ქალებს ახალი ჩემპიონი ეყოლებათ

ნანა ძაგნიძე: "მსოფლიო ჩემპიონობისთვის ბრძოლის შანსი თებერვალში, ფიდეს გრან-პრიზე ისევ მომეცემა" გასულ უქმეებზე მოჭადრაკე ქალთა მსოფლიოს ჩემპიონატზე (თურქეთი, ანტაკია) მესამე რაუნდის ორი კლასიკური პარტია გათამაშდა, რაც საკმარისი გახდა მხოლოდ ოთხი მეოთხედფინალისტის გამოსავლენად (შეგახსენებთ, რომ ქართველი დიდოსტატები შეჯიბრებას მეორე წრეში გამოეთიშნენ): ევროპის ორგზის ჩემპიონმა კატერინა ლახნომ (2522, უკრაინა) 1,5:0,5 სძლია ჩინელ ჰუან ქიანს (2402). ასეთივე ანგარიშით იუ ვენიუნმა (2524, ჩინეთი) ანა მუზიჩუკს (სლოვენია, 2530) მოუგო, ჰამფი კონერუმ (2600, ინდოეთი)-ანა ზატონსკიხს (აშშ, 2478), ჟაო სიუმ (2474, ჩინეთი) ელენა დემბო (2454, საბერძნეთი) დაამარცხა. დანარჩენ ოთხ წყვილში გამარჯვებულები ტაიბრეიკებს უნდა დაესახელებინა.განსაკუთრებულ ინტერესს მსოფლიოს ჩემპიონ ალექსანდრა კოსტენიუკისა (2507, რუსეთი) და რუან ლუფეის (ჩინეთი, 2480) შეხვედრა იწვევდა. ჩინელმა მოჭადრაკემ, რომელსაც დღემდე საერთაშორისო სარბიელზე დიდად არაფრით გამოუჩენია თავი, 1,5:0,5 მოუგო რუს დიდოსტატს. ასე რომ, მსოფლიოს ქალებში ახალი ჩემპიონი ეყოლება, რომლის ვინაობასაც 3 რაუნდის შემდეგ შევიტყობთ.გუშინვე ჰოუ იფანმა (ჩინეთი, 2591) 2001-2004 წლების მსოფლიოს ჩემპიონ ჟუ ჩენს (ყატარი, 2477) დააყრევინა ფარ-ხმალი - 1,5:0,5. ელმირა სკრიპჩენკოს (საფრანგეთი, 2460) და ვიქტორია ჩმილიტეს (ლიტვა, 2514) შორის უძლიერესის გამოვლენას კლასიკური და 25-წუთიანი პარტიები არ ეყო - ოთხივე ორთბარძოლა ყაიმით დამთავრდა. ბლიცებში კი სკრიპჩენკომ 2:0 იმარჯვა და მე-4 ეტაპზე გავიდა. მას შემდეგ, რაც ჰარიკა დრონავალისა (ინდოეთი, 2525) და მარია მუზიჩუკის (უკრაინა, 2462) შეხვედრაში ანგარიში გახდა 3:3, დაინიშნა `არმაგედონი~. წილისყრით მუზიჩუკს თეთრები ერგო. უკრაინელმა 6 წუთში წარმატებას ვერ მიაღწია და, დებულების თანახმად, წაგება ჩაეთვალა.ამდენად, დღეს მეოთხედფინალში ითამაშებენ: რუან ლუფეი (ჩინეთი)-ჰარიკა დრონავალი (ინდოეთი), ჰამფი კონერუ (ინდოეთი)-იუ ვენიუნი (ჩინეთი), ჰოუ იფანი (ჩინეთი)-კატერინა ლახნო (უკრაინა), ჟაო სიუ (ჩინეთი)-ელმირა სკრიპჩენკო (საფრანგეთი).გუშინვე თბილისში დაბრუნებულ ნანა ძაგნიძეს შევეხმიანე და თურქულ ბატალიებთან დაკავშირებით მცირე კომენტარი ვთხოვე.- ელმირა სკრიპჩენკოსთან შეხვედრისას პირველ კლასიკურ პარტიაში თეთრებმა დებიუტში მცირე უპირატესობა მიიღეს, რომლის რეალიზება შეუძლებელი აღმოჩნდა და შეხვედრაც ზავით დამთავრდა. მეორე პარტიაში თეთრებით მე ვთამაშობდი. სკრიპჩენკომ მე-9 სვლაზე ყაიმი შემომთავაზა. რადგანაც უკეთესი პოზიციის მიღების რეალურ გზას ვერ ვხედავდი, მეტოქის წინადადება მივიღე. პარტიის შემდგომმა ანალიზმა გვიჩვენა, რომ მცირე უპირატესობის მიღება თურმე შეიძლებოდა, მაგრამ ძნელი სათქმელია, მიმიყვანდა თუ არა ეს გზა გამარჯვებამდე.გადავწყვიტე, ცოტა დამესვენა და ბედი 25-წუთიან პაექრობებში მეცადა. პირველ ხელში დებიუტი ნორმალურად გავითამაშე, მაგრამ მიტელშპილში ერთ-ერთი ვარიანტის გათვლისას კბ6 სვლა გამომრჩა, რამაც მეტოქეს წარმატება მოუტანა. განმეორებითი შეხვედრისას კი პრაქტიკულად მოგებულ სიტუაციაში უხეში შეცდომა დავუშვი და შეჯიბრებასაც გამოვეთიშე.რა თქმა უნდა, გულდასაწყვეტია, მაგრამ ასეთი სისტემით ასპარეზობისას არც ერთი მოჭადრაკე მოულოდნელობისგან დაზღვეული არ არის. თუმცა ამ ჩემპიონატით ყველაფერი არ მთავრდება. გაისად საინტერესო შეჯიბრებები მელის. ყველაზე მნიშვნელოვანი ფიდეს გრანპრის ბოლო ეტაპია, რომელსაც თებერვალში ჩილე უმასპინძლებს. პირველ ან მეორე ადგილზე გასვლის შემთხვევაში საერთო ჩათვლაში გავიმარჯვებ და მსოფლიოს ჩემპიონობისთვის ბრძოლის შანსი ისევ მომეცემა.- ჩინელმა რუან ლუფეიმ ასპარეზობიდან ალექსანდრა კოსტენიუკი გამოთიშა. ასე ძლიერია?- შარშან ჩინეთის ლიგაში ვითამაშე მასთან და დავზავდით. მართალია, ექსტრაკლასის დიდოსტატი არ არის, მაგრამ საკმაოდ საინტერესო მოჭადრაკეა, თავისი რეიტინგის შესაფერისი. კოსტენიუკის მასთან მარცხში განსაკუთრებულს ვერაფერს ვხედავ.- ანტაკიაში ფავორიტად ვინ მიგაჩნია?- ინდოელი კონერუ ან ჩინელი ჰოუ იფანი.ყოველდღიური სპორტული გაზეთი"ლელო"

გულისხმობა თუ არა კვარაცხელიას - The Telegraph-მა დაასახელა ფეხბურთელი, რომლის სანაცვლოდაც პერესი 150 მილიონს იხდის

"რეალის" პრეზიდენტობის კანდიდატი: მინდა, "ბარსელონა" ლა ლიგიდან გავარდეს

ორი ესპანური ვარიანტი - ბერნარდოს ლა ლიგაში ეპატიჟებიან

"ბეშიქთაში", რომელსაც დავითაშვილს უკავშირებენ, იტალიანოს ჩააბარეს

20 წ. | ვინ მოდის საქართველოში - აშშ

ანტმანი: თუ შანსებს ვერ იყენებ, ამით მეტოქე სარგებლობს

ბაჰრეინთან მატჩში საქართველოს ნაკრების შემადგენლობა ცნობილია

რობერტსონი "ლივერპულიდან" "ტოტენჰემში" გადავიდა

BILD: აი, ასე დასცინოდა სლოტი "ლივერპულის" ახალწვეულებს

რუსი მწვრთნელი ვან დერ ვაარტს ფსიქიატრის დახმარებას დაჰპირდა

პალიკო ჯიმშელაძე ბორჯღალოსნებში ბრუნდება!

ანა ჯაფარიძე პარატაეკვონდოში რომის გრან პრის გამარჯვებულია

ვინგსმა ჰიუნდაი დაამარცხა და ფინალში ვსა-ს შეუწყვილდა | რა ხდება ასაკობრივ A ლიგებში?

"მე კი წავედი, მაგრამ მის ადგილას კარგად დავფიქრდებოდი" - კოულმა კალაფიორის "რეალში" შესაძლო ტრანსფერზე ისაუბრა

"კვარა", ნევეში, თუ ვიტინია? - პერესმა მომდევნო კვირას 150-მილიონიანი ტრანსფერი დაანონსა

"შავი ლომი" | "ტოიოტა ჩელენჯს" "აირლინკ პუმასით" ვიწყებთ

"განსაკუთრებული იყო" - კვარაცხელია გულშემატკივრებმაც საუკეთესოდ აღიარეს

კიტეიშვილი: სანაკრებო დონეზე შედეგები მარტივად არ მიიღწევა და ამისთვის მზად უნდა ვიყოთ

ოფიციალურად - "ლივერპული" ირაოლამ ჩაიბარა

U21 | აშშ V საქართველო - მატჩისწინა ვარჯიში ბრანსკოში

არც კოშტა და არც სვილარი - პსჟ იტალიელ მეკარეს დაიმატებს

[VIDEO] "ოქროს ბურთის" ხუთი ყველაზე დიდი უსამართლობა?

მატჩის დღე! ბაჰრეინთან "მამარდას" გარეშე და "კვარასთან" ერთად