- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ესტუდიატესი მეხუთედ!
<p><p>"ესტუდიანტესმა" ბოლო ტურში ოფიციალურად მოიპოვა აპერტურას ტიტული, თუმცა რეალურად ჩემპიონობა შუა კვირაში გაიფორმა</p> <br> <p>"ესტუდიანტესმა" ბოლო ტურში ოფიციალურად მოიპოვა აპერტურას ტიტული, თუმცა რეალურად ჩემპიონობა შუა კვირას ბოლოსწინა ტურში გაიფორმა, როცა სტუმრად 4:0 გაანადგურა "რივერ პლეიტი". ამის შემდეგ რთული წარმოსადგენი იყო, რომ "სტუდენტები" შინ ქულებს დაკარგავდნენ "არსენალთან" და კონკურენტ "ველეს სარსფილდს" შანსს მისცემდნენ. მით უმეტეს, რომ ნახევარი წლის წინ მათ კარგი გაკვეთილი ჰქონდათ მიღებული - ბოლოსწინა ტურში "როსარიოს" ვერ მოუგეს და წინ "არგენტინოს ხუნიორსი" გაუშვეს.</p><p>მაგრამ არც იმის დავიწყება შეიძლებოდა, რომ "ესტუდიანტესის" მეტოქე დიდი ხანი ჩემპიონობის მესამე პრეტენდენტი იყო და მხოლოდ ბოლო სამ-ოთხ ტურში ჩამოშორდა პირველი ადგილისთვის ბრძოლას. გარდა ამისა, "არსენალს" ჩვევია ტიტულის მაძიებელთა გაწბილება. გავიხსენოთ მაგალითად, 2004 წლის აპერტურა, როცა ბოლო ტურში "ველეს სარსფილდს" სტუმრად ფრე ეთამაშა და მას "ნიუელსის" დაწევის საშუალება არ მისცა.</p><p>მოკლედ ასეთი იყო წინასამატჩო ამბები. მხოლოდ ერთს დავამატებთ - დისკვალიფიკაციის შემდეგ "ესტუდიანტესს" დაუბრუნდა ენცო პერესი, ასე რომ, მასპინძლებს შემადგენლობის მხრივ ყველაფერი წესრიგში ჰქონდათ.</p><p>თავად საჩემპიონო მატჩი მდიდარი არ ყოფილა სახიფათო მომენტებით. პირველ ტაიმში "ესტუდიანტესი" ფლობდა ინიციატივას, თუმცა ამის იქით საქმე არ წასულა, "არსენალი" კი შიგადაშიგ სახიფათოდ იჩხვლიტებოდა, აი მეორე ტაიმში კი მასპინძლების უპირატესობა უდიდესი გახდა და სტუმრებს მხოლოდ თავდაცვაზე ფიქრი უწევდათ.</p><p>"სტუდენტების" შეტევათა უმრავლესობა ერთნაირად სრულდებოდა - ან ჩაწოდება გასტონ ფერნანდესზე ან საჯარიმოს გარედან გასროლა. ორივე შემთხვევაში დარტყმა ან კარს ცდებოდა ან თამაშში კარგად ერთვებოდა კამპესტრინი. სხვათა შორის, მატჩში, რომელშიც ჩემპიონობის პრეტენდენტს მოგება სჭირდებოდა, ფერნანდესი მასპინძელთა მხრიდან ერთადერთი ფორვარდი იყო.</p><p>ბოლოს "ესტუდიანტესის" სამწვრთნელო შტაბი მიხვდა, რომ ერთი თავდამსხმელი საკმარისი არ არის და გონიერი შეცვლა გააკეთა: ყოვლად უშინაარსო ვერონი (სახელოვან ვეტერანს ტრავმა აწუხებდა) გაიყვანა და როდრიგო ლოპესს მისცა შანსი. მაგრამ "სტუდენტებმა" იგივე რითმში გააგრძელეს თამაში და ბოლოს მაინც მიაღწიეს მიზანს. ლეანდრო ბენიტესმა კუთხური ჩააწოდა, მერკადოს თავზე მოხვდა ბურთი და კართან დადარაჯებულმა ფერნანდესმა ერთი მეტრიდან გაიტანა. აქ შეიძლება კამპესტრინის დადანაშაულება, რომელმაც ბოლო დარტყმამდე ბურთის ჩაჭრა არ სცადა, არადა იყო ამის შანსი.</p><p>წერტილი შეხვედრას სწორედ ლოპესმა დაუსვა. როდრიგომ ლამაზი ტრაექტორიით გაგზანა ბურთი კარში ბენიტესის მარჯვნიდან ჩაწოდების შემდეგ. არბიტრს მატჩისთვის თითქმის არაფერი დაუმატებია - უკვე ყველას უჭირდა ემოციების შეკავება. ოთხი წლის შემდეგ "ესტუდიანტესმა" დაიბრუნა არგენტინის ჩემპიონობა. ეს ამ გუნდის არსებობის ისტორიაში მეხუთე ტიტული გახლავთ.</p><p>პარალელურად მიმდინარე შეხვედრაში "ველესმა" 57-ე წუთისთვის გატანილი ორი უპასუხო გოლით მოამთავრა საქმე "რასინგთან" გასვლით შეხვედრაში და 74-ე წუთამდე მინიმუმ "ოქროს მატჩის" იმედად იყო, მაგრამ გასტონ ფერნანდესის გოლის შემდეგ ყველაფერი ცხადი გახდა და "ველეს სარსფილდმა" საჩემპიონო ამბიციები კლაუსურას გათამაშებისთვის გადადო.</p><p>"ესტუდიანტესის" მწვრთნელმა ალეხანდრო საბელიამ ბოლო ორი წელიწადში მეორე ტიტული მოიპოვა - 2009 წელს ლიბერტადორესის თასზე გამარჯვებას არგენტინის ჩემპიონობა დაუმატა. სხვათა შორის, საბელია იმ "ესტუდიანტესის" ნახევარმცველი იყო, რომელმაც 1982 და 1983 წლებში მოიპოვა ჩემპიონობა.</p><p>საბელიას მომავალი ბედი გაურკვეველია. ბოლო ინფორმაციით, ამ ტრიუმფის შემდეგ სპეციალისტს "რივერ პლეიტის" მწვრთნელობას უწინასწარმეტყველებენ, თუმცა "ესტუდიანტესის" ხელმძღვანელობა მის გაშვებას არ აპირებს და კონტრაქტის გახანგრძლივება აქვს გადაწყვეტილი.</p><p><strong>XIX ტური</strong></p><p><strong><em>ესტუდიანტესი-არსენალი 2:0</em></strong></p><p>ესტუდიანტესი: ორიონი, ფ. ფერნანდესი, დესაბატო, რე, მერკადო, ბრანია (88. რონკალია), ვერონი (59. რ. ლოპესი), როხო, ე. პერესი, ლ. ბენიტესი, გ. ფერნანდესი (82. მ. სანჩესი).</p><p>გოლები: 1:0 გ. ფერნანდესი (74), 2:0 რ. ლოპესი (87)</p><p><strong><em>რასინგი-ველესი 0:2</em></strong></p><p>ველესი: ბაროვერო, კუბერო, ს. დომინგესი, ორტისი, პაპა (65. ბელა), გ. დიასი, სომოსა, საპატა, მ. მორალესი (78. კრისტალდო), ხ. მარტინესი, ს. სილვა.</p><p>გოლები: 0:1 ხ. მარტინესი (23), 0:2 მ. მორალესი (57)</p><p>თ მ ფ წ ბ ქ</p><p>1. ესტუდიანტესი 19 14 3 2 32-8 45</p><p>2. ველესი 19 13 4 2 33-9 43</p><p>3. არსენალი 19 9 5 5 22-19 32</p><p>4. გოდოი 19 7 8 4 32-25 29</p><p>5. რასინგი 19 8 5 6 25-18 29</p><p>6. რივერი 18 7 7 4 17-17 28</p><p>7. ლანუსი 18 8 4 6 19-21 28</p><p>8. ოლ ბოისი 19 7 5 7 24-23 26</p><p>9. ნიუელსი 19 6 8 5 13-12 26</p><p>10. კოლონი 19 7 5 7 21-29 26</p><p>11. ბოკა 18 7 3 8 19-19 24</p><p>12. სან ლორენსო 19 6 6 7 18-20 24</p><p>13. არგ. ხუნიორსი 18 6 5 7 21-20 23</p><p>14. ტიგრე 17 6 3 8 22-23 21</p><p>15. ბანფილდი 19 4 8 7 20-19 20</p><p>16. ოლიმპო 18 5 3 10 18-25 18</p><p>17. კილმესი 18 3 7 8 13-23 16</p><p>18. ხიმნასია 18 3 5 10 12-22 14</p><p>19. ინდეპენდიენტე 17 2 8 7 13-24 14</p><p>20. ურაკანი 18 3 4 11 15-33 13</p><p>ბომბარდირები: 11 - სილვა (ველესი); 10 - მარტინესი (ველესი); 9 - სტრაკალურსი (ტიგრე); 8 - რამირესი (გოდოი), მატოსი (ოლ ბოისი); 7 - პალერმო (ბოკა), ობოლო (არსენალი).</p> <p> </p></p>
საქართველოს მინიფეხბურთის ნაკრები ევროპის ჩემპიონატზე ესპანეთს დაუზავდა
დიდი დაბრუნება - ვლადიმირ ვაისი სლოვაკეთის ნაკრების მთავარი მწვრთნელია
ბუნდესლიგის ამომავალი ვარსკვლავი შეიძლება მამარდაშვილის ან კვარაცხელიას თანაგუნდელი გახდეს
"ბეშიქთაში", რომელსაც დავითაშვილს უკავშირებენ, იტალიანოს ჩააბარეს
FIFA-მ მსოფლიო ჩემპიონატზე ვუვუზელას გამოყენება აკრძალა
20 წ. | ვინ მოდის საქართველოში - აშშ
ანტმანი: თუ შანსებს ვერ იყენებ, ამით მეტოქე სარგებლობს
ბაჰრეინთან მატჩში საქართველოს ნაკრების შემადგენლობა ცნობილია
რობერტსონი "ლივერპულიდან" "ტოტენჰემში" გადავიდა
BILD: აი, ასე დასცინოდა სლოტი "ლივერპულის" ახალწვეულებს
რუსი მწვრთნელი ვან დერ ვაარტს ფსიქიატრის დახმარებას დაჰპირდა
პალიკო ჯიმშელაძე ბორჯღალოსნებში ბრუნდება!
ანა ჯაფარიძე პარატაეკვონდოში რომის გრან პრის გამარჯვებულია
ვინგსმა ჰიუნდაი დაამარცხა და ფინალში ვსა-ს შეუწყვილდა | რა ხდება ასაკობრივ A ლიგებში?
"მე კი წავედი, მაგრამ მის ადგილას კარგად დავფიქრდებოდი" - კოულმა კალაფიორის "რეალში" შესაძლო ტრანსფერზე ისაუბრა
"კვარა", ნევეში, თუ ვიტინია? - პერესმა მომდევნო კვირას 150-მილიონიანი ტრანსფერი დაანონსა
"შავი ლომი" | "ტოიოტა ჩელენჯს" "აირლინკ პუმასით" ვიწყებთ
"განსაკუთრებული იყო" - კვარაცხელია გულშემატკივრებმაც საუკეთესოდ აღიარეს
კიტეიშვილი: სანაკრებო დონეზე შედეგები მარტივად არ მიიღწევა და ამისთვის მზად უნდა ვიყოთ
ოფიციალურად - "ლივერპული" ირაოლამ ჩაიბარა
U21 | აშშ V საქართველო - მატჩისწინა ვარჯიში ბრანსკოში
[VIDEO] "ოქროს ბურთის" ხუთი ყველაზე დიდი უსამართლობა?
მატჩის დღე! ბაჰრეინთან "მამარდას" გარეშე და "კვარასთან" ერთად