- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ვარსკვლავები თბილისში: როგორც ათწლეულების წინათ
<p>15 ოქტომბერს სპორტის სასახლეში ხალხმრავლობა იყო - კალათბურთის ქომაგებმა მოედანზე კვლავ იხილეს სპორტის ამ სახეობის ვარსკვლავები <br> 15 ოქტომბერს სპორტის სასახლეში ხალხმრავლობა იყო - კალათბურთის ქომაგებმა მოედანზე კვლავ იხილეს სპორტის ამ სახეობის ვარსკვლავები - ოლიმპიური თამაშების გამარჯვებული, მსოფლიოს და ევროპის ჩემპიონი ივან ედეშკო, სპორტის დამსახურებული ოსტატი, ოლიმპიური ჩემპიონი იგორს მიგლინექსი, ოლიმპიური თამაშების ბრინჯაოსპრიზიორები, მსოფლიოს და ევროპის ჩემპიონატების ოქროსმედალოსნები - სტანისლავ ერიომინი და ვლადიმირ ჟიგილიი, მსოფლიოს და ევროპის ჩემპიონი ჰეინო ენდენი, ევროპის ჩემპიონი ალექსანდრ გონჩაროვი, საერთაშორისო კლასის სპორტის ოსტატები - ანდრეი პერეგუდოვი, ვიქტორ კრავჩენკო და სხვები, რომლებიც ვეტერანთა მეგობრულ მატჩში ქართველ კოლეგებს დაუპირისპირდნენ.</p><p>მასპინძელთა ღირსებას იცავდნენ ოლიმპიური თამაშების ბრინჯაოსპრიზიორი, მსოფლიოს და ევროპის ჩემპიონი, საკონტინენტთაშორისო თასის სამგზის მფლობელი ნიკოლოზ დერიუგინი, საბჭოთა კავშირის ჩემპიონი და თასის მფლობელი, თბილისის "დინამოს" ყოფილი კაპიტანი თამაზ ჩიხლაძე, ვახტანგ ნაცვლიშვილი.</p><p>ზურაბ გრძელიძე, ევროპის ორგზის ჩემპიონი, საბერძნეთისა და თურქეთის ჩემპიონი და თასის მფლობელი... მედეა მხეიძე, და სხვები. დიახ, სტუმრების წინააღმდეგ მასპინძლებმა ორი მანდილოსანიც გამოიყვანეს - მედეა მხეიძე და ლიკა ქაჯაია, რომლებმაც ეფექტური პასებით არაერთხელ მოსტაცეს ტრიბუნებს მქუხარე ტაში.</p><p>მატჩი ქართველ ვეტერანთა იერიშებით დაიწყო და პირველსავე წუთზე თორთლაძემ ზუსტი სამქულიანი ტყორცნით ანგარიში გახსნა.</p><p>პოსტსაბჭოური სივრცის წარმომადგენლებმა ზედიზედ სამი შედეგიანი შეტევა განახორციელეს და დაწინაურდნენ.</p><p>პირველ ტაიმში მაინც თანაბარი ბრძოლა იყო და სტუმრებმა მხოლოდ ქულით მოახერხეს წინ გასვლა - 29:28.</p><p>შესვენების შემდეგ მასპინძლებს დაღლა დაეტყოთ, რითაც ისარგებლა მეტოქემ, რომელსაც უფრო გრძელი სკამი აღმოაჩნდა და პაექრობაც თავის სასარგებლოდ დაასრულა - 66:35. მატჩის საუკეთესო მოთამაშეები ნიკოლოზ დერიუგინი და ანდრეი პერეგუდოვი ფასიანი საჩუქრებით - მობილური ტელეფონებით დააჯილდოვეს.</p><p>მატჩის შემდეგ სასტუმრო "ჰოლიდეი ინ"-ში საერთაშორისო სტუდენტური საკალათბურთო ლიგის 2013-14 წლების სეზონის გახსნასთან დაკავშირებით პრესკონფერენცია გაიმართა.</p><p>ჟურნალისტების წინაშე წარდგნენ სტუდენტური ლიგის პრეზიდენტი ანდრეი პერეგუდოვი, აღმასრულებელი დირექტორი ვიქტორ კრავჩენკო, საქართველოს საკალათბურთო კავშირის პრეზიდენტი მიხეილ ახვლედიანი, სტანისლავ ერიომინი და ნიკოლოზ დერიუგინი.</p><p><em><strong>ანდრეი პერეგუდოვი:</strong></em> "<em>ჩვენმა სტუდენტურმა ლიგამ შარშან აიღო სტარტი, მაგრამ არსად ისეთ საინტერესო გახსნას არ შევსწრებივარ, როგორიც დღეს თბილისში ვნახეთ. თვით ვეტერანთა მატჩზეც კი დარბაზის სამი მეოთხედი შეივსო.</p><p>დღესაც კარგად მახსოვს საკავშირო ჩემპიონატებისას აგუგუნებული ტრიბუნები. სტუდენტური ლიგის წლევანდელი სეზონის გასახსნელად შემთხვევით არ აგვირჩევია თბილისი! საქართველოს ისტორიული წარსული საკალათბურთო ტრადიციებითაც გამორჩეულია.</p><p>ჩვენი ლიგა პოსტსაბჭოური პირველობა არ არის - ეს არის შეჯიბრება, რომელშიც, მაგალითად, წლეულს იასპარეზებენ ბალკანელები, 3 ინგლისური, ერთი ჩინური გუნდიც.</p><p>როცა სკოლის კალათბურთის შემდეგ ძალაუნებურად ისმის კითხვა - სად უნდა ითამაშონ იმ კალათბურთელებმა, რომლებიც პროფესიულ კლუბებში ვერ ითამაშებენ? სწორედ საკალათბურთო ლიგა შეასრულებს საშუალედო რგოლის ფუნქციას. აქ დაწინაურებულ სპორტსმენებს კი დიდი კალათბურთისკენაც გაეხსნებათ გზა"</em>.</p><p><em><strong>ვიქტორ კრავჩენკო:</strong></em> <em>"სტუდენტური ლიგა უბრალო შეჯიბრება არ არის. აქ გუნდი არა მარტო უმაღლესი სასწავლებლის, არამედ თავისი ქვეყნის სპორტულ ღირსებასაც იცავს, ამიტომაც არის ასეთი მოზღვავება: შარშანდელ გათამაშებაში თუ 5 ქვეყნის 24 გუნდი მონაწილეობდა, წლეულს მედლებისთვის 12 ქვეყნის 39 გუნდი იბრძოლებს, მათ შორის - საქართველოს ტექნიკური უნივერსიტეტის გუნდი.</p><p>რაც შეეხება თბილისის სპორტის სასახლეს, მეც კარგად მახსოვს - მოსკოვის "დინამოს" შემადგენლობაში არაერთხელ მითამაშია აქ.</p><p>ქართველებს ერთი მოთამაშით ყოველთვის მეტი ჰყავდათ და ის "ზედმეტი" კალათბურთელი სწორედ მაყურებელი იყო.</p><p>აქ კარგად იციან კალათბურთის ფასი. ამიტომ მიმაჩნია, რომ ჩვენი ჩემპიონატი, რომლის ახალ სეზონსაც თბილისში ვიწყებთ, ხელს შეუწყობს როგორც კალათბურთის განვითარებას, ისე სხვადასხვა ქვეყნის ახალგაზრდების დაახლოებას"</em>.</p><p><em><strong>სტანისლავ ერიომინი:</strong></em> <em>"დიდი ხნის შესვენების შემდეგ ისევ თბილისში ვარ - სტუმართმოყვარე ხალხში. მეც თვალწინ მიდგას სპორტის სასახლის აგუგუნებული დარბაზი, სადაც თამაში ნებისმიერი კალათბურთელისთვის ნამდვილ გამოცდა იყო. აქ ხომ ქართული კალათბურთის ვარსკვლავებს - ზურაბ საკანდელიძეს, მიხეილ ქორქიას, ნიკოლოზ დერიუგინსა და სხვებს აქტიურად უჭერდნენ მხარს მაყურებლები. ამიტომაც გვიძნელდებოდა მასპინძლების წინააღმდეგ თამაში.</p><p>მოედანზე ხომ უშეღავათო ბრძოლა გვქონდა, სარბიელს მიღმა კი ვმეგობრობდით და ეს გრძნობა დღემდე მოგვყვება, რაშიც, ალბათ, კოლია დერიუგინი დამეთანხმება.</p><p>ცოტა რამ დღევანდელ კალათბურთზეც მინდა ვთქვა: ამჟამინდელი ორთაბრძოლები უფრო სწრაფი გახდა, მაგრამ, მიმაჩნია, რომ სილამაზით უწინდელს მაინც ჩამოუვარდება.</p><p>ისიც უნდა ვაღიაროთ, რომ მსოფლიოში მაშინ 4-5 ქვეყნის ნაკრები თუ დომინირებდა, დღეს თამაში ყველამ ისწავლა, დონეები, ფაქტობრივად, გაწონასწორდა და კონკურენციამაც იმატა. ამდენად, ნებისმიერი ტურნირის მოგება ბევრად უფრო ძნელია, ვიდრე ჩვენს დროს იყო"</em>.</p><p><em><strong>ნიკოლოზ დერიუგინი:</strong></em> <em>"ბედნიერი ვარ - დღეს თბილისში ნამდვილი საკალათბურთო ზეიმი იყო. სტუმარ-მასპინძლებმა მატჩამდე შემახსენეს - ცსკას-თან 59-ქულიანი რეკორდის მოხსნას თუ აპირებო.</p><p>ადამიანი თავს კი გრძნობ ახალგაზრდულად, გინდა, ის გააკეთო, რასაც ჭაბუკობისას აკეთებდი, მაგრამ უწინდებურად ძალა რომ არ მოგდევს? გული ხელში მეჭირა... ყველაფრის მიუხედავად, ძველ მეგობრებთან შეხვედრამ და ახალგაზრდობის გახსენებამ ყველაფერი გადაფარა.</p><p>რაც შეეხება საერთაშორისო სტუდენტურ ლიგას, იქ ჩემი ხელმძღვანელობით საქართველოს ტექნიკური უნივერსიტეტის გუნდი ჩაებმება.</p><p>სულ ორი კვირაა, რაც ვვარჯიშობთ და გამოცდილ კოლექტივებთან პაექრობა გაგვიჭირდება, მაგრამ უბრძოლველად არავის არაფერს დავუთმობთ. დარწმუნებული ვარ, ქართველი კალათბურთელები თავიანთ ოსტატობას საერთაშორისო სტუდენტურ ლიგაშიც დაამტკიცებენ"</em>.</p><p><em><strong>მიხეილ ახვლედიანი</strong><strong>:</strong></em> <em>"დიდი მადლობა საერთაშორისო საკალათბურთო სტუდენტური ლიგის მესვეურებს, რომლებმაც თავიანთი პირველობის მე-2 სეზონის გახსნა თბილისში დაგეგმეს. ეს ჩვენთვის დიდი პატივია.</p><p>მას შემდეგ, რაც ლიგაში ასპარეზობა გადავწყვიტეთ, მაშინვე საშინაო სტუდენტური ლიგის გამართვის იდეაც გაჩნდა. შიდა ჩემპიონატში მონაწილეობის სურვილი 20-მა გუნდმა გამოთქვა, რასაც ნამდვილად არ ველოდით.</p><p>მათთვის, ვინც პროფესიულ კლუბებში ვერ ხვდება, სტუდენტური ლიგა დიდი იმპულსი იქნება საერთაშორისო სარბიელზე გასასვლელად. დარწმუნებული ვარ, რომ სტუდენტური კალათბურთი ხელს შეუწყობს საქართველოში სპორტის ამ სახეობის განვითარებას"</em>.</p><p><em><strong>საქართველო-პოსტსაბჭოეთი 53:66</p><p></strong></em>საქართველო: სანიკიძე (2ქ), თორთლაძე (6ქ), კოხრეიძე (4ქ), დერიუგინი (12ქ), გოგობერიშვილი (3ქ), ნაცვლიშვილი (9ქ), ღლონტი (12ქ), მხეიძე, ჩიხლაძე, ქაჯაია, იშხნელი.</p><p>პოსტსაბჭოეთი: მიგლინიექსი (4ქ), მარუსიჩი (6ქ), ნოსოვი (2ქ), ფილიპოვი (6ქ), გონჩაროვი (3ქ), შეინინი (2ქ), კაიმოვი (10ქ), ნიკოლაევი (2ქ), ენდენი (7ქ), დომანი (12ქ), პერეგუდოვი (10ქ), ნოზნავცი (2ქ).</p><p><strong>ყოველდღიური სპორტული გაზეთი "ლელო"</strong></p>
შალამბერიძის ზედიზედ მეორე ფინალი და პირველად – მთავარი მსაჯის ამპლუაში
ევროპის ჩემპიონატის ბრინჯაოს პრიზიორები: U16 გოგონათა ნაკრებმა სომხეთი დაამარცხა
Junior NBA-ს საიუბილეო, მე-10 სეზონის გამარჯვებული რუსთავის „გოლდენ სტეიტი“ გახდა
ცნობილი გახდა, როდის ჩადგება ჩაკვეტაძე მწყობრში
"თუ მუნდიალს მოვიგებთ, ტატუდ მის სახეს დავიხატავ" - კუკურელიამ პირობა დადო
"კლუბის ლეგენდად დარჩება" - იკარდი "გალათასარაიდან" წავიდა
"რეალმა" შესაძლოა, კიდევ ერთი უკრაინელი მეკარე დაიმატოს
"იმაზე უკეთესი ყოფილა, ვიდრე მეგონა" - გორდონი მესით აღფრთოვანებულია
"ბორდო" საფრანგეთის მე-6 დივიზიონში დააქვეითეს
ინგლისელები ტუხელს არ გაუშვებენ - გერმანელი მწვრთნელი უკვე ევროპის ჩემპიონატზე ფიქრობს
"კუნძულები ჩვენია" - გამარჯვებულმა არგენტინელებმა მოედანზე ბანერი გაიტანეს
საქართველოს 20-წლამდელთა ნაკრებმა ესტონეთი დაამარცხა
[VIDEO] ფეხბურთის გამარჯვება. არგენტინული საოცრება - მესის გუნდმა ინგლისურ "ავტობუსს" თამაში შემოუტრიალა და ფინალში გავიდა!
სალაჰი შეიძლება პრემიერლიგიდან არ წავიდეს
მამარდაშვილმა ირაოლასთან ვარჯიში დაიწყო - წავა ალისონი "ლივერპულიდან"?
"საფრანგეთი სრულად უკანალშია - ბედნიერები ვართ" - UFC-ის მებრძოლი
სატონი: ესპანეთმა საფრანგეთს სკალპი გააძრო
"წინ, არგენტინა მეკობრე - უზურპატორი ინგლისელების წინაღმდეგ!" - ქვეყნის ვიცე-პრეზიდენტი
პსჟ-ის რიგებს სავარაუდოდ, გუნდის 18 წლის შემტევი დატოვებს
ბრილიანტებიანი სამკაული - იამალმა თავის თავს საკმაოდ ძვირადღირებული საჩუქარი გაუკეთა
"ოჯახში 7 წლის განმავლობაში ჩემი ხელფასიდან 1 პენი არ დაგვიხარჯავს, ბონუსებით ვცხოვრობდით" - ოსკარმა ჩინეთში გამომუშავებულ მილიონებზე ისაუბრა
საფრანგეთის ნაკრებს მუნდიალის შემდეგ ზინედინ ზიდანი ჩაიბარებს
ოფიციალურად: ტილემანსი "მანჩესტერ იუნაიტედის" ფეხბურთელია