათან სულ უფრო პოპულარული ხდება, შაბათის ნომერშიც დავწერეთ.</p><p>სასიხარულოა, რომ ყველაზე პრესტიჟულ - მძიმე წონაში ქართული ფინალი გაიმართა. იმედია, ეს გამარჯვება მოძმანაშვილის დაბრუნების დასაწყისად იქცევა, ანუ კრიზისს დაძლევს; თუმცა არანაკლებ გასახარია ახალგაზრდა ხიდეშელის ფინალში გასვლაც, ანუ ძლიერი ჭიდაობა.</p><p>მას შემდეგ, რაც ირანელი მსოფლიოს ორგზის ჩემპიონი რეზა იაზდანი (96) საჭიდაოდ არ გავიდა და შეჯიბრების საპატიო სტუმრის სტატუსს დაყაბულდა, მოძმანაშვილი ტურნირის ყველაზე კაშკაშა ვარსკვლავად იქცა.</p><p>საბედნიეროდ, სტატუსიც ბოლომდე გაამართლა და მთელი შეჯიბრება დამაჯერებლად ჩაატარა.</p><p>პირველ წრეში იოლად დაამარცხა სომეხი ჰამლეტ აბრახამიანი - 6:0, მერე კი კიდევ უფრო ადვილად, ქულებით ვადამდელი გამარჯვება მოიპოვა ჩრდილოეთ ოსეთის გუნდის წევრ ედუარდ კოდალაევთან - 7:0. ქართველ ფალავანს ტურნირზე ერთადერთი დაძაბული ორთაბრძოლა ამის შემდეგ ელოდა მასპინძელ უვარ ტიმოფეევთან, რომელმაც ჯეროვანი წინააღმდეგობა გაუწია და პირველი პერიოდი მოიგო კიდეც - 1:0.</p><p>საბედნიეროდ, მეორეში მოძმანაშვილმა ყველაფერი თავის ადგილას დააყენა. როგორც იქაური მედია წერს, გამოცდილმა ქართველმა მშვიდად მოახერხა შეხვედრის სასურველ რეჟიმში გადაყვანა.</p><p>შედეგად, ქართველმა სამი ქულა მიითვალა, სანაცვლოდ არაფერი დათმო და 3:1 იმარჯვა. ალბათ, მან ყველაზე იოლი გამარჯვება ნახევარფინალში მიითვალა, სადაც ირანელი ავილი გხომი ბეჭებზე დააწვინა. არადა, გხომიმ მანამდე ფრიად შთამბეჭდავად იასპარეზა, თუმცა ქართველმა კლასის ხარჯზე ისე აჯობა, შანსიც არ დაუტოვა.</p><p>ამასობაში ბადის მეორე მხარეს ხიდეშელიც უმოწყალოდ მუსრავდა ხალხს - პირველ შეხვედრაში ამერიკელი მიულენერი 7:0 დაამარცხა, სლოვაკეთის სახელით მოჭიდავე ოსი სოსლან გაგლოევი 11:3 გააცამტვერა.</p><p>ფინალამდე მასაც მხოლოდ ერთხელ გაუჭირდა - ნახევარფინალში ირანელი ხაშაიარ დეგესტანი დაძაბულ ბრძოლაში დაამარცხა - 6:5.</p><p>ქართული ფინალი ლოგიკურად წარიმართა - ბევრად უფრო გამოცდილმა და ტიტულოვანმა მოძმანაშვილმა ისევ წმინდად იმარჯვა, ოღონდ ამჯერად ქულებით - 8:0. მას არც ჟაპსაგაიში გასჭირვებია, სადაც კატეგორიებად დაყოფა არაა და მონაწილეობა ყველას შეეძლო.</p><p>მას წელზევით შიშვლები ჭიდაობენ, წესები კი მარტივია: მეტოქე ან სამი წერტილით უნდა შეახო ლეიბს, ან სამჯერ განდევნო წრიდან.</p><p>ფინალში ჩვენებურმა ბურიატი ბალდან ციჟიპოვი დაამარცხა და თურმე, ნოემბერში გერმანიაში გასამართი ტრადიციული საჭიდაო სახეობების მსოფლიოს ჩემპიონატში ჟაპსაგაიში გამოსვლის სურვილიც გამოუთქვამს.</p><p><em>"მოხარული ვარ აქ გამარჯვებისათვის</em><em>. მადლობა ორგანიზატორებს მოწვევისა და მშვენიერი ორგანიზებისთვის. გადაჭედილ დარბაზში ჭიდაობა სასიამოვნოა. მე უკვე დავიწყე სრულყოფილი მომზადება ნოემბერში გასამართი საქართველოს ჩემპიონატისთვის, რადგან დავამთავრე ტრავმების მკურნალობა"</em> - განუცხადა ძირითად ტურნირში გამარჯვების შემდეგ მოძმანაშვილმა ჩვენს იაკუტსკელ კოლეგა ფედორ რახლეევს.</p><p>ოდიკაძე ნახევარფინალში 1:3 დამარცხდა დაღესტნელ შამილ ახმედოვთან - ავარელმა ამით სანატრელი რევანშიც აიღო შარშან ბაქოში, "ოქროს დიდი პრიზის" სუპერფინალში წაგებისთვის.</p><p>მანამდე ჩვენებურმა ორი შეხვედრა მოიგო ქულებით, ბრინჯაოს მედლისთვის ბრძოლაში კი დამაჯერებლად აჯობა ყაბარდო-ბალყარეთის გუნდის წევრ აზრეტ შოგენოვს - 8:0.</p><p>იაკუტსკში ჩვენგან კოტე ხუციშვილი (55), ტრისტან ჩირგაძე (60), გიორგი მარსაგიშვილი (74) და ოთარ უროტაძეც (84) გამოდიოდნენ, მაგრამ ადრევე დამარცხდნენ და უმედლოდ დარჩნენ.</p><p><strong>ყოველდღიური სპორტული გაზეთი "ლელო"</strong></p>
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
[VIDEO] ქართველი, რომელსაც არაფერი აშინებს - საბა ლაზიშვილმა ლეგენდარული ურაია ფეიბერი დაამარცხა!
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
"როგორც იქნა, გვირაბის ბოლოს სინათლე გამოჩნდა" - ჯორჯო კიელინიმ იტალიის ნაკრებზე ისაუბრა
"არსენალი" ზამთრის სატრანსფერო ფანჯარაზე 2 შემტევის დამატებას გეგმავს
ბასილაშვილი მეცის ჩელენჯერს ტრავმის გამო ჩაეხსნა
მარკის რიდი მატჩის საუკეთესო მოთამაშეა - "ბაჰჩეშეჰირმა" იტალიაში "რომა" გაანადგურა
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
"არანაირი პრობლემა არ იქნება" - სკალონი მესის სამწვრთნელო შტაბში შესაძლო გაწევრიანებაზე
"საქართველოს ნაკრები კარგად გამოიყურებოდა" - რა თქვა ზაბარნიმ გუშინდელი მატჩის შემდეგ
როგორი შეფასებები მიიღეს საქართველოს ნაკრების ფეხბურთელებმა უკრაინასთან მატჩში?
ჩრდილოეთ ირლანდია უნგრეთს ფრედ ეთამაშა და A დივიზიონში აღზევდა
[VIDEO] კატასტროფა - საქართველოს ნაკრებმა ერთა ლიგა გატანილი გოლის გარეშე, ბოლო ადგილზე დაასრულა
უკრაინასთან მატჩში საქართველოს ნაკრების შემადგენლობა ცნობილია
U17. საქართველოს ნაკრები საკვალიფიკაციო ეტაპის A ლიგაში გავიდა
"მერაბმა ლამაზად შეუსრულა - უსმანი ყველა ფრონტზე დამარცხდა" - ამბობს დაღესტანელი პრომოუტერი
საქართველოს ნაკრებმა პირველი ვარჯიში თბილისი არენაზე გამართა
საბა ლაზიშვილი: უმართან ბრძოლა ჩემთვის პირადულია, რადგან კულისებს მიღმა ისეთი რაღაცები მოხდა...
ერლინგ ჰოლანმა შესაძლოა, ზაფხულში "სიტი" დატოვოს
ბოლო წამების სინდრომი - ოდიკაძე ბოლო წამებზე დამარცხდა [VIDEO]
დავით მოძმანაშვილი იაკუტსკის ტურნირის გამარჯვებულია
კიდევ ერთი მედლის შანსი - ოდიკაძე ბრინჯაოსთვის იჭიდავებს
მოჭიდავეთა გეგმები - პირველი დმიტრი კორკინის მემორიალია
ოდიკაძემ კრასნოიარსკში მედალი მოიპოვა
ქართველები ევროპის ჩემპიონატის ნახევარფინალში! [VIDEO]
ქართველმა მოჭიდავეებმა ციმბირი უმედლოდ დატოვეს
SPORTALL - გადაცემის სტუმარია თავისუფალი სტილით მოჭიდავე ელიზბარ ოდიკაძე [VIDEO]
იაკობიშვილის ოქრო და ბუჯიაშვილისა და გამყრელიძის ბრინჯაო ევროპირველობაზე [VIDEO]