"იუვენტუსი"-"რეალის" გამოხმაურება: პარადოქსი - კონტე "იუვეს" ბოლო ადგილს ულოცავს [VIDEO]

ხომ ლამაზია ეს ჩემი გუნდი, მაგრამ მე უფრო ლამაზი მინდა ტურინის "იუვენტუსი", ალბათ, ერთადერთი გუნდია, რომელიც შეიძლება ჯგუფში ბოლო ადგილზე გადავიდეს და ეს მისთვის უკეთესი გახლდეთ. იტალიის ნაკრების საკლუბო განსახიერებამ მორიგი ფრე ითამაშა და იმის გამო, რომ დანიაში "კოპენჰაგენმა" "გალათასარაის" მოუგო ჩემპიონთა ლიგის ჯგუფური ეტაპის დასრულებამდე ორი ტურით ადრე, "ბებერი ქალბატონი" უკანასკნელ პოზიციაზე აღმოჩნდა.პარადოქსია, მაგრამ იტალიელებს ეს უნდა გახარებოდათ, რადგან "გალამ" ქულები დაკარგა და ახლა "იუვე" ისევ თავის თავზეა დამოკიდებული.მწვრთნელებიანტონიო კონტეს შეგირდებს რომც წაეგოთ, რეალურად ზუსტად იგივე მდგომარეობაში იქნებოდა. "იუვეს" 4 ან 6 ქულა სჭირდება ჯგუფიდან გასასვლელად. თუმცა რატომ უნდა წაეგოთ, როცა გუნდს არც მადრიდში და მით უმეტეს, არც ტურინში ცუდად არ უთამაშია და ამ ორ შეხვედრაში ერთი ქულაც რომ არ შერჩენოდა, ვერ იქნებოდა სამართლიანი. "ბიანკონერის" თავკაციც კმაყოფილი დარჩა."ჩემმა გუნდმა დღეს ძალიან კარგად ითამაშა, განსაკუთრებით, პირველ ტაიმში. ეს ჩვენი მეექვსე მატჩი გახლდათ ბოლო 18 დღეში და ცხადია, ცოტა გადავიღალეთ. ეს ნორმალურია, როდესაც კრიშტიანო რონალდოსა და გარეთ ბეილის დარ ფეხბურთელებთან გიწევს თამაში.მატჩის საუკეთესო მოთამაშედ იკერ კასილიასს დავასახელებდი. უფრო მეტი ქულა გვეკუთვნოდა, ვიდრე ახლა გვაქვს, მაგრამ რა გაეწყობა.როდესაც ხვდები "რეალის" კალიბრის კლუბს, რომლის ფეხბურთელებსაც რამდენიმე წუთში შეუძლიათ თამაშის შემობრუნება, ძნელია, სასურველ შედეგს მიაღწიო. თუმცა ჩემს ბიჭებს არ ეშინოდათ მეტოქის, ისინი თამამად იბრძოდნენ და ძალიან კმაყოფილი ვარ, ვიზრდებით და ვვითარდებით.ჩვენ ეს თავგადასავალი არც ისე დიდი ხნის წინ დავიწყეთ და უკვე დავამტკიცეთ, რომ მაღალ დონეზე თამაში შეგვიძლია და ამ ტურნირზე რაღაც გვაქვს სათქმელი. ასე რომ, ჩემს გუნდს მისალოცად აქვს საქმე" - განაცხადა კონტემ.კმაყოფილი იყო კარლო ანჩელოტიც. მან თავის ყოფილ გუნდთან 4 ქულა აიღო და "რეალს" ნახევარი ნაბიჯი აკლია იქამდე, რომ ოფიციალურად გაინაღდოს მერვედფინალის საგზური."კმაყოფილების გრძნობა დამრჩა ჩემი გუნდის მიერ ჩატარებული მეორე ტაიმის შემდეგ. შესვენების შემდეგ სწორი დასკვნები გამოვიტანეთ და ბევრად უფრო შემართულები და აგრესიულები ვიყავით, ვუტევდით და ვდომინირებდით. პირველ ნახევარში ზედმეტად უკან დავიხიეთ, რადგან პოლ პოგბა და კლაუდიო მარკიზიო გაგვეკონტროლებინა, მაგრამ მერე სწორად გადავეწყვეთ. გვსურდა, მეტოქისთვის ჩაწოდებების შანსები მაქსიმალურად შეგვემცირებინა და ეს სერხიო რამოსის წყალობით მოვახერხეთ. იგი შესანიშნავი ფეხბურთელია, რომელსაც რამდენიმე პოზიციიდან შეუძლია გუნდისთვის სარგებლის მოტანა.სერხიოს მარჯვენა ფლანგზე გადაწევა დროებითი გახლდათ, ისე კი, რამდენადაც ვიცი, მასაც ცენტრში ურჩევნია თამაში. ასევე უნდა ვთქვა, რომ ქარიმ ბენზემამ იმუშავა ძალიან კარგად, იგი ანდრეა პირლოზე იყო მიჩენილი" - გვითხრა მატჩის შემდეგ ანჩელოტიმ.ფეხბურთელებიჯანლუიჯი ბუფონს მისი გუნდის თამაში მოეწონა, მაგრამ შეცდომებსაც ხედავს და სიტუაციას ობიექტურად აფასებს. ჯიჯიმ კომპლიმენტი უძღვნა თავის კოლეგასა და მეგობარს იკერ კასილიასსაც."ეს ჩვენ მიერ დაწყებული საქმის გაგრძელებაა. ჯამში, თამაშით კმაყოფილი ვარ, მაგრამ იყო შეცდომებიც, რომლებიც გამოსასწორებელია. სამწუხაროდ, ბევრი ქულა დავკარგეთ და მომავალ მატჩებში ამის უფლება აღარ გვაქვს. არ მგონია, რომ "კოპენჰაგენთან" ადვილი მატჩი გველის და არც "გალათასარაის" წაუგია ჯერ "რეალთან"."სამეფო გუნდიდან" კასილიასის კარგ თამაშს და მინიმუმ სამ უმნიშვნელოვანეს "სეივს" გამოვარჩევდი, რაც საბოლოოდ გადამწყვეტი გამოდგა და "რეალმა" ესპანეთში ქულა წაიღო. მადრიდელებთან შეიძლება წააგო, მოიგო ან ფრე ითამაშო, მაგრამ ერთი რამ უცვლელია - მათი შემტევების უმაღლესი კლასი. როდესაც ისინი ცენტრს გადმოსცდებიან, უკვე უნდა მოემართო, რადგან შეუძლიათ გოლი არაფრისგან შექმნან. როგორ შევაფასებდი ჩვენს თამაშს? 10 ბალიდან 7-ით." - აღნიშნა ბუფონმა.ბარემ თავად იკერსაც მოვუსმინოთ, რომელსაც სადღაც ერთი წელია, "რეალის" ძირითადში ადგილი გარანტირებული აღარ აქვს და მისთვის ასეთი მატჩის კარგად ჩატარება მნიშვნელოვანი იყო, თან მაშინ, როცა საპირისპირო კარში იდგა ის მეკარე, რომელთანაც იკერს გაუთავებლად აჯიბრებენ და უმეტესობის აზრით, ეს ორი გოლკიპერი თანამედროვე ფეხბურთის ორი საუკეთესო კარის დარაჯია. თუ ვინ არის "ნუმერო უნო", თქვენ გადაწყვიტეთ."ძალიან ბედნიერი ვარ. ყოველთვის რთულია ასეთი მატჩები, განსაკუთრებით, ძლიერი მეტოქის მოედანზე. მაქსიმალურად უნდა დაიხარჯო, რადგან მწვრთნელი გენდოს. ახლა მე მხოლოდ ორ კვირაში ერთხელ მიწევს თამაში და შესაძლებლობები საუკეთესოდ უნდა გამოვავლინო" - თქვა კასილიასმა.აუცილებლად აღვნიშნოთ, რომ ფერნანდო ლორენტე ნელ-ნელა ავლენს პოტენციალს და ეწერება "იუვეს" სათამაშო სქემაში. "ბილბაოს" ექსფორვარდმა "რეალს" მადრიდშიც გაუტანა და ტურინშიც.ცნობილი იტალიური გამოცემები: "ლა გაძეტა დელო სპორტი" და "კორიერე დელო სპორტი" ერთი შინაარსის სათაურებით გამოვიდა - რა ლამაზი იყო "იუვეო". დიახ, "იუვე" მართლაც ლამაზი იყო, მაგრამ კონტეს უფრო ლამაზი უნდა და მიზნის მიღწევაში ბასკი ფორვარდის ათამაშება ძალიან დაეხმარება. ტურინულმა "ტუტოსპორტმა" პირველ გვერდსა და წინა პლანზე სწორედ ლორენტე დაგვიხატა.ფერნანდო ლორენტე: "ძალიან მახარებს, რომ "რეალს" ისევ გავუტანე. კარგად ვითამაშეთ და პირველი ტაიმი დამსახურებულად მოვიგეთ. მეტის გატანაც შეგვეძლო.მერე მადრიდელებმა მოუმატეს. თანაგუნდელები ნელ-ნელა უკეთ მიცნობენ და მიგებენ. რაც უფრო ხშირად ვითამაშებთ ერთად, მით უფრო უკეთ შევძლებ პოტენციალის გამოვლენას და ჩემი მისამართით ჩაწოდებებიც მეტი იქნება. მჯერა, მატჩიდან მატჩამდე მოვუმატებ, ეს ჩემი მაქსიმუმი არ არის. ჯერ კიდევ ადაპტაციის პერიოდი მაქვს და როდესაც საბოლოოდ მოვერგები გუნდს, მერე უფრო უკეთ ვითამაშებ და დარწმუნებული ვარ, რომ შემიძლია, "იუვესთვის" სასარგებლო ვიყო".რონალდოს რეკორდიკონტე, ბუფონი და სხვანი კასილიასის "სეივებით" კი მოიხიბლნენ, მაგრამ მატჩის საუკეთესო ფეხბურთელად, საბოლოოდ, კრიშტიანო რონალდო დასახელდა, რომელმაც გოლს+პასი შემოგვთავაზა და მორიგ რეკორდს წაეთამაშა.პორტუგალიელის ანგარიშზე 4 ტურის მერე უკვე 8 გოლია, ანუ საშუალოდ მატჩში 2 ბურთი. მან გაიმეორა რუუდ ვან ნისტელროის (2004/05 წლების სეზონი), ერნან კრესპოსა და ფილიპო ინძაგის (ორივე 2002/03) რეკორდი."სტადიონზე შესანიშნავი ატმოსფერო იყო, ფანობით მოვიხიბლე. "იუვენტუსი" ძალიან კარგი გუნდია და მიუხედავად იმისა, რომ ჯერ არ მოუგია, ვფიქრობ, ჯგუფიდან გავა. ჩვენი თამაში მომეწონა, მაგრამ მეტი შეგვიძლია და უნდა მოვუმატოთ კიდეც. ჩემი 8 გოლი ძალიან მახარებს, მაგრამ უფრო ბევრის გატანას ვეცდები. ბეილი? მან მშვენივრად ითამაშა და გუნდს დაეხმარა".<div style="text-align: center;">იხილეთ ვიდეო <a href="/mtavari/video.html?view=video&video=3156" target="_blank" style="font-size: x-small; text-align: center;"><img src="pictures/artimages/image16/d75877941bd5a1555b2519dac21ff427.jpg" border="0" alt="Sportall.Ge" title="ჩემპიონთა ლიგა. IV ტური. B ჯგუფი: არც გამარჯვება და არც სიკვდილი [VIDEO]" /></a></div>ყოველდღიური სპორტული გაზეთი "ლელო"ასევე იხილეთ:<a href="/fexburti/evroturnirebi/chempiontha-liga/56865-chempiontha-liga-iv-turi-b-jgufi-arc-gamarjveba-da-arc-sikvdili-video.html" target="_blank">ჩემპიონთა ლიგა. IV ტური. B ჯგუფი: არც გამარჯვება და არც სიკვდილი [VIDEO]</a>

ოსიმენის რეკორდი - ის ჩემპიონთა ლიგის ბომბარდირია

ოსიმენის ჰეთ-თრიკი, "ბრიუგესა" და" ბარსელონას" საბრძოლო ფრე და ზარია "სან სიროზე"

[VIDEO] კურტუას გმირობები საკმარისი არ აღმოჩნდა - მამარდაშვილის "ლივერპულმა" "რეალი" დაამარცხა

"ბორჯღალოსნები" | ნამატით კანადასთან

[VIDEO] ნიკა გაგნიძე, მეორე ტაიმის ერთ-ერთი გმირი: მოპოვებული პენალტი, საგოლე პასი, დაკარგული შანსი...

პსჟ-ს აკრიტიკებენ - ლუის ენრიკე დაცვის თამაშით უკმაყოფილოა

[VIDEO] ქვილითაია ნაკრებში გოლით ბრუნდება, ინჯგიამ ქულა გადაარჩინა

[VIDEO] ...ასე გამოუვიდა კიტეიშვილს საგოლე პასი

"ვან დეიკის გოლი უნდა ჩათვლილიყო" - რუნი მსაჯების გადაწყვეტილებას არ ეთანხმება

მეორე ვადით - "ბენფიკას" პრეზიდენტად კვლავ რუი კოშტა აირჩიეს

იურიჩს მოხსნას უპირებენ - "ატალანტას" სეზონის ძალიან ცუდი სტარტი გამოუვიდა

ტენ ჰაგი პრემიერ ლიგაში არ დაბრუნდება - ვულვზმა მწვრთნელად სხვა დამრიგებელი აირჩია

საქართველო 5:0 ესტონეთი

[VIDEO] პირველი გოლი ლიგა 1-ის ახალ სეზონში - "კვარამ" "ლიონს" გაუტანა

"ლიონთან" მატჩში პსჟ-ს შემადგენლობა ცნობილია

[VIDEO] გიორგი მამარდაშვილმა ერლინ ჰოლანის დარტყმული პენალტი მოიგერია

[VIDEO] "ნაპოლის" მესამე უგოლო მატჩი და მარცხი "ბოლონიასთან"

"რათა შეცდომები არ განმეორდეს" - რა ითქვა აშშ-სთან მატჩის შემდეგ

14 ქულა და გამარჯვება "ბურგოსთან" | შერმადინი ახალ რეკორდს მიუახლოვდა

[VIDEO. ეროვნული ლიგა 2] "რუსთავი" ცალი ფეხით უმაღლესშია!

ერთი მწვრთნელის ხელმძღვანელობით ყველაზე მეტი გოლი - გრიზმანმა მესის გადაასწრო

დოვბიკმა შესაძლოა, იტალია დატოვოს - უკრაინელის დამატება თურქულ გუნდს სურს

დერბი ვერ მოიგო, თუმცა 1000-იანთა კლუბში შევიდა - სპალეტის მორიგი მიღწევა სამწვრთნელო კარიერაში

კასილიასმა უარყო, რომ გეია - მას ესპანელ მსახიობთან აქვს რომანი

ისრაელის ნაკრებსა და ქვეყნის კლუბებს საერთაშორისო შეჯიბრებიდან მოკვეთენ? - 48 სპორტსმენმა მოთხოვნას ხელი მოაწერა

"ბრაზილიის ნაკრების შემდეგ მხოლოდ ამ კლუბში დავბრუნდები" - კარლო ანჩელოტი

"სწორედ ეს მჭირდებოდა, ნეაპოლი საცხოვრებლად შესანიშნავი ადგილია" - ჰოილუნდი "პარტენოპეიში" ბედნიერია

"კარლოს დროს მეტი თავისუფლება გვქონდა" - კარვახალმა ერთმანეთს ანჩელოტი და ალონსო შეადარა

კონტე: "სპორტინგთან" მნიშვნელოვანი მატჩი გველის

"ბარსელონა" ფერნანდო ლორენტეს გადაბირებას ცდილობს

ფერნანდო ლორენტე შეიძლება "იუვენტუსში" დაბრუნდეს

როგორც იქნა - ორწლიანი პაუზის შემდეგ პოგბა ფეხბურთში ბრუნდება

"ოქროს ბურთი" ახლა თუ ვერ მოიგო, ამის შანსი აღარასდროს აღარ ექნება" - პოგბამ დემბელეზე ისაუბრა

ბუფონის შვილი ჩეხეთის 18-წლამდე ნაკრებში გამოიძახეს

ბუფონის მიერ დაბლოკილი მოურინიო - როგორ გახდა იტალიის ნაკრების მწვრთნელი გატუზო

"არ მინდა თავმდაბალი ვიყო, მე მესიზე უკეთესი ვარ" - კრიშტიანო რონალდო

კონტეს "ნაპოლიდან" უშვებენ? - დღევანდელი შეხვედრის შემდეგ ბევრი რამ გადაწყდება

პოგბა ფეხბურთელის კარიერის დასრულებას განიხილავს

"ასე რთულია. გუნდში 9 ახალი ტვინი მყავს" - კონტემ "ნაპოლის" მარცხის მიზეზებზე ისაუბრა

იკერ კასილიასმა ინფარქტის გადატანის შემდეგ პირველად ივარჯიშა

"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა

კონტე, ნეიმარი და დე ბრუინი — გადაწყვეტილება, რომელმაც ნაპოლის მომავალი განსაზღვრა

კანავარო კასილიასს: შენ ესპანეთის ფედერაციის პრეზიდენტი გახდები, მე კი - "რეალის" მწვრთნელი

5 ფაქტი - რატომ გავიდა ჩემპიონთა ლიგის ნახევარფინალში "ტოტენჰემი" და არა "სიტი"

ფერნანდო ლორენტე: ბევრი მომიგია, მაგრამ ეს მომენტი...

კრიშტიანო რონალდომ კარიერის დასრულების შესაძლო თარიღზე და სამომავლო გეგმებზე ისაუბრა

პიკე კასილიასს: რამდენჯერ გამოგიღია ბურთი "კამპ ნოუზე" კარიდან...

"მას მსოფლიოს შეცვლა შეუძლია" - რონალდომ ტრამპისთვის გაგზავნილი საჩუქრის მნიშვნელობაზე ისაუბრა

2 წელზე მეტი გავიდა - პოგბა მოედანზე დაბრუნებასთან ახლოსაა

"ბუფონი და აკინფეევი ამით ერთმანეთს ჰგვანან"- მირალემ პიანიჩი

ბუცები, ბურთები და ბუკინისტები – აპრილი, სპორტი და წიგნები

[VIDEO] სინათლე გვირაბის ბოლოს - პოგბამ "მონაკოსთან" კონტრაქტის გაფორმებისას ემოციები ვერ შეიკავა

"ამისთვის ფიზიკური მონაცემებია აუცილებელი" - ანჩელოტიმ ნეიმარის ფლანგზე თამაში გამორიცხა

კანტე ევროპაში ბრუნდება? - ფრანგს სერიოზული მსურველი ჰყავს

არც ავტომობილი, არც სახლი და საათი - რონალდომ მის ცხოვრებაში 50 მილიონად ყველაზე ძვირადღირებული შენაძენი დაასახელა

[VIDEO] კრიშტიანოსა და მესის გარეშე - მოდრიჩმა მისთვის ყველა დროის 5 საუკეთესო ფეხბურთელი დაასახელა

"გოლების გატანა ლა ლიგაში უფრო მარტივია, ვიდრე საუდის არაბეთში" - რონალდო

ჯანლუიჯი ბუფონის შვილმა თქვა, რატომ გადაწყვიტა ჩეხეთის ნაკრებში თამაში

"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა

ანჩელოტის შვილმა თქვა, რატომ არ დაიწყო დამოუკიდებელი სამწვრთნელო საქმიანობა

ფერნანდო ლორენტე "ნაპოლიში" გადავიდა

იკერ კასილიასმა შეიძლება კარიერა დეკემბერში განაახლოს

ანტონიო კონტეს "ინტერში" სამი ესპანელი ფეხბურთელის მიყვანა სურს

სარასგან სარასთან - კასილიასს ახალი გულისსწორი ჰყავს

დებიუტი პროფესიონალურ დონეზე - ბუფონის შვილს რამდენიმე წუთი დაუთმეს და ჩეხეთის ნაკრებში ელიან