შტეფანი და მიშა წამოდგნენ

ლევერკუზენში ამ დუეტის იმედი აქვთ ლევერკუზენში არც მწვადს წვავენ და არც შამფურს, ამბობენ, რომ 14 ტურის შემდეგ მესამე ადგილზე ყოფნით უაღრესად კმაყოფილები არიან და მხოლოდ თავიანთ პროგრამაზე ცდილობენ კონცენტრირებას. პრინციპში, სხვა რამეს აზრიც არ აქვს. მეორე ადგილზე მყოფ „მაინცს“ „ფარმაცევტები“ უკვე ოთხი ქულით ჩამორჩებიან, ლიდერ „დორტმუნდს“ კი სულაც 11 ქულით. სამაგიეროდ, იუპ ჰაინკესის გუნდს „ჰანოვერი“ და „ბაიერნი“ „სათოფეზე მიუახლოვდნენ“, არც „ჰოფენჰაიმია“ შორს.სწორედ „ჰოფესთან“ ითამაშა „დონ იუპის“ გუნდმა შაბათს 2:2 და ეს იყო ფრე, რომელსაც კაპიტანი სიმონ როლფესი წაგების ტოლფს ყაიმს უწოდებს. საქმე იმაშია, რომ „ლევერკუზენი“ იგებდა და „ჰოფენჰაიმმა“ ანგარიში მსაჯის მიერ დამატებულ ბოლო წუთზეღა გაათანაბრა. გონსალო კასტრო თავ-ბედს იწყევლის, ჩემი ბრალიაო და ეს უკანასკნელი სპორტულმა დირექტორმა რუდი ფიოლერმაც გააკრიტიკა, ტაქტიკურად უპატიებელი შეცდომა დაუშვაო. მაგრამ დაკარგული ორი ქულა რომ მხოლოდ კასტროს ბრალი არაა, ეს ფიოლერმაც კარგად იცის და მწვრთნელმა ჰაინკესმაც, რომელმაც თქვა კიდეც, სავსებით სამართლიანად დავისაჯეთ, რადგან „ჰოფენჰაიმს“ ბოლოს წინააღმდეგობას ვეღარ ვუწევდით, ფაქტი იყო, რომ მეტოქე ქულას იმსახურებდაო.ბუნდესლიგის მესამეადგილოსნიდან მთავარი და ყველაზე საინტერესო ის არის, რომ შტეფან კისლინგმა და მიხაელ ბალაკმა ვარჯიში განაახლეს. შეგახსენებთ, რომ 26 წლის კისლინგი მეოთხე ტურის მერე იყო ტრავმირებული, 34 წლის ბალაკი კი მესამე ტურის მერე. როდის შეძლებენ კისლინგი და ბალაკი მოედანზე გასვლა, ეს ჯერ ზუსტად მაინც არ არის ცნობილი.კევინის გროსკონტრაქტიაგერ უკვე ორ თვეზე მეტია, რაც დორტმუნდის „ბორუსიას“ მრავლისმნახველი ქომაგების ბედს ძაღლი არ დაჰყეფს - ვესტფალიური კლუბიდან და მის გარშემო ბოლო დროს მხოლოდ დადებითი ინფორმაციები ვრცელდება და თანაც, ძალიან ბევრი. აი, მაგალითად კიდევ ერთი ისეთი ცნობა, რომელიც შავ-ყვითლების ფანებს ძალიან გაახარებს: მიონხენგლადბახის „ბორუსიას“ განადგურებიდან (4:0) ერთი დღის შემდეგ, დორტმუნდელებმა 22 წლის უნიჭიერეს ნახევარმცველ კევინ გროსკროიტცს ახალი კონტრაქტი გაუფორმეს. ნახევარმცველმა, რომელიც უკვე გერმანიის ნაკრებსაც უშინაურდება (2 მატჩი ბუნდესგუნდში), 2012 წლამდე გაფორმებული ხელშეკრულების განახლებას და გაგრძელებას მოაწერა ხელი, რის შედეგადაც, BVB-ს თავისი ბედი 2014 წლამდე დაუკავშირა.დორტმუნდში დაბადებული და გაზრდილი გროსკროიტცი „ბორუსიაში“ 2009 წელს, მეორე ბუნდესლიგურ „ალენიდან“ გადავიდა. დღეს კევინი „ბორუსიას“ ერთ-ერთი უმთავრესი ფიგურაა. „ბილდის“ ინფორმაციით, გროსკროიტცის ხელფასი ორჯერ გაიზარდა - თუ აქამდე წელიწადში 600 000 ევროს იღებდა, ამიერიდან 1.2 მილიონს მიიღებს.შეგახსენებთ, რომ წინა კვირაში დორტმუნდთან კონტრაქტი გუნდის მთავარმა მწვრთნელმა იურგენ კლოპმაც გაახანგრძლივა (ასევე 2014 წლამდე). „ბორუსიას“ შეფებს ამ სეზონში ახალი კონტრაქტების გაფორმება მარსელ შმელცერთან, მეკარე რომან ვაიდენფელერთან და მცველ პატრიკ ოვომოიელასთან აქვთ დაგეგმილი.უგო და მარიკა დასაჯეს„შტუტგარტის“ რუმინელ თავდამსხმელ ჩიპრიან მარიკას მსაჯის შეურაცხყოფა ძალიან ძვირად დაუჯდა. გერმანიის საფეხბურთო კავშირის სადისციპლინო კომისიამ მას 50 000 ევროს გადახდა დააკისრა და თან სამმატჩიანი დისკვალიფიკაციაც მიუსაჯა, რაც იმას ნიშნავს, რომ გერმანიის ჩემპიონატის პირველი წრე მარიკასთვის უკვე დასრულებულია. რაც შეეხება დანაშაულს: მარიკა „ჰამბურგთან“ მატჩის მე-15 წუთზე გააძევეს, რადგან მთავარ არბიტრ ვოლფგანგ შტარკს „არშლოხი“ უწოდა. ვფიქრობთ, ეს სიტყვა თარგმანს არ საჭიროებს.აქვე გეტყვით, რომ სამმატჩიანი დისკვალიფიკაცია მიიღო „ვერდერის“ პორტუგალიელმა თავდამსხმელმა უგო ალმეიდამაც, რომელიც ბუნდესლიგის გასულ თურში ასევე გააწითლეს, ოღონდ არა მსაჯის შეურაცხყოფის, არამედ მეტოქე გუნდის ფეხბურთელთან არასპორტული მოპყრობისთვის. მარიკასგან განსხვავებით, ალმეიდასთვის ფულადი ჯარიმა არ დაუკისრებიათ.ფინკე იაპონიიდან იბარგებაცნობილი გერმანელი მწვრთნელის, ფოლკერ ფინკეს იაპონური კარიერა მთავრდება. გუშინ გავრცელებული და ოფიციალურად დადასტურებული ინფორმაციის თანახმად, 62 წლის სპეციალისტი იაპონურ კლუბ „ურავა რედ დაიმონდსთან“ ახალ კონტრაქტს არ გააფორმებს, მოქმედ ხელშეკრულებას კი ვადა წლის ბოლოს, ერთ თვეში გასდის და ეს ყველაფერი იმას ნიშნავს, რომ ფინკე ორწლიანი მოღვაწეობის შემდეგ იაპონიიდან წავა. „იაპონიაში დიდი და ძალიან საჭირო გამოცდილება მივიღე, ახლა კი დროა, რომ სამშობლოში დავბრუნდე,“ - უთხრა ფინკემ ჩვენს გერმანელ კოლეგებს. შეგახსენებთ, რომ სანამ იაპონიაში წავიდოდა, ფოლკერი საქართველოს ნაკრების მთავარი მწვრთნელის პოსტზე მუშაობის კანდიდატიც იყო.

"ბაიერნი" "რეალს" და "მანჩესტერ სიტის" ფეხბურთელს მხოლოდ სარეკორდო თანხად მიჰყიდის

შესაძლოა, შეთავაზება ზამთარშივე გააკეთონ - “ბაიერნს” კოსოვოელი ფორვარდი სურს

კლუბს ეს უკვე აცნობა - ადეიემის ცოლის გამო "დორტმუნდის" დატოვება სურს

ტერ შტეგენი გუნდს გამოიცვლის, თუმცა კატალონიაში დარჩება

სერხიო რამოსი შეიძლება საფრანგეთში დაბრუნდეს

სასაჩუქრე ნაკრებები მამაკაცისთვის - PSP-ში საახალწლო ფასდაკლება გელოდებათ

"ლიგის ფინალიდან რამდენიმე თვის შემდეგაც ამ მატჩზე ფიქრობდა" - ვისენსმა გავრდიოლასთან მუშაობის პერიოდი გაიხსენა

"ფლორენტინო პერესმა საფეხბურთო სამყარო შეცვალა" - რონალდომ "რეალის" პრეზიდენტის მიმართ უდიდესი პატივისცემა გამოხატა

ერთ ნაბიჯში "სიტისთან" - დღეს სემენიო "ბორნმუთში" სავარაუდოდ, ბოლო მატჩს ჩაატარებს

"ეს ძალიან რთული დრო იყო, ერთი გუნდი არ ვიყავით" - ვიტინიამ პსჟ-ში მძიმე პერიოდი გაიხსენა

"რომამ" მარტივად მოიგო და მე-4 ადგილზე გადავიდა

საქართველოს ნაკრებმა სეზონის ბოლო მატჩში საუდის არაბეთთან ფრედ ითამაშა

სპერციანი სერია A-ში - "ინტერში" სომხური დუეტი იქნება?

7-კაცა | გიორგი ნოზაძე - შეიყვარე და გამოგვყევი

"შახტარს" აზაროვი და კიდევ შვიდი ფეხბურთელი დატოვებს

სუპერლიგის პირველი წრე დრამატული მატჩით დასრულდა – ორბმა რუსთავი ოვერტაიმში დაამარცხა

ხორდი კრუიფი "აიაქსის" სპორტულ დირექტორად დაინიშნა

"გერმანია და ბრაზილია ტოპ 5-ში არ არიან" - კროოსმა მსოფლიო ჩემპიონატის ფავორიტები დაასახელა

ედინსონ კავანიმ ფეხბურთელის კარიერა დაასრულა

ხვიჩა კვარაცხელია „არქის“ მასშტაბური პროექტის, „გრანდ ავენიუს“ ინვესტორი და პარტნიორი გახდა

[VIDEO] მამუკელაშვილის 22 წუთი და ბარნსის საოცარი მატჩი - "ტორონტომ" "გოლდენ სტეიტი" ოვერტაიმში დაამარცხა

ქოჩორაშვილი შეცვლაზე შევიდა - "სპორტინგმა" ადვილად გაიმარჯვა

"ინშალა". გოლი ყოველ 5 წუთში "რეალის" კარში - ლაპორტამ თქვა, რა არის სამოთხე