- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ლიპარტელიანმა კანოზე წამსვლელი გუნდი დაასახელა
<p><p>ქართველი ძიუდოისტები სამომავლო ბატალიებისთვის მზადებას შეუდგნენ</p> <br> ქართველმა ძიუდოისტებმა საქართველოს ჩემპიონატი მოილიეს და შესვენებლად შეუდგნენ სამომავლო ბატალიებისთვის მზადებას. უახლოესი შეჯიბრება 11-13 დეკემბერს ტოკიოში გასამართი ძიგორო კანოს სახელობის "დიდი მუზარადის" ტურნირია, სადაც ჩვენები 29 ნოემბერს გაემგზავრებიან და ასპარეზობაში ჩართვამდე შეკრებას გაივლიან.</p><p>თუმცა მანამდე ქართულ ძიუდოში ერთი საინტერესო სიახლეც ხდება - კვირა ღამეს თბილისში ჩამოფრინდა ნაკრების კონსულტანტად შეგულებული ავსტრიელი ორგზის ოლიმპიური ჩემპიონი პეტერ ზაიზენბახერი, რომელიც ამჯერად სამედიცინო შტაბთან ერთად გვესტუმრა. მათ აპარატურაც ჩამოიტანეს და გუშინ ძიუდოს აკადემიაში საქმესაც შეუდგნენ - სპორტსმენთა დაახლოებით 40-კაციანი ჯგუფი შეამოწმეს, პროცესი გაგრძელდება. ზაიზენბახერთან კონტრაქტი ოფიციალურად ჯერ არ გაფორმებულა - ფედერაცია ამას დეკემბერში გეგმავს, თუმცა ავსტრიელი რომ თავის გუნდთან ერთად მუშაობას ოფიციალურად შეუდგა, პირობების საბოლოოდ გარკვევაზე მიგვანიშნებს. შეთანხმების კონკრეტულ დეტალებზე ჯერ ვერაფერს გეტყვით იმის გარდა, რომ ზაიზენბახერი გუნდთან ლონდონის ოლიმპიადის ჩათვლით იმუშავებს, მისი ხელქვეითი გერმანელი ექიმები კი ნაკრების წევრ-კანდიდატთა შესამოწმებლად პერიოდულად ჩამოვლენ საქართველოში, ძირითადად - პირველხარისხოვანი ტურნირების, ევროპა-მსოფლიოსა და ოლიმპიური თამაშების წინ.</p><p>ნაკრების თავკაცმა სოსო ლიპარტელიანმა დაასახელა ტოკიოში, კანოს მემორიალზე წასაყვანი შემადგენლობა: ბეთქილ შუკვანი (60), შალვა ქარდავა (66), თენგიზ პაპოშვილი (73), გიორგი ბაინდურაშვილი, ავთანდილ ჭრიკიშვილი (81), ვალერი ლიპარტელიანი (90), ზვიად ხანჯალიაშვილი (+100). ტოკიოშივე დარჩებიან ტურნირის შემდეგ გასამართ ერთობლივ ვარჯიშებზე (მსგავს წვრთნებს ამ რანგის შეჯიბრებებისთვის საერთაშორისო ფედერაცია ითხოვს). ჩვენები იქ საკმაო ხანს დარჩებიან, რამაც გუნდის დაკომპლექტებაც განაპირობა - წასვლაც ძვირი სიამოვნებაა და ადგილზე ცხოვრებაც, რისი საშუალებაც ფედერაციას არ გააჩნია. ამიტომ დაიგეგმა შვიდკაციანი გუნდის ანუ წონაში თითო კაცის გაგზავნა. თუმცა საქართველოს წლევანდელი ჩემპიონი ლომერ ჟორჟოლიანი (100) ვერ მიდის - თითზე ოპერაციას საჭიროებს, ამ წონაში მის ჩანაცვლებას კი 81-ში ჭრიკიშვილის დამატება არჩიეს. ახალგაზრდებში ევროპისა და მსოფლიოს ჩემპიონი პირველ სეზონს ატარებს უფროსებში და ფიზიკურად ცოტა გაუჭირდა, რაც თვალნათლივ გამოჩნდა საქართველოს ჩემპიონატზე. ახალგაზრდებში ის გამოირჩეოდა კარგი ფიზიკური მომზადებით, მაგრამ აქ ჭიდაობაც უფრო დიდხანს გრძელდება და მეტოქეებსაც განსხვავებული ფიზიკური კონდიციები აქვთ. ამიტომ აუცუილებელია, ჭრიკიშვილი თანდათან, ნელ-ნელა და მეთოდურად შეაჩვიონ გაზრდილ დატვირთვებს.</p><p>როგორც ვხედავთ, ლიპარტელიანი ძირითადად საქართველოს ჩემპიონებს დაეყრდნო - ქარდავა, პაპოშვილი, ბაინდურაშვილი და ხანჯალიაშვილი მინიმუმ, ერთი წელიწადი ატარებენ ახლახან მოპოვებულ ამ ტიტულს. რაც შეეხება შუკვანსა და ლიპარტელიანს, პირველმა ტრავმის გამო ვეღარ დაასრულა ქვეყნის პირველობა, მეორემ კი ასევე ტრავმის გამო ბრინჯაოსთვის ვერ იჭიდავა და მეხუთეზე დარჩა. ამის მიუხედავად, მწვრთნელი ორივეს ენდო. მით უფრო, ტრავმები არც ისე საშიშია და 2-3 დღეში მოიშუშებენ.</p><p>თუმცა ვალერი ლიპარტელიანის დაყენება, ალბათ, მაინც გამოიწვევს მითქმა-მოთქმას იმის მიუხედავად, რომ ეჭვქვეშ არავინ აყენებს მის ნიჭიერებას. უბრალოდ, მან წააგო ქვეყნის პირველობა, თუმცა ჩემპიონი ლაშა გურული ჯერ მართლაც გამოუცდელი გვგონია ისეთი ძლიერი ტურნირისთვის, როგორიც კანოს მემორიალია. ჯერ ხომ ამ რანგის შეჯიბრებებია ზეპრესტიჟული, კანო `დიდი მუზარადის~ კვარტეტშიც გამორჩეულია. სწორედ მისი დასრულების შემდეგ ერთობლივი წვრთნების გამო - იაპონიაში ჩასვლაზე და ერთბაშად რამდენიმე იაპონელთან ვარჯიშზე, რასაც უცხოელებიც ემატებიან, არც ერთი სერიოზული და ჭკუათმყოფელი ძიუდოისტი არ იტყვის უარს. ცხადია, ეს გურულისთვისაც დიდი გამოცდა იქნება, მაგრამ აკი ვთქვით, გამოუცდელია უცხოურ შეჯიბრებებში... ბუნებრივია, ასეთი ძლიერი ვარჯიშები ფრიად წაადგება ლიპარტელიანსაც, მაგრამ უარს არც სხვები იტყოდნენ, რომლებმაც საქართველოს პირველობაზე აჯობეს მას. ამ თემაზე სოსო ლიპარტელიანთან არ მისაუბრია, მაგრამ, ეტყობა, ის ნაკრების ლიდერად კვლავაც თანამოგვარეს განიხილავს. როგორც მწვრთნელმა არაერთგზის გაიმეორა, შანსი ყველას აუცილებლად მიეცემა.</p><p>კანოს ტურნირის შემდეგ ჩვენებისთვის მორიგი დიდი შეჯიბრება ბაქოში 15-16 იანვარს გასამართი მასტერსია, სადაც მსოფლიოს რეიტინგების 16-16 მოწინავეა მიწვეული, ორ-ორი კი სათადარიგოდაა შეგულებული. ამათ გარდა, იქ მოხვედრის შანსი არავის აქვს - 16 მონაწილე რომც არ მოგროვდეს, მე-18 ადგილზე ქვევით მყოფებს მაინც არ აძლევენ იქ ჭიდაობის ნებას. მასტერსამდე კიდევ რამდენიმე შეჯიბრებაა, რომელსაც საერთაშორისო რეიტინგში ცვლილებების შეტანა შეუძლია - აბუ დაბის `დიდი პრიზი~ გუშინ დაიწყო, თვის ბოლოს კორეულ სუვონში მსოფლიოს თასი ტარდება, დეკემბერში იგივე კანოს მემორიალია, სეზონი კი ჩინეთის `დიდი პრიზით~ დამთავრდება. სადღეისო მდგომარეობით, ბაქოში გამოსვლის უფლება ჩვენებურთაგან 60-ში ამირან პაპინაშვილს (IX ადგილი, 542 ქულა) და დავით ასუმბანს (XII, 482) გააჩნიათ. 66-ში გადაჭრით შეიძლება ითქვას, მონაწილე არ გვეყოლება - ჩვენგან საუკეთესო იგივე ქარდავაა, რომელიც 30-ეა 248 ქულით და კვოტას კანოს ტურნირის მოგება თუ მოუტანს მხოლოდ, სხვაგან კი ჩვენები გამოსვლას არ გეგმავენ. იგივე მდგომარეობაა 73-შიც - ზაზა კედელაშვილი 34-ეა 216 ქულით, ნუგზარ ტატალაშვილი - 35-ე 208-ით. 81-ში ლევან წიკლაური - 512 ქულით (XII), 90-ში ვალერი ლიპარტელიანი 684-ით (IX), 100-ში - ჟორჟოლიანი (588, XI), მძიმეში - ხანჯალიაშვილი (348, XX). <p> </p> <p> </p></p>
-
tbiliseli
წარმატებები ჩვენს ბიჭებს,განსაკუთრებით ჭრიკიშვილს ახალგაზრდაა.ძალიან მოხარული ვარ ხანჯალიაშვილი რომ წაიყვანეს,მართალია გუჯეჯიანს და ოქრუაშვილს უფრო დიდი სახელი ავქთ მარა ვინც უკეთესად მზდ არის ის უნდა წაიყვანო.
[VIDEO] დაბრუნებაც ასეთი უნდა - ზაალიშვილმა ოთხივე მეტოქეს იპონით მოუგო და ევროპის თასის გამარჯვებული გახდა
ისტორიაში პირველად - საქართველოს პარაძიუდოისტთა ნაკრები ევროპის ჩემპიონია
ფულადი ჯილდო და ეროვნული ორდენები - პრემიერმა ძიუდოისტთა ნაკრები დააჯილდოვა
ფრე დინამოების დაპირისპირებაში; წყალტუბოელთა მოგება ფოთში
ქოჩორაშვილი სათადარიგოთა შორის დატოვეს - "სპორტინგი" 1/16-ფინალში ძლივს გავიდა
საქართველო 3:2 ყირგიზეთი
39 დღე გაძლო - "ნოტინგემმა" პოსტეკოღლუ გაათავისუფლა
"აქ ნებისმიერ მწვრთნელს კრიზისამდე ერთი მატჩი აშორებს" - ბრუნო ფერნანდეშმა რუბენ ამორიმი დაიცვა
"ქუთაისმა" რუსთავში იმარჯვა, "ორბმა" ტყიბულში თსუ-ს სძლია
"ალბათ, სეზონის ბოლოს "ბარსელონას" დატოვებს" - ცნობილი გერმანელი ჟურნალისტი ლევანდოვსკის მოამვალზე წერს
რაფაელ ბენიტესი ბერძნულ გუნდს ჩაიბარებს
[VIDEO] მამუკელაშვილის 17 წუთი - "ტორონტო რაპტორსმა" პრესეზონი "ბრუკლინთან" გამარჯვებით დაასრულა
ლიდერი შეიცვალა... "გარეჯმა", "ტორპედომ" და "იბერია 1999"-მა მოიგეს
საქართველოს ნაკრები - ორი მარცხი და ორი ადგილით უკუსვლა რეიტინგში
როგორი შეფასებები მიიღეს პსჟ-ს ფეხბურთელებმა "სტრასბურგთან" მატჩში?
ხვიჩა შეცვლაზე და პსჟ-ს საბრძოლო ფრე "სტრასბურგთან"
"შავი ლომი" | არის რევანში - "ჩიტასი" დამარცხებულია
მიქაუტაძემ შეიძლება "ბეტისთან" ვერ ითამაშოს - ცნობილი გახდა მიზეზი
"სტრასბურგთან" მატჩში პსჟ-ს შემადგენლობა ცნობილია
ფუტსალი | საქართველოს ნაკრები ორ ამხანაგურ მატჩს გამართავს
კვიპროსში კლუბის პრეზიდენტი მოკლეს, რომელიც მატჩების "ჩაწყობაში" ფიგურირებდა
საქართველო - ესპანეთი | ინფორმაცია ბილეთების შესახებ
კანტე ევროპაში ბრუნდება? - ფრანგს სერიოზული მსურველი ჰყავს