- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
აზერბაიჯანელმა ოლიმპიურმა ჩემპიონმა კარიერა 25 წლის ასაკში დაასრულა
<p>მიზეზი ფეხის ტრავმაა, რომელიც ელნურ მამადლის კარგა ხანია, აწუხებს და რომელიც ვერაფრით მოირჩინა <br> 25 წლის ასაკში სპორტული კარიერის დასრულების შესახებ გამოაცხადა აზერბაიჯანელმა ძიუდოისტმა, ევროპის ორგზის და ოლიმპიურმა ჩემპიონმა, მსოფლიოს ვერცხლისმედალოსანმა ელნურ მამადლიმ (81).</p><p>მიზეზი ფეხის ტრავმაა, რომელიც სპორტსმენს კარგა ხანია, აწუხებს და რომელიც ვერაფრით მოირჩინა.</p><p><em></p><p>"ფეხის სერიოზული ტრავმა მაწუხებს. ჯერ კიდევ ივლისში ვგეგმავდი გამოსვლას აგვისტოში ბრაზილიაში გასამართ მსოფლიოს ჩემპიონატში, მაგრამ ტრავმამ გეგმები ჩამიშალა. გამოკვლევის ბოლო შედეგები სასიხარულო არ იყო.</p><p>ფეხი, რომელზეც რამდენიმე ოპერაცია გავიკეთე, ძლიერად მტკივა. ამ ასაკში კარიერის დასრულება არ მსურდა, მაგრამ სხვა გამოსავალი არ მქონდა"</em> - განუცხადა ოლიმპიურმა ჩემპიონმა აზერბაიჯანულ მედიას.</p><p>შეგირდის წასვლას იქაური ნაკრების ყოფილი მთავარი მწვრთნელი აგიარ ახუნდზადეც გამოეხმაურა, ვის ხელშიც მოიპოვა მამადლიმ ზემოაღნიშნული ტიტულები.</p><p><em>"ტრავმამ ფრიად გააწვალა ელნური. ყველაზე სერიოზული ბოლო დაზიანება გამოდგა - ფეხი გაუსივდა, ოპერაციაც გაიკეთა, მაგრამ ყველაფერი უშედეგო გამოდგა.</p><p>მისი გადაწყვეტილება კარიერის დასრულების შესახებ სამწუხაროა, რადგან დიდი ტალანტი და დიდი პოტენციალი ჰქონდა.</p><p>დარწმუნებული ვარ, მან საკუთარ თავს რეალიზება ბოლომდე ვერ გაუკეთა. თუმცა გადაწყვეტილება მან უნდა მიიღოს, რასაც ჩვენ პატივი უნდა ვცეთ.</p><p>მე ვურჩევდი მას, მწვრთნელობა დაეწყო ჯერ კიდევ კარიერის დასრულებამდე. სპორტის ასე მკვეთრად მიტოვებაც არ შეიძლება, ეს უარყოფითად აისახება ჯანმრთელობაზე. შესაძლოა, ერთხელ ისევ გამოიკვლიოს ფეხი და კარიერის გაგრძელებაც გადაწყვიტოს"</em> - ასე ოპტიმისტურად დაასრულა თავისი კომენტარი ახუნდზადემ.</p><p>ამ მწვრთნელისთვის ელნურ მამადლი გამორჩეული სპორტსმენი იყო. ახუნდზადეს პეკინის ოლიმპიურ ციკლში მსოფლიოს მომავალი ჩემპიონი ელხან მამადლი (100), მსოფლიოს პრიზიორი ნიჯატ შიხალზადე (66) და კიდევ რამდენიმე ძლიერი ფალავანი ჰყავდა, მაგრამ ყველაზე დიდ წარმატებას მამადლიმ მიაღწია, რომლისთვისაც ყველაზე წარმატებული პერიოდი იმ ოლიმპიური ციკლის ბოლო სამწლიანი მონაკვეთი იყო.</p><p>მამადლი სპორტს 81 კილოგრამის ათლეტად კი დაემშვიდობა, მაგრამ კარიერის უმეტესი წლები 73 კილოგრამში გაატარა.</p><p>ზემოჩამოთვლილ მიღწევათაგან უმეტესობაც იქ მოიპოვა. პირველ სერიოზულ წარმატებას მან 2006 წელს, 18 წლისამ მიაღწია (ეს - ოფიციალური საბუთებით, თორემ თავს ვერ დავდებთ, რომ ასაკი გადაკეთებული არ ექნება), როცა ფინურ ტამპერეში, ევროპის პირველობის ფინალში ფრანგი დანიელ ფერნანდესი დაამარცხა და ჩემპიონი გახდა.</p><p>ამის მიუხედავად, მას მაინც არ მიიჩნევდნენ წონის ლიდერად, თუმცა სკეპტიკოსთა საწინააღმდეგოდ, ათლეტმა 2007 წელსაც გაიბრწყინა - ბრაზილიურ რიო დე ჟანეიროში გამართული მსოფლიოს ჩემპიონატის ფინალში გავიდა, მაგრამ სამხრეთკორეელ კი ჩუნ ვანგთან დამარცხდა და მეორეზე დარჩა.</p><p>მამადლის რევანშის შანსი მომდევნო სეზონშივე მიეცა, პეკინის ოლიმპიადის ფინალში და კარგადაც გამოიყენა - ვანგი სულ რაღაც 20-იოდ წამში დაამარცხა და კარიერის ყველაზე მნიშვნელოვანი გამარჯვება მოიპოვა. იმავე წელს ის ძიუდოს საერთაშორისო ფედერაციამ წლის სპორტსმენად დაასახელა.</p><p>მიზეზთა გამო მამადლის კარიერა ამის შემდეგ დაღმავალი გზით წარიმართა. ეტყობა, ფულით გაზულუქება მხოლოდ ქართველ სპორტსმენთა ხვედრი არაა და აზერბაიჯანელიც გვარიანად გადაჰყვა "მუცლით ქეიფს" - კარგა ხანს არ გამოჩენილა ტატამზე, ხოლო როცა დაბრუნდა, უკვე 81-ში მოგვევლინა.</p><p>ახუნდზადეც და ქომაგებიც ამას ჩვეულებრივად შეხვდნენ - სპორტსმენი 73-ში უკვე ძალიან ბევრს იკლებდა, თუმცა უბედურება ის იყო, რომ ვერც ახალ წონაში "დაიჭირა" წონა და გულმა 90-ისკენ გაუწია.</p><p>ამაზე უკვე ახუნდზადემ მწარე კომენტარი გააკეთა და სპორტსმენის სურვილს არაპროფესიონალიზმი უწოდა. თუმცა მამადლი ამან ვერ შეაჩერა და რამდენიმე ტურნირი 90-შიც იჭიდავა.</p><p>ცხადია, ფრიად წარუმატებლად, რამაც საბოლოოდ დაარწმუნა, რომ იქ მისი ადგილი არ იყო და ისევ 81-ში დაბრუნდა.</p><p>ადაპტაცია აქაც კარგა ხანს გაუგრძელდა, თუმცა 2011 წელს მორიგ დიდ გამარჯვებას მაინც მიაღწია - სტამბულში მეორედ გაიმარჯვა ევროპის ჩემპიონატში, როცა ფინალში იმხანად ჯერ კიდევ მოლდოვის სახელით მოასპარეზე, სადღეისოდ კი არაბთა გაერთიანებულ საემიროებში გაქცეული სერგიუ ტომა დაამარცხა.</p><p>ამის შემდეგ ერთხელაც გაიბრძოლა, როცა შარშან ალმატიში მასტერსის ტურნირი მოიგო, მეტი კი ვერაგმა ტრავმამ არ დაანება. თუმცა გარკვეულ ტურნირებში იმის შემდეგაც იჭიდავა: შარშანვე დიუსელდორფის "დიდ პრიზზე" ბრინჯაო მოიპოვა, მოსკოვის "დიდ მუზარადზე" კი მეხუთეზე გავიდა.</p><p>მან შარშანვე ლონდონის ოლიმპიადაზეც იჭიდავა, თუმცა პირველივე წრეში კანადელთა მომავალ ბრინჯაოსმედალოსან ანტოინ ვალოის-ფორტიერთან წააგო. კარიერის ბოლო ტურნირი წლევანდელ თებერვალში ისევ დორტმუნდში გამართული ზემოაღნიშნული რანგის შეჯიბრება გამოდგა, სადაც ასევე პირველი წრიდან გამოვარდა.</p><p>კარიერის ბოლო წლების ჩაგდების მიუხედავად, მამადლი აზერბაიჯანში დღემდე უდიდესი პოპულარობით სარგებლობს.</p><p>ამასთან დაკავშირებით კულუარებში ერთი საინტერესო ამბავიც ვრცელდება - როცა აზერბაიჯანის ნაკრების სათავეში პეტერ ზაიზენბახერი მივიდა, მან ჩვეულებისამებრ მძიმედ დატვირთა შეგირდები.</p><p>მათ შორის - მამადლიც, რომელსაც ტიტულის გამო არანაირი შეღავათი არ მისცა. ამან სპორტსმენის უკმაყოფილება გამოიწვია და მწვრთნელს დატვირთვების დაკლება სთხოვა, რაზეც უარი მიიღო. ეს უკვე მამადლიმ გააპროტესტა და ვარჯიში იუარა.</p><p>ეს ამბავი ზაიზენბახერმა ფედერაციის პრეზიდენტ ფიზული ალაკბაროვს აცნობა, არ მიჯერებსო, ძიუდოისტმა კი საშველად თურმე... ქვეყნის პრეზიდენტ ილხამ ალიევს დაურეკა! თუმცა ამ ამბავში კულუარული მხოლოდ პრეზიდენტებთან სატელეფონო ზარებია, მწვრთნელ-შეგირდის სავარჯიშო კონფლიქტზე კი იქაურ მედიაშიც მრავალჯერ დაიწერა.</p><p>მამადლიმ ზემოაღნიშნულ კომენტარს სპორტიდან წასვლის შესახებ ისიც დაამატა, რომ ძიუდოში დარჩენა სურს, ხოლო რას გავაკეთებ სამომავლოდ, ამას ფედერაცია გაცნობებთო.</p><p>ჰოდა, ალაკბაროვის სამწყსომაც გვაცნობა - ოლიმპიური ჩემპიონი ფედერაციის ვიცე-პრეზიდენტად იმუშავებს.</p><p>ელნურ მამადლი კარიერის განმავლობაში სულ 6 ქართველ სპორტსმენს შეხვედრია: გრიგოლ შინჯიკაშვილს, ზაზა კედელაშვილს, ლევან ჯახველაძეს, დავით ბოდაველს, გიორგი ბაინდურაშვილს და გივი დემეტრაშვილს.</p><p>ამათ უმეტესობას ჭაბუკთა ასაკში დაეჭიდა, მაგრამ აბსოლუტური უპირატესობა მოუპოვებია - მისი დამარცხება მხოლოდ ბაინდურაშვილმა შეძლო - 2004 წელს, სოფიაში, ევროპის ახალგაზრდულ პირველობაზე, სადაც ჩვენებური მესამეზე გავიდა.</p><p><strong>ყოველდღიური სპორტული გაზეთი "ლელო"</strong></p>
[VIDEO] ლაშა გუჯეჯიანი უზბეკეთის ნაკრების მთავარ მწვრთნელად დანიშნეს
საქართველოს ძიუდოს ახალგაზრდულმა ნაკრებმა პოდგორიცაში ევროპის გუნდურ ჩემპიონატზე ბრინჯაოს მედალი მოიპოვა
"ჯაფარიძის განცხადებით გაოგნებულები ვართ" - გერმანიის ძიუდოს ფედერაცია
15-ქალა რაგბი ევროპის ალაფაზე აღზევდა
იკარდი შესაძლოა, სერია A-ს დაუბრუნდეს
"მეგონა, კარიერას "სიტიში" დავასრულებდი" - როდრი მანჩესტერული გუნდის დატოვების მიზეზზე
ოფიციალურად: კოუტინიო "სანტოსის" ფეხბურთელია
[VIDEO] ლაშა გუჯეჯიანი უზბეკეთის ნაკრების მთავარ მწვრთნელად დანიშნეს
ქართველმა მსაჯებმა უეფას წინასასეზონო შეკრებაში მიიღეს მონაწილეობა
საკალათბურთო სეზონი დუდუ დადიანის მემორიალით, რუსთავში გაიხსნება
VIDEO | ეროვნული ლიგა | დინამო (თბ) 4-0 გაგრა. დამატებითი ბონუსი ქეცბაიასთვის
VIDEO | ეროვნული ლიგა | ტორპედო 3-2 სამგურალი. "სტანდარტების" დღე უხვგოლიან იმერულ დერბიში
VIDEO | ეროვნული ლიგა | მეშახტე 0-1 რუსთავი. ერთპიროვნული ლიდერი ისევ "რუსთავია"
"მამარდაშვილი ძალიან კარგი მეკარეა" - ირაოლამ გაამხილა ვინ ითამაშებს "ტოტენჰემთან"
თაჩ რაგბის ტურნირი ტაბახმელაში
ეკვადორის ნაკრებს გალიარდო ჩაუდგა სათავეში
"ამ სეზონში ყველაზე ცუდად ვითამაშეთ, მაგრამ მოვიგეთ" - რა თქვა ლუის ენრიკემ "ბრესტთან" მატჩის შემდეგ?
"ეს ჩემთვის სიურპრიზია" - მატვეი საფონოვი
"ლივერპული" რეკორდული ტრანსფერისთვის ემზადება
"წელს "ოქროს ბურთის" მოგებას მე ვიმსახურებ" - ლამინ იამალი
[VIDEO] "მანჩესტერ იუნაიტედი" კაცნაკლულ "სიტისთან" დამარცხდა
როგორი შეფასებები მიიღეს პსჟ-ს ფეხბურთელებმა "ბრესტთან" მატჩში?
"ძალიან დიდი პოტენციალი აქვს" - მოურინიო დიომანდეს თამაშით კმაყოფილია