ნიკოლოზ ბასილაშვილის დუბლი გერმანიის ტურნირზე

ქართველმა ჩოგბურთელმა გერმანიაში, 15.000-იან საერთაშორისო ტურნირზე კვარცხლბეკის უმაღლესი საფეხური ორჯერ დაიპყრო ახალი სეზონი შესანიშნავი შედეგით დაიწყო საქართველოს ჩოგბურთელ ვაჟთა ლიდერმა ნიკოლოზ ბასილაშვილმა - გერმანიაში, 15.000-იან საერთაშორისო ტურნირზე ორჯერ დაიპყრო კვარცხლბეკის უმაღლესი საფეხური.ერთეულთა თანრიგის სტარტზე, როგორც გაუწყეთ, იოლად სძლია კარენ ხაჩანოვს (რუსეთი) - 6:1, 6:4, შემდეგ ტურნირის რეიტინგფავორიტი ნილს დესეინი (ბელგია) ჩამოიშორა გზიდან - 6:4, 6:3. მეოთხედფინალში ჩვენებურს ვერც ჩეხმა მარეკ მიხალიკამ გაუწია სათანადო წინააღმდეგობა - 6:7, 3:6. ნახევარფინალში ბასილაშვილმა ასეთივე ანგარიშით მოუგო ბულგარელ დიმიტარ კუტკოვსკის.26 იანვარს გადამწყვეტი პაექრობის პირველი სეტი მე-2 ნომრად განთესილ მილოსლავ მეჩირთან (სლოვაკეთი) ბასილაშვილმა 2:6 წააგო, მაგრამ მომდევნო ორში იყოჩაღა (7:5, 6:3) და პირველი ადგილი დაიკავა. წინა დღეს მსგავს წარმატებას მიაღწია წყვილებში ბელორუს ალექსანდრე ბურისთან ერთად. ქართულ-ბელორუსულმა დუეტმა აქაც შეუფერხებლად განვლო მთელი ტურნირი: მე-4 ნომრად განთესილმა ნიკოლოზმა და ალექსანდრემ ჯერ გერმანელებს - კარლ და ტილ ვაგნერებს მიუჩინეს ადგილი მაყურებლებში - 6:3, 6:1, შემდეგ მათ გზას გაუყენეს "უაილდ ქარდით" მიწვეული მასპინძლები - დავიდ ეისენზარფი და სტივენ გრივენი, ნახევარფინალში მათ მე-2 ნომრად განთესილი კარენ ხაჩანოვი (რუსეთი) და დენის მაცუკევიჩი (ორივე-რუსეთი) დაამარცხეს - 6:4, 6:4. ფინალში ულაძიმირ იგნატიკისა (ბელარუსი) და დიმიტარ კუტროვსკის (ბულგარეთი) ტანდემი დაჯაბნეს - 4:6, 6:4, 10:6.ქართველი ჩოგბურთელის სარეიტინგო მონაგარი 27 ქულით გაიზრდება. სავარაუდოდ, ბასილაშვილი ისევ გერმანიაში რჩება და სამშაბათიდან ახალ, 15.000-იან საერთაშორისო ტურნირში ჩაებმება.* * *დეიტონა ბიჩის (აშშ) ქალთა საერთაშორისო ტურნირში (საპრიზო ფონდი 25.000 დოლარი) პირველ ნომრად იყო განთესილი თბილისელი ანა ტატიშვილი. რეიტინგფავორიტის სტატუსის შესაბამისად, ქართველმა სპორტსმენმაც ზედიზედ ჩამოიშორა გზიდან დია ევტიმოვა (ბულგარეთი, 5:0, მერე ტრავმის გამო მეტოქემ პაექრობა ვერ განაგრძო), ასია მუჰამადი (აშშ, 6:0, 6:4), ტეილორ თაუსენდი (აშშ, 7:5, 6:1), ნახევარფინალში ლაურა ზიგმუნდს (გერმანია, 2:6, 6:3, 6:2) გადაუღობა კვარცხლბეკისკენ მიმავალი გზა, ხოლო 26 იანვარს, ფინალში მე-4 ნომრად განთესილ 18 წლის ამერიკელს, რეიტინგით 255-ე ადგილზე მყოფ ალი კიიკს დაუპირისპირდა.ქართველმა ჩოგბურთელმა გადამწყვეტი პაექრობაც ჩვეული ოსტატობით წარმართა და ოთხი წლით უმცროს მეტოქეს წარმატების ყოველგვარი იმედი გადაუწურა - ორ სეტში სძლია მას 6:1, 6:3 და პირველი ადგილი დაიკავა, რითაც საკლასიფიკაციო მსოფლიო რეიტინგს 50 ქულით გაიმდიდრებს.* * *არაბთა გაერთიანებულ საემიროებში ცდიდა ძალებს თამარ კუტუბიძე. წინა კვირას მან, ეკატერინა კუნინასთან ერთად, წყვილებში აბუ დაბის ახალგაზრდული ტურნირი მოიგო. ამჯერად მსგავს წარმატებას ვერ მიაღწია, მაგრამ არც ცუდად უასპარეზია.წყვილებში აინურ სულეიმენოვასთან (ყაზახეთი) ერთად მეორე წრეში რუსებთან - ანასტასია ხიკალკინასა და რალინა კალიმულინასთან დამარცხდა - 2:6, 6:4, 9:11. სამაგიეროდ, ერთეულებში ნახევარფინალს უწია: სტარტზე ამინა ანშბას (რუსეთი) სძლია - 6:2, 6:2, მერე მე-5 ნომერი ალინა ზუბკოვა (ბელორუსი) დაამარცხა - 6:4, 6:7, 6:3, მის გზას გაუყენა მე-4 ნომრად განთესილი ინდოელი სანჯაია შუდჰირი - 2:6, 6:2, 6:3, ნახევარფინალში კი ედენ რიჩარდსონთან (დიდი ბრიტანეთი) წააგო - 4:6, 4:6.ყოველდღიური სპორტული გაზეთი "ლელო"

giorgi93

ნიკუშას ვულოცავ .ჯიგარია.მაგრამ ეს ნიკას ფოტო არ არის,იქნებ ნიკას ფოტო დადოთ

"შავი ლომი" ირლანდიაში 0:52 დამარცხდა

[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ

[VIDEO] მაგიური დუელი ტურინში - სინერმა ალკარასი დაამარცხა

ზამთრის სერიებისა და წლის ბოლო 3×3 საკალათბურთო ტურნირის გამარჯვებული არგო გახდა

იმედები ვერ გაამართლა - "ატლეტიკო" სორლოტის გაყიდვას ეცდება

დეკემბერში პსჟ-ს საუკეთესო ფეხბურთელად საფონოვი დაასახელეს

"ბაიერნი" "რეალს" და "მანჩესტერ სიტის" ფეხბურთელს მხოლოდ სარეკორდო თანხად მიჰყიდის

ფუტსალი | საქართველოს ნაკრები სომხეთთან დამარცხდა

"რა კრიზისზე საუბრობთ? მათ ხომ კონტე ჰყავთ" - კაპელომ "ნაპოლიზე" ისაუბრა

ბასტონიმ შესაძლოა, "ინტერი" დატოვოს - იტალიელის გადასაბირებლად ორი გრანდი იბრძვის

კარგი ამბავი - ბათუმის "დინამოს" ახალი მფლობელი ჰყავს

უარი "ჩელსის, "ლივერპულსა" და "მანჩესტერ იუნაიტედს" - სემენიომ არჩევანი სხვა ინგლისურ გრანდზე შეაჩერა

[VIDEO] ახალწვეული კუპერ ფლეგისა და ენტონი დევისის ბრწყინვალე მატჩი - "დალასმა" ნიკოლა იოკიჩის "დენვერი" დაამარცხა

[VIDEO] მამუკელაშვილის 4 სამქულიანი და კარგი მატჩი - სანდრომ "ტორონტოს" ძირითად შემადგენლობაში ითამაშა

საზონოვს მალე, ალბათ, "ტორინოს" დატოვება მოუწევს

დასაევი: საფონოვი რა, ასეთი დიადია?

სანდრო ალთუნაშვილი "ჰაპოელის" ფეხბურთელი გახდა

ოფიციალურად - "ლიონმა" "რეალისგან" ენდრიკი ინათხოვრა

სპორტის სამინისტრომ 2025 წლის საუკეთესო სპორტსმენები დაასახელა

პსჟ-ს ტრავმის გამო შემტევი გამოაკლდა

ლევან კობიაშვილმა ფიფას კომიტეტის სხდომას უხელმძღვანელა

ტიკნიზიანი: სომხეთის დედაქალაქი მაიამია - ყოველ სომეხს აშშ-ს პასპორტი უნდა ჰქონდეს

პსჟ-ს და კვარაცხელიას უნიკალური მიღწევა - ამითაა ლუის ენრიკეს გუნდი გამორჩეული

3 ოპერაციის შემდეგ ანა ტატიშვილი დიდ ჩოგბურთს უბრუნდება

განახლებული რეიტინგით - სოფიო შაფათავა ჩეხეთის 50-ათასიან ტურნირში ითამაშებს

ანა ტატიშვილი: ახლა "უპატრონო მოთამაშე" აღარ ვარ

ბასილაშვილი შანხაის მასტერსის ძირითად ბადეში შევიდა და ასეულში დაბრუნდა

ბასილაშვილი ფორმაში შედის - ATP-ის ტურნირის მეოთხედფინალში გავიდა და ასეულში დაბრუნების შანსი აქვს

ბასილაშვილი ჩენდუს ტურნირის მერვედფინალში გავიდა

ავსტრალიის ღია პირველობა. II დღე: ამჯერად მშვიდი დღე

ᓨᓕ

ნიკოლოზ ბასილაშვილი ჩინური ტურნირის პირველივე წრეში დამარცხდა

"ძალიან მტკივნეული გადაწყვეტილება მივიღე, მაგრამ..." - ანა ტატიშვილი განცხადებას ავრცელებს

მაკა ჩახნაშვილი იტალიის ტურნირის ნახევარფინალშია

ანა ტატიშვილმა მესამე ოპერაცია გაიკეთა

ბასილაშვილი ჩილიჩთან დამარცხდა და ჯოკოვიჩთან კიდევ ერთხელ დაპირისპირების შანსი დაკარგა