- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ფეხბურთელები: ლიოვი უნდა დარჩეს!
<p>გერმანელები აზრზე მოვიდნენ: 2006 და 2008 წლებისგან განსხვავებით, ბერლინში ზეიმი აღარ იქნება, რადგან...</p><p><br> ესპანეთთან განცდილი მარცხის შემდეგ, საფეხბურთო გერმანია იმედგაცრუებულია, მაგრამ როგორც საერთოდ გერმანელებს სჩვევიათ, ყველა ამბობს, რომ ცხოვრება გრძელდება. ესპანეთთან მატჩის საფინალო სასტვენის შემდეგ, დროებითმა კაპიტანმა ფილიპ ლამმა კი თქვა, რომ მესამე ადგილისთვის გასამართი მატჩი მას ოდნავადაც არ აინტერესებს, მაგრამ მეორე დღეს აღნიშნა, რომ ეს ცხელ გულზე გაკეთებული განცხადება იყო. კაპიტნის თქმით, გერმანიის ნაკრები ყველაფერს გააკეთებს იმისათვის, რომ ურუგვაი დაამარცხოს და მესამე ადგილი დაიკავოს. მერე კი, ბუნდესგუნდში რამდენიმე საკითხი უნდა გაირკვეს. აქედან, ორი ყველაზე მნიშვნელოვანი საკითხებია: დარჩება თუ არა იოახიმ ლიოვი ბუნდესმწვრთნელის პოსტზე, ანუ, გააგრძელებს თუ არა კონტრაქტს და დაიბრუნებს თუ არა მიხაელ ბალაკი კაპიტნის სამკლავურს.</p><p>შეთანხმების მიხედვით, ლიოვი თავის შტაბთან ერთად, მომავალზე მუნდიალის შემდეგ უნდა დაფიქრდეს, ცოტა უნდა დაისვენოს და გადაწყვეტილება მშვიდად მიიღოს. გერმანული ფეხბურთის ცოცხალი ლეგენდა ფრანც ბეკენბაუერი დარწმუნებულია, რომ იოგი პოსტზე დარჩება. "კაიზერის" თქმით, ლიოვს ჯერ კიდევ მინიმუმ ერთი მისია აქვს შესასრულებელი. ბეკენბაუერი, რა თქმა უნდა, ევროპის 2012 წლის ჩემპიონატს გულისხმობს, რომლის შესარჩევი ეტაპი სექტემბერში იწყება.</p><p>გადაწყვეტილების მიღებისას, ლიოვისთვის დიდი მნიშვნელობა ექნება ფეხბურთელების მოსაზრებასაც და ამ მხრივ, ყველაფერი წესრიგშია, რადგან ბუნდესგუნდის ფეხბურთელებმა განაცხადეს, რომ იოგი თანამდებობაზე უნდა დარჩეს. პრინციპში, სხვა რამ არც იყო მოსალოდნელი, რადგან გერმანელი ფეხბურთელები მწვრთნელის წინააღმდეგ იშვიათად, თითქმის არასდროს ილაშქრებენ ხოლმე და ვინც გაილაშქრა, ისინი ნაკრებში აღარც არიან. მეორე მხრივ, ფეხბურთელებს ლიოვთან სასაყვედურო არაფერი აქვთ და ლოგიკურია, რომ მისი დარჩენის მომხრეები არიან.</p><p>"მას მერე, რაც იოახიმ ლიოვი გერმანიის ნაკრებს წვრთნის, ჩვენმა გუნდმა უდიდესი პროგრესი განიცადა. ჩვენ მსოფლიოში ერთ-ერთი საუკეთესო ნაკრები გვყავს და ბოლო წლებში დიდ ტურნირებზე მინიმუმ ნახევარფინალში გავდივართ ხოლმე," - განაცხადა გუშინ ბასტიან შვაინშტაიგერმა. მიროსლავ კლოზემ კი, რომელსაც ჯერ კიდევ აქვს იმის იმედი, რომ მსოფლიოს ჩემპიონატების ყველა დროის საუკეთესო ბომბარდირი გახდება, თქვა: "ლიოვმა კიდევ ერთხელ დაამტკიცა, რომ გერმანიის ნაკრებისთვის ზედგამოჭრილი დამრიგებელია." ლუკას პოდოლსკიც იმედოვნებს, რომ მიუხედავად ნახევარფინალში განცდილი მარცხისა, ლიოვი გერმანიის საფეხბურთო კავშირთან ახალ ხელშეკრულებას გააფორმებს. მინდა, რომ ლიოვი კიდევ დიდხანს წვრთნიდეს გერმანიის ნაკრებსო, თქვა პოლდიმ.</p><p>ლამი: ბალაკს არ ვებრძვი!</p><p>გუშინ გამართულ პრესკონფერენციაზე კაპიტანმა ლამმა აღნიშნა, რომ მთელი გუნდი იმედგაცრუებულია, მაგრამ იქვე დასძინა, რომ მისი აზრით, ბუნდესგუნდს უდიდესი მომავალი აქვს. ცხადია, ჟურნალისტებმა მას კაპიტნობის გარშემო ატეხილ სკანდალზეც ჰკითხოეს. როგორც იცით, ორიოდ დღის წინ 26 წლის მცველმა ერთ-ერთ საგაზეთო ინტერვიუში თქვა, რომ მიხაელ ბალაკს კაპიტნის სამკლავურს არ დაუთმობს.</p><p>"ჟურნალისტმა მარტივი კითხვა დამისვა და მეც გულახდილად ვუპასუხე, - თქვა ლამმა, - ბალაკთან დაპირისპირებული არ ვარ და ვინც ჩემსა და მიხაელს შორის ძალაუფლებისთვის ბრძოლაზე საუბრობს, მინდა ვუთხრა, რომ სასტიკად ცდება. ძალაუფლება მე კი არა, არცერთ ფეხბურთელს არ სჭირდება. გერმანიის ნაკრებში ძალაუფლება ერთადერთ ადამიანს აქვს და ეს არის გუნდის მთავარი მწვრთნელი იოახიმ ლიოვი. თუ იოგი იტყვის, რომ კაპიტნის სამკლავური ბალაკს უნდა დავუბრუნო, უპრობლემოდ დავუბრუნებ."</p><p>ამასთან, გუშინდელ პრესკონფერენციაზე ფილიპმა კიდევ ერთხელ გაიმეორა ის, რაც ჯერ კიდევ ჯგუფური ეტაპის პირველი ტურის შემდეგ თქვა: ამაზე უკეთეს ბუნდესგუნდში არასდროს მითამაშიაო.</p><p>სატელეფონო მადლობა ანგელა მერკელისგან</p><p>ბუნდესნაკრების პრესმდივნის, ჰარალდ შტენგერის თქმით, ესპანეთთან წაგების შემდეგ, გერმანიის ნაკრები მაშინვე სასტუმროში დაბრუნდა და ფეხბურთელებმა ძალიან მალე ნომრებს მიაშურეს და დაიძინეს. შტენგერისვე განცხადებით, გუშინ დილით ბუნდესგუნდს გერმანიის კანცლერმა ანგელა მერკელმა და ახალარჩეულმა პრეზიდენტმა კრისტიან ვულფმა დაურეკეს, რათა ფეხბურთელებისთვის მუნდიალზე კარგი ასპარეზობისთვის მადლობა გადაეხადათ. ლიოვის ასისტენტ ჰანსი ფლიკის განცხადებით, ახლა გერმანიის ნაკრები ურუგვაისთან მატჩზეა კონცენტრირებული - გერმანელებს უნდათ, რომ ოთხი წლის წინანდელი შედეგი მაინც გაიმეორონ და ბრინჯაოს მედლები დაისაკუთრონ.</p><p>კვირას საღამოს კი, გერმანიის ნაკრები სამხრეთ აფრიკიდან სამშობლოში დაბრუნდება. როგორც იცით, 2006 წლის მუნდიალის შემდეგ, ბუნდესგუნდის ფეხბურთელები ბერლინში, ბრანდენბურგის კარიბჭესთან ასიათასობით ფანს შეხვდნენ და ზეიმი მოაწყვეს. იგივე განმეორდა ევროპის 2008 წლის ჩემპიონატზე წაგებული ფინალის შემდეგაც და პრესმდივან შტენგერის განცხადებით, წელს ასეთი რამ არ მოხდება, რადგან გერმანიის ნაკრების სამწვრთნელო შტაბს აღარ უნდა, რომ ტიტულის გარეშე იზეიმოს.</p>
-
gvantsa
ძალიან კარგი სტატიაა :))
ჯორჯ ბესტი და დიდების მეორე მხარე
"ვინ უნდა მოიგოს "ოქროს ბურთი"? - ინიესტამ საკუთარი მოსაზრება დააფიქსირა
ქართველი მსაჯები უეფას ერთა ლიგის მატჩს მოემსახურებიან
17-წლამდე გოგონათა ნაკრები საკვალიფიკაციო ეტაპის მატჩებისთვის ემზადება
ზივზივაძის "ჰაიდენჰაიმმა" "კოტბუსთან" ქულები გაიყო
ახალციხემ სუპერლიგაში პირველი გამარჯვება გორის ივერიონთან მოიპოვა
Eurosport-მა პსჟ-ში კვარაცხელიას კიდევ ერთი შესაძლო შემცვლელის კანდიდატურა დაასახელა
გოგლიჩიძემ ისევ შეუცვლელად ითამაშა - "მონცა" "ტორინოსთან" დამარცხდა
აბუაშვილის "მეცმა" კაცნაკლულ "დიუნკერკს" ვერ მოუგო
VIDEO | ეროვნული ლიგა| ნინუას სტანდარტი და არაფრისმომცემი ქულები
ქართველები რუმინეთსა და ინგლისში; იტალიელი, შოტლანდიელი და სამხრეთ აფრიკელი საქართველოში
უკრაინა - საქართველო | ინფორმაცია ბილეთების შესახებ
კლოპმა განმარტა, რატომ უგულშემატკივრებს ელ კლასიკოში "ბარსელონას"
"ეს ნამდვილი ცირკია, გააუქმეთ მსგავსი ინდივიდუალური ნომინაციები" - ბაბელი "ოქროს ბურთზე"
დაბრუნდება ინძაგი იტალიაში? - "იუვენტუსს" მთავარი მწვრთნელის პოსტზე ახალი კანდიდატი ჰყავს
მეტოქე გაირკვა - ბასილაშვილის ასეულში დაბრუნებისა და ფინალში გასვლის გზა ციციპასზე გადის
პსჟ-ის დასაფასებელი საქციელი - ახალი კონტრაქტი კვარაცხელიას და კვლავ ყველაზე მაღალანაზღაურებად ფეხბურთელებში
[VIDEO] მოქმედება, რომელიც ყველაფერს ამბობს - როგორი იყო დუეს რეაქცია, როდესაც კვარაცხელიას ტრავმის შესახებ შეიტყო
როტენი: კატასტროფაა - "კვარას" გარეშე პსჟ ვერასდროს ვერ მოიგებდა ჩემპიონთა ლიგას
Marca-მ გასულ სეზონში საუკეთესოდ კეინი ცნო - მერამდენე ადგილი დაიკავა ხვიჩა კვარაცხელიამ
ბასილაშვილმა მანარინოსაც ადვილად მოუგო და ალმათის ტურნირის ნახევარფინალშია!
ნიკა ამაშუკელი - ტოკიო, ლონდონი და გენუა
ხვიჩა გვაკლია და სიცარიელეს აჩენს... პსჟ-ის მატჩია, მაგრამ...