<p>ზაფხულში საქართველოს ახალგაზრდულ ნაკრებს ავსტრიაში ჰქონდა შეხვედრა და ჩივაძემაც პირველად მაშინ გამოიძახა ქვილითაია <br> ფეხბურთელს ბოლომდე რომ ენდობი, ეს წმინდა საქმეა - მოთამაშე მწვრთნელის ნდობას რომ გრძნობს, ტვირთი ეხსნება და თამაში უადვილდება.</p><p>თუ როგორი მწვრთნელია <strong>ალექსანდრე ჩივაძე</strong>, ამაზე კამათი შეიძლება, ოღონდაც ვერავინ უარყოფს, რომ ჩივაძემ კარგად იცის ფეხბურთელის ფასი - ისეთი ფეხბურთელი უყვარს, ვინც მართლა ფეხბურთს თამაშობს, "პიტბულის" ფორმაციის მოთამაშე მის გემოვნებაში არ ჯდება...</p><p>ჟურნალისტობასთან ერთად, სხვადასხვა კლუბში მომიწია სელექციონერობამ და საქართველოს ქვედა ლიგების მატჩებს ხშირად ვესწრებოდი. <strong>გიორგი ქვილითაიას</strong> თამაში პირველად მაშინ ვნახე, "სასკოს" ფეხბურთელი რომ იყო. მას რამდენიმე პოზიციაზე შეეძლო თამაში და ყურადღებას ამითიც იქცევდა.</p><p><em>"როცა "სასკოში" ვიყავი, მითამაშია შეტევის მარცხენა ფლანგზეც და შუა ხაზშიც, თავდამსხმელის უკან. როცა გუნდს დასჭირდებოდა, პოზიციის შეცვლა მიწევდა",</em> - ამბობს ქვილითაია, ვინც უკვე ჩამოყალიბებული, ნომინალური ცენტრფორვარდია.</p><p>წინა სეზონში ქვილითაიამ გოლების გატანას ისე მოუხშირა, უმაღლესი ლიგის წამყვანი გუნდების ყურადღება დაიმსახურა. იმავე სეზონში, პირველი ლიგის შეხვედრაში, "სასკო" დიღმის ბაზაზე ესტუმრა "დინამო 2"-ს და 4:2 დაამარცხა. დინამოელებს სამი გოლი სწორედ ქვილითაიამ გაუტანა. იმ თამაშის მერე მისი, როგორც ფეხბურთელის, ფასი გაიზარდა.<em></p><p>"იყო დაინტერესება "დინამოდან", "ზესტაფონიდან", გორის "დილადან", რუსთავის "მეტალურგიდან", ქუთაისის "ტორპედოდან"...</p><p>მაგრამ უნგრეთში, "დიორი ეტოში" წავედი, ევროპულ კლუბი ვარჩიე. კონტრაქტი ექვსი თვე პლუს ხუთი წლის სისტემით გავაფორმე. ექვსი თვის მერე კონტრაქტში რაღაც-რაღაცები უნდა შეცვლილიყო, თუმცა ასე არ მოხდა და უნგრეთიდან წამოვედი",</em> - გვითხრა ქვილითაიამ.</p><p>ზაფხულში საქართველოს ახალგაზრდულ ნაკრებს ავსტრიაში ჰქონდა შეხვედრა და ჩივაძემაც პირველად მაშინ გამოიძახა ქვილითაია. 21-წლამდელთა ნაკრების მწვრთნელი ამ თავდამსხმელით კმაყოფილი დარჩა - თავისი გემოვნების ფეხბურთელი დაინახა.</p><p>"დიორიდან" წამოსვლის შემდეგ ქვილითაიას უქმობა მოუწია, რამდენიმე ხანი უგუნდოდ იყო.</p><p><em>"უნგრეთიდან რომ ჩამოვედი, ტრავმა მქონდა და ვერც ერთ გუნდში ვერ მივედი. მერე გორის "დილაში" მიმიწვიეს ლევან სილაგაძემ და გიორგი დევდარიანმა, ვინც ჯერ კიდევ 19-წლამდელთა ნაკრებიდან მიცნობდა",</em> - ამბობს ქვილითაია.</p><p>გიორგიმ საფეხბურთო გზა "ნორჩი დინამოელიდან" დაიწყო. მაშინ ამ გუნდს <strong>თენგიზ კაცია </strong>წვრთნიდა. შემდეგ გუნდმა სახელი შეიცვალა და ასე შეიქმნა "სასკო", რომელსაც ისევ კაცია ჩაუდგა სათავეში.</p><p><em>"ჩემს მწვრთნელებს, კაციას და შალვა კვარაცხელიას, მადლობას ვუხდი ყველაფრისთვის",</em> - ესეც გვითხრა ქვილითაიამ.</p><p>ჩვენმა ახალგაზრდულმა ნაკრებმა 10 ოქტომბერს ჰოლანდიასთან 0:6 რომ წააგო, მომდევნო შეხვედრა ოთხი დღის შემდეგ ჰქონდა შოტლანდიასთან. ჰოლანდიასთან ჩივაძემ ცენტრფორვარდად <strong>დავით სხირტლაძე</strong> ათამაშა, შოტლანდიასთან კი გარისკა და სხირტლაძის ნაცვლად ქვილითაიას ენდო.</p><p><em>"რისკის ფაქტორი მართლაც არსებობდა. შოტლანდიასთან თამაშის წინ ჩივაძე დამელაპარაკა. ვუთხარი, რომ მზად ვიყავი სათამაშოდ, ჯანს არ ვუჩივი-მეთქი. მწვრთნელიც მენდო და მისი მადლობელი ვარ".</em></p><p>შოტლანდიასთან მატჩის შემდეგ, პრესკონფერენციაზე, ჩივაძემ თქვა - ქვილითაია მეტს იმსახურებსო. ამ თავდამსხმელს "დილაში" ჯერჯერობით მეტწილად შეცვლებზე უწევს თამაში და ჩივაძე ალბათ ამას გულისხმობდა.</p><p><em>"ორი თვე გამიცდა, შესაბამისად, ვერ გავიარე წინასასეზონო მოსამზადებელი შეკრება. 25 დღეა, რაც თამაში დავიწყე",</em> - განმარტავს ქვილითაია.</p><p>გიორგის ისიც ვკითხეთ, თუ რა კონკრეტული დავალება მისცა მწვრთნელმა შოტლანდიასთან მატჩისთვის:</p><p><em>"ბურთი უნდა შემენარჩუნებინა, ნახევარმცველებსა და მცველებს უნდა დავხმარებოდი წინ ამოსვლაში".</em></p><p>ქვილითაია შოტლანდიასთან გატანილ ორივე საგოლე კომბინაციაში მონაწილეობდა.</p><p><em>"ვარჯიშებზე ვამუშავებდით მსგავს კომბინაციებს. იმას როდი ვამბობ, რომ ზუსტად ასეთი კომბინაციები გვქონდა დაგეგმილი, თუმცა ჰოლანდიასთან მატჩის შემდეგ ჩივაძე შორეულ დარტყმებზე მიგვითითებდა და შოტლანდიასაც ორივე გოლი შორიდან გავუტანეთ".</p><p></em></p><p>ქვილითაია რბილი მანერით მოთამაშე თავდამსხმელია და თავით თამაშიც კარგად ეხერხება.</p><p><em>"ვფიქრობ, თავით თამაში ნორმალურად გამომდის, თუმცა მირჩევნია, ბურთი მივიღო და მერე გადავაწოდო თავისუფალ ზონაში თანაგუნდელს, ვიდრე მხოლოდ იმაზე ვიფიქრო, რომ როგორმე მოვიგო პირველი ბურთი და მცველების ზურგს უკან გავგზავნო. უფრო ბურთის შენარჩუნებაზე ვზრუნავ".</em></p><p>ბოლოს ქვილითაიამ ისიც გვითხრა - 20 წლის ვარ, რაღაც-რაღაცები ჯერ კიდევ მოსამატებელი მაქვს და იმედია, ასეც მოხდებაო.</p><p><strong>ყოველდღიური სპორტული გაზეთი "ლელო"</strong></p><p><span style="color: #ff0000;"><strong>ასევე იხილეთ:</strong></span></p><p><a href="/fexburti/qarthuli-fekhburthi/asakobrivi-nakrebebi/56010-u21-saqarthvelo-shotlandia-21-chivadzem-mizanshi-moartya-video.html" target="_blank">U21. საქართველო-შოტლანდია 2:1 - ჩივაძემ მიზანში მოარტყა [VIDEO]</a></p>
ramo
კარგი ბიჭი ჩანს, მაგრამ არ არის საჭირო წინასწარ ქება დიდება. ქართველს თუ გინდა უმტრო, უნდა აქო და ადიდო.
Jon
ქვილითაია კარგი შემტევია, კარგ პირობებში ბევრად უკეთ შეუძლია თამაში.მაღალ დონეზე შეუძლია თამაში,ტექნიკურია.
zizu
ქვილითაია კარგი შემტევია ის კარგ პირობებში ბევრად უკეთ ითამაშებს.შეუძლია მაღალ დონეზე თამაში.
U17. საქართველოს ნაკრები საკვალიფიკაციო ეტაპის A ლიგაში გავიდა
U17 | საქართველო 0:0 ავსტრია
17-წლამდე ნაკრები შესარჩევ ციკლს ავსტრიასთან მატჩით დაიწყებს
სვანაძე: ასე გაგრძელება არ შეიძლება- გულშემატკივრების რეაქციას კარგი თამაშით უნდა ვუპასუხოთ
უკრაინასთან მატჩში საქართველოს ნაკრების შემადგენლობა ცნობილია
საქართველოს ნაკრებმა პირველი ვარჯიში თბილისი არენაზე გამართა
ერლინგ ჰოლანმა შესაძლოა, ზაფხულში "სიტი" დატოვოს
რომელუ ლუკაკუმ 33 წლის ასაკში სანაკრებო კარიერა დაასრულა
რამოსი კვლავ ლა ლიგაში? - ლეგენდარულ ესპანელს ახალი ვარიანტი აქვს
ოფიციალურად: "კრისტალ პალასს" ახალი მთავარი მწვრთნელი ჰყავს
უკრაინელთა მწვრთნელი: ფეხბურთელებს საქართველოსთან გამარჯვების უზარმაზარი სურვილი აქვთ - ამას იმსახურებენ
"აზაროვმა მითხრა, რომ ხვალ გაგვაბახებენ" - გაუმხილა უკრაინელმა ფეხბურთელმა ჟურნალისტს
კაკაბაძე: გამარჯვებას მონატრებული ვართ და გვინდა, გულშემატკივარი გავახაროთ
სვანაძე: გოლი და გამარჯვება გუნდის ფსიქოლოგიურ სიტუაციას შეცვლის
მერკვილაძის კარიერის მატჩი: პირადსარეკორდო 30 ქულა და გამარჯვება როტერდამში
ბათუმის "დინამოს" წარმომადგენლები ლისაბონში გამართულ მასშტაბურ საფეხბურთო სამიტს - TransferRoom LIVE Global-ს დაესწრნენ
შერმადინის "ტენერიფემ" ანდრონიკაშვილის "ანდორას" სტუმრად მოუგო
"ბორჯღალოსნები" | ჩემპიონების ჯახი "მიხეილ მესხზე" - მომავალი მეტოქე აშშ
კორსანტიას 12 მოხსნა და 6 ქულა 15 წუთში | ქართველის "ალიკანტე" დაუმარცხებელია
შევჩენკომ უკრაინის ნაკრების მწვრთნელს მხარდაჭერა გამოუცხადა
მატჩის დღე! რა შეუძლია საქართველოს ნაკრებს?
შეცვლის თუ არა პოჩეტინოს? - გვარდიოლამ საკუთარ მომავალზე გადაწყვეტილება მიიღო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ქვილითაიას "ჰოლშტაინმა" თასზე ბუნდესლიგის "ჰოფენჰაიმს" სძლია
[ახლო ხედით] ვახტანგ ჭანტურიშვილი: ამას არავის დასანახად არ ვაკეთებ...
ქვილითაია შეცვალეს - "ჰოლშტაინი" "გროიტერ ფიურტთან" დამარცხდა
ᓝᓗაᓠ ᓩᓐᓤᓘᓫᓔ: ᓠᓝᓪᓐ ᓨᓔᓜᓡ ᓥᓕეᓧᓐᓜᓐᓨᓘ ᓐᓠᓐᓕᓘს ᓡᓭᓘᓠᓓᓔბᓘ, ᓛᓔᓢᓘ ᓒᓖᓐ აᓠ ᓒᓠᓩᓔბᓐ
თითქოს, ომში მივდივარ!.. 22 წლის დავით ლეგაშვილს ფეხბურთიდან წასვლა სურდა
ლაშა შინდაგორიძე: ქუთაისელი გულშემატკივრისგან დიდ მხარდაჭერას ვგრძნობ
ᓪᓮᓘნᓕᓐᓚᓘᓡ "ᓡᓞᓐᓠᓢᓐᓙᓘს" ᓑᓝᓚᓝ ᓓᓐ ᓬᓐᓠᓛᓐᓢᓔᓑᓣᓚᓘ ᓡᓞᓐრᓘᓜᓒᓘ ᓡᓝᓮᓣმᓘᓡ "ᓪᓮᓣმᓗᓐᓜ"
"დინამო არენას" სამხრეთ ტრიბუნის პირველ იარუსს ალქესანდრე ჩივაძის სახელი ეწოდა
"დინამო არენის" სამხრეთ ტრიბუნის პირველ იარუსს ალექსანდრე ჩივაძის სახელი ეწოდა
ქვილითაია შეცვლაზე შევიდა - "ჰოლშტაინი" "ჰერტას" ფრედ ეთამაშა
ქვილითაია შეცვლაზე და "ჰოლშტაინის" მარცხი "აინტრახტთან"
ქვილითაიას ერთი ტაიმი - "ჰოლშტაინი" "არმინიასთან" დამარცხდა
საბჭოთა კავშირის საუკეთესო ნაკრები 5 ქართველით - და როგორ გაწირა ბესკოვმა ყიფიანი...
"ჰოლშტაინის" პირველ გამარჯვებას სადებიუტო გოლით საფუძველი ქვილითაიამ ჩაუყარა
"როდესაც გადაწყვიტეს, რომ გამხდარიყვნენ მწვრთნელები, თავიანთ განვითარებაზე უნდა ეზრუნათ...მათ დიდი წვლილი, პასუხისმგებლობა მიუძღვით, აი, იმ თაობის სათანადოდ ვერგამოყენებაში..." - რა განაცხადა გიორგი გველესიანმა ალექსანდრე ჩივაძესა და დავით ყიფიანზე?
ალექსანდრე ჩივაძე 65 წლის გახდა!
თენგიზ კაცია: სისტემა მოიშალა, ესაა ჩვენი ფეხბურთის კრიზისის მიზეზი
"მისი მაშინდელი სიტყვები დღემდე არ მავიწყდება" - ლევან კობიაშვილი ალექსანდრე ჩივაძეზე