<p>კობი სიმბოლურში! <br> ბოლო 13 წლის განმავლობაში დორტმუნდის "ბორუსიამ" ზედიზედ სამი საშინაო მატჩი პირველად წააგო. საერთო ჯამში კი, იურგენ კლოპის გუნდისთვის "ჰერტასთან" 1:2 ბუნდესლიგის მიმდინარე სეზონში რიგით მეხუთე მარცხია და კლოპის ხელში "ბორუსიას" პირველ წრეში ამდენი წაგება აქამდე არასდროს ჰქონია.</p><p>შედეგად, დორტმუნდელები ცხრილში მეოთხე ადგილამდე ჩამოქვეითდნენ, რაც იმას ნიშნავს, რომ ჩემპიონთა ლიგის საგზურის მოპოვებაც საფრთხის ქვეშ დგება. თქვენ წინაშეა გერმანიის ჩემპიონატის მე-17 ტურის შეჯამება.</p><p><strong><span style="color: #ff0000;">ნეგატივები</p><p></span></strong>- წააგო "ლევერკუზენმაც", თანაც, ბრემენში, რასაც ნამდვილად არავინ ელოდა. სამი ჰიიპიას გუნდის ნაქებმა თავდასხმამ ერთი გოლიც კი ვერ გაუტანა "ვერდერს" - კლუბს, რომელსაც ამ ტურამდე ყველაზე მეტი გოლი ჰქონდა გაშვებული. შესაბამისად, "ლევერკუზენი" "ბაიერნს" ისევ შვიდი ქულით ჩამორჩება და რეკორდმაისტერს ერთი მატჩით ნაკლები აქვს ჩატარებული. ერთი სიტყვით, საქმეს ისეთი პირი უჩანს, რომ მეორე წრეში "ბაიერნის" მდევრის პოსტი ვაკანტური იქნება.</p><p>- "ნიურნბერგმა" გამარჯვების მოპოვება ვერც მე-17 ტურში მოახერხა და ბუნდესლიგის ისტორიაში პირველი გუნდია, რომელმაც პირველი წრე მოგების გარეშე დაასრულა. "შალკესთან" 0:0-ის ანტიგმირი იოზიპ დრმიჩი გახლდათ, რომელმაც რამდენიმე რეალური საგოლე მომენტი ვერ გამოიყენა.</p><p>- "შალკეს" ნიურნბერგში მწვრთნელიც აკლდა (იენს კელერი ავად გახლდათ) და ლიდერი კევინ-პრინს ბოატენგიც (ტრავმა) და რა გასაკვირია, რომ გელზენკირხენელებმა უკიდურესად დუნე ფეხბურთი ითამაშეს.</p><p>- "ჰანოვერის" მთავარ მწვრთნელ მირკო სლომკას არცთუ სახალისო შობა-ახალი წელი ელის. "ფრაიბურგთან" წაგების (1:2) შემდეგ "ჰანოვერი" პირველი გუნდია ბოლო 25 წელიწადში, რომელმაც პირველი წრე ისე დაასრულა, რომ სტუმრად ერთი ქულაც ვერ აიღო. 25 წლის წინათ ასეთივე შედეგი ფრანკფურტის "აინტრახტს" ჰქონდა.</p><p>- "მაინცთან" წაგებით (2:3) "ჰამბურგმა" ზედიზედ მესამე მარცხი იწვნია და ისევ ბედოვლათობის გზას დაადგა. თანაც, ჩრდილოელებს ახლა უკვე 38 გოლი აქვთ გაშვებული, რაც ამ დროისთვის ბუნდესლიგაში ("ჰოფენჰაიმთან" ერთად) ყველაზე მეტია.</p><p>- "ჰამბურგის" კრიზისის სახე მარჯვენა მცველი რინკონია. ვენესუელელი "მაინცთან" მოედნიდან გააძევეს - ჯერ მაინცელების საგოლე მომენტი ხელით (!) გააუვნებელყო, მერე კი ოკაზაკი მოცელა. შედეგი: ორი ყვითელი და, შესაბამისად, წითელი ბარათი.</p><p><strong><span style="color: #ff0000;">პოზიტივები</span></strong></p><p>- ბევრს არ სჯეროდა, რომ ბერლინის "ჰერტა" დორტმუნდში მოიგებდა, მაგრამ მოიგო და გაირკვა, რომ ლევან კობიაშვილი ტყუილად არ იმუქრებოდა, დორტმუნდიდან სამი ქულა უნდა წავიღოთო. ლევანმა 90 წუთი ითამაშა და თანაც, დაცვის ცენტრში და ბერლინელთა შორის ერთ-ერთი გამორჩეული იყო სამი ალაგუისთან ერთად, რომელმაც ჯერ ადრიან რამოსს გაატანინა, მერე გოლი თვითონაც შეაგდო და მატჩის გმირი გახდა.</p><p>- ამრიგად, "ჰერტამ" ზედიზედ მესამე თამაში მოიგო მიმდინარე სეზონში, უკვე რვა გამარჯვება აქვს მოპოვებული და ელიტაში ახლახან დაბრუნებული გუნდი ცხრილში მეექვსე ადგილზე დამკვიდრდა, რაც ბერლინული კლუბისთვის ძალიან კარგი შედეგია. მაგრამ ჩანს, რომ "ჰერტას" მეტიც შეუძლია.</p><p>- ფრანკფურტელ ფანებს მიმდინარე სეზონის პირველ წრეში საზეიმო ბევრი არაფერი ჰქონდათ, რადგან "აინტრახტმა" ვერც ერთი საშინაო თამაში ვერ მოიგო, მაგრამ "აუგსბურგთან" მატჩისას (1:1) განსაკუთრებით კარგ ხასიათზე იყვნენ, რადგან ვეტერანი ოკა ნიკოლოვი გააცილეს.</p><p>- "გლადბახის" ლიდერმა რაფაელმა "ვოლფსბურგთან" (2:2) ულამაზესი გოლი გაიტანა და მიონხენგლადბახელები ცხრილში მესამე ადგილზე გადაიყვანა. "ბაიერნთან" ერთად, "გლადბახი" ერთადერთი კლუბია ბუნდესლიგაში, რომელმაც პირველ წრეში საკუთარ კედლებში ერთი თამაშიც კი არ წააგო.</p><p>- მიონხენგლადბახში მოპოვებული ქულით ვოლფსბურგელებმა წაუგებელი სერია 9 მატჩამდე გაზარდეს და მეხუთე ადგილი შეინარჩუნეს. ცნობისათვის, "ვოლფსბურგს" 17 ტურში 30 ქულა აქამდე არასდროს დაუგროვებია - არც მაშინ, როცა ფელიქს მაგათის ხელმძღვანელობით გერმანიის ჩემპიონი გახდა.</p><p>- ადმირ მეჰმედიმ "ფრაიბურგს" "ჰანოვერთან" 2:1 მოაგებინა (დუბლი) და ეს "ფრაისთვის" პირველი საშინაო გამარჯვებაა ამ სეზონში და ზედიზედ ხუთი ოფიციალური შეხვედრის წაგების შემდეგ. ბრაისგაუელებმა თვალებში გამოიხედეს.</p><p>- სასიცოცხლო მნიშვნელობის გამარჯვება იზეიმა "ბრაუნშვაიგმაც" - 1:0 "ჰოფენჰაიმთან".</p><p>- "მაინცმა" ჰამბურგში თამაში რომ შეატრიალა (3:2), ეს, პირველ რიგში, შინჯი ოკაზაკის დამსახურება გახლდათ, რომელმაც სამივე გოლში მთავარი როლი შეასრულა - ორი თავად გაიტანა, ერთიც ნიკოლაი მიულერს გაატანინა. აღსანიშნავია, რომ ეს ამ სეზონში იაპონელის მესამე დუბლია.</p><p><strong><span style="color: #ff0000;">XVII ტურის სიმბოლური ნაკრები ლელოს ვერსიით</p><p>(4-2-3-1)</span></strong></p><p><img src="pictures/artimages/image18/6b915402cb31bf660eaf56821fca6aa5.jpg" border="0" alt="Sportall.Ge" title="გერმანია. ბუნდესლიგა. XVII ტურის შეჯამება და სიმბოლური: "ბაიერნის" გარეშე უფრო საინტერესოა" /></p><p><strong><span style="color: #ff0000;">XVII ტურის გმირი</span></strong></p><p>ზაფხულში, კონფედერაციათა თასის გათამაშების დღეებში "მაინცის" მთავარი მწვრთნელი თომას ტუხელი კლუბის მენეჯერ კრისტიან ჰაიდელს ყოველდღე ერთსა და იმავე ტექსტურ შეტყობინებას უგზავნიდა: "მიყიდეთ შინჯი ოკაზაკი!" მწვრთნელი შიშობდა, რომ იაპონელს სხვა, უფრო მდიდარი კლუბებიც შეამჩნევდნენ და "მაინცში" აღარ გადავიდოდა. მოგვიანებით, იაპონიის ნაკრების ფეხბურთელმა "მაინცთან" კონტრაქტი გააფორმა და ტუხელმაც მშვიდად ამოისუნთქა - დარწმუნებული ვარ, რომ ძალიან მაგრად ითამაშებს და ბევრ გოლსაც გაიტანსო. გასულ უქმეებზე, "ჰამბურგთან" იაპონელმა დუბლი შეასრულა და 16 მატჩში 8 გოლი აქვს გატანილი.</p><p><strong>საუკეთესო ფეხბურთელები</strong></p><p>"კიკერის" შეფასებების მიხედვით</p><p>ფეხბურთელი კლუბი თამაში საშუალო შეფასება</p><p>1. ფრანკ რიბერი ბაიერნი 13 2.09</p><p>2. არიენ რობენი ბაიერნი 12 2.19</p><p>3. სიდნი სემი ლევერკუზენი 13 2.50</p><p>4. ბერნდ ლენო ლევერკუზენი 17 2.53</p><p>5. ტონი კროოსი ბაიერნი 16 2.54</p><p>6. ფილიპ ლამი ბაიერნი 14 2.58</p><p>7. მარკო როისი დორტმუნდი 17 2.59</p><p>8. რომან ვაიდენფელერი დორტმუნდი 15 2.67</p><p>9. მარკ-ანდრე ტერ შტეგენი გლადბახი 17 2.71</p><p>10. კევინ ფოლანდი ჰოფენჰაიმი 16 2.75</p><p>გოლს პლუს პასის რეიტინგი</p><p>ფეხბურთელი კლუბი თამაში გოლი პასი ქულა</p><p>1. რობერტ ლევანდოვსკი დორტმუნდი 17 11 6 17</p><p>2. მაქს კრუზე გლადბახი 17 8 7 15</p><p>3. ადრიან რამოსი ჰერტა 17 11 4 15</p><p>4. ფრანკ რიბერი ბაიერნი 13 6 9 15</p><p>5. შტეფან კისლინგი ლევერკუზენი 17 9 4 13</p><p>6. თომას მიულერი ბაიერნი 16 7 6 13</p><p>7. რაფაელი გლადბახი 17 9 4 13</p><p>8. მარკო როისი დორტმუნდი 17 8 5 13</p><p>9. რობერტო ფირმინო ჰოფენჰაიმი 16 8 5 13</p><p>10. რაფაელ ვან დერ ვაარტი ჰამბურგი 14 7 6 13</p><p><strong>ყოველდღიური სპორტული გაზეთი "ლელო"</strong></p><p><strong><span style="color: #ff0000;">ასევე იხილეთ:</span></strong></p><p><a href="/fexburti/uckhouri-fekhburthi/germania/58665-germania-bundesliga-xvii-turi-kidev-kargi-zamtharia-video.html" target="_blank">გერმანია. ბუნდესლიგა. XVII ტური: კიდევ კარგი, ზამთარია [VIDEO]</a></p>
40 წლის ნოიერი კარიერას ჯერ არ დაასრულებს
ტრავმირებული ნოიერი ოპტიმისტურადაა განწყობილი
"ლევანდოვსკი გასახდელში შემოვიდა თუ არა, ბარიოსმა მაშინვე სახეში დაარტყა" - "დორტმუნდის" ყოფილმა ნახევარმცველმა თანაგუნდელებს შორის მომხდარი კონფლიქტი გაიხსენა
ბასილაშვილი მეცის ჩელენჯერს ტრავმის გამო ჩაეხსნა
ისტორიული ზღვარი და დრამატული გამარჯვება - 4000 ქულა თორნიკე შენგელიას ევროლიგაში
მარკის რიდი მატჩის საუკეთესო მოთამაშეა - "ბაჰჩეშეჰირმა" იტალიაში "რომა" გაანადგურა
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
ლევან კობიაშვილი: მჯერა, რომ ამ გუნდს აქვს რესურსი, დაძლიოს არსებული სირთულეები და კიდევ ერთხელ აჩუქოს ჩვენს ქვეყანას ის ემოციები, რომლებიც ასე ძალიან დაგვაკლდა
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
CHANGE - ცვლილებების საჭიროება და ცვლილებები რეალური ცვლილებების გარეშე!..
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
"იქ ვართ, სადაც ვიმსახურებთ" - შევჩენკომ თქვა, რომ მიზანს ვერ მიაღწიეს, მაგრამ მალდერა ნაკრებში დარჩება
"არანაირი პრობლემა არ იქნება" - სკალონი მესის სამწვრთნელო შტაბში შესაძლო გაწევრიანებაზე
"საქართველოს ნაკრები კარგად გამოიყურებოდა" - რა თქვა ზაბარნიმ გუშინდელი მატჩის შემდეგ
[PHOTO] ახლო მეგობრები - უკრაინის ნაკრების წევრმა მატჩის შემდეგ საქართველოს ნაკრების ფეხბურთელთან გადაღებული ფოტო გამოაქვეყნა
სვანაძე: ასე გაგრძელება არ შეიძლება - გულშემატკივრების რეაქციას კარგი თამაშით უნდა ვუპასუხოთ
უკრაინელთა მწვრთნელი: საქართველო არაფრითაა უნგრეთზე ან უკრაინაზე სუსტი - აბსურდულ სიტუაციაში გავიმარჯვეთ
როგორი შეფასებები მიიღეს საქართველოს ნაკრების ფეხბურთელებმა უკრაინასთან მატჩში?
ჩრდილოეთ ირლანდია უნგრეთს ფრედ ეთამაშა და A დივიზიონში აღზევდა
[VIDEO] კატასტროფა - საქართველოს ნაკრებმა ერთა ლიგა გატანილი გოლის გარეშე, ბოლო ადგილზე დაასრულა
უკრაინასთან მატჩში საქართველოს ნაკრების შემადგენლობა ცნობილია
ლევან კობიაშვილმა უეფას აღმასრულებელი კომიტეტის სხდომაში მიიღო მონაწილეობა
"დავრჩები თუ არა "ბარსელონაში"? - ლევანდოვსკიმ საკუთარ მომავალზე ისაუბრა
ლიგის თასი. III რაუნდი: "ჩელსიმ" იწვალა, "არსენალმა" და "ლივერპულმა" გაილაღეს [VIDEO]
ყველაფერი შეთანხმდა - მარესკა "სიტის" ახალი მწვრთნელი გახდება
"ჩემი ყოფილი ცოლია, წარმოუდგენლად მიყვარს, მაგრამ ვნება დავკარგეთ..." - როგორ მიმართა ლეგენდარულმა გვარდიოლამ ფეხბურთელებს
იურგენ კლოპი: "ლივერპულს" ვურჩიე, ეს ფეხბურთელი არ შეეძინა
"ლევანდოვსკი გასახდელში შემოვიდა თუ არა, ბარიოსმა მაშინვე სახეში დაარტყა" - "დორტმუნდის" ყოფილმა ნახევარმცველმა თანაგუნდელებს შორის მომხდარი კონფლიქტი გაიხსენა
კვირა ციფრებში: გერმანელთა გამარჯვება იტალიელებზე... 21 წლის შემდეგ
ლევან კობიაშვილმა უეფას აღმასრულებელი კომიტეტის მუშაობაში მიიღო მონაწილეობა
საქართველო და სომხეთი ფეხბურთში 2029 წლის მსოფლიოს 20-წლამდელთა ჩემპიონატს უმასპინძლებენ
ოფიციალურად: ლევანდოვსკი კარიერას MLS-ში გააგრძელებს
10 მილიონი ევრო სეზონში - ლევანდოვსკი თურქეთში გადაბარგებასთან ახლოსაა
ოფიციალურად: მარესკა "სიტის" ახალი მთავარი მწვრთნელია
"გერმანია არასაკმარისად თეთრი" და "არასაკმარისად გერმანულია"? - კლოპმა კრიტიკოსებს უპასუხა
კლოპი გერმანიის ნაკრების ძირითადი მეკარის საკითხში ჩამოყალიბდა
"ახლა თქვენს გვერდით ყველაზე მეტად ვარ" - გვარდიოლა "სიტის" ფინანსურ დარღვევებთან დაკავშირებულ საქმეს გამოეხმაურა
ფერანი რჩება - "ბარსელონა" ტორესს ახალ კონტრაქტს გაუფორმებს
სტამბოლში უეფას აღმასრულებელი კომიტეტის სხდომა გაიმართა
ხვალ კლოპს გერმანიის ნაკრების მწვრთნელად გამოაცხადებენ
გვარდიოლას პასუხი იტალიელებს - შეთავაზებულზე ორჯერ მეტი გასამრჯელო
ლესტერ სიტი: "მელიების" ინგლისური სასწაული
"ამ სამუშაოს ჩემთვის კი არა, თქვენთვის დავთანხმდი. თუ ჩემს ოჯახს მიწასთან გაასწორებთ..." - კლოპმა გერმანიის ნაკრები ჩაიბარა
ლევან კობიაშვილი: მჯერა, რომ ამ გუნდს აქვს რესურსი, დაძლიოს არსებული სირთულეები და კიდევ ერთხელ აჩუქოს ჩვენს ქვეყანას ის ემოციები, რომლებიც ასე ძალიან დაგვაკლდა
გვარდიოლამ იტალიის ნაკრების ჩაბარებაზე უარი განაცხადა
კლოპმა განმარტა, რატომ უგულშემატკივრებს ელ კლასიკოში "ბარსელონას"
ლევანდოვსკის MLS-ში ტრანსფერი ჩაიშალა
"მისი მაშინდელი სიტყვები დღემდე არ მავიწყდება" - ლევან კობიაშვილი ალექსანდრე ჩივაძეზე