<p>ლუკას ჰუფნაგელის მეგობარი ლუკა ჩხაიძე საქართველოს მოქალაქეობასა და ნაკრებში მოხვედრას შენატრის</p><p><br> ევროპის 17-წლამდელთა ჩემპიონატის შესარჩევ ტურნირში საქართველოს ნაკრების ღირსება ლუკას ჰუფნაგელმა დაიცვა და ჩვენი გუნდის შემადგენლობაში ერთერთი გამორჩეულიც იყო. ქართველმა გულშემატკივარმა იგი უკვე კარგად გაიცნო, თუმცა მაინც შეგახსენებთ, რომ ჰუფნაგელი დედით ქართველია, მიუნხენის ”ბაიერნის" აღზრდილია და ახლაც მის 17-წლამდელთა გუნდში თამაშობს.</p><p>ამავე ასაკში და ამავე ქალაქში კიდევ ერთი ისეთი ფეხბურთელი ცხოვრობს, რომელიც დღემდე მიიჩნევა საქართველოს 17-წლამდელთა ნაკრების კანდიდატად. ლაპარაკია ”მიუნხენ 1860"-ის წევრ ლუკა ჩხაიძეზე, რომელსაც, მართალია, საქართველოში არასდროს უცხოვრია და მოქალაქეობაც გერმანიისა აქვს, მაგრამ მთელი გულით უნდა საქართველოს ღირსების დაცვა. ლუკამ კობა ჟორჟიკაშვილის გუნდის შემადგენლობაში ამხანაგურ მატჩებში ითამაშა და კარგი შთაბეჭდილებაც დატოვა, მაგრამ, ჰუფნაგელისგან განსხვავებით, მისთვის ქართული პასპორტის აღება აქამდე ვერ მოხერხდა და ჩვენი ნაკრების ოფიციალურმა შეხვედრებმაც ჩხაიძის გარეშე ჩაიარა.</p><p>”ლელოსთან" საუბარში ლუკამ კიდევ ერთხელ დააფიქსირა საქართველოს ნაკრებში თამაშის სურვილი და იმედი გამოთქვა, რომ გაისად გაზაფხულზე გასამართ ელიტრაუნდამდე საქართველოს მოქალაქეობას მიიღებს. ”იურიდიულ დეტალებში ვერ ვერკვევი, მაგრამ ზოგადად ვიცი, რომ ამ საკითხზე მუშაობა გრძელდება და სულაც არაა გამორიცხული, ქართული პასპორტი ელიტრაუნდამდე გადმომცენ. ამ საკითხს კი ის ართულებს, რომ, მართალია, დედაც ქართველი მყავს და მამაც, მაგრამ ორივე გერმანიის მოქალაქეა", - გვითხრა ჩხაიძემ.</p><p>საქართველოს 17-წლამდელთა ნაკრებში თამაშის სურვილი კი მას უდიდესი აქვს: ”როგორ არ უნდა მქონდეს?! მე ხომ ქართველი ვარ იმის მიუხედავად, რომ ქართულად ლაპარაკი მიჭირს. ვერ წარმოიდგენთ, როგორ მინდა საქართველოს ნაკრების მაისურით თამაში და ძალიან ბედნიერი ვიქნები, თუ ეს პატივი მხვდა წილად. ქართული პასპორტის მიღების შემთხვევაშიც კი დიდი შრომა დამჭირდება იმისთვის, რომ ნაკრების ძირითად შემადგენლობაში მოვხვდე. მერე რა, რომ გერმანიაში ვთამაშობ. საქართველოს ნაკრები ძლიერი გუნდია და იქ კონკურენცია ყველა რგოლში ძალიან მაღალია".</p><p>ჩხაიძე და ჰუფნაგელი ახლო მეგობრები არიან. ლუკასმა ლუკას თბილისში ჩატარებული შესარჩევი ტურნირის შესახებაც გაუზიარა შთაბეჭდილებები: ”ლუკასმა თბილისური ამბები დეტალურად მომითხრო. აღფრთოვანებულია იმ ატმოსფეროთი, სტადიონზე რომ იყო. საქართველოს ნაკრები ძლიერი გუნდია და ჯგუფიდან დამაჯერებლად გავიდა, ამაში კი გულშემატკივრებმა დიდი როლი ითამაშეს. ჰუფნაგელი სასიამოვნოდ გაოცდა იმ სითბოთი და სიყვარულით, რაც მის მიმართ ქომაგებმა და თანაგუნდელებმა გამოიჩინეს".</p><p>ჩხაიძემ საქართველოს 17-წლამდელთა ნაკრების შემადგენლობაში სომხეთში გამართულ შეხვედრებში ითამაშა, სადაც თავდასხმაში გაამწესეს. როგორც გავიგეთ, ლუკა ”მიუნხენში" უფრო ხშირად სხვა პოზიციაზე თამაშობს: ”უმეტესად შემტევი ნახევარმცველი ვარ ხოლმე, მაგრამ დროდადრო მეორე ფორვარდის ფუნქციებსაც ვასრულებ. ოღონდ ქართული პასპორტი ავიღო და ვითამაშებ იმ პოზიციაზე, რომელიც საქართველოს ნაკრებს დასჭირდება".</p>
U21 | საქართველო V ჩრდილოეთ ირლანდია - მატჩისწინა ვარჯიში წყალტუბოში
ახალი შესარჩევის პირველი ტური - ახალგაზრდულმა ჩრდილოეთ ირლანდიასთან მატჩისთვის მზადება დაიწყო
19-წლამდელები საბერძნეთს უმასპინძლებენ - შემადგნელობა და მატჩების განრიგი
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
შენგელია: გასაკვირია ჯიკიჩი ევროლიგის გუნდს რომ არ წვრთნის
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
[VIDEO] გამარჯვებების დღე - საქართველოს ფეხბურთელთა ნაკრებმა ბულგარეთს დამაჯერებლად მოუგო!
[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია