დალასი ირმებმა შეაჩერეს

NBA. რეგულარული ჩემპიონატი: "მილუოკი ბაქსმა" გასულ საღამოს "დალას მავერიქსთან" სტუმრად ნამდვილი გმირობა ჩაიდინა "მილუოკი ბაქსმა" გასულ საღამოს ნამდვილი გმირობა ჩაიდინა. ამ სეზონში "დალას მავერიქსის" წაგება იშვიათი მოვლენაა. გუშინდელ შეხვედრამდე "კოვბოებს" ბოლო მატჩი 19 ნოემბერს ჰქონდათ წაგებული ("ჩიკაგოსთან"). მას შემდეგ "დალასმა" ზედიზედ 12 თამაში მოიგო და ლიგის ერთ-ერთი ლიდერი გახდა. დასავლეთში მასზე წინ მხოლოდ თანაშტატელი "სან ანტონიო" იყო."ბაქსის" გამარჯვება მით უმეტეს დასაფასებელია, რადგან ეს გუნდი სტუმრად თამაშობდა, არადა, აქამდე "მილუოკის" მხოლოდ ორი მატჩი ჰქონდა გასვლაზე მოგებული.შეხვედრის დასაწყისი სენსაციას არ მოასწავებდა. მასპინძლები დამაჯერებლად აკონტროლებდნენ თამაშის მსვლელობას და მეორე მეოთხედისთვის 20-ქულიანი უპირატესობას მიაღწიეს. American airlines center-ის გულშემატკივრები გამარჯვებას ზეიმობდნენ, მაგრამ აჩქარდნენ. სტუმრებმა რეზერვისტების - დულინგის, ილიასოვას, გუდენისა და დუგლას-რობერტსის მონდომებით შეაჩერეს მეტოქის წინსვლა. ცნობისთვის, "მილუოკის" სათადარიგო კალათბურთელებმა ჯამში 54 ქულა დააგროვეს.მეოთხე მეოთხედის დასაწყისში ანგარიში გათანაბრდა - 79:79. "დალასი" მიხვდა, რომ თითქმის მოგებულ მატჩს აგებდა და ისევ მოუმატა თამაშს - მერიონმა წარმატებული გარღვევა განახორციელა, ნოვიცკიმ კი სამქულიანი დაამატა - +5 მასპინძლების სასარგებლოდ. მაგრამ "მილუოკიმ" უფრო შთამბეჭდავი სპურტით უპასუხა - 14:0. აქ უკვე "ბაქსის" სასტარტო ხუთეულის წევრებმა გამოიღეს ხელი - სალმონსი, ბოგუტი და ჯენინგსი. სხვათა შორის, "ბაქსის" ახალგაზრდა პლეიმეიკერმა მატჩის წინ ჯეისონ კიდთან ერთად ისადილა და ალბათ, სახელოვანი გამთამაშებლისგან რამდენიმე საჭირო რჩევა მიიღო.თუმცა "დალასს" მატჩის ბოლოს გადარჩენის შანსი სწორედ ჯენინგსმა მისცა. საფინალო სირენამდე 19 წამით ადრე მან საშუალო ტყორცნა ააცილა და ბოლო შეტევის შანსი მისცა მასპინძლებს. "კოვბოებმა" თითქოს ზუსტად გაათამაშეს ბურთი, სასროლ პოზიციაზე ნოვიცკი გაიყვანეს, მაგრამ ამჯერად გერმანელმა ოთხი მეტრიდან ააცილა და ასე შეწყდა მისი გუნდის მოგებათა სერია.ორი საინტერესო და უცნაური იუბილე აღნიშნა "იუტამ" "გოლდენ სტეიტთან" მატჩის წინ: ლეგენდარული ჯონ სტოქტონის რიგით 14000-ე შედეგიანი პასის ათი წლისთავი და გენიალური მცველის პიტ მარავიჩის 7-ნომრიანი მაისურის აღმართვის 25 წლისთავი. "ჯაზმენებმა" არ ჩაამწარეს გულშემატკივრებს ეს ზეიმი, თუმცა მატჩის ბედის გარკვევა ბოლო მეოთხედისთვის გადადეს, რომელიც 27:14 მოიგეს და უპირატესობა 17 ქულამდე გაზარდეს."დალასისგან" განსხვავებით, თავისი სერია გააგრძელა "მაიამი ჰიტმა" - მან ზედიზედ მეცხრე მატჩი მოიგო. პირველ რიგში უნდა აღინიშნოს "დიდი ტრიოს" სტატისტიკური მიღწევა. "ნიუ ორლეანის" წინააღმდეგ ლებრონ ჯეიმსმა, დუეინ უეიდმა და კრის ბოშმა ჯამში 75 ქულა დააგროვეს. ეს მთელი გუნდის მონაგარის 78.13 პროცენტი იყო - მეორე მაჩვენებელი სეზონში. პირველი (84.2 პროცენტი) იმავე ტრიომ აჩვენა ერთი კვირის წინ "ატლანტას" წინააღმდეგ მატჩში. სხვათა შორის, ჯეიმსმა, უეიდმა და ბოშმა ამ სეზონში უკვე მერვე მატჩში დააგროვეს საერთო ქულათა მონაგარის 75 პროცენტი.მაიამი-ნიუ ორლეანი 96:8425:23, 28:31, 29:21, 14:9მ: უეიდი (32+5 მოხსნა), ბოში (23+11 მოხსნა), ჯეიმსი (20+7 პასი).ნ-ო: უესტი (26+12 მოხსნა), არიზა (13), პოლი (11+8 მოხსნა+5 პასი).ჩიკაგო-ინდიანა 92:7327:18, 16:23, 22:17, 27:15ჩ: ბუზერი (22+18 მოხსნა), როუზი (17+12 პასი+6 მოხსნა), დენგი (15+9 მოხსნა), ნოა (12+5 მოხსნა).ი: რაში (13+5 მოხსნა), დანლივი (12+8 მოხსნა).მემფისი-პორტლენდი 86:7323:18, 26:24, 12:22, 25:9მ: რენდოლფი (25+20 მოხსნა), გეი (16+5 მოხსნა), მაიო (14), კონლი (11+5 მოხსნა).პ: მეტიუზი (18), მილერი (14+9 პასი+6 მოხსნა), ოლდრიჯი (13+6 მოხსნა).დალასი-მილუოკი 99:10326:15, 277:28, 22:32, 25:28დ: ნოვიცკი (30+7 მოხსნა), მერიონი (14+5 მოხსნა), ტერი (12), კიდი (11+10 პასი+7 მოხსნა), ჩენდლერი (11+9 მოხსნა).მ: ჯენინგსი (23+10 პასი+5 მოხსნა), ბოგუტი (21+14 მოხსნა), დულინგი (16), დუგლას-რობერტსი (14+5 მოხსნა), ილიასოვა (12).იუტა-გ. სტეიტი 108:9520:23, 23:23, 31:24, 34:25ი: უილიამსი (30+10 პასი+7 მოხსნა), მაილზი (20+6 მოხსნა), მილსეპი (16+8 მოხსნა), ჯეფერსონი (13+8 მოხსნა), კირილენკო (12).გ-ს: რაიტი (20+6 მოხსნა), უილიამსი (19+6 პასი+5 მოხსნა), ლი (18+12 მოხსნა), ელისი (16+5 პასი).ოქური შობაზე დაბრუნდებახანგრძლივი შესვენების შემდეგ "იუტა ჯაზს" უბრუნდება თურქი ცენტრი მეჰმეთ ოქური. შეგახსენებთ, რომ კალათბურთელმა აპრილში, პლეი ოფის პირველ წრეში "დენვერთან" მიიღო ტრავმა. და ახლა, რვა თვის შემდეგ კლუბის პრეზიდენტმა გამოაცხადა, რომ ოქური უკვე შობისთვის შეძლებს მოედანზე გასვლას."ვფიქრობთ, დაახლოებით ერთი კვირის შემდეგ ვიხილავთ მეჰმეთს მოედანზე. რა თქმა უნდა, ეს ოპტიმისტური პროგნოზია, მაგრამ ორი კვირაზე მეტი საჭირო არ იქნება", - განაცხადა პრეზიდენტმა რენდი რიგბიმ. იაოს მოედანზე არ უშვებენოქურის მსგავსად, მოედანზე დასაბრუნებლად მზად არის "ჰიუსტონის" ცენტრი იაო მინი, თუმცა კლუბის ექიმები არ იზიარებენ ჩინელი ვარსკვლავის ოპტიმიზმს და აცხადებენ, რომ იაო ჯერ მზად არ არის რეგულარული ჩემპიონატის მატჩებში სათამაშოდ."ექიმების დასტურს ველოდები, - განაცხადა მინმა. - როდის მოხდება ეს? ჯერ არ ვიცი. თუმცა დღეს გაცილებით უკეთ ვგრძნობ თავს.არ ვაჩქარებ მწვრთნელსა და ექიმებს. მესმის, რომ მათ სურთ ბოლომდე მოვირჩინო ტრავმა. თუმცა დრო არ ითმენს და კლუბს ჩემი დახმარება სჭირდება".

რასელ უესტბრუკმა კალათბურთელის კარიერა დაასრულა

14 თვის შემდეგ და კვლავ რეკორდულ ფასად - მამუკელაშვილის "ლეიკერსი" 12.5 მილიარდად გაიყიდა

მნიშვნელოვანი გაძლიერება "ლეიკერსს" - კალიფორნიელები გაცვლას ამზადებენ

"იუვენტუსმა" პოლონელი მეკარე დაიმატა

ოფიციალურად: სავინიო "ტოტენჰემის" ფეხბურთელია

კიევის "დინამოს" თავდამსხმელი შეიძლება "გალათასარაიში" გადავიდეს

"ბორნმუთმა" "იუვენტუსის" მეკარე ინათხოვრა

[VIDEO] მეტოქეს შესანიშნავად დაუტრიალდა და ძალიან ლამაზი გოლი გაიტანა - სალიამ ახალგაზრდული პრემიერ ლიგა ბრწყინვალედ დაიწყო

კვლავ პრემიერ ლიგაში - ნიკო გონსალესმა "სიტი" დატოვა

არ დაადგა საშველი - ლეაომ არაბებს უარი შეუთვალა და ევროპიდან ახალი მსურველი ჰყავს

მუდრიკი სავარაუდოდ, კარიერას საფრანგეთის ჩემპიონატში განაგრძობს

15-წლამდე გოგონათა ნაკრები უეფას განვითარების თასზე იასპარეზებს

საქართველო - უკრაინა | ინფორმაცია ბილეთების შესახებ

ბუნდესლიგის დაწყების წინ ლოჩოშვილმა თასის მატჩში ტრავმა მიიღო

ფეხბურთიდან ომამდე: როგორ გადაიქცა შეხვედრა 100-საათიან ომად

"ატლეტიკო" ალვარესის გაყიდვას დათანხმდა, მაგრამ ძალიან ძვირად აფასებს

შენგელია პირველი ტიტულისთვის! დუბაი ევროლიგის სუპერთასზე ითამაშებს

"ალისონმა ვერაფერი გააკეთა, სამაგიეროდ წინდები ეცვა შესანიშნავი" - მედიამ ბრაზილიელს კრიტიკა შეჰბედა

"ნიუკასლის" მწვრთნელს მიაჩნია, რომ მსაჯმა "ლივერპულს" პენალტი აჩუქა

ენეს მაჰმუტოვიჩი ბათუმის "დინამოს" ფეხბურთელია

ფერან ტორესი: მთლად კმაყოფილი არ ვარ

"მანჩესტერ იუნაიტედი" ახალგაზრდა ნახევარმცველის შეძენასთან ახლოსაა

"მანჩესტერ სიტი" როდრის შემცვლელს 100 მილიონ ევროდ შეიძენს