- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
კახა კალაძე: ეიფორია არ გვინდა, ეს უკვე წარსულია
<p><p>ნოემბრის ბოლოს საქართველოში ხმა დაირხა, კალაძე თბილისის "დინამოს" შეძენითაა დაინტერესებულიო</p> <br> ნოემბრის ბოლოს იტალიურ პრესაში დაიწერა, კახა კალაძე ტრავმის გამო წლეულს ვეღარ ითამაშებსო. საქართველოში კი ხმა დაირხა, კალაძე თბილისის "დინამოს" შეძენითაა დაინტერესებული და კლუბის განვითარების საკუთარი გეგმაც აქვსო. კახა "სამტრედიასთან" მიმართებაშიც არაერთხელ ახსენეს.</p><p>ერთი სიტყვით, კალაძესთან სალაპარაკოდ არაერთი მნიშვნელოვანი თემა გვქონდა და მას იტალიაში დავუკავშირდით.</p><p><strong>- კახა, ტრავმის საქმე როგორ არის?</strong></p><p>- ახლა ბევრად უკეთ ვარ. მყესი მქონდა გაჭიმული. დავისვენე, ვიმკურნალე და სარეაბილიტაციო კურსს გავდივარ. მალე უკვე გუნდთან ერთად ვარჯიშიც შემეძლება.</p><p><strong>- იტალიური მედია წერდა, კალაძე წლეულს ვერ ითამაშებოო...</strong></p><p>- მთლად ასეც არ არის საქმე. ტრავმის გამო ორი მატჩი გამოვტოვე, "ბრეშასთან" და "ლეჩესთან". ვერც შაბათს ვითამაშებ შინ "ნაპოლისთან". თუმცა იმედი მაქვს "ინტერთან" სათასო მატჩში, ან წლევანდელ ბოლო ტურში "სამპდორიასთან" მოედანზე გავალ. ჩვენი მწვრთნელი დევიდე ბალარდინი ხშირად კითხულობს ჩემს ამბავს, აინტერესებს, როდის შევძლებ თამაშს.</p><p>სარეაბილიტაციო კურსი კარგად მიდის და ვნახოთ რას იტყვიან ექიმები. თუ იქნება იმისი ალბათობა, რომ ტრავმა გამიმიზეზდეს, მაშინ სჯობს არ ვითამაშო, რადგან გაისად მნიშვნელოვანი მატჩები მელის ეროვნულ ნაკრებში და "ჯენოაში".</p><p><strong>- თბილისში ხმა დაირხა "დინამოს" შეძენას აპირებსო. ისიც ითქვა, კლუბის განვითარებისთვის საკუთარი გეგმა აქვს, რომელშიც კიევის "დინამოსთან" ან სხვა უცხოურ კლუბთან პარტნიორობა შედისო...</p><p></strong>- "სამტრედიასთან" მიმართებაშიც მახსენეს. ჩემი მშობლიური ქალაქის გუნდია და მისი წარმატებები მუდამ მახარებს. ამ კლუბს დავხმარებივარ კიდეც, თუმცა, შემიძლია გითხრათ, რომ ხმები, თითქოსდა "დინამოს", "სამტრედიას" ან რომელიმე ქართული კლუბის შეძენა მსურს, სიმართლეს არ შეესაბამება. მართალი გითხრათ, ქართული კლუბის შეძენას ან ინვესტიციის დაბანდებაზე არც ვფიქრობ, რადგან ჯერჯერობით ამ საქმეში პერსპექტივას ვერ ვხედავ.</p><p><strong>- და რატომ ვერ ხედავთ?</strong></p><p>- ქართული ფეხბურთის განვითარება თუ გვინდა, ამისთვის სათანადო ბიზნესგარემო უნდა შეიქმნას. ბიზნესმენი რაღაცით უნდა დააინტერესო, ქართულ კლუბში ფული რომ ჩადოს. მით უმეტეს, ჩვენი კლუბები შედეგებითა ან სხვა ფაქტორებით ვერ გამოირჩევიან. სხვა ფაქტორებში, ინფრასტრუქტურას ვგულისხმობ. ბიზნესმენი გუნდით რომ დაინტერესდეს, კლუბს ბაზა და სტადიონი უნდა ჰქონდეს. ეს ყველა გუნდისთვის აუცილებლობაა. თუ არ აქვს, მაშინ ამის გასაკეთებლად ფინანსებია საჭირო. კლუბი ერთი მთლიანი ბიზნესპაკეტი უნდა იყოს, რომელიც გუნდს, ბაზას და სტადიონს მოიცავს. უამისოდ, ჩვენს კლუბში ჩადებული ფული შედეგს ვერ მოიტანს. საქართველოში თითო-ოროლა კლუბია, რომელსაც ბაზაც აქვს და სტადიონიც. ჩემი აზრით, ჩვენი საკლუბო ფეხბურთის განვითარებისთვის სხვა მიმართულება, სხვა პროექტია საჭირო.</p><p><strong>- რას გულისხმობთ?</strong></p><p>- დღეს ორი-სამი ქართული კლუბია შედარებით ძლიერი, დანარჩენებს უჭირთ და ინფრასტრუქტურაც არ აქვთ. არადა, ინფრასტრუქტურის გარეშე ძნელია შედეგის მიღწევა. ამიტომ, ჩემი აზრით, კლუბებს სახელმწიფო უნდა დაეხმაროს ინფრასტრუქტურის შექმნასა და მოძლიერებაში. საამისოდ ფეხბურთის განვითარების პროგრამაა საჭირო. უკეთესია, პროგრამა გრძელვადიანი იყოს. თუ არა და, ორ-სამწლიანი მაინც უნდა იყოს, რათა კლუბები მოძლიერდნენ და ბიზნესმენებისთვის უფრო ფასეული გახდნენ. თუ ასე მოხდება, იქით კი არ იქნება სახვეწარი, ბიზნესმენები რიგში ჩადგებიან ჩვენი გუნდების საყიდლად.</p><p><strong>- ახლა ნაკრებზე, სლოვენიასთან მატჩზე ვთქვათ.</strong></p><p>- ვფიქრობ, ეს მატჩი კარგად გამოვიყენეთ. ნაკრებში არაერთი ახალი ფეხბურთელი გამოიცადა, კონკურენცია გაიზარდა და ეს ახალბედები ეროვნულის მოთხოვნებს გაეცნენ. კოპერის მატჩი იმითაც იყო გამორჩეული, რომ ვაგებდით და მოვიგეთ. თანაც, ეს ოპტიმალური კი არა, გადახალისებული შემადგენლობით შევძელით.</p><p><strong>- კოპერში ბევრმა ახალბედამ ითამაშა. ნაკრების კაპიტანი მათზე რას ფიქრობს?</strong></p><p>- ფეხბურთელების შეფასება, ვინმეს გამორჩევა მწვრთნელის კომპეტენციაა. მხოლოდ ის შემიძლია ვთქვა, რომ გამოჩნდნენ ფეხბურთელები, რომლებსაც შეუძლიათ კიდევ მოუმატონ და ეროვნულ ნაკრებში დაიმკვიდრონ ადგილი.</p><p><strong>- რვამატჩიანი წაუგებელი სერია 2010 წელს... ასეთი არც გვახსოვს.</strong></p><p>- მართლაც წარმატებული წელიწადი გვქონდა. ეს ყველას დამსახურებაა, მწვრთნელის, ფეხბურთელების, გულშემატკივრის. თუმცა ერთი უნდა გვახსოვდეს: წარმატებით დიდხანს ტკბობა ხეირს არ მოგვიტანს. ეიფორიაში არ უნდა ჩავვარდეთ. ეს უკვე წარსულია და უნდა დავივიწყოთ. ნაკრებში კიდევ ბევრია სამუშაო. უკვე დროა, გაზაფხულის მატჩებისთვის კლუბებში ვემზადოთ. მარტის თამაშებს ჩვენთვის გადამწყვეტი მნიშვნელობა აქვს.</p><p>ჯგუფის ფავორიტ ხორვატებთან უძნელესი მატჩი გველის. განვლილმა შეხვედრებმა გვიჩვენა, რომ ყველა გუნდთან შეგვიძლია სასურველი შედეგისთვის ბრძოლა. მეტოქეები ისე აღარ უყურებენ ჩვენს ნაკრებს, როგორც შარშან და მანამდე. ახლა ანგარიშგასაწევ ძალად გვთვლიან და ყველა სერიოზულად მოემზადება ჩვენთან თამაშისთვის.</p><p><strong>- შესარჩევი ციკლის მატჩებამდე, 9 თებერვალს კვიპროსზე სომხეთს ვეთამაშებით...</strong></p><p>- ნურავინ იტყვის, რომ სომხეთთან იოლი მატჩი გვექნება. ზუსტად არ მახსოვს, რამდენი საფეხურით, მაგრამ სომხეთი ფიფას რეიტინგში ჩვენზე საგრძნობლად წინ არიან. ასე რომ, ეს ამხანაგური მატჩიც მაქსიმალურად უნდა გამოვიყენოთ.</p><p><strong>ყოველდღიური სპორტული გაზეთი</p><p>"ლელო"</strong></p><p><p> </p></p>
"უდინეზეში" გოგლიჩიძის დებიუტი შედგა - მისი გუნდი 1/16-ფინალში გავიდა
Geo Team: არის პირადი კონტრაქტი - ჩაკვეტაძის "ვალენსიაში" ტრანსფერი ბოლომდეა მისაყვანი
სიგუას ახალ გუნდში დებიუტი ევროტურნირზე შედგება
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
ტონი კროოსმა ფეხბურთის ისტორიაში საუკეთესო მეკარე დაასახელა
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"სპორტინგმა" ისევ მოიგო, ქოჩორაშვილი ისევ შეცვლაზე შევიდა
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია