<p>ყაზახეთის პრემიერლიგაში მოთამაშე ერთადერთმა ქართველმა იქაურ პირობებზე ისაუბრა <br> 2 ნოემბერს ყაზახეთის ჩემპიონატი დასრულდა. წლეულს აზიელებმა გუნდების რაოდენობა 12-მდე შეამცირეს და ჩვენ მსგავსად, პირველი ეტაპის შემდეგ ფინალურ და ქვედა ექვსეულებში გადაანაწილეს.</p><p>იქაურ პრემიერლიგაში მოთამაშე ერთადერთი ქართველის, <strong>გიორგი ფეიქრიშვილის</strong> "ატირაუმ" ქვედა ექვსეულში მე-2 ადგილი დაიკავა და ყაზახურ ელიტაში ადგილი უპრობლემოდ შეინარჩუნა. მან 32-დან 28 მატჩში მიიღო მონაწილეობა, 2 გოლი გაიტანა და 4 საგოლე გადაცემა ჩაიწერა აქტივში.</p><p><em>"გიორგი ფეიქრიშვილი "ატირაუს" გულშემატკივართა კერპია. 2009 წელს მან გუნდის წარმატებაში უდიდესი წვლილი შეიტანა. მაშინ "ატირაუმ", თავისი არსებობის ისტორიაში, ერთადერთი ტიტული - ქვეყნის თასი მოიპოვა.</p><p>ფეიქრიშვილი 2009 და 2010 წლებში გუნდის გულშემატკივრებმა სეზონის საუკეთესო ფეხბურთელად აღიარეს. ის სხვაში არ შეგეშლება - მშვენიერი ტექნიკითა და გამოზომილი გადაცემებით გამოირჩევა.</p><p>გიორგი ახლაც ფორმაშია და ქომაგებს კვლავ ახარებს ლამაზი, სასარგებლო და ნამდვილი ფეხბურთით. ამის გამო მას სიყვარულით "ბიდჯოს" (ანუ "ბიჭოს" - რედ.) ეძახიან",</em> - წერს ყაზახური ინტერნეტგამოცემა sports.kz.</p><p><em></p><p>"ყაზახეთში თავს კარგად ვგრძნობდი, მაგრამ უმძიმესი ტრავმის გამო ორი ოპერაცია დამჭირდა და სეზონი გამიცდა. საქართველოში ამიტომ დავბრუნდი.</p><p>ჯერ იყო ბოლნისის "სიონი", შემდეგ ქუთაისის "ტორპედო", მაგრამ იანვარში ისევ "ატირაუში" მიმიწვიეს. აქ ხალხი მცნობს და არ ვტრაბახობ - მაფასებს. რამდენიმე ძველი ნაცნობი ფეხბურთელიც დამხვდა და ამიტომ ადაპტაცია არ გამჭირვებია",</em> - უთხრა "ლელოს" ფეიქრიშვილმა.</p><p>გიორგიმ ყაზახური ფეხბურთის წინსვლაზეც ილაპარაკა:</p><p><em>"ადრე ქართველ მოთამაშეებს ყაზახეთში თამაში ეთაკილებოდათ, მაგრამ ბოლო წლებში აქ დიდი ფული ჩადეს ფეხბურთში, სტადიონები, ბაზები ააშენეს და ისეთი ფეხბურთელები და მწვრთნელები ჩამოიყვანეს, წლიდან წლამდე ჩემპიონატის დონე სულ უფრო მაღლა იწევს.</p><p>ამის ლოგიკური შედეგი იყო, ყარაღანდის "შახტიორი" ევროპის ლიგაში რომ გავიდა. "ატირაუც" წინ მიდის და მიმაჩნია, რომ მომავალ სეზონში ბევრად ძლიერი გუნდი იქნება.</p><p>ყაზახეთმა საქართველოს ნაკრებს რომ მოუგო, ესეც იმაზე მეტყველებს, რომ ყაზახები ფეხბურთს სერიოზულად მოეკიდნენ და პირველი შედეგებიც მოიმკეს".</em></p><p><strong>ყოველდღიური სპორტული გაზეთი "ლელო"</strong></p>
გოგლიჩიძის გარეშე და ჩაკვეტაძის ერთი ტაიმი - "უოტფორდმა" სახლში "იფსვიჩთან" წააგო
ლუის ენრიკე: კვარაცხელია სრულიად განსხვავებული ფეხბურთელია
"ხვიჩა ძალიან მომწონს, სალაჰის შეცვლის კარგი ვარიანტია" - "ლივერპულის" ყოფილმა ფეხბურთელმა კლუბს კვარაცხელიას ყიდვა შესთავაზა
კალანდაძე თბილისის "დინამოში" დაბრუნდა
საქართველოს 15-ქალა ნაკრების წინსვლა რეიტინგში
გრიზმანი MLS-ში - მოლაპარაკებები დასკვნით სტადიაშია
ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია
"ხვიჩა ძალიან მომწონს, სალაჰის შეცვლის კარგი ვარიანტია" - "ლივერპულის" ყოფილმა ფეხბურთელმა კლუბს კვარაცხელიას ყიდვა შესთავაზა
კიდევ დიდი ხნით პსჟ-ში - ჟოაო ნევეში კონტრაქტს გაახანგრძლივებს
პარიზელთა შეტევა დემბელეს არყოფნაში - ყველაფერი ლიგის განმეორებით მატჩებზე
ქალთა ნაკრები საბერძნეთთან მატჩისთვის მზადებას განაგრძობს
ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს
15-ქალა | ხორვატებთან ახალი რეკორდით
20 წ. | კარგი ტაიმით მსოფლიოს ჩემპიონთან
კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?
"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო
"სერია A-ში თამაში ყველაზე რთულია" - ალეგრი "პარმასთან" მარცხის შემდეგ
L'Équipe: პსჟ-ში შევალიეს ბედი საფონოვზეა დამოკიდებული
ლებრონ ჯეიმსმა მორიგი რეკორდი დაამყარა
თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა
"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა
[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა
[VIDEO] მიქაუტაძემ ამჯერად ვერ გაიტანა - "ვილიარეალმა" "ვალენსია" დაამარცხა