სენსაცია: კარლო ანჩელოტი „ჩელსის“ დატოვებაზე ფიქრობს

იტალიელ თავკაცს, მის დაუკითხავად, გუნდიდან ასისტენტი გაუთავისუფლეს სენსაცია: კარლო ანჩელოტი „ჩელსის“ დატოვებაზე ფიქრობს. მას მიაჩნია, რომ სიტუაციას ვეღარ აკონტროლებს! – ასეთი ხმა დაირხა ინგლისში.„სანი“ წერს, რომ პრემიერლიგის ჩემპიონთა იტალიელ თავკაცს, თავისი სატკივარით, კვირა საღამოს, ლიგის მწვრთნელთა ასოციაციისთვის მიუმართავს. ცნობისთვის: ლიგის მწვრთნელთა ასოციაცია გახლავთ ორგანიზაცია, რომელიც ინგლისური პრემიერლიგისა და ქვედა დივიზიონების მწვრთნელებს აერთიანებს და მათ ინტერესებს იცავს. ორგანიზაციის ამჟამინდელი პრეზიდენტი გახლავთ ქვეყნის ნაკრების თავკაცი ფაბიო კაპელო, ხოლო თავმჯდომარე, ცნობილი მწვრთნელი ჰოვარდ უილკინსონი.სურათი ასეთია: ანჩელოტის გუნდმა ბოლო ტურში „ბირმინგემთან“ 1:0 წააგო, რაც ზედიზედ ოთხ შეხვედრაში მისი მესამე მარცხი გახლდათ და იტალიელის დაუკითხავად, პირდაპირ სარეზერვო გუნდის თამაშის შესვენებისას თანამდებობიდან დაითხოვეს მისი ასისტენტი რეი უილკინსი, რამაც იგი ძალიან შეაშფოთა. საინტერესოა, რომ უილკინსის ნაცვლად ანჩელოტის ასისტენტად მისთვის სრულიად უცნობი ნიგერიელი მაიკლ (ან მიკაელ) ემენალო დაუსვეს.დასავლეთ ლონდონელთა კლუბის მეპატრონე, რუსი მილიარდელი რომან აბრამოვიჩი აქამდე ანჩელოტით ძალიან კმაყოფილი გახლდათ. მწვრთნელმა ხომ „სტემფორდ ბრიჯზე“ მოღვაწეობა იმით დაიწყო, რომ „ლურჯებს“ ორი ტიტული, ინგლისის ჩემპიონობა და ფეხბურთის ასოციაციის თასი მოაპოვებინა, მაგრამ როგორც ჩანს მესაკუთრესა და ანჩელოტის შორის ბზარიც გაჩნდა: „მილანის“ ყოფილი თავკაცი გრძნობს, რომ სადავეები ბოლომდე მის ხელში არ არის. ანჩელოტი გრძნობს, რომ ის უფრო ტექნიკური დირექტორია ვიდრე სრულფასოვანი ხელმძღვანელი, როგორიც, მაგალითად, „მანჩესტერ იუნაიტედში“ სერ ალექს ფერგიუსონია. მან თქვა:„ჩემი ფერგიუსონთან შედარება არ შეიძლება. ჩვენ სხვადასხვა პოზიციებზე ვართ. მე მხოლოდ ტექნიკური დირექტორის საქმე მაბარია და მორჩა“.ბირმინგემში წაგების შემდეგ, პრემიერლიგის ცხრილში „ჩელსის“ პოზიცია შეირყა. დღეს „ლურჯები“ კონკურენტებს ბევრი ქულით კი აღარ უსწრებენ, არამედ „მანჩესტერ იუნაიტედთან“ თანაბრად არიან და პირველ ადგილზე მხოლოდ იმიტომ რჩებიან, რომ გატანილი და გაშვებული გოლების უკეთესი ბალანსი აქვთ. გარდა ამისა, ანჩელოტიზე სერიოზულად იმოქმედა უილკინსის ზემოხსენებულმა გათავისუფლებამ. საქმე ის გახლავთ, რომ პრესაში ამ ამბავმა დიდი ალიაქოთი გამოიწვია – იტალიელს საყვედურობდნენ კიდეც, რომ თავისი ასისტენტი არ დაიცვა და სამსახურში ვერ დატოვა.ამ საკითხთან დაკავშირებით ანჩელოტის კომენტარებმა საქმე კიდევ უფრო არია და აშკარად გამოიკვეთა, რომ კლუბში პრობლემებია. საქმეში ჩახედული ადამიანები ერთხელაც დადგნენ იმ ფაქტის წინაშე, რომ აბრამოვიჩის ეპოქის „ჩელსიში“ მწვრთნელის უფლება-მოვალეობა შეზღუდულია, პრინციპულ გადაწყვეტილებებს კი მეპატრონე და მისი დირექტორები იღებენ. სხვათაშორის, კლუბმა სრულიად დაუფარავად დაადასტურა, რომ კარლო ანჩელოტი „სტემფორდ ბრიჯზე“ მხოლოდ მწვრთნელია და არა მენეჯერი – ინგლისში კი ხალხი, რომელთაც ჩვენ მწვრთნელებად მოვიხსენიებთ მენეჯერის ფუნქციებს ასრულებს და მათ ასე ეძახიან კიდეც.დასავლეთ ლონდონის კლუბში პირდაპირ ამბობენ, რომ ანჩელოტი სწორედ მწვრთნელობას არის დაჩვეული - „ჩელსიმდე“ ის ხომ მთელი რვა წლის განმავლობაში „მილანში“ მუშაობდა, სადაც მხოლოდ ბურთაობასთან დაკავშირებული საკითხები ებარა, დანარჩენზე კი იტალიის პრემიერ-მინისტრი სილვიო ბერლუსკონი ზრუნავდა. კლუბმა ისიც დაადასტურა, რომ ანჩელოტისთან ახალ კონტრაქტზე ჯერჯერობით ლაპარაკიც არ არის. მოქმედი ხელშეკრულების თანახმად იტალიელი „სტემფორდ ბრიჯზე“ კიდევ 18 თვეს უნდა დარჩეს, მომავალზე ფიქრი კი მიმდინარე სეზონის ბოლოს არის დაგეგმილი.თითქოს მართლაც, კარლო ანჩელოტი „მილანში“ სულაც არ იყო ყველაფრის ბატონ-პატრონი, მაგრამ იტალიური წყაროების თანახმად მას იქ ასე არასდროს მოპყრობიან. ბირმინგემში წაგების შემდეგ გამართულ პრეს-კონფერენციაზე კი ანჩელოტი ჩვეულებრივ ამბობდა:„როდესაც გუნდი აგებს, პასუხისმგებლობა, რასაკვირველია, მწვრთნელს ეკისრება. კრიტიკას სულაც არ ვემალები. ასეთია მწვრთნელის ცხოვრება და მე ეს ძალიან კარგად ვიცი. უბრალოდ, ახლა „ჩელსის“ რთული პერიოდი აქვს თუმცა ჩვენ შეგვიძლია ეს პერიოდი მალე დავძლიოთ. ვეთანხმები ყველას, ვინც ამბობს, რომ „სანდერლენდთან“ ჩვენ ძალიან ცუდად ვითამაშეთ, მაგრამ ვინც „ჩელსის“ თამაში „ბირმინგემთან“ ნახა, დამეთანხმება, რომ გუნდმა ძალიან კარგად ითამაშა და მხოლოდ უიღბლობის გამო ვერ გაიმარჯვა“.

"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა

"ლივერპულში" დარჩენის მოსურნე ალისონმა, დასვენების დრო წარმატებული თევზაობით შეავსო

[VIDEO] სასწაული "ოცნებათა თეატრში" - 8 გოლი და "მანჩესტერ იუნაიტედის" ქამბექი "ასტონ ვილასთან"

ორბმა ზედიზედ მე-4 გამარჯვება ახალციხესთან მოიპოვა

U18. საქართველოს ნაკრები ფინალში ესპანეთთან ისევ დამარცხდა

[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!

უნგრეთთან მატჩში საქართველოს ნაკრების შემადგენლობა ცნობილია

დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს

მესამე მწვრთნელი სეზონში - "ლანსი" დიდიე დიგარს ჩააბარეს

საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო

ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...

"ჩვენი პრობლემა უფრო ღრმაა... დღემდე ვერ ვიტყვი, როგორია საქართველოს ეროვნული ნაკრების საფეხბურთო ფილოსოფია..." - შოთა არველაძის ვრცელი ინტერვიუ უნგრულ გამოცემასთან

"მოულოდნელი იყო... "ოქროს ბურთს" ამ 2 ფეხბურთელიდან ერთ-ერთი უფრო იმსახურებდა" - კუკურეია Ballon d'Or-ის დაჯილდოვებაზე

[VIDEO] გოგა ბითაძის 100%-იანი პერფორმანსი და „ორლანდოს“ მნიშვნელოვანი გამარჯვება „მილუოკისთან“

დვალიშვილი: ჩივილს არ ვაპირებთ და ყველაფერს ვაკეთებთ, რათა ისინი გამოუშვან

ნიდერლანდების 7:0 საბერძნეთთან და გერმანიის მიერ სერბეთის ძლევა

18 წ. | შემადგენლობა ევროპის ჩემპიონატის ფინალისთვის

უნგრელთა მწვრთნელი: კვარაცხელია შეუცვლელია - ნებისმიერი სცენარისთვის მზად ვიქნებით

"მერაბი დიდი ხანია არ არის ქართველი - ჩვენი წინაპრები ამისათვის თავებს მოჰკვეთდნენ" - წერს დაღესტნელი მოჭიდავე

"ბორჯღალოსნები" | კაპიტნის ვარჯიში ტონგამდე

"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"

"ეს ცხოველური საქციელია" - UFC-ს ექს-ჩემპიონმა დვალიშვილზე თავდამსხმელები გააკრიტიკა