<p>რა ბედი ელის აზერბაიჯანის თავისუფალი სტილით მოჭიდავეთა ნაკრების სამწვრთნელო შტაბის ქართველ წევრს - დავით ხურციას? <br> შეგახსენებთ, რომ ის მსოფლიოს ჩემპიონატის შემდეგ დაინიშნა აზერბაიჯანელთა ერთ-ერთ მწვრთნელად და კონტრაქტი რიო დე ჟანეიროს ოლიმპიადის ჩათვლით გაუფორმეს.</p><p>ამიტომ არ გვეგონა, ეს კითხვა ოლიმპიადის დასრულებამდე თუ დადგებოდა. მისი შეცვლის საკითხი პრინციპულად არც ახლა დამდგარა, მაგრამ გამორიცხულიც არაა, ოღონდ არა კვალიფიკაციის, არამედ სულ სხვა მიზეზით.</p><p>საქმე ისაა, რომ აზერბაიჯანელთა ბულგარელი მთავარი მწვრთნელი სემენ ჩტერევი ბულგარეთის ჭიდაობის ფედერაციის პრეზიდენტობის კანდიდატია.</p><p>იქ არჩევნები მარტში ტარდება და მანამდე ხურციას არაფერი ემუქრება, მაგრამ თუ ჩტერევი გაიმარჯვებს, ცხადია, აზერბაიჯანელებიც ახალ მწვრთნელს მოიყვანენ, იმან კი, არაა გამორიცხული, სხვა მწვრთნელები მოიწვიოს.</p><p>ბულგარული ფედერაციის პრეზიდენტის პოსტი მას შემდეგ გახდა ვაკანტური, რაც თანამდებობიდან გადადგა იქაურთა ლეგენდარული ფალავანი, ევროპა-მსოფლიოს შვიდ-შვიდგზის და 1996 წლის ოლიმპიადის ჩემპიონი ვალენტინ იორდანოვი. ის ყოველგვარი წინაისტორიების გარეშე წავიდა, რაც მოწმენდილ ცაზე მეხის გავარდნად აღიქვეს.</p><p>იორდანოვი ფედერაციაში 1998 წლიდანაა, საქმეს შეუდგა ფრიად კრიტიკულ ვითარებაში, ფინანსური გაჭირვების პერიოდში, მაგრამ იქაურობა მოკლე ხანში დიდ სიმაღლეზე აიყვანა.</p><p>შარშანდელი სეზონი ამ მიღწევების გვირგვინი გამოდგა - ბულგარეთის საუკეთესო სპორტსმენად ბერძნულ-რომაულ ჭიდაობაში ევროპისა და მსოფლიოს ჩემპიონი ივო ანგელოვი (60) დაასახელეს (ახლახან ის ბალკანეთის საუკეთესო სპორტსმენის გამოკითხვაშიც მესამე ადგილზე გავიდა), საუკეთესო მწვრთნელად კი ამავე ნაკრების სომეხი დამრიგებელი, ორგზის ოლიმპიური ჩემპიონი არმენ ნაზარიანი.</p><p>და აი, ამ დროს, ყველასათვის მოულოდნელად, იორდანოვი გადადგა! რას ვიზამთ - ეს ის კაცია, რომელმაც პირველმა დაუბრუნა ოლიმპიური ოქროს მედალი სოკ-ს, როცა ჭიდაობის ოლიმპიადის პროგრამიდან ამოღების საკითხი დადგა.</p><p>მე თუ მკითხავთ, მას პროტესტი სოკ-ისადმი კი არა, ფილა-სადმი უნდა გამოეხატა, მაგრამ, ეტყობა, იორდანოვი ასეთი არაორდინარული კაცია - ფალავნობაში გამორჩეული ჩინოვნიკობაშიც განსხვავებულია, არაა სკამს ჩაბღაუჭებული.</p><p><em></p><p>"ყველაფერს აქვს დასასრული. ვფიქრობ, რომ ახლაა წასვლის დრო, ბულგარული ჭიდაობის წარმატების სეზონში. მე ჩემი მისია შევასრულე"</em> - ასე დაემშვიდობა სპორტულ სამყაროს იორდანოვი.</p><p>აღსანიშნავია, რომ ჩტერევმა ლონდონის ოლიმპიადის შემდეგ სწორედ მასთან კონფლიქტის შედეგად დატოვა ბულგარეთის თავისუფლად მოჭიდავეთა ნაკრების მწვრთნელის პოსტი.</p><p>სავარაუდოდ, ამის მიზეზი ბრიტანეთში მათი წარუმატებლობა იყო - ბულგარელმა "თავისუფლებმა" იქ ერთი მედალიც ვერ მოიპოვეს. სწორედ ამის შემდეგ მიიწვიეს ჩტერევი აზერბაიჯანში, სადაც მას სავარჯიშოდ პირადი შეგირდი ქალი, ევროპისა და მსოფლიოს ხუთ-ხუთგზის ჩემპიონი სტანკა ზლატევა (72) გაჰყვა, რომელიც სამი ცდიდან ორჯერ გავიდა ოლიმპიადის ფინალში, მაგრამ ოქროს მაინც ვერ შესწვდა.</p><p>სხვათა შორის, ზლატევა იორდანოვსა და ჩტერევს შორის მორიგ "შავ კატად" იქცა - აზერბაიჯანელებს მისი გადაბირება ჯერ კიდევ ოლიმპიადამდე სურდათ, სანაცვლოდ კი 1 მილიონ დოლარს ბულგარულ ფედერაციას უხდიდნენ, ზუსტად ამდენივეს - თავად სპორტსმენს სთავაზობდნენ. მაშინ ეს შეთავაზება ზლატევამ პატრიოტული მოტივით უარყო და ფედერაციამაც თავი შორს დაიჭირა, მაგრამ ჩტერევის გადაბირების შემდეგ საკითხი კვლავ გააქტიურდა.</p><p>იორდანოვი სასტიკი წინააღმდეგი იყო, ის თუნდაც სავარჯიშოდ გაეშვა და ამაზე თანხების გამოყოფას არ აპირებდა, თუმცა ზლატევა საკუთარი სახსრებით მაინც წავიდა ბაქოში.</p><p>აი, ასეთია ამჟამინდელი ვითარება. დაველოდოთ მოვლენათა განვითარებას და დავიტოვოთ იმედი, რომ ხურციას არ მოუწევს ახალი სამსახურის ძიება, ხოლო ბრაზილიაში, ოლიმპიადაზე მსოფლიოს ამ ერთ-ერთ წამყვან ნაკრებს ქართველიც ჩაიყვანს და მათ მოსალოდნელ წარმატებაში დიდ წილსაც დაიდებს. მაღალკვალიფიციური ქართველი მწვრთნელები საზღვარგარეთ არც ისე ბევრნი არიან, თუმცა ჭიდაობა გამონაკლისია.</p><p>თავის მხრივ, ხურციას მიწვევაც ამ წამყვანი გუნდის ინტერნაციონალურ სამწვრთნელო შტაბში ჩვენი აღიარებაა და რაც უფრო დიდხანს დაჰყოფს იქ ჩვენებური, მით უკეთესი.</p><p><strong>ყოველდღიური სპორტული გაზეთი "ლელო"</strong></p>
გივი მაჭარაშვილმა და აკაკი ქემერტელიძემ ევროპის ჩემპიონატზე ბრინჯაოს მედლები მოიპოვეს
[VIDEO] მაჭარაშვილი და დინგაშვილი ევროპის ჩემპიონატზე ბრინჯაოს მედლებისთვის იბრძოლებენ
თავისუფალი ჭიდაობა. მაჭარაშვილი და დანგაშვილი ევროპის ჩემპიონატის ნახევარფინალში იასპარეზებენ
რომელ ვარსკვლავზე გააკეთებს პერესი 150-მილიონიან შეთავაზებას - The Telegraph-მა ეს ფეხბურთელი დაასახელა
20 წ. | ვინ მოდის საქართველოში - აშშ
ანტმანი: თუ შანსებს ვერ იყენებ, ამით მეტოქე სარგებლობს
ბაჰრეინთან მატჩში საქართველოს ნაკრების შემადგენლობა ცნობილია
რობერტსონი "ლივერპულიდან" "ტოტენჰემში" გადავიდა
BILD: აი, ასე დასცინოდა სლოტი "ლივერპულის" ახალწვეულებს
პალიკო ჯიმშელაძე ბორჯღალოსნებში ბრუნდება!
ვინგსმა ჰიუნდაი დაამარცხა და ფინალში ვსა-ს შეუწყვილდა | რა ხდება ასაკობრივ A ლიგებში?
"მე კი წავედი, მაგრამ მის ადგილას კარგად დავფიქრდებოდი" - კოულმა კალაფიორის "რეალში" შესაძლო ტრანსფერზე ისაუბრა
"შავი ლომი" | "ტოიოტა ჩელენჯს" "აირლინკ პუმასით" ვიწყებთ
კიტეიშვილი: სანაკრებო დონეზე შედეგები მარტივად არ მიიღწევა და ამისთვის მზად უნდა ვიყოთ
ოფიციალურად - "ლივერპული" ირაოლამ ჩაიბარა
U21 | აშშ V საქართველო - მატჩისწინა ვარჯიში ბრანსკოში
არც კოშტა და არც სვილარი - პსჟ იტალიელ მეკარეს დაიმატებს
Le Parisien: პსჟ-მ ბატრაკოვთან დაკავშირებით გადაწყვეტილება მიიღო
20 წ. | ვინ მოდის საქართველოში - ესპანეთი
ქალთა ნაკრები ფარერის კუნძულების ეროვნულ გუნდს უმასპინძლებს
ვან დერ ვაარტმა მიანიშნა, რომ რუსებმა ევროპირველობაზე დოპინგი მიიღეს
მატჩის დღე! ბაჰრეინთან "მამარდას" გარეშე და "კვარასთან" ერთად
ვლაჰოვიჩი "იუვენტუსს" თავისუფალი აგენტის სტატუსით დატოვებს