დელ ნერი: გაძლიერება აუცილებელია

“კატანიასთან” გასვლაზე მოპოვებული გამარჯვების შემდეგ “იუვენტუსისის” თავკაცმა ბრიფინგი გამართა “კატანიასთან” გასვლაზე მოპოვებული გამარჯვება “იუვენტუსისთვის” მართლაც რომ უმნიშვნელოვანესი იყო - ტურინულმა გრანდმა 27 ქულას მოუყარა თავი, ლიდერს ექვსი ქილით ჩამორჩება და შეიძლება თამამად ითქვას, რომ საჩემპიონო მარათონშია ჩაბმული. მართალია, ექვსი ქულა ცოტა არ არის, მაგრამ ამ სეზონში არც ერთი გუნდი ტოვებს უძლეველის შთაბეჭდილებას და მათ შორის, არც “მილანი”. ყოველ შემთხვევაში, “იუვეს” ტიფოზებს სჯერათ, რომ მათ გუნდს სკუდეტოსთვის ბრძოლა ხელეწიფება. სიცილიაზე გამარჯვება მნიშნელოვანი იყო ფსიქოლოგიური კუთხითაც, ვინაიდან ევროპის ლიგაზე შერცხვენის შემდეგ გუნდში არც თუ სასიამოვნო ატმოსფერო იყო. ლუიჯი დელ ნერიმ ბრიფინგი მოაწყო და საინტერესო საკითხებზე ისაუბრა...ევროპის ლიგაგამოგიტყდებით და, ნამდვილად ვერ წარმოვიდგენდი, თუ ჯგუფურ ეტაპს ვერ გადავლახავდით. ფეხბურთელებიც დარწმუნებულნი იყვნენ საკუთარ თავში და, შესაძლოა, ასეთმა მიდგომამ თავისი შედეგი გამოიღო. მეტოქეს თუ ჯეროვნად არ აფასებ, აუცილებლად დაისჯები და ეს კიდევ ერთხელ გამოჩნდა. ჩვენი დიდი სურვილია, რომ მომდევნო სეზონში ჩემპიონთა ლიგაში ვიასპარეზოთ და ევროარენაზე სწორედ ამ ტურნირზე მოვახდინოთ რეაბილიტაცია. კარგად გვაქვს გაცნობიერებული, რომ ევროპის ლიგაზე მთელი იტალია გვგულშემატკივრობდა, ჩვენ კი უსახელოდ ვემშვიდობებით ამ გათამაშებას. თუმცა, “იუვენტუსისთვის” უფრო ორგანული ტურნირი სწორედ ჩემპიონთა ლიგაა და მჯერა, მომდევნო სეზონში ევროპის უპრესტიჟულეს ტურნირში გაცილებით უკეთ გამოვალთ. თუმცა, ამ საგზურს მოპოვება უნდა და ჯერ, მთავარი ამოცანა გადასაჭრელი გვაქვს. საამსეზონო მიზანიც ეს არის - აუცილებლად უნდა მოვხვდეთ ოთხეულში და თუ მეტს შევძლებთ, ამაზე უკეთესი არაფერი იქნება.სატრანსფერო გეგმებიერთი წუთით წარმოიდგინეთ, რომ იმდენი ფეხბურთელი დაგვიშავდეს, რამდენიც რაფაელ ბენიტესს ჰყავს ლაზარეთში... საშინელ დღეში ჩავვარდები, რადგან “ინტერის” მთავარი მწვრთნელისგან განსხვავებით, 15-16 ფეხბურთელზე ვარ დამოკიდებული. ამიტომ, ზამთარში რამდენიმე მაღალკვალიფიციური ფეხბურთელის გადაბირება არა თუ სასურველი, აუცილებელია. თუ გვინდა რომ მხოლოდ უმაღლესი ადგილებისთვის ვიბრძოლოთ, სატრანსფერო ბაზარზე აქტიურობაა საჭირო. რა რგოლებს გავაძლიერებდი? - დიდი სიამოვნებით დავიმატებდი ერთ ან ორ მოთამაშეს ყველა რგოლში. როგორ ფიქრობთ, გვაწყენდა ერთი ექსტრა კლასის მცველი, ნახევარმცველი, ან თავდამსხმელი? - მე ვიტყოდი, რომ ჰაერივით გვესაჭიროება. ამიტომ, ამ მიმართულებით აქტიურად ვმუშაობ და დიდი იმედი მაქვს, რომ კლუბის მესვეურებისგან მხარდაჭერა მექნება. ანტონიო კასანო? - მოდით, გვარების დასახელებისგან დღეს თავს შევიკავებ. კასანო თავისთავად ბრწყინვალე ფეხბურთელია და მის დამატებაზე უარს არ ვიტყოდი, მაგრამ ეს მხოლოდ ჩემზე არ არის დამოკიდებული. ანტონიოსთან ურთიერთგაგების პრობლემა არასდროს მქონია და ვფიქრობ, “იუვეს” კონცეფციაშიც ჯდება, თუმცა კიდევ ერთხელ გავიმეორებ, რომ ეს მხოლოდ ჩემი გადასაწყვეტი არ არის. კატანიასთან შეხვედრაპირველ თხუთმეტ წუთში მეტოქემ აქტიუად შეგვიტია და ნათლად გამოჩნდა, რომ მათი მიზანი სწრაფი გოლის გატანა იყო. სქემა მალევე გავშიფრეთ და ყველანაირად ვეცადეთ, რომ ეს გოლი არ გაგვეშვა. როდესაც მეტოქე თხუთმეტწუთიან შტურმზე გადმოდის, ამაზე დიდ ენერგიას კარგავს, რაც მხოლოდ გატანილი გოლით შეიძლება დაფასდეს. ამიტომ, თუ შენ კარგად ჩაიკეტები საკუთარ საჯარიმოში და კარს მშრალად შეინახავ, ავტომატურად უპირატესობას მოიპოვებ როგორც ფიზიკური მომზადების, ისე ფსიქოლოგიური კუთხით. ერთი, რომ მეტოქემ ძალები დახარჯა და მეორე, მიზანს ვერ მიაღწია. “კატანია” რისკზე წავიდა და ხელმოცარული დარჩა, რამაც გარკვეულწილად განაპირობა კიდეც თამაშის შემდგომი ხასიათი. ნებისმიერ შემთხვევაში, სიცილიელები საკუთარ მოედანზე ძალიან კარგად ასპარეზობენ და მათი დამარცხებისთვის ფეხბურთელებს განსაკუთრებული მადლობა მინდა გადავუხადო. ხასიათის სიმტკიცე გამოავლინეს და დაგვანახვეს, რომ არაფრის დათმობას აღარ აპირებენ.დელ ნერის სიტყვები სატრანსფერო ბაზარზე აქტიურობის შესახებ იტალიელ ჯურნალისტებს განსაკუთრებით დააინტერესათ და ინფორმაციების მოძიება დაიწყეს. “გაძეტა დელო სპორტის” ცნობით, დელ ნერის “კატანიას” თავდამსხმელის, მაქსი ლოპესის გადაბირება სურს და ამას ზამთარშივე შეეცდება. თავად არგენტინელი ფორვარდი ამ ინფორმაციას არც უარყოფს და არც ადასტურებს: “ოფიციალური წინადადებით ტურინელებს ნამდვიოლად არ მოუმართავთ, ასე რომ, კონკრეტულს ვერაფერს გეტყვით. თუმცა, ჩემით “იუვეს” მესვეურთა დაინტერესების შესახებ მეც გავიგე და გარკვეული ინფორმაციებიც მომივიდა. ვნახოთ, თუ ტურინელები დამიკავშირდნენ, ნამდვილად არ დაგიმალავთ”.მაქსი ლოპესს “იუვენტუსთან” მატჩის შესახებაც მოუხდა საუბარი: “ცუდად ნამდვილად არ გვითამაშია და ალბათ შედარებით სუსტ მეტოქეს დავამარცხებდით კიდეც, მაგრამ “იუვენტუსისთან” ჭიდილი რთული აღმოჩნდა. ვფიქრობ, დელ ნერი სწორად მუშაობს და სეზონის მეორე ნახევარში კიდევ უფრო ძლიერი გუნდი ეყოლება. ამიტომ, ნამდვილად არ გამიკვირდება თუ “ვეკია სენიორა” სკუდეტოსთვის იბრძოლებს”.

juba

ასეთი დაბალი დონის იუვეს რა უნდა ლიგაზე...

"რეალმა" სათამაშო პრაქტიკის მისაღებად მასტანტუონო იტალიაში გაანათხოვრა

კონტრაქტს ჯერ არ გაუგრძელებენ, მაგრამ რჩება - "ინტერმა" ჩალღანოღლუსთან დაკავშირებით გადაწყვეტილება მიიღო

"ჩემი ოცნება "მილანთან" ერთად რაიმეს მოგება იყო" - მოდრიჩმა "როსონერიში" თავის მისიაზე ისაუბრა

ტრაპიზონში საგიჟეთია - სალაჰს 25 ათასი ფანი დახვდა

18-წლამდელები სამხრეთ აფრიკაში ჩავიდნენ

ტყვიის სროლა. დიდი წარმატება ვროცლავში

კვლავ აფრიკაში - ერვე რენარი ნაცნობ ადგილას დასაქმდა

ხანგლძრივი მოლაპარაკებების შემდეგ, "არსენალმა" ბრუნო გიმარაეში შეიძინა

Hisense წარმოგიდგენთ გზავნილს „ინოვაციები უკეთესი ცხოვრებისათვის“ FIFA-ს 2026 წლის მსოფლიო ჩემპიონატზე

20 წ. | საიმონ კიბლი: საქართველომ გამორჩეულად წარმატებული ტურნირი ჩაატარა

ქართველი მსაჯები ევროპა ლიგის მატჩს განსჯიან

[VIDEO] მძიმე მატჩი, შედეგი სასურველი - "იბერია 1999"-ს მომდევნო რაუნდში გასვლის კარგი შანსი აქვს

"ლარნესთან" მატჩში "იბერია 1999"-ის შემადგენლობა ცნობილია

ნორვეგიის ნაკრების მეკარე "ლაიფციგში" დაბრუნდა

ოფიციალურად: საბა საზონოვი “ხეტაფეს” ფეხბურთელია

ჩატარდება თუ არა დღეს "ლარნესა" და "იბერიას" მატჩი - ქართულმა გუნდმა ინფორმაცია გაავრცელა

ალისონმა მუნდიალის შემდეგ 5 კვირა დაისვენა და "ლივერპულს" დაუბრუნდა

ნიკა ამაშუკელი სამხრეთ აფრიკაში - ხუთი მატჩი "ოლ ბლექსის" ისტორიულ ტურნეზე

გადადის თუ არა ფერან ტორესი პსჟ-ში?

მამისა და შვილის სხვა განცხადება - ნეიმარი ბრაზილიის ნაკრებში კიდევ ითამაშებს?

"რეალმა" ვინისიუსს წლიურ გასამრჯელოდ 22 მილიონი შესთავაზა - ბრაზილიელი მეტს ითხოვს

"ბარსელონამ" ტერ შტეგენი "აიაქსში" გაუშვა